ٹی وی کی معروف اداکارہ زباب رانا نے اپنے حالیہ انٹرویو میں کہا ہےکہ مجھے اپنے مداحوں کی جانب سے شادی کی آفرز آتی رہتی ہیں اور جہاں بھی جاتی ہوں یہ سوال ضرور ہوتاہے کہ میں شادی کب کررہی ہوں. انہوں نے کہا کہ مجھے پھول بہت پسند ہیں اور ایک بار میں ایک جگہ شوٹنگ کررہی تھی وہاں میری گاڑی پر کسی مداح نے پھولوں کا گدلستہ رکھ دیا اس گلدستے میںتین سو پھول تھے جو کہ بہت خوبصورت تھے اور ساتھ میںایک نوٹ لکھ کر رکھا کہ آپ جیسی ہیں ویسی ہی رہیے گا ، بالکل نہ بدلیے گا، میںاس مداح سے بہت متاثر ہوئی کیونکہ پھول میری کمزوری ہیں اور میں پھول دینے والے مداح کے ساتھ ملنا چاہتی تھی.
انہوں نے کہاکہ ”میری خوش قسمتی ہے کہ میرے مداح مجھے بہت پسند کرتے ہیں”، اور سب سے اہم بات یہ ہے کہ وہ چاہتےہیں کہ میں ان کو ہمیشہ نظر آتی رہوں. میں آج جو بھی ہوں ان کے پیار اور محبت کی وجہ سے ہوں. میرے مداحوں کی جو میرے لئے دیوانگی ہے اس کے میرے پاس بہت سارے قصے موجود ہیں میں دراصل انجوائے کرتی ہوں اور خدا کا شکر ادا کرتی ہوں کہ مجھے چاہنے والے موجود ہیں.
