معروف اداکارہ زارا نور عباس جو کہ سوشل میڈیا پر کافی متحرک رہتی ہیں اور وہ اکثر سوشل ایشوز پر بھی بات کرتی ہوئی دکھائی دیتی ہیں. اس بار وہ بولی ہیں فلسطین پر ظلم کرنے والوںکے خلاف ، انہوں نے دنیا کو لیا ہے آڑھے ہاتھوں اور کہا کہ آج اگر فلسطین ہے تو کل کو ہم بھی اس ظلم کا شکار ہو سکتے ہیں کوئی اور بھی ظلم کا شکار ہو سکتا ہے. انہوں نے دنیا سے مطالبہ کیا ہے کہ وہ فلسطین کی مدد کریں ، اور اداکار بھی کھل کر فلسطین کے حق میں بیان دیں ان کی مدد کریں . اور یہ بھول جائیں کہ ان کو ہالی وڈ جانا ہے یا بالی وڈ جانا ہے.
انہوں نے وڈیو پیغام میںکہا کہ ”اسرائیلی جارحیت پر دل کانپ پر رہ گیا ہے” فلسطین کے ہسپتالوں پر حملے کئے جا رہے ہیں جو کہ انسانیت کے خلاف ہے دنیا کیوں خاموش تماشائی کا سا کردار ادا کررہی ہے کیوں اسرائیل کو نکیل نہیں ڈالی جا رہی . میں حیران ہوں کہ عالمی طاقتیں اسرائیلی جارحیت پر خاموش ہیں. فلسطین سے جو وڈیوز اور تصاویر سامنے آ رہی ہیں ان کو دیکھ کر دل پھٹ رہا ہے خدارا فلسطین کے لوگوںکو بچائیں.