Tag: Full movies hd

مدیحہ شاہ نے 11 پائونڈ وزن کم کر لیا اور وہ بھی ایک ماہ میں
سینئر اداکارہ مدیحہ شاہ نے اپنا وزن 11 پائونڈ تک کم کر لیا ہے اور ایسا انہوں نے صرف ایک ماہ میں کیا ہے.مدیحہ شاہ نے اپنی اس کامیابی پر خوشی کا اظہار کرتے ہوئے کہا ہے کہ میرا وزن کادفی زیادہ ہو رہا تھا میں نے سوچا کہ کیوں نا خود پر توجہ دی جائے اور جم جوائن کیا جائے. میں نے جم جوائن کر لیا ایکسرسائز کی اور واک کی ، مناسب کھانا کھایا ، اور میں خود حیران ہوں کہ میں نے صرف ایک ماہ میں 11 پائونڈ وزن کم کر لیا ہے.مدیحہ شاہ نے کہا ہےکہ میں تو ہر عورت کو مشورہ دوں گی کہ خود پر توجہ دیں، اور ہو سکے تو جم جوائن کریں گھریلو کام
ہوتے رہتے ہیں خود کی صحت کو نظر انداز نہ کریں جم جوائن کرنا یقینا صحت پر توجہ دینا ہے. انہوں نے کہا کہ شادی کے بعد بہت ساری لڑکیاں خود کو گھر کے کاموں تک محدود کرلیتی ہیں ایسا نہیں‌ہونا چاہیے ٹھیک ہے گھر داری بھی کریں آفس بھی جائیں لیکن خود پر توجہ دینے میں غفلت نہ کریں. یاد رہے کہ مدیحہ شاہ کی حال ہی میں فلم رنگ عشق دا ریلیز ہوئی اس فلم کے زریعے انہوں نے کافی برسوں کے بعد شوبز میں واپسی کی.
مارچ 5, 2023
سپر پنجابی اب عید الفطر پر ریلیز ہو گی
افتخار ٹھاکر اور صفدر ملک کی فلم سپر پنجابی جو کہ پہلے رواں ماں تین تاریخ کو ریلیز کی جانی تھی اس کی ریلیز اب عید الفطر پر ہوگی . چند روز قبل افتخار ٹھاکر اور صفدر ملک نے ایک پریس کانفرنس کرکے کہا تھا کہ ہم تین مارچ کو فلم اس لئے ریلیز نہیں کررہے کیونکہ پی ایس ایل چل رہا ہے لوگوں کا دھیان پی ایس ایل کے میچز کی طرف ہوگا جس کی وجہ سے ہماری فلم نظر انداز ہونے کا خدشہ ہے. تاہم اب فلم کی ریلیز کی نئی تاریخ سامنے آگئی ہے اور اب عید الفطر پر یہ فلم شائقین دیکھ سکیں گے. عید پر سپر پنجابی کے ساتھ منی بیک گارنٹی اور ہوئے تم اجنبی بھی ریلیز ہو رہی ہیں. دیکھنا یہ ہے کہ بڑے بجٹ کی ان دو فلموں میں سپر پنجابی کیسا بزنس کرتی ہے. سپر پنجابی کو
ابو علیحہ نے ڈائریکٹ کیا ہے اور صائمہ بلوچ اور محسن عباس حیدر نے مرکزی کردار کئے ہیں. ابو علیحہ کا دعوی ہے کہ فلم جدید سینما کی بنیاد رکھے گی اور اس میں وہ سب ہے جو شائقین دیکھنا چاہتے ہیں. دوسری طرف افتخار ٹھاکر کا کہنا ہے کہ ہم نے فلم کا سکرپٹ بہت سوچ سمجھ کر اور شائقین کی پسند نہ پسند کو مد نظر کر لکھا ہے.
مارچ 5, 2023
ہوئے تم اجنبی کا میوزک لانچ کر دیا گیا
کامران شاہد کی فلم ہوئے تم اجنبی جو کہ عید الفطر پر سینما گھروں کی زینت بننے جا رہی ہے اس کا میوزک کراچی میں لانچ کر دیا گیا ہے. فلم میں نو گیت ہیں اور کامران شاہد کا دعوی ہے کہ تمام گیت شائقین کو بے حد پسند آئیں گے. میوزک لانچ میں فلم کی کاسٹ سے سہیل احمد‘ علی خان‘ شمعون عباسی‘ محمود اسلم، فیصل قریشی اور میکال ذوالفقار بھی موجود تھے جبکہ اینکر پرسن کامران خان ، سیاستدان خوشبخت شجاعت ، فیصل واوڈا ، فیصل قریشی سمیت دیگر نے شرکت کی. فلم کا ٹائٹل سانگ ہوئے تم اجنبی پیش کیا گیا ، اس کے علاوہ بین الاقوامی شہرت یافتہ بانسری کے ماہر اور میوزک کمپوزر باقر عباس کے کمپوز کردہ اس گانے کو علی ظفر نے اپنی سریلی آواز میں پیش
کیا۔ ٹائٹل گانے کی ویڈیو کے بعد 13 منٹ کی فلم بھی دکھائی گئی جو کہ پوری فلم کے مختلف سینز پر مبنی تھی. فلم میں عابدہ پروین‘ باقر عباس‘ ساحر علی بگا‘ نجات اور نوید ناشاد نے اپنی آواز کا جادو جگایا ہے.یاد رہے کہ ہوئے تم اجنبی کا سکرپٹ خود کامران شاہد نے لکھا ہے جبکہ ڈائریکشن بھی انکی خود کی ہے. اس فلم میں کامران شاہد کے والد فلمسٹار شاہد نے بھی ایک اہم کردار ادا کیا ہے. مرکزی کرداروں میں میکال ذوالفقار اور سعدیہ خان نظر آئیں گے.
مارچ 5, 2023
صاحبہ کے نزدیک پاکستان کے نمبر ہیرو ہیروئین کون ہیں ؟‌
نوے کی دہائی کی سپر ہٹ اداکارہ صاحبہ اور ان کے شوہر ریمبو نے حال ہی میں ایک انٹرویو دیا ہے اس میں ان سے جہاں مختلف سوال ہوئے ایک یہ بھی سوال ہوا کہ پاکستان کے بہترین اداکار کون ہیں‌، تو صاحبہ نے کہا کہ ماہرہ خان پاکستان کی نمبر ون اداکارہ ہیں انہوں نے جتنی شہرت حاصل کی ہے وہ کسی کا صرف خواب ہی ہو سکتی ہے انہوں نے پاکستان کی نمائندگی دنیا بھر میں کی ہے. ان کے کریڈٹ پر لازوال پراجیکٹس ہیں لوگ انہیں چاہتے ہیں پسند کرتے ہیں انہیں دیکھنا چاہتے ہیں تو کیوں نہ انہیں پاکستان کی نمبر ون ہیروئین کہا جائے. انہوں نے مزید یہ بھی کہا کہ فیروز خان پاکستان کے نمبر ون ہیرو ہیں انہوں نے ابھی تک جتنا بھی کام کیا ہے وہ کافی متاثر کن ہے. انہوں
نے بھی ثابت کیا ہے کہ وہ پاکستان کے بہترین اداکار ہونے کے ساتھ نمبر ون اداکار ہیں ، میں نے جب کبھی بھی ان کا کام دیکھا ہے بہت متاثر ہوئی ہوں .یاد رہے کہ ریمبو اور صاحبہ نے نوے کی دہائی میں ایک ساتھ کیرئیر کا آغاز کیا اس کے بعد انہوں نے شادی کر لی اور ان کے دو بیٹے ہیں جو دونوں‌ بہت جلد شوبز کیرئیر شروع کرنے جا رہے ہیں.
مارچ 5, 2023
میں اب ٹھیک ہوں سشمیتا سین نے مداحوں کا شکریہ ادا کیا
مس یونیورس کا خطاب پانے والی سشمیتا سین کو گزشتہ دنوں دل کا دورہ پڑا ، انہیں فوری طورپر ہسپتال منتقل کیا گیا اطلاعات یہ ہیں کہ ان کو دل کا دورہ پڑنے کے بعد انجیو پلاسٹی کرکے سٹنٹ ڈال دیا ہے اور ان کی طبیعت میں کافی بہتری آچکی ہے. اس ھوالے سے سشمیتا سین نے سوشل میڈیا پر ایک پوسٹ شئیر کرکے لکھا ہے کہ میں اب ٹھیک ہوں‌میری طبیعت میں بہتری آرہی ہے، دل کا دورہ پڑنے کے بعد ڈاکٹروں نے انجیوپلاسٹی کرکے سٹنٹ ڈال دیا ہے ، انہوں نے یہ بھی لکھا کہ ڈاکٹروں نے بتایا ہے کہ میرا دل بہت بڑا ہے. میں ان سب کا شکریہ ادا کرتی ہوں
جنہوں نے میرے لئے دعائیں کیں میرے لئے پریشان ہوئے. میں سب سے یہی کہوں گی کہ اپنا خیال رکھیں اور خوش رہنا سیکھیں . انہوں نے یہ بھی لکھا کہ میں اب ایک بار پھر سے اچھی زندگی گزارنے کے لئے تیار ہوں. یاد رہے کہ سشمیتا سین کو چند روز قبل دل کا دورہ پڑا تھا جس کے بعد سوشل میڈیا پر ان کے مداحوں نے صحتیابی کی دعائیں کیں. سشمیتا سین اکثر سوشل میڈیا پر اپنے افئیرز کی وجہ سے چرچا میں رہتی ہیں لیکن اس بار وہ اپنی طبیعت کی خرابی کی وجہ سے سوشل میڈیا پر چرچا میں رہیں.
مارچ 5, 2023
ارشد وارثی اور ماریہ پر ہیرا پھیری کا الزام ، پیسے ضبط کر لئے گئے
بالی وڈ اداکار ارشد وارثی اور ان کی اہلیہ ماریہ پھنس گئے ہیں ایک مشکل میں ان پر پیسوں کی ہیرا پھیری کرنے کا الزام لگا ہے. تفصیلات کے مطابق سکیورٹیز اینڈ ایکسچینج بورڈ آف انڈیا نے ارشد وارثی اور ان کی اہلیہ ماریہ گوریٹی سمیت 45 افراد پر شیئر پرائس میں مبینہ ہیرا پھیری کے الزام میں سکیورٹیز مارکیٹ کی سرگرمیوں میں حصہ لینے پر پابندی عائد کردی گئی۔انہوں نے سادھنا براڈ کاسٹ اور شارپ لائن براڈکاسٹ پر اپنے یوٹیوب چینلز پر گمراہ کن معلومات پر مبنی ویڈیوز کے ذریعے غیرمعمولی منافع کا جھانسہ دیکر لوگوں کو اپنے شیئرز خریدنے پر آمادہ کرنے کی کوششوں کا الزام تھا۔ (سکیورٹیز اینڈ ایکسچینج بورڈ آف انڈیا) سیبی کی جانب سے موصول ہونے والی شکایات پر تحقیقات کرنے کے بعد شیئر پرائس میں ہیراپھیری کے الزام میں ارشد وارثی اور ان کی اہلیہ سمیت 45 افراد پر پابندی کا فیصلہ کیا گیا۔ پابندی کے علاوہ سیبی نے متعلقہ افراد کی جانب سے گمراہ کن معلومات پر مبنی
ویڈیوز کے ذریعے غیر قانونی طریقے سے کمائے گئے 54 کروڑ بھارتی روپے بھی ضبط کر لیے۔سیبی کی جانب سے ضبط کی گئی رقم میں ارشد وارثی کے 29.43 لاکھ جبکہ ان کی اہلیہ کے 37.56 لاکھ بھارتی روپے بھی ضبط کرلیے گئے۔ ارشد وارثی اور ماریہ کو اس سارے قصے کے بعد ہے سوشل میڈیا پر کافی تنقید کا سامنا. ارشد وارثی کے بائیکاٹ کرنے کا مطالبہ بھی کیا جا رہا ہے.
مارچ 5, 2023
سلمان خان کی نئی فلم کا گیت بلی بلی ریلیز
بالی وڈ کے دبنگ سلمان خان کی فلم کسی کا بھائی کسی کی جان جو کہ عید الفطر کے موقع پر ریلیز ہونے جا رہی ہے. اس فلم سے بہت سارے نئے فنکار اپنے کیرئیر کا آغاز کررہے ہیں جن میں شہناز گل اور پلک تیواری کا نام قابل زکر ہے. اس فلم کا گیت بلی بلی ریلیز کر دیا گیا ہے ، سلمان خان اس گانے کی وڈیو میں ڈانس کرتے ہوئے دکھائی دے رہے ہیں اور کافی خوبصورت بھی لگ رہے ہیں اس گانے میں ان کے ساتھ پوجا ہیگڑے ، شہناز گل اور پلک تیواری بھی نظر آرہی ہیںً. سلمان خان نے فلم کے گانے کو ریلیز کرنے کےلئے اپنے انسٹاگرام کا سہارا لیا. بلی گیت
کو کمار نے لکھا ہے اور گلوکار سکھبیر نے اسے گایا ہے . کسی کا بھائی کسی کی جان کی ڈائریکشن فرہاد سمجی نے دی ہے۔ امید کی جا رہی ہے کہ سلمان خان کی یہ فلم باکس آفس پر رنگ جمائے گی. سال کے شروع میں شاہ رخ خان کی فلم پٹھان نے کامیابی کے جھنڈے گاڑھے ہیں دیکھنا یہ ہے کہ سلمان خان کی فلم کسی کا بھائی کسی کی جان باکس آفس پر شائقین کو اپنے سحر میں جکڑنے میں کامیاب ہوتی ہے یا نہیں.
مارچ 5, 2023
شرمیلا ٹیگور کی 13 سال کے بعد بڑی سکرین پر واپسی
بالی وڈ کی خوبصورت اور باصلاحیت اداکارہ شرمیلا ٹیگور کی ایک بار پھر ہو رہی ہے بڑی سکرین پر واپسی. شرمیلا فلم گل مہرمیں نظر آئیں گی ، 13 سال کے بعد ان کا یہ پہلا پراجیکٹ ہے جس کے لئے وہ کافی پرجوش ہیں. شرمیلا ٹیگور نے اس حوالے سے کہا ہے کہ میں کافی خوش ہوں اور بڑی سکرین پر واپسی کرنے کےلئے پرجوش ہیں مجھے بہت امید ہے کہ میرے مداح اس بار بھی مجھے سراہیں گے. شرمیلا ٹیگور نے کہا کہ مجھے کافی سال سے کام کی مسلس آفرز تھیں لیکن کوئی بھی پراجیکٹ دل کو نہیں‌لگا اس لئے ہاں نہیں‌کی ، گل مہر ایک الگ موضوع پر بننے والی فلم ہے اسکی کہانی اور اپنا کردار سنا تع اچھا لگا لہذا میں‌ نے ہاں کردی. اسی برس اس فلم کی
شوٹنگ شروع ہوجائیگی. یاد رہے کہ شرمیلا ٹیگور ساٹھ کی دہائی کی سپر ہٹ اداکارہ ہیں ان کی جوڑی ویسے تو اپنے وقتوں کے تمام ہیروز کے ساتھ بہت پسند کی گئی لیکن راجیش کھنہ کے ساتھ ان کی جوڑی کو آج بھی سراہا جاتا ہے. دونوں نے ایک ساتھ سپر ہٹ فلمیں دیں ان کی فلموں کے ڈائیلاگز زاور گیت آج بھی مقبول ہیں. شرمیلا کی حقیقت کے قریب اداکاری نے ہمیشہ ی شائقین کا دل جیتا ہے.
مارچ 5, 2023
رنبیر کپور کس بات پر ہیں پریشان؟‌
بالی وڈ اداکار رنبیر کپور جن کی گزشتہ برس عالیہ بھٹ کے ساتھ اپریل میں شادی ہوئی ، ان کی ایک بیٹی بھی ہے جس کا نام ہے راحا، راحا کے حوالے سے رنبیر کپور نے کر دیا ہے ایک خدشے کا اظہار. رنبیر کپور نے حال ہی میں کہا ہےکہ جب سے میری بیٹی پیدا ہوئی ہے مجھے ایک فلم کے لئے اپنی داڑھی بڑھانا پڑی، راحا مجھے اسی حلیے میں‌ پہچانتی ہے ، میں یہ سوچ کر خوفزدہ ہو جاتا ہوں کہ اگر میں نے داڑھی اتار لی تو پتہ نہیں وہ مجھے پہچان پائے گی یا نہیں ، وہ جب سے پیدا ہوئی ہے مجھے داڑھی میں ہی دیکھ رہی ہے. رنبیر کپور سے سوال ہوا کہ آپ نے
اتنی زیادہ داڑھی بڑھائی ہوئی ہے جب اسکو اٹھا کر پیار کرتے ہیں تو اسے داڑھی نہیں چبھتی؟ اس پر رنبیر کپور نے کہا کہ یقینا ایسا ہوتا ہے لیکن کیا کروں فلم کے ایک کردار کے لئے ایسا کیا ہے لیکن بہت جلد میں داڑھی کاٹ‌لوں گا. یاد رہے کہ رنبیر کپور اپنی بیٹی کی پیدائش اور اپنی شادی کو اپنی زندگی کا یادگار ترین لمحہ کہتے ہیں وہ اپنی اہلیہ عالیہ اور بیٹی راحا سے ٹوٹ‌کر محبت کرتے ہیں.
مارچ 5, 2023
سیف علی خان کیا بننا چاہتے تھے شرمیلا ٹیگور نے بتا دیا
بالی وڈ کی خوبصورت اداکارہ شرمیلا ٹیگور نے اپنے حالیہ انٹرویو میں کہا ہےکہ میرے بیٹے سیف علی خان کو بچپن میں ہاکی پلئیر بننے کا بہت شوق تھا ،اس سے جب بھی کوئی پوچھا کرتا تھا کہ پلئیر بنو گے یا اداکارتو وہ یہی کہا کرتا تھا کہ میں ہاکی پلئیر بنوں گا لیکن دیکھیں وہ بڑا ہو کر اداکار بن گیا. شرمیلا نے مزید یہ بھی کہا کہ جس طرح سے اب سیف کے بچوں کو میڈیا کی توجہ ملتی ہے اسی طرح سے سیف علی خان کو بھی میڈیا کی بہت توجہ ملا کرتی تھی. سیف میڈیا سے گھبراتا تھا اور پریشان ہوجایا کرتا تھا ، سیف کی طرح اس کے بیٹے جہانگیر اور تیمور بھی میڈیا سے پریشان ہوجاتے ہیں. انہوں نے کہا کہ سیف علی خان کے تو اکثر لوگ گال کھینچا کرتے تھے اور
پوچھا کرتے تھے کیسے ہو اور کیا بنو گے بڑے ہو کر. سیف کی جب کوئی گال کھینچتا تھا وہ بہت برا مناتا تھا. شرمیلا نے کہا کہ میرے پوتے پوتیاں سب بہت پیارے ہیں اور مجھے ان کو دیکھ کر بہت زیادہ خوشی ہوتی ہے مجھے امید ہے کہ یہ سب بھی خاندان کا نام روشن کریں گے. شرمیلا ٹیگور نے کہا کہ ہمارے وقتوں میں زرا کام کا ماحول مختلف تھا آج کام کے تقاضے تبدیل ہو چکے ہیں اور میں تو تبدیلی کو قبول کرنے کے حق میں ہوں.
مارچ 5, 2023