Tag: film

ڈرامہ سیریل میرے ہمسفر سے شہرت حاصل کرنے والی نوین وقار نے اپنے حالیہ انٹرویو میں‌کہا ہے کہ میری شادی کب ہو گی کس سے ہو گی اس کے بارے میں اس لئے کچھ کہہ نہیں سکتی ماضی میں ایسا ہو چکا ہےکہ میں نے کسی پر اعتبار کیا اور مجھے دھوکہ ہوا. انہوں نے مزید کہا کہ میرا کسی پر اب یقین کرنا آسان نہیں‌ ہے، بلکہ یوں کہیے کہ میں‌کسی پر اعتبار آسانی سے نہیں کر سکتی. اگر کسی پر تھوڑا بہت اعتبار کرنے کی کوشش کروں گی تو دماغ میں ہر وقت ایسی ہی بات چلتی رہتی ہے کہ پتہ نہیں میں اس بندے پر اعتبار کرکے ٹھیک کررہی ہوں یا نہیں.

نوین وقار نے کہا کہ ”کسی پراعتبار اب مجھے آتا ہی نہیں” ، یہی وجہ ہے کہ میں بہت وقت لیتی ہوں کسی پر اعتبار کرنے میں. جو میرا اعتبار جیتے گا یقینا اسی سے شاید کروں گی لیکن ابھی تک ایسا کوئی ملا نہیں اس لئے کچھ نہیں پتہ کہ کس سے اور کب شادی کروں گی لیکن جس سے بھی اور جب بھی شادی کروں گی سب کو بتا کر ہی کروں گی. انہوں نے کہا کہ دو لوگوں کا ایک ساتھ چلنا یہ زندگی بھر کے فیصلے ہوتے ہیں سوچ سمجھ کر کرنا چاہیے .

ڈرامہ سیریل ہمسفر سے شہرت کی بلندیوں کو چھونے والی اداکارہ نوین وقارنے اپنے حالیہ انٹرویو میں‌کہا ہے کہ لڑکیوں سے ہمیشہ یہ سوال کیا جاتا ہےکہ شادی کیوں نہیں کی، شادی کب کرو گی عمر زیادہ ہوتی جا رہی ہے تم کیا کررہی ہو. لیکن مردوں سے یہ سوال نہیں کیا جاتا ، عجیب بات ہے یہ . نوین وقار نے لڑکیوں سے کہا کہ آپ بالکل پریشان نہ ہوں ، اپنے کیرئیر پر توجہ دیں ، شادی نہیں ہو رہی تو کوئی بات نہیں آپ اپنے خواب پورے کریں جب شادی ہونی ہو گی ہو جائیگی. ایک غلط آدمی کے ساتھ شادی کرکے زندگی برباد کرنے سے بہتر ہے کہ شادی نہ ہی کی جائے.

انہوں نے مزید کہا کہ ”ایک خود مختار عورت جس طرح سے اپنے خواب پورے کر سکتی ہے ویسادوسروں پر انحصار کرنے والی عورت نہیں کر سکتی.” انہوں نے کہا کہ اپنی زندگی اپنی مرضی سے جئیں اور شادی نہ ہونے سے تو بالکل پریشان نہ ہوں ، میں سمجھتی ہوں کہ شادی کے بغیر بھی زندگی گزاری جا سکتی ہے. نوین وقار نے کہا کہ عورتوں سے ہی یہ سوال کیوں کیا جاتا ہے؟ِ مجھے آج تک اس بات کی سمجھ نہیں آسکی . کبھی مردوں سے بھی ایسے سوال کر لیا کریں .

زینب شبیر شادی کب کریں گی؟ اداکارہ نے بتا دیا

بچپن میں نہایت سنجیدہ تھی رابعہ بٹ

اداکارہ صرحا کی عدم دلچسپی،زیادتی کی کوشش کرنیوالا ملزم رہا