Baaghi TV

Tag: Full movies hd

  • منیب بٹ کا مردوں کو ایک مشورہ

    منیب بٹ کا مردوں کو ایک مشورہ

    منیب بٹ اور ایمن خان نے دونوں نے حال ہی میں ایک وڈیو بنائی ہے اس میں انہوں‌نے ایک کمرشل کا زکر کرتے ہوئے کہا ہے کہ ہمیں کمرشل دیکھ کر بہت اچھا لگا کیونکہ اس کمرشل میں گھر داری کو دکھایا گیا ہے اور بتایا گیا ہے کہ مردوں کو چاہیے کہ عورتوں کی گھر کے کاموں میں مدد کریں. ایمن نے کہا کہ گھر میں‌کوئی ڈنر ہو یا دعوت اس میں خواتین کچن میں‌لگی ہوتی ہیں وہ نہ دعوت کو انجوائے کرپاتی ہیں اور نہ ہی ڈنر کو. تو مردوں کو چاہیے کہ وہ عورتوں‌کی مدد کریں گھر کے کام کرنا صرف عورت کی زمہ داری نہیں‌ہے بلکہ مردوں‌کو بھی اس میں اپنا حصہ

    ڈالنا چاہیے. منیب بٹ نے کہا کہ عورتوں کا بھی حق ہے کہ وہ دعوت ڈنر کو انجوائے کریں‌، مرد اس میں ان کے کاموں‌میں‌مدد کر دیں تو ان کا بھی بوجھ ہلکا ہو سکتا ہے اور وہ بھی گھر میں ہونے والی پارٹیز کو انجوائے کر سکتی ہیں. ایمن نے کہا کہ میں اور منیب گھر میں مل کر کام کرتے ہیں اور ہمارے دوستوں‌نے آنا ہو یا فیملی نے ہم دونوں مل کر انتظامات کرتے ہیں. منیب نے کہا کہ مرد اپنی مائوں بہنوں بیٹیوں کی کچن کی ذمہ داریوں‌کو اگر بانٹ لیا کریں‌تو خواتین کے لئے بھی آسانی ہو جاتی ہے .

  • اور جب نسیم وکی کی والدہ نے نبیل ظفر کو کراری جگت لگائی

    اور جب نسیم وکی کی والدہ نے نبیل ظفر کو کراری جگت لگائی

    اداکار نبیل ظفر نے اپنے ایک انٹرویو میں بتایا ہے کہ میں ایک بار نسیم وکی کے گھر گیا ملاقات نہ ہو سکی ، تو نسیم وکی کی والدہ نے نسیم سے کہا کہ آج تمہارا ایک دوست آیا تھا ، ان کو میرا نام لینا نہیں آرہا تھا یا میرا نام وہ بھول رہی تھیں ، نسیم وکی نے کہا کہ امی جی کونسا دوست تو انہوں نے کہا کہ وہی جندرے کے منہ والا ، یعنی تالے کے منہ والا . نبیل نے کہا کہ میرا نسیم وکی اور ان کی والدہ کے ساتھ بہت پیار تھا. اسی بات سے بات کرتے ہوئے انہوں نے کہا کہ لاہوریوں کی جگتوں کا کوئی ثانی نہیں‌. اور لاہور ٹریننگ کے حوالے سے بہت آگے ہے یہاں رہنے والا دنیا میں‌کہیں بھی مار نہیں کھاتا. انہوں نے مزید کہا کہ میری زندگی پر اگر کوئی فلم بنے تو اسکا نام ہو گا ندیم سے نبیل تک کا سفر. اس میں ، میں خود

    ہی مرکزی کردار کروں گا. نبیل نے مزید کہا کہ میں اپنی اہلیہ کو بہت تحفے دیتا ہوں میں اس چیز پر بہت یقین رکھتا ہوں‌کہ تحفے دینے سے محبت بڑھتی ہے. نبیل نے ایک سوال کے جواب میں کہا کہ مجھے بچپن میں بہت مار پڑتی تھی کیونکہ میں بہت شرارتی ہوا کرتا تھا. گلی ڈنڈا ، قنچے ، اور کرکٹ‌کھیلا کرتا تھا میری جب بھی باری آتی تھی بیٹنگ کی میری امی بھی گھر سے ڈناڈا لیکر چل پڑتی تھی. یوں میرا بچپن بہت یادگار گزرا.

  • افتخار ٹھاکر کی ڈگری پر نیویارک اکیڈمی نے سوالات کیوں اٹھائے؟‌

    افتخار ٹھاکر کی ڈگری پر نیویارک اکیڈمی نے سوالات کیوں اٹھائے؟‌

    معروف کامیڈین افتخار ٹھاکر کہتے ہیں کہ کیرئیر کے آغاز کی بات ہے کہ میں ایک ڈرامہ کرنے کے لئے امریکہ گیا ، وہاں میرا جھگڑا کسی بندے سے ہو گیا وہ بہت طاقتور تھا ، ڈرامہ ختم ہو گیا پاکستان واپس جانے کا وقت آگیا ، میں‌نے محسوس کیا کہ یہ بندہ تو بہت طاقتور ہے شوبز حلقوں میں اسکا بڑا نام ہے او یہ مجھے کسی صورت وہاں کام نہیں‌کرنے دے گا. میں نے اپنے ایک دوست کے ساتھ بات کی اس نے کہا کہ تم کچھ عرصہ یہیں رہو،جب اسکا غصہ ٹھنڈا ہوجائیگا تب واپس چلے جانا. مجھے اسکا مشورہ سمجھ میں آیا لہذا میں نے نیویارک میں‌قیام کیا ، میں نے بی اے کر رکھا تھا ، اپنی ڈگریاں پاکستان سے منگوائیں لیکر نیویارک اکیڈمی چلا گیا ، کہ کچھ پڑھ لوں ، انہوں نے کہا کہ یہ پاکستان کا بی اے ہے

    ہمارے لئے میٹرک ہے ، میں بہت پریشان ہوا ہمت نہ ہاری اور دوبارہ سے پڑھائی کی ڈگری لی، سوا تین سال وہاں رہا، وہاں مجھے اچھی نوکری مل گئی ، پانچ لاکھ مہینہ اور ایک گاڑی تھی میرے پاس ، لیکن میں نے پاکستان واپس جانے کا فیصلہ کیا تومیری کمپنی والے حیران ہوئے بولے کیوں جا رہے تو میں‌نے کہا کہ میرا مشن تھا پڑھنا وہ میں نے پڑھ لیا اب میں اپنے ملک واپس جائونگا مجھے واپس آکر افتخار ٹھاکر بننا تھا لہذا میں واپس آیا اور ویسے بھی اس ملک نے مجھے عزت دی تھی میں کیسے اسکو چھوڑ‌سکتا تھا.

  • سجل علی نے شئیر کیا تکلیف دہ وقت سے گزرنے کا تجربہ

    سجل علی نے شئیر کیا تکلیف دہ وقت سے گزرنے کا تجربہ

    باصلاحیت اداکارہ سجل علی جو ایک بڑی فین فالونگ رکھتی ہیں ، انہوں نے اداکار احد رضا میر کے ساتھ شادی کی ، شروع میں تو ان کی شادی کافی اچھی چلتی رہی لیکن بعد ازاں ان کے رشتے میں دراڑیں پڑنا شروع ہو گئیں اور انجام انکی علیحدگی کی صورت میں نکلا. دونوں نے گوکہ آج تک اپنی طلاق کی خبروں‌کی تصدیق یا تردید نہیں‌ کی لیکن دونوں ایک دوسرے سےالگ رہتے ہیں. سجل علی نے حال ہی میں کہا ہے کہ انسان اپنی زندگی میں‌ تکلیفوں سے بھی گزرتا ہے اس وقت مایوسی اس پر حاوی ہوتی ہے لیکن اللہ وقت کے ساتھ ساتھ انسان کو صبر اور حوصلہ دے دیتا ہے اسکی توقعات سے بھی زیادہ حوصلہ دیتا ہے. انہوں نے یہ کہا اس بات پر یقین مجھے زندگی میں آگے بڑھنے کا حوصلہ دیتا ہے.

    یاد رہے کہ سجل علی آج کل ڈرامہ سیریل ان کہی میں‌نظر آرہی ہیں، اس میں ان کا کردار مختلف نظر آرہا ہے ، اس میں ان کو بلال عباس کے ساتھ دیکھا جا سکتا ہے ، بلال عباس کےساتھ سجل علی کی آن سکرین جوڑی کو کافی سراہا جاتا ہے . ان کے پہلے بھی ایک ساتھ پراجیکٹس آچکے ہیں جن میں رنگریزہ قابل زکر ہے دونوں نے فلم کھیل کھیل میں ، بھی کام کیا اور شائقین کی داد سمیٹی.

  • بگ باس کون جیتے گا؟ ساجد خان نے بتا دیا

    بگ باس کون جیتے گا؟ ساجد خان نے بتا دیا

    معروف فلم میکر ساجد خان جو کہ بگ باس 16 میں بطور کنٹسیٹنٹ‌ شریک ہوئے انہوں نے بگ باس میں اچھا کھیلا لیکن جیسے ہی بگ باس کا چار ہفتے کا دورانیہ بڑھایا گیا تو ساجد خان کو شو چھوڑنا پڑا کیونکہ ساجد خان نے شوٹنگ کے لئے کسی کو ڈیٹس دے رکھی تھیں. ان کے ساتھ گھر سے عبداللہ جنہیں‌ بگ باس میں عبدو بھی کہا جاتا تھا انہوں نے بھی بگ باس کا گھر انہی وجوہات کی بناء پر چھوڑ‌دیا. ساجد خان جب سے گھر سے باہر گئے ہیں ان سے انٹرویوز ہو رہے ہیں وہ کسی بھی ایونٹ میں‌جاتے ہیں ان کو میڈیا گھیر لیتا ہے. حال ہی میں انہوں نے ایک ایونٹ میں شرکت کی ان سے جب پوچھا گیا کہ بگ باس میں جانے کا تجربہ کیسا رہا تو انہوں‌نے کہا کہ میرا وہاں کا تجربہ بہت اچھا رہا بہت کچھ مشاہدہ کیا اور سیکھنے کا موقع بھی ملا. ایک سوال

    کے جواب میں انہوں نے کہا کہ میں سمجھتا ہوں کہ بگ باس کے تمام شرکاء ہی بہت اچھے اور پاپولر ہیں لیکن مجھے جو لگتا ہے اس حساب سے شیو ٹھاکرے بگ باس 16 جیتیں گے. انہوں نے کہا کہ باقی جنتا فیصلہ کریگی کہ کس کو بگ باس جیتنا چاہیے. یاد رہے کہ ساجد خان پر جنسی ہراسانی جیسے الزامات ہیں انہیں بگ باس سے نکالے جانے کا مطالبہ بھی کیا جاتا رہا لیکن بگ باس کی انتظامیہ نے ایسا نہ کیا.

  • میشا شفیع فیروز خان کے مقابلے میں‌ فرحان، یاسر ، ثروت د دیگر کے ساتھ کھڑی ہو گئیں

    میشا شفیع فیروز خان کے مقابلے میں‌ فرحان، یاسر ، ثروت د دیگر کے ساتھ کھڑی ہو گئیں

    جیسا کہ کل سےاداکار فیروز خان اپنے ساتھی فنکاروں‌کو ہتک عزت کا نوٹس بھیج چکے ہیں اور ان سے 15 دن کے اندر تحریری معافی کا مطالبہ بھی کیا ہے اس کے بعد فیروز خان کی اس حرکت پر ان کو شدید تنقید کا سامنا ہے، اداکارہ ثروت گیلانی کےشوہر فہد مرزا نے فیروز خان کو نہ صرف بے وقوف کہا بلکہ کہا کہ اب تو محسوس ہوتا ہے کہ جیسے علیزے سچی تھی . فہد کے بعد اب میدان میں آ گئی ہیں اداکارہ و گلوکارہ میشا شفیع انہوں نے کہا ہے کہ میں ہتک عزت جیسے کیس کی تکلیف کو اچھی طرح‌سمجھتی ہوں ، میں ان سب کو جو اس گھٹیا کیس پر پریشان ہو رہے

    ہیں ، وہ پریشان نہ ہوں اس کیس میں‌ فیروز خان سب کچھ ہارنے جا رہے ہیں، ان کے ہاتھ کچھ بھی نہیں آئیگا . میری آپ سب کے ساتھ ہمدردیاں ہیں خصوصی طور پر علیزے سلطان جو کہ فیروز خان کی سابقہ اہلیہ ہیں ان کے ساتھ ہیں. یوں میشا شفیع نے لے لیا آڑھے ہاتھوں فیروز خان کو فنکاروں کو لیگل نوٹس بھیجنے پر اور ساتھ ہی کہہ دیا کہ فنکار بالکل بھی پریشان نہ ہوں فیروز خان کو آخر میں شکست کا سامنا کرنا پڑے گا.

  • اقراء عزیز اور یاسر کا انڈین گانے پر رقص

    اقراء عزیز اور یاسر کا انڈین گانے پر رقص

    اقراء عزیز اور یاسر حسین شوبز کی سب سے زیادہ پسند کی جانے والی جوڑیوں میں سے ہیں. حقیقی زندگی کی یہ جوڑی سکرین پر ایک ساتھ بہت کم دیکھنے کو ملی ہے .دونوں نے ایک ساتھ ڈرامہ سیریل جھوٹی میں کام کیا تھا. دونوں کو آن سکرین ایک ساتھ کافی پسند کیا گیا. اقراء اور یاسر دونوں ہی کافی بلنٹ ہیں ، ان کے دل میں جوتا ہے بول دیتے ہیں اور کسی سے بھی ڈرتے نہیں. اقراء اور یاسر نہاہت ہی خوشگوار اذدواجی زندگی بسر کررہے ہیں. ھال ہی میں دونوں کو ایک شادی کی تقریب میں ڈانس کرتے دیکھا گیا. اقراء اور یاسر نے ہرتیک روشن اور پریتی زنٹا کے گانے بھمرو پر ڈانس کیا، ان کے ڈانس کی وڈیو سوشل میڈیا پروائرل ہو رہی ہے. اقراء اور یاسر نے نہایت ہی پرفیکٹ انداز میں ڈانس کیا ہے جس کو ان دونوں کے مداح دیکھ کرکافی محظوظ ہو رہے ہیں.

    یاد رہےکہ یاسر اور اقراء کی ایک بیٹی ہے ،اقراء نے بیٹی کی پیدائش کے بعد پھر سے کام شروع کر دیا ہے گو کہ ابھی تک وہ کسی ڈرامہ میں نظر نہیں آئیں لیکن آن سیٹ ان کے کافی پراجیکٹس ہیں ان کے مداح ان کے پراجیکٹس کے منتظر رہتے ہیں دوسری طرف یاسر حسین جاوید اقبال پارٹ ٹو میں بھی کام کررہے ہیں.

  • لاہور سمیت دیگر شہروں میں کیسا رہے گا آج موسم؟

    لاہور سمیت دیگر شہروں میں کیسا رہے گا آج موسم؟

    ملک کے بیشتر علاقوں میں موسم سرد اور خشک رہے گا،

    محکمہ موسمیات کے مطابق بلوچستان کے بیشتر شہروں میں بارش اور برفباری کا امکان ہے اسلام آباد میں موسم سرد ،خشک اورمطلع جزوی ابرآلود رہنے کا امکان ہے،کوئٹہ، مستونگ، ژوب، بارکھان، زیارت،چمن، پشین اورسبی میں بارش متوقع ہے نوکنڈی، دالبندین، ہرنائی، قلعہ سیف اللہ، قلعہ عبداللہ اورمسلم باغ میں بارش کا امکان ہے، قلات، خضدار، تربت، چاغی،خاران، واشک،پنجگور، کیچ اور مکران میں بارش اوربرفباری متوقع ہے،مری ،گلیات میں موسم شدید سرد اورمطلع جزوی ابرآلود رہے گا،

    شہر اولیاء میں آج موسم سرد اور خشک رہے گا,محکمہ موسمیات کے مطابق دھند کی شدت میں نمایاں کمی دیکھنے میں آئی ہے زیادہ سے زیادہ درجہ حرارت 16 ڈگری سینٹی گریڈ رہنے کا امکان ہے کم سے کم درجہ حرارت 3 اعشاریہ 3 ڈگری سینٹی گریڈ ریکارڈ کیا گیا,ہوا میں نمی کا تناسب 84 فیصد ریکارڈ کیا گیا,ایئر کوالٹی انڈیکس 159 پوائنٹس ریکارڈ کیا گیا

    لاہور میں فضائی آلودگی برقرارہے، لاہور آج دنیا کے آلودہ ترین شہروں میں دوسرے نمبر پرہے لاہور میں مجموعی طور پر ائر کوالٹی انڈیکس کی شرح 217 ریکارڈ کی گئی،لاہور میں سب سے زیادہ 380 اے کیو آئی اپر مال روڈ پر ریکارڈ کی گئی،گلبرگ 2، پولو گراونڈ کینٹ اور ڈی ایچ اے فیز 8 بھی آلودہ علاقوں میں شامل ہے لاہور میں سردی کی شدت برقرار، دھند کا زور ٹوٹ گیا ،محکمہ موسمیات کے مطابق لاہور میں آج مطلع جزوی ابر آلود رہے گا،لاہور میں کم سے کم درجہ حرارت 04 ڈگری سینٹی گریڈ ریکارڈ ،زیادہ سے زیادہ درجہ حرارت 17 ڈگری رہے گا ہوا میں نمی کا تناسب 79 فیصد رہے گا

    خواتین کو دست درازی سے بچانے کیلئے سی سی پی او لاہور میدان میں آ گئے

    خواتین کی تصاویر اور ویڈیوز بنانے والے اوباش ملزمان گرفتار

    یہ ہے پنجاب،ایک روز میں ایک شہر میں جنسی زیادتی کے چھ کیسزسامنے آ گئے

    نو سالہ بچی سے زیادتی کی کوشش کرنیوالا سگا پھوپھا گرفتار

  • مجھے جب پہلا ڈرامہ آفرہوا تو ہمایوں سعید کا نہیں‌ پتہ تھا کون ہیں سمیعہ ممتاز

    مجھے جب پہلا ڈرامہ آفرہوا تو ہمایوں سعید کا نہیں‌ پتہ تھا کون ہیں سمیعہ ممتاز

    اداکارہ سمیعہ ممتاز جن کا اداکاری کی دنیا میں ایک نام اور مقام ہے. انہوں نے سٹیج سے اداکاری کا آغاز کیا اور دیکھتے ہی دیکھتے انہوں نے اداکاری کی دنیا میں اچھا نام بنا لیا. سمعیہ ممتاز نے اپنے حالیہ انٹرویو میں بتایا ہے کہ مجھے تھیٹر کا شوق مدیحہ گوہر کو دیکھ کر شروع ہوا، میں نے تھیٹر کرنا شروع کیا تو لوگوں‌کا اچھا ریسپانس ملا، میرا کام وہاں لوگ دیکھ رہے تھے مجھے ٹی وی سے آفرز آنے لگیں‌، میں منع کرتی رہی مجھے پتہ ہی نہیں تھا کہ ٹی وی پر کام کرنے کے پیسے ملتے ہیں، جب مجھے پتہ چلا کہ پیسے ملتے ہیں تو میں نے ایک آدھ آفر قبول کی ، معروف رائٹر عمیرہ احمد کو اپنے ڈرامے کےلئے نیا چہرہ چاہیے تھا انہوں نے مجھے دیکھا مجھ سے رابطہ کیا اور کہا کہ ہمایوں سعید کی

    پروڈکشن کے لئے یہ ڈرامہ بن رہا ہے تو مجھے اس وقت پتہ نہیں تھا کہ ہمایوں سعید کون ہے ، لہذا میں نے نادیہ جمیل سے پوچھا کہ کیا کروں‌، ہمایوں‌سعید نام کا کوئی بندہ ہے اسکا ڈرامہ ہے تو نادیہ جمیل نے کہا کہ عمیرہ احمد اور ہمایوں سعید ، او مائی گاڈ‌ تمہیں اور کیا چاہیے فورا ہاں کرو. سمعیہ نے کہا کہ مجھے تو یہ بھی نہیں‌پتہ تھا کہ کام کے کتنے پیسے طلب کرنے ہیں سب نادیہ نے سمجھایا تو یوں سلسلہ چل نکلا اور میرے لئے راستے بنتے گئے.

  • فیروز خان کو ثروت گیلانی کے شوہر نے بےوقوف کہہ دیا بولے انکی سابقہ اہلیہ سچی تھی

    فیروز خان کو ثروت گیلانی کے شوہر نے بےوقوف کہہ دیا بولے انکی سابقہ اہلیہ سچی تھی

    اداکار فیروز خان جو کہ گھریلو تشدد جیسے الزامات کی زد میں ہیں اور اس وجہ سے ان کی شہرت کو بھی کافی نقصان پہنچا ہے جو لوگ پہلے انہیں‌پسند کرتے تھے وہ اب ان سے صرف اسلئے نفرت کرنے لگ گئے ہیں کیونکہ وہ اپنی اہلیہ پر زبردست قسم کا تشدد کرتے رہے. فیروز خان کے لئے مداحوں کے محبت بھرے جذبات اس وقت نفرت میں تبدیل ہوئے جب ان کی اہلیہ نے تشدد کی تصاویر پبلک کیں. فیروز خآن ایک عرصہ تک خاموش رہے لیکن اب انہوں نے ان سب کے خلاف کاروائی کرنے کا فیصلہ کیا جنہوں نے ان تصاویر کے سامنے آنے کے بعد انہیں تنقید کا نشانہ بنایا. فیروز خان نے گزشتہ روز فرحان سعید ، یاسر حسین ، شرمین عبید چنائے ، ایمن خان ، منال خان ، عاصم اظہر و دیگر کو ہتک عزت کا

    نوٹس بھجنے کے بعد متعلقہ پیپرز سوشل میڈیا پر شئیر کئے جس میں‌ان سب فنکاروں‌کے نہ صرف فون نمبرز درج ہیں بلکہ گھروں کے ایڈریس بھی ہیں، اس پر رد عمل دیتے ہوئے اداکارہ ثروت گیلانی کے شوہرفہد مرزا نے کہا ہے کہ میں اس طرح‌کے گھٹیا معاملات میں‌نہیں‌پڑنا چاہتا لیکن فیروز خآن کی اس حرکت کو دیکھ کر لگتا ہے کہ انہوں نے بےوقوفی کی ہے ان کے اندر نفرت بھری ہوئی ہے اور میں سمجھتا ہوں‌کہ ان کی اہلیہ نے جو کچھ کہا ہے وہ سب سچ ہو گا .