Baaghi TV

Tag: full movies

  • ہرتیک روشن ہسپتال پہنچ گئے ، مداح پریشان

    ہرتیک روشن ہسپتال پہنچ گئے ، مداح پریشان

    بالی وڈ اداکار ہرتیک روشن ہستپال پہنچ گئے ہیں جیسے ہی یہ خبر سوشل میڈیا پر وائرل ہوئی ان کے مداح خاصے پریشان ہوگئے. تفصیلات کے مطابق ہریتک روشن کچھ سال قبل اپنی فلم بینگ بینگ کی شوٹنگ کے دوران ایک حادثے کا شکار ہوگئے تھے اور انہیں اس حادثے میں سر پر چوٹ لگی تھی یہ چوٹ بعد میں ان کے لئے پریشانی کا سبب بن گئی ۔ہریتک روشن کی سر پرلگنے والی اس چوٹ کے باعث ا نہیں سرجری کرانا پڑی اور ان کے دماغ سے دو ماہ پرانا جم جانے والا خون کا لوتھڑا نکالا گیا تھا۔ آپریشن کے بعد سے ہریتک روشن باقاعدگی سے اپنا بون میرو چیک اپ کرواتے ہیں تاکہ وہ مزید پریشانی سے بچ سکیں. کہا جا رہا ہے کہ ہرتیک روشن بون میرو ٹرانسپلانٹ کلینک جاتے ہیں اور ضروری ٹیسٹ کرواتے

    ہیں. ہرتیک روشن نے اپنے پرستاروں سے کہا ہے کہ پریشانی والی کوئی بات نہیں ہے میں بالکل ٹھیک ہوں اور اپنے چیک اپ کے لئے کلینک جاتا ہوں. یاد رہے کہ ہرتیک روشن کو سر کی اس چوٹ کے بعد کافی عرصے تک ڈپریشن بھی رہا اور انہوں نے لوگوں سے ملنا ملانا بھی چھوڑ دیا تھا تاہم علاج کے بعد انہوں نے پھر سے اپنی فلمی سرگرمیاں شروع کیں اور دوستوں سے رابطے بحال کئے.

  • کہو نا پیار ہے کو ریلیز ہوئے 23 سال بیت گئے

    کہو نا پیار ہے کو ریلیز ہوئے 23 سال بیت گئے

    فلم کہو نہ پیار ہے سے ہرتیک روشن نے اپنے کیرئیر کا آغاز کیا ، یہ فلم سینما گھروں‌کی زینت بنی تو شائقین جوق در جوق سینما گھروں میں پہنچے فلم کا میوزک اور ہرتیک کی اداکاری اور ان کا ڈانس شائقین کی توجہ کا مرکز بن گیا. اس سال کی یہ فلم سب سے بڑی ہٹ بن گئی. یوں ہرتیک روشن راتوں رات سپر سٹار بن گئے. اس کے بعد بھی انہوں نے بہت ساری فلموں میں کام کیا لیکن انہیں جو کامیابی کہو نہ پیار ہے سے ملی وہ دوبارہ نصیب نہ ہو سکی. اس کے باوجود وہ عوام کے پسندیدہ رہے. ہرتیک روشن نے بالی وڈ میں ڈانس اور اداکاری کو ایک نیا رنگ دیا. امیشا پاٹیل نے بھی کہو نہ پیار ہے سے اپنے کیرئیر کا آغاز کیا وہ بھی راتوں رات سٹار بن گئیں. کہو نا پیار ہے کو ہرتیک کے والد راکیش روشن نے

    ڈائریکٹ کیا تھا. اس میں گانوں کی کمال کوریوگرافی نے شائقین کو ڈانس سٹیپس کا دیوانہ بنا دیا. آج بھی اس فلم کے گیت اور ڈانس سٹیپس مشہور ہیں اور یاد کئے جاتے ہیں. فلم میں ابھیشک شرما نے ہرتیک روشن کے بڑے بھائی کا کردار ادا کیا تھا انہوں نے فلم کے 23 سال مکمل ہونے پر کہونا پیار ہے کے سیٹ کی تصویر شئیر اور کہا کہ یہ فلم ہمیشہ میرے دل کے قریب رہے گی.

  • اعجاز اسلم نے اپنے دوست کو کیوں رلا دیا ؟

    اعجاز اسلم نے اپنے دوست کو کیوں رلا دیا ؟

    اداکار اعجاز اسلم نے اپنے حالیہ انٹرویو میں بتایا ہے کہ وہ بہت شرارتی ہوا کرتے تھے انہوں نے بتایا کہ انہوں نے اپنے چند دوستوں کے ساتھ مل کر اپنے ایک دوست کو لڑکی بن کر کافی عرصے تک تنگ کیا. اعجاز اسلم نے کہا کہ میں لڑکی کی آواز نکال کر اپنے دوست سے بات کیا کرتا تھا. میں نے اپنے ساتھ دو تین دوست بھی رکھے ہوئے تھے جو میری بہنیں بن کر میرے دوست سے بات کرتی تھی . میرے دوست کو مجھ سے پیار ہو گیا اور وہ تو مجھ سے شادی کرنے کو تیار ہو گیا. لیکن جب میں نے اور میرے دوستوں نے بتایا کہ ہم تمہیں تنگ کیا کرتے تھے تو وہ بہت رویا. اعجاز اسلم نے یہ بھی بتایا کہ مجھے اچھی گاڑیوں اور بائیکس کا بہت زیادہ شوق ہے اگر میری 20 ملین کی لاٹری نکل آئے تو اس میں سے کچھ فیصد

    چیرٹی کرکے باقی اپنے چھوٹے موٹے شوق پورے کروں گا. انہوں نے کہا کہ شوبز ہو یا کوئی فیلڈ اس میں کامیابی راتوں رات نہیں ملتی ایک مکمل پراسس ہوتا ہے جس سے گزرنا پڑتا ہے. جو کام کریں اس کے لئے محنت کریں کامیابی اپنے وقت سے ہی ملے گی. اعجاز اسلم نے یہ بھی کہا کہ میں نے ایسے بہت سارے لڑکے دیکھے ہیں جو مجھے ملتے ہیں ان کی خواہش ہوتی ہے کہ آج ہم شوبز میں آئے ہیں اور کل سپر سٹار بن جائیں ٹھیک ہے اچھی خواہش ہے لیکن پہلے کچھ کر تو لیں کامیابی بھی مل جائیگی .

  • پولیو ورکرز کی دستک نونہالوں کو معذوری سے بچاؤ کا بہترین راستہ

    پولیو ورکرز کی دستک نونہالوں کو معذوری سے بچاؤ کا بہترین راستہ

    جنرل ہسپتال میں انسدادپولیو مہم: موبائل ٹیم تشکیل،7کاؤنٹرز 22جنوری تک فنکشنل رہیں گے
    پولیو ویکسین کی مسنگ بچوں میں بیماریوں کا پھیلاؤ کا باعث بن سکتی ہے، سوسائٹی کردار ادا کرے
    والدین روزانہ صبح 8سے شام4بجے تک بچوں کو پولیو کے قطرے پلا سکتے ہیں:پرنسپل پی جی ایم آئی
    پرنسپل پوسٹ گر یجویٹ میڈیکل انسٹی ٹیوٹ و امیر الدین میڈیکل کالج پروفیسر ڈاکٹر سردار محمد الفرید ظفر نے کہا ہے کہ انسداد پولیو مہم کے دوران پولیو ورکرز کی گھر وں پر دستک نو نہالوں کو معذوری سے بچاؤ کابہترین راستہ ہے لہذا والدین اپنے پھول جیسے بچوں کے بہتر مستقبل اور انہیں بیماریوں سے محفوظ رکھنے کے لئے پولیو ورکرز کی ان ٹیموں سے مکمل تعاون کریں تاکہ اُن کے نو نہالوں کی جانوں کا تحفظ یقینی بناتے ہوئے پاکستان کو پولیو فری ملک بنایا جا سکے اور ملک و قوم کا مستقبل بھی محفوظ ہو سکے۔

    ان خیالات کا اظہار پروفیسر الفرید ظفر نے لاہور جنرل ہسپتال میں بچوں کو پولیو سے بچاؤ کے قطرے پلاتے ہوئے مریضوں و اُن کے لواحقین سے گفتگو کرتے ہوئے کیا۔اس موقع پر پروفیسر صاحبان و دیگر سینئرڈاکٹرز بھی موجود تھے۔ایم ایس ایل جی ایچ ڈاکٹر خالد بن اسلم نے پروفیسر الفرید ظفر کو بریفنگ دیتے ہوئے بتایا کہ ہسپتال میں عوامی سہولت کے لئے 7کاؤنٹر ز اور ایک موبائل ٹیم تشکیل دے دی گئی ہے جو روزانہ صبح8سے سہ پہر4بجے تک والدین کے ساتھ ہسپتال آنے والے بچوں کو پولیو کے قطرے پلائیں گے جبکہ یہ قومی مہم 22جنوری تک فنکشنل رہے گی۔

    صحافیوں سے گفتگو کرتے ہوئے پرنسپل پی جی ایم آئی کا کہنا تھا کہ دنیا کے ترقی یافتہ ممالک کے علاوہ ہمارے ہمسائے ممالک بھی عوامی تعاون کے ساتھ پولیو کی بیماری کا خاتمہ کر چکے ہیں لیکن بد قسمتی سے دنیا کے 3ممالک جن میں پاکستان بھی شامل ہے اس مسئلے سے ابھی تک دامن نہیں چھڑا سکے۔انہوں نے کہا کہ پولیو ویکسین کی مسنگ بچوں میں بیماریوں کے پھیلاؤ کا باعث بنتی ہے جبکہ بین الاقوامی برادری بھی اس مرض کے پھیلاؤ کے پیش نظر عالمی ادارہ صحت نے پاکستان سے بیرون ملک سفر کرنے والے تمام افراد کو بلا تفریق عمر پولیو کے قطرے پلانے لازمی قرار دے رکھے ہیں جو ہم سب کے لئے لمحہ فکریہ ہے۔پروفیسرالفرید ظفر نے میڈیا، سول سوسائٹی، علمائے کرام اور سماجی تنظیموں سے وابستہ افراد سے اپیل کی کہ وہ والدین میں بچوں کو پولیو کے قطرے پلانے سے متعلق شعور اجاگر کریں تاکہ اس بیماری کا پاکستان سے بھی جلد از جلد خاتمہ ممکن ہو سکیکیونکہ اس ضمن میں سوسائٹی کا کردار انتہائی اہمیت کا حامل ہے جس میں ہمیں انفرادی و اجتماعی طور پر بچوں کو پولیو کی بیماری سے بچاؤ کے قطرے زیادہ سے زیادہ تعداد میں پلانے کو یقینی بنانا ہوگا۔

    پنجاب میں انسداد پولیو مہم کا آغاز،وزیراعلیٰ پنجاب نے دیں اہم ہدایات

     تھانہ لاری اڈا کی حدود میں پولیو ٹیم سے بدتمیزی کرنے والوں کے خلاف مقدمہ درج

    پولیو ٹیم پر حملہ،ایک اہلکار شہید، ایک زخمی

    مجھے پنجاب پولیو سے پاک چاہیے،جس ضلع میں کیس آیا افسران کیخلاف ایکشن ہو گا، وزیراعلیٰ پنجاب

    پولیو کے بڑھتے ہوئے کیسز کی ذمہ دار حکومت،بابر بن عطا کو جیل کو کیوں نہیں بھجوایا گیا؟ شیری رحمان

  • برج خلیفہ پر پٹھان کا ٹریلر

    برج خلیفہ پر پٹھان کا ٹریلر

    برج خلیفہ جو متعدد مرتبہ شاہ رخ خان کی تصویروں سے روشن ہو چکا ہے وہاں اب شاہ رخ خان کی فلم پٹھان کا ٹریلر بھی دکھایا گیا ہے. برج خلیفہ پر پٹھان کے ٹریلر نے ہر طرف ہلچل مچا دی ہے. اس فلم کا پرموشنل ایونٹ کا انعقاد دبئی میں‌کیا گیا جہاں بڑی تعداد میں ان کے مداحوں نے شرکت کی . شاہ رخ خان پٹھان کے گانے پر جھومتے ہوئے بھی دکھائی دئیے گئے. اس ایونٹ کی ان کے مداحوں نے وڈیوز سوشل میڈیا پر شئیر کیں. اس ایونٹ میں شاہ رخ خان کو فلم کا مشہور ڈائیلاگ ’پارٹی پٹھان کے گھر میں رکھو گے تو مہمان نوازی کے لیے پٹھان تو آئے گا اور ساتھ میں پٹاخے بھی لائے گا‘ بولتے ہوئے سنا جاسکتا ہے۔ شاہ رخ خان کے ڈائیلاگز اور ڈانس سٹیپ کو بہت زیادہ سراہا جا رہا ہے. یاد رہے کہ شاہ رخ خان

    کی فلم پٹھان بھارت میں شدید تنازعات کا شکار ہے. اس فلم کے گیت اور نام پر اعتراض کیا جا رہا ہے. فلم 25 جنوری کو سینما گھروں کی زینت بننے جا رہی ہے. دوسری طرف فلم کے بائیکاٹ کا ٹرینڈ بھی بھارت میں انتہا پسندوں کی طرف سے زوروں سے چلایا جا رہا ہے. کہا یہ بھی جارہا ہےکہ یہ فلم بائیکاٹ کے ٹرینڈ کا بری طرح سے شکار ہو جائیگی.

  • اسلام آباد ہائیکورٹ کے چیف جسٹس ایف آئی اے کے تفتیشی افسر پر برہم

    اسلام آباد ہائیکورٹ کے چیف جسٹس ایف آئی اے کے تفتیشی افسر پر برہم

    باغی ٹی وی کی رپورٹ کے مطابق سوشل میڈیا پر تاجر کیخلاف مہم چلانیوالے 2 افراد کی ضمانت منسوخی کیلئے دائر درخواست پر سماعت ہوئی،

    اسلام آباد ہائیکورٹ کے چیف جسٹس عامر فاروق نے درخواست پر سماعت کی،تفتیش مکمل نہ ہونے اوربغیر تیاری پیشی پر اسلام آباد ہائیکورٹ کے چیف جسٹس عامر فاروق ایف آئی اے کے تفتیشی افسر پر برہم ہو گئے ، اسلام آباد ہائیکورٹ کے چیف جسٹس عامر فاروق نے ریمارکس دیتے ہوئے کہا کہ دوسال ہو گئے آپ نے ابھی تک تفتیش مکمل نہیں کی سال سے زائد تو ضمانت ہوئے ہو گیا ، اس کے بعد آپ نے تفتیش ہی نہیں کی ، اسلام آباد ہائیکورٹ کے چیف جسٹس عامر فاروق نے ایف آئی اے تفتیشی سے مکالمہ کرتے ہوئے کہا کہ آپ کو تو خود تفتیش کی ضرورت ہے آپ نے کیا تیاری کی ہوئی ہے آپ کو تو کچھ پتہ ہی نہیں آپ کو تو خود انویسٹی گیشن کی ضرورت ہے

    بھنگ اورافیوم سے ادویات بنانےاورکاشت سےمتعلق کام شروع 

    حکومت خود بھنگ کی کاشت کرے گی: فواد چوہدری کا اعلان 

    بھنگ برائے علاج : بھنگ برائے فروخت:حکومت نے استعمال کے لیے طریقہ کار کی منظوری دے دی

    اسلام آباد ہائیکورٹ کے چیف جسٹس عامر فاروق نے ریمارکس دیتے ہوئے کہا کہ تارڑ صاحب انہیں بتائیں ہائیکورٹ میں کیسے تیاری کر کے آتے ہیں اسسٹنٹ اٹارنی جنرل نے عدالت میں کہا کہ میں دیکھ لیتا ہوں عدالت کچھ وقت دے دے عدالت نے ایف آئی اے تفتیشی کو ہدایت کرتے ہوئے کہا کہ جائیں اور تیاری کیساتھ آئندہ سماعت پر پیش ہوں ،اسلام آباد ہائیکورٹ کے چیف جسٹس عامر فاروق نے ریمارکس دیتے ہوئے کہا کہ تفتیشی کو پتہ ہی نہیں تفتیش کا، ضمانت منسوخی کی درخواست کیسے سنیں عدالت نے تفتیشی افسر کو تیاری کی مہلت دیتے ہوئے کیس کی سماعت غیر معینہ مدت تک ملتوی کردی۔

  • عرفی کو پولیس نے طلب کر لیا

    عرفی کو پولیس نے طلب کر لیا

    بالی وڈ‌ اداکارہ عرفی جاوید جو سوشل میڈیا پر چرچا میں رہتی ہیں ان کا لباس ان کی وجہ شہرت ہے. عرفی نہایت کم لباس پہن کر نکلتی ہیں اور میڈیا میں پوز دیتی ہیں. عرفی جاوید کے نہایت مختصر لباس پہننے پر جے پی رہنما چترا کشور واگ نے اعتراض کرتے ہوئے پولیس میں شکایت درج کروائی انہوں نے درخواست میں موقف اختیار کیا کہ عرفی جاوید نہایت مختصر لباس پہن کر سوسائٹی میں انتشار اور بے حیائی پھیلا رہی ہیں ،. ٹھیک ہے ہمارے آئین نے ہر کسی کو آزادی رائے اور اپنی مرضی سے جینے کا حق دیا ہے لیکن اس کا مطلب یہ نہیں ہے کہ کوئی اس قسم کی آزادی کا اتنے برے طریقے سے استعمال کرے. اس قسم کی شکایت کے بعد پولیس نے انکوائری کے لئے عرفی کو طلب کر لیا ہے اب وہ ان سے پوچھ

    گچھ کریں گے. عرفی جاوید پر اس سے پہلے بھی بہت سارے لوگوں نے اعتراض لگایا اور کہا کہ وہ نہایت مختصر لباس پہن کر باہر نہ نکلیں لیکن عرفی کہتی ہیں کہ ان کی زندگی انکی مرضی وہ جو مرضی کریں کوئی کون ہوتا ہے ان پر اعتراض لگانے والا یا اس پر پابندی عائد کرنے والا. وہ بہت کلئیر ہیں ان کا کہنا ہے کہ میں اپنے پیسے خرچ کرکے لباس بنوا کر پہنتی ہوں کسی کے لئے کوئی مشکل کھڑی نہیں کرتی.

  • سلمان خان کو موقع ملے تو وہ کن تین سٹارز کو بگ باس میں بطور کنٹیسٹٰنٹ لائیں گے ؟‌

    سلمان خان کو موقع ملے تو وہ کن تین سٹارز کو بگ باس میں بطور کنٹیسٹٰنٹ لائیں گے ؟‌

    رئیلٹی شو بگ باس جس کی میزبانی کے فرائض بالی وڈ‌ اداکار سلمان خان گزشتہ 13 برس سے کررہے ہیں. اس شو کی مقبولیت میں سلمان خان کا کی میزبانی کا بہت بڑا ہاتھ ہے. ان سے پہلے بھی اس شو کی میزبانی امیتابھ بچن اور شلپا شیٹی کر چکے ہیں لیکن سلمان خان کی میزبانی ہی شائقین کو قبول ہے. بگ باس میں پہلی بار اداکارہ و میزبان سیمی گریوال نے شرکت کی . انہوں نے جہاں گھر کے تمام لوگوں سے سوالات کئے وہیں سلمان خان کے ساتھ بھی ان کا ایک سیشن رکھا گیا جس میں انہوں نے ان سے مختلف سوال کرنے کے ساتھ کہا کہ آپ دنیا کے بہترین میزبان ہیں .

    سیمی نے ان سے پوچھا کہ آپ کو موقع ملے تو آپ کن تین بالی وڈ سٹارز کو بگ باس میں لانا چاہیں گے. تو انہوں نے کہا کہ سنجے دت ، کترینہ کیف اور شاہ رخ خان کو گھر میں لانا چاہوں گا. میں چاہوں گا کہ یہ تینوں گھر میں آئیں ، سلمان خان نے یہ جواب دیکر یہ بھی ظاہر کیا کہ یہ تینوں فنکار ان کے بہترین دوست ہیں. یاد رہے کہ بگ باس بھارت کا وہ رئیلٹی شو ہے جسے بڑی تعداد میں پسند کیا جاتا ہے اس میں حصہ لینے والے تقریبا پارٹیسیپینٹس نے بہت شہرت پائی.

  • ہمیں راکھی کے اسلام قبول کرنے پر اعتراض نہیں راکھی کا بھائی راکیش

    ہمیں راکھی کے اسلام قبول کرنے پر اعتراض نہیں راکھی کا بھائی راکیش

    بالی وڈ اداکارہ راکھی ساونت جو جب سے شوبز انڈسٹری میں آئی ہیں وہ کسی نہ کسی کنٹرورسی میں گھری رہتی ہیں. وہ جہاں جاتی ہیں اپنے ساتھ کنٹرورسی کو لیجاتی ہیں . وہ گزشتہ چند روز سے ہیں خبروں میں . انہوں نے جیسے ہی عادل کے ساتھ اپنی شادی کا اعلان کیا تو عادل اپنی فیملی کے ڈر سے مکر گئے لیکن بعد میں ان کو اعتراف کرنا پڑا کہ انہوں نے راکھی کے ساتھ شادی کی ہے. عادل کے ساتھ شادی کرنے کے لئے راکھی نے اسلام تک قبول کر لیا اور اپنا نام فاطمہ رکھ لیا یوں اب راکھی کا نام فاطمہ درانی ہے. راکھی کی شادی اور اس کے مسلمان ہونے پر ان کے

    بھائی راکیش کا بھی رد عمل سامنے آ گیا ہے انہوں نے کہا ہے کہ راکھی نے ساری زندگی بہت دکھ دیکھے ہیں پریشانیاں اٹھائی ہیں. پتہ نہیں ان کی قسمت ان کے ساتھ ہر بار ایسا کیوں کرتی ہے کہ وہ جب بھی شادی کرتی ہیں پریشانیوں میں گھر جاتی ہیں. انہوں نے کہا کہ مجھے راکھی کے مسلمان ہو نے کا نہیں پتہ لیکن اگر انہوں نے اسلام قبول کیا ہے تو یہ ان دونوں میاں بیوی کا معاملہ ہے ہم اس پر بات کیوں کریں. میری بہن گھر میں سب سے چھوٹی ہے لیکن اس نے ساری زندگی بہت دکھ اٹھائے ہیں . ہم اسکی خوشیوں کے لئے دعا گو ہیں .

  • واسع چوہدری شوبز میں کیسے آئے ؟‌

    واسع چوہدری شوبز میں کیسے آئے ؟‌

    احمد واسع نے اپنے حالیہ انٹرویو میں بتایا ہے کہ وہ شوبز میں کیسے آئے . انہوں نے کہا کہ میرے ایک کزن حسیب خان تھے وہ اداکاری کرتے تھے میں ایک دن اس کے ساتھ شوٹنگ پر گیا ، ان کے سیٹ پر ایک گارڈ کا رول کرنے والا نہ آیا میں وہاں کھڑا تھا ، حسیب سے اس کے ڈائریکٹر نے کہا کہ یہ گارڈ کا رول کر لے گا ؟‌تو اس نے مجھ سے پوچھا میں نے ہاں بول دیا پندراں سیکنڈ کا کردار کیا اس کے بعد بس سلسلہ چل نکلا. انہوں نے کہا کہ لاہور سے کامیڈی بن کر کراچی جایا کرتی تھی لیکن ایک وقت آیا کہ کراچی کے کچھ چینلز نے کامیڈی سٹ کامز لینا بند کر دئیے یوں پھر کس کے لئے کامیڈی سٹ کامز بنائے جاتے اس چیز نے لاہور سے بننے والے کامیڈی پراجیکٹس کو ایک بڑا دھچکا لگایا. واسع چوہدری نے کہا کہ اچھی کامیڈی کی جائے تو بہت مشکل ہے بری کی جائے تو بہت آسان ہے. انہوں نے مزید کہا کہ میں نے میں ہوں شاہد آفریدی ، جوانی

    پھر نہیں آنی ون اور ٹو لکھی. میں نے ہمایوں سعید کو ایک دن کہا کہ ایک کہانی ذہن میں آئی ہے سیریل بنا لو اس نے کہانی سن کر کہا کہ نہیں یہ تو فلم بنی گی جب ہمایوں نے ایسا کہا کہ فلم بنے گی تو میں نے سوچا کہ بس اب یہ سیریل بھی نہیں بنے گا . ہم میں ہوں شاہد آفریدی میں لگ گئے اس کے بعد ہمایوں نے کہا کہ تم نے ایک آئیڈیا سنایا تھا اس پر فلم بناتے ہیں پھر میں ندیم بیگ اور ہمایوں سعید ایک ساتھ بیٹھے اور فلم پر کام شروع کر دیا میں نے فلم لکھی بنی اور سپر ہٹ ہو گئی .