Tag: drama

سینئر اداکارہ فرح ندیم نے اپنے حالیہ انٹرویو میں‌کہا ہے کہ میری والدہ مجھ سے بہت محبت کرتی تھیں ، جب تک میری شادی نہیں ہو گئی تھی میں ان کے ساتھ ہی سویا کرتی تھی ، وہ میرے کھانے پینے کا بہت خیال رکھتی تھیں، ان کو پتہ تھا میں کھانے پینے میں بہت کاہل ہوں، وہ مجھے کچن میں‌جانے نہیں دیتی تھیں ، وہ چاہتی تھیں کہ میری توجہ میری پڑھائی پر رہے. میں کبھی بھی کوئی چیز نہیں مانگتی تھی میری والدہ میرا خود ہی خیال کرتی تھیں جو میری پسند کی چیز ہوتی تھی وہ مجھے لا کر دیتی تھیں. میرے بھائی گھر میں‌کھانے کی کوئی چیز نہیں چھوڑتے تھے لہذا ماں میرے لئے کھانا بنا کر چھپا کر رکھتیں تاکہ میں‌کھا لوں.

انہوں نے کہا کہ مجھے بہت افسوس ہے کہ ماں کی آخری رسومات میں‌شریک نہ ہو سکی ، میں امریکہ میں تھی اور نومبر میں‌امریکہ گئی فروری میں‌ان کا انتقال ہوا کورونا کی وجہ سے مجھے فلائٹ نہ مل سکی اور ماں کو دنیا سے جاتی بار نہ دیکھ سکی. وہ یہ بات کرتے ہوئے رو پڑیں اور کہاکہ ”ماں کو آخری وقت پر نہ دیکھ پانا میری زندگی کا سب سے بڑا پچھتاوا ہے،” ماں نے مجھے جاتی بار کہا تھا ہو سکتا ہے جب تم آئو میں‌نہ ہوں. میں‌سمجھ نہ سکی امی کی اس بات کو.

فلموں میں منفی کردار آفر ہوتے رہے سنیتا مارشل کا انکشاف

جو اصل فنکار نہیں ان کو تھیٹر بند ہونے کی تکلیف ہے طاہر انجم

طاہر انجم کی وزیر اعلی پنجاب سید محسن نقوی سےملاقات، تھیٹر ڈرامہ پر گفتگو