میاں چنوں: ڈپٹی کمشنر آغا ظہیر عباس شیرازی کی ہدایت پر محکمہ زراعت نے فصلوں کی پیداوار میں اضافہ کے لئے بھرپور آگاہی مہم شرو ع کردی- ڈائریکٹر زراعت توسیع چوہدری شہزاد صابر اور ڈپٹی ڈائریکٹر زراعت رانا مقصود احمد نے چک نمبر 17ایٹ آر اور 6ایٹ آر میں کاشتکاروں سے میٹنگز کرکے انہیں گندم، تیل دار اجناس ، سبزیوں کو پانی دینے اور کھادوں کے استعمال بارے بریفنگ دی- ڈائریکٹر زراعت نے اس موقع پر کہا کہ گندم کی فصل اس وقت نازک دور سے گزر رہی ہے جڑی بوٹیوں کی تلفی کے ساتھ متوازن کھادوں کا بروقت استعمال کیا جائے- انہوں نے کہا کہ گندم کی فی ایکڑ پیداوار میں اضافہ کے لئے محکمہ زراعت کا عملہ فیلڈ میں موجود ہے- کاشتکار دی گئی ہدایات پر عمل کریں-
Tag: farmers
میاں چنوں بینک ملازمین اور کسانوں کے درمیان جھگڑا
میاں چنوں:گزشتہ روز پاکستان کسان اتحاد اور زرعی ترقیاتی بنک ملازمین کے درمیان تلخ کلامی اور جھگڑا ہوا تھا.
جس پر کسانوں نے الزام عائد کیا تھا کہ بنک عملہ کسانوں سے رشوت وصول کرتا ہے. کسانوں نے بنک عملے کی معطلی کیلئے احتجاج کا اعلان کیا تھا.
جس پر اسسٹنٹ کمشنر ذیشان ندیم اور ڈی ایس پی طارق پرویز نے دونوں فریقین کو بلواکر معاملات کی جانچ پڑتال کی اور کسانوں کو یقین دلایا گیا کہ کسانوں سے کسی قسم کوئی رشوت وصول کرنے والوں کے خلاف فوری محکمانہ کاروائی ہوگی
جس پر کسانوں نے اپنا احتجاج ختم کرنے کا اعلان کردیا اور کہا کہ کسانوں کے ساتھ کسی قسم کی زیادتی برداشت نہیں کی جائےگی.
بعدازاں بنک ملازمین دفتر کسان اتحاد آئے جہاں پر دونوں فریقین کے درمیان صلح ہوگئی۔
