Tag: Facebook

معروف ممکری آرٹسٹ سید شفاعت علی نے اپنے حالیہ انٹرویو میں کہا ہے کہ مجھے جب منی بیک گارنٹی میں ٹرمپ کا کردار آفر کیا گیا تو فیصل قریشی نے اسی میٹنگ میں بتایا کہ فلم میں بہت سارے آرٹسٹ ہیں تو میں نے جب سنا کہ اتنی بڑی سٹار کاسٹ ہے تو مجھے لگا کہ یہ فلم تو کبھی نہیں بننے والی. مجھے جب فلم میں کردار آفر کیا گیا تو ایک سال کی تاخیر کے ساتھ یہ شروع ہوئی تو اس دوران مجھے لگا کہ فلم نہیں بنے گی اتنی بڑی سٹار کاسٹ ہے لیکن ایک سال کے بعد فیصل قریشی کی مجھے کال آئی اور انہوں نے کہا کہ آجائو اب بس شوٹنگ شروع ہو گئی ہے. جب میں

ٹرمپ کا حلیہ بنا کر سیٹ پر پہنچا تو دیکھا میرے ایک طرف وسیم اکرم اور ایک طرف فواد خان تھا ، میرے تو ان کودیکھ کر چھکے چھوٹ گئے. میں فواد خان کی ایکٹنگ دیکھی تو پریشان ہو گیا کہ بھئی یہ تو سب کو کھا جائیگا اور بہترین اداکاری کررہا ہے تو مجھے تو پھر ٹرمپ کے کردار کو پہلے سے بھی زیادہ سنجیدگی سے لینا پڑا . ٹرمپ کا کردار کرنے سے پہلے میں بہت زیادہ پریشر میں تھا سیٹ پر جا کر اداکاروں کی اداکاری دیکھ کر مزید پریشر میں آگیا . لیکن میں نے کر لیا اور لوگوں نے پسند بھی کیا جس کے لئے میں ان کا شکر گزار ہوں.