Tag: Election Comision

ایس ایچ او تھانہ بنی گالہ چئیرمین پی ٹی آئی عمران خان کی رہائش گاہ پہنچ گئے ہیں جبکہ زرائع کے مطابق وکیل کی جانب سے وارنٹ موصول کر لیا گیا ہے واضح رہے کہ اس سے قبل توہین الیکشن کمیشن کیس کے حوالے سے الیکشن کمیشن آف پاکستان نے اسلام آباد پولیس کو کل چئیرمین پی ٹی آئی عمران خان کو گرفتار کر نے کا حکم دیا ہے اور الیکشن کمیشن نے اسلام آباد بنی گالہ کا پتہ اور لاہور زمان پارک کا پتہ درج کرتے ہوئے کہا کہ عمران احمد نیازی کو کل گرفتار کیا جائے.

الیکشن کمیشن نے اسلام آباد پولیس کو کل عمران خان کو گرفتار کر نے کا حکم دے دیا pic.twitter.com/8rhvQ4p299

— Malik Ramzan Isra (@MalikRamzanIsra) July 24, 2023

ایک دستاویز میں کہا گیا ہے کہ کہ عمران احمد نیازی کے ناقابل ضمانت گرفتاری کے وارنٹ جاری کرتے ہیں جبکہ انہیں کل یعنی 25 جولائی دیئے گئے پتہ سے گرفتار کرکے الیکشن کمیشن کے سامنے پیش کیا جائے. تاہم خیال رہے کہ اس سے قبل بھی الیکشن کمیشن آف پاکستان نے توہین الیکشن کمیشن کیس میں سابق وزیر اعظم اور پاکستان تحریک انصاف کے چیئرمین عمران خان ناقابل ضمانت وارنٹ گرفتاری جاری کیئے تھے۔
مزید یہ بھی پڑھیں؛
ڈالر کے مقابلے میں روپے کی قدر میں 0.39 فیصد تنزلی ریکارڈ
اسلامیہ یونیورسٹی بہاولپو رمیں منشیات کی مبینہ خرید و فروخت،انکوائری کمیٹی تشکیل
عمران خان کی بہنوں سمیت تحریک انصاف کے رہنما اشتہاری قرار
جبکہ الیکشن کمیشن آف پاکستان نے چیئرمین پی ٹی آئی عمران خان اور فواد چوہدری کے ناقابل ضمانت وارنٹ جاری کرتے ہوئے توہین الیکشن کمیشن کے اس کیس کی سماعت 25 جولائی تک ملتوی کردی تھی، تاہم یاد رہے کہ 17 مئی کی سماعت میں الیکشن کمیشن نے سابق وزیر اعظم عمران خان کو کمیشن اور اس کے سربراہ کی توہین سے متعلق کیس میں 23 مئی کو ذاتی حیثیت میں طلب بھی کیا تھا، تاہم عمران خان پیش نہیں ہوئے تھے جس پر برہمی کا اظہار کرتے ہوئے الیکشن کمیشن نے انہیں اگلی سماعت پر ذاتی طور پر پیش ہونے کی ہدایت کی تھی۔

ایس ایچ او بنی گالہ چئیرمین پی ٹی آئی کی رہائش گاہ پہنچ گئے،

وکیل کی جانب سے وارنٹ موصول کر لیا گیا ہے، زرائع pic.twitter.com/IYCYfJXuuo

— Muhammad Aalijah Khan (@MuhammadAalija1) July 24, 2023

علاوہ ازیں مئی کی سماعت میں بلوچستان سے الیکشن کمیشن آف پاکستان کے رکن نے کہا تھا کہ عمران خان کو گزشتہ سماعت پر کمیشن کے سامنے پیش ہونے کا آخری موقع دیا گیا تھا لیکن وہ اس کے بعد بھی پیش نہیں ہوئے۔ انہوں نے یاد دلایاتھا کہ عمران خان کو سمن جاری کیا گیا تھا، تو توہین کی کارروائی میں کمیشن کے سامنے پیش نہ ہونے پر پارٹی چیئرمین کے قابل ضمانت وارنٹ گرفتاری جاری کیوں نہ کریں۔