دنیا ٹی وی کے مقبول ترین شو "مذاق رات” کا سفر اختتام پزیر ہوگیا ہے۔یہ شو 2013 میں شروع کیا گیا تھا جس نے ابتدا میں ہی بہت تیزی سے مقبولیت حاصل کرلی تھی۔وقت کے ساتھ ساتھ اس شو میں بہت سی تبدیلیاں بھی ہوتی رہیں جو شو کی مقبولیت کم نہ کرسکیں۔دس سالہ کامیاب سفر کے بعد شو اختتام پزیر ہوگیا کیونکہ اس شو کی ساری ٹیم اب سما ٹی وی پر چلی گئی ہے جہاں جلد ہی نئے نام اور نئے انداز سے پروگرام شروع ہوگا۔سوشل میڈیا صارفین نے ٹیم کے لئے نیک خواہشات کا اظہار کیا ہے جبکہ اس بارے میں سما ٹی وی کے بیورو چیف نعیم حنیف کا کہنا ہے کہ پروگرام میں ناظرین کے لئے سب کچھ نیا ہوگا جس کے لئے تھوڑا سا انتظار کرنا ہوگا۔

”کچھ روز قبل سٹیج اداکار قیصر پیانے ایک وڈیو پیغام جاری کرکے کہا تھا کہ ہم ایک نئے سفر پر جا رہے ہیں اور ہمیں امید ہے شائقین ہمیں اس پلیٹ فارم پر بھی بہت پسند کریں گے”. یاد رہے کہ مذاق رات پروگرام دنیا ٹی وی پر طاہر سرور میر نے شروع کیا تھا، اسے واسع چوہدری سے پہلے نعمان اعجاز ہوسٹ کرتے رہے ہیں. اس شو کے دیکھا دیکھی بہت سارے دوسرے شو بھی شروع کئے گئے ، اب دیکھنا یہ ہے کہ سماء ٹی وی پر پروگرام شائقین کا دل جیتنے میں‌کامیاب ہوتا ہے یا نہیں.

john فلم ریلیز ، کراچی میں پریمئیر، ستاروں کی شرکت

اب صرف ٹی وی پر کام کروں گی صاحبہ

وہاج علی کس سینئر اداکار سے متاثر ہیں ؟