اداکارہ و ماڈل ایمان علی نے ایک انٹرویو میں کہا ہے مجھے بول فلم میں پہلے زینب کا کردار آفر ہوا تھا جبکہ میں نے مینا کماری کا کردار قبول کیا تھا. اب زینب کے کردار کےلئے ایک لڑکی چاہیے تھی لہذا میں نے حمائمہ ملک کا نام دیا جس کے بعد ان کو کاسٹ کیا گیا. انہوں نے کہا کہ ”بول فلم ایک بہترین فلم تھی ، یہ فلم میرے دل کے ہمیشہ قریب رہے گی”. انہوں نے کہا کہ میں نے بہت سارے آرٹسٹوں کے ساتھ کام کیا ہے لیکن فرحان سعید کو بہت اچھا ساتھی فنکار پایا ہے.
انہوں نے یہ بھی کہا کہ ”شعیب منصور ایک منجھے ہوئے ڈائریکٹر ہیں ان کے ساتھ کام کرنا ہر کسی کی خواہش ہوتی ہے لیکن میری خوش بختی ہے کہ میں ان کے ساتھ کام کر چکی ہوں”. یاد رہے کہ گزشتہ برس ایمان علی کی فلم ٹچ بٹن ریلیز ہوئی تھی فلم باکس آفس پر بہت اچھا بزنس نہیں کر سکی تھی. تاہم ایمان علی پر جوش ہیں ان کا کہنا ہے کہ مجھے جب بھی جو کردار اچھا ملا میں کروں گی. انہوں نے کہنا ہے کہ مجھے مداحوں نے ہمیشہ بہت محبت دی ہے ان کی محبت مجھ پر قرض ہے جس کو میں اچھا کام کرکے اتارنے کی کوشش کرتی ہوں.
