اداکار آغا علی نے اپنے ایک انٹرویو میں کہا ہے کہ مجھے اگر بالی وڈ میں کسی کے ساتھ کام کرنے کا موقع ملے تو میں نورا فتحی کے ساتھ کروں گا وہ مجھے بہت اچھی لگتی ہیں۔ انہوں نے اپنی اور حنا کی شادی کے بارے میں بات کرتے ہوئے کہا کہ ہماری ملاقات ایک سیٹ پر ہوئی تھی ، اور اس کے بعد ہماری دوستی ہو گئی اس کے بعد ہمارا اہک دوسرے کے ساتھ ملنا ملانا ہو گیا ، مجھے حنا پہلی نظر میں ہی بھا گئیں تھیں ، میں نے ان کو کہا کہ میں آپ کے ساتھ شادی کرنا چاہتا ہوں تو انہوں نے فورا ہاں کر دی، نہ والی کوئی بات نظر آ نہیں رہی تھی، شادی کے لئے حنا کو منانا کوئی مشکل نہیں تھا کیونکہ مجھے سمجھ آ گئی تھی کہ وہ بھی مجھے پسند کرتی ہے۔
انہوں نے ایک سوال کے جواب میں کہا کہ ”میں اپنی اہلیہ کے ساتھ گھر کے سارے کام کرتا ہوں” اور بلکہ میں یہ بھی بتانا چاہوں گا کہ ہم نے گھر میں کوئی نوکر نہیں رکھا ہوا ، ہم اپنے سارے کام خود ہی کرتے ہیں۔ آغا علی نے کہا کہ میاں بیوی کو ایک دوسرے کے ساتھ مل کر ہی چلنا چاہیے اور برابر کا کام کرنا چاہیے۔
