Tag: Ghani Mehmood

قصور
چند ماہ قبل قتل ہونے والے اندھے قتل کا سراغ لگا، بیوی، بیٹا، بیٹی اور بہو قاتل نکلے،ملزمان گرفتار

تفصیلات کے مطابق چند ماہ قبل اندھے قتل کا واقعہ تھانہ سرائے مغل کے علاقہ میں پیش آیا تھا
تقریباً 5 ماہ قبل شہری محمد ریاست کے اندھے قتل کا وقوعہ پیش آیا تھا جس میں قاتل مقتول کی بیوی، بیٹا، بیٹی اور بہو ہی نکلے
تینوں ملزمان کو گرفتار کر لیا گیا ہے
6 جون کو ہنجرائے خورد کے رہائشی محمد ریاست کو رات کو ساڑھے تین بجے سوتے ہوئے نامعلوم ملزمان نے فائرنگ کر کے قتل کر دیا تھا جس پر تھانہ سرائے مغل پولیس ایس ایچ او محمد طارق کی سربراہی میں موقعہ پر پہنچی اور مقتول کے بھائی کی مدعیت میں مقدمہ درج کیا گیا
ڈی ایس پی پتوکی طاہر صدیق کی خصوصی ہدایت پر نامعلوم ملزمان کی گرفتاری کیلئے تھانہ سرائے مغل پر مشتمل سپیشل ٹیم تشکیل دی گئی جس نے دوران تفتیش شک گزرنے پر مقتول کی بیوی طلعت بی بی، بیٹے شاہد اور بہو اللہ معافی کو شامل تفتیش کیا جنہوں نے دوران تفتیش محمد ریاست کو قتل کرنے کا انکشاف کیا اور بتایا کہ ریاست گھر میں بیٹی اور بہو کو تشدد کا نشانہ بناتا تھا اور اپنی بیٹی اور بیٹے کا گھر بسنے نہیں دے رہا تھا جس پر چاروں نے ملکر ریاست کو قتل کرنے کا منصوبہ بنایا اور وقوعہ کی رات مقتول کی چائے میں نیند والی گولیاں ملا کر سلا دیا اور پھر رات کو فائرنگ کرکے قتل کر دیا
تھانہ سرائے مغل پولیس نے اپنی پیشہ وارانہ صلاحیتوں کو بروئے کار لاتے ہوئے اندھے قتل کا کیس حل کر کے ملزمان کو حسب ضابطہ گرفتار کیا جس پر اہلیان علاقہ نے پولیس ٹیم کا شکریہ ادا کیا

قصور
نواحی گاؤں میں کالونی مالک نے شاملاٹ جگہ پٹواری سے ساز باز کرکے خریدی اور اب کالونی سے گزرنے والا اہل دیہہ کا نالا بند کر دیا جس سے گاؤں کے کئی محلے جوہڑ میں تبدیل ہو گئے

تفصیلات کے مطابق قصور کے نواحی گاؤں میں کالونی مالک نے ظلم کی انتہاہ کرتے ہوئے سرکاری نالہ بند کر دیا جس سے گاؤں جوہڑ میں تبدیل ہو گیا سفاری گارڈن اوراڑہ نو کے مالک شیخ امجد منظور سکنہ لاہور نے 2015 میں پٹواری سے ساز باز ہو کر 35 کنال اور 11 مرلے جگہ خریدی جبکہ باقی 5 ایکڑ جگہ شاملاٹ پر قبضہ کر لیا اور کالونی بنا لی جس کی چار دیواری وغیرہ بھی کر لی ہے او کالونی سے ایک سرکاری نالہ دیہہ کی نکاسی آب کیلئے گزرتا تھا جو کو کالونی مالک نے 1 اپریل کو بند کر دیا جس کے باعث گاؤں کا پانی گاؤں میں جمع ہونا شروع ہو گیا اور محلہ مرزا اعظم بیگ،محلہ یونین کونسل دفتر،محلہ صابر ڈوگر و محلہ حاجی بشیر ڈوگر زیر آب آ گئے ہیں اور لوگوں کا گھروں سے نکلنا ناممکن ہو گیا ہے اس بابت اہل دیہہ نے ڈی سی قصور و ٹی ایم او کو درخواست دی جن کے حکم پر عمل کرتے ہوئے انکروچمنٹ انسپیکٹر فقیر حسین نے موقع دیکھا اور تین روز کے اندر اندر اہل دیہہ کیساتھ انصاف کرنے کی یقین دہانی کروائی

اہل دیہہ نے ڈی سی قصور سے نوٹس لے کر سخت کاروائی کا مطالبہ کیا ہے