Tag: Ghani Mehmood Bhatti

قصور
اینٹی کرپشن نے پراپرٹی ڈیلر نامزد ملزم گرفتار کر لیا،لوگوں کی جاگیروں کے جعلی کاغذات بنانے والا پولیس کے ہتھے چڑھ گیا

تفصیلات کے مطابق ملزم شفقت ذبیح اللہ پراپرٹی ڈیلر
جائیداد کی جعلی دستاویزات بنانے میں ملوث تھا جس پر ایف آئی آر نمبر 2190/24 مورخہ 15/07/24 زیر دفعہ 420/468/471 PPC 5/2/47 PCA PS تھانہ صدر قصور میں درج کیا گیا تھا
ملزم کے خلاف تفتیش کو مجاز اتھارٹی کی منظوری کے بعد 25.10.2024 کو اینٹی کرپشن قصور کو منتقل کر دیا گیا تھا
02.11.2024 کو ملزم شفقت ذبیح اللہ نے سپیشل جج اینٹی کرپشن لاہور کی عدالت سے ضمانت قبل از گرفتاری حاصل کر لی تھی تاہم تفتیش کے دوران ملزم کو قصوروار پایا گیا اور عدالت نے 05.12.2024 کو ضمانت قبل از گرفتاری خارج کر دی
ضمانت قبل از گرفتاری خارج ہونے کے بعد ملزم نے گرفتاری کے خوف سے خود کو چھپا لیا تھا جس پر ڈائریکٹر جنرل اینٹی کرپشن اسٹیبلشمنٹ پنجاب کی ہدایت پر ملزمان کی گرفتاری کے لئے چھاپے مارے گئے
اور کل چھاپے کے دوران ملزم ذبیح اللہ کو گرفتار کر لیا گیا ہے
اسے عدالت میں پیش کیا جائے گا اور ملزم کے جوڈیشل ریمانڈ کی استدعا کی جائے گی

قصور
اسسٹنٹ ڈائریکٹر اوقاف کرپشن کا ماسٹر مائنڈ،کبھی ذمہ داریاں تو کبھی انکوائریاں،شہری کے نام پر جعلی طریقے سے سینکڑوں کنال زرعی زمین ٹھیکہ پر حاصل کرکے کاشت کاری جاری،متاثرہ شہری کی وزیر اعلی سے نوٹس کی اپیل

تفصیلات کے مطابق اسسٹنٹ ڈائریکٹر محکمہ اوقاف
حافظ جاوید شوکت کرپشن کا بے تاج بادشاہ نکلا
اسسٹنٹ ڈائریکٹر محکمہ اوقاف حالیہ تعینات ڈی جی اوقات لاہور نے اپنے عہدے کا ناجائز فائدہ اٹھاتے ہوئے شہری عبدالحمید ولد محمد عنایت رہائشی موضع کھارا کے نام کا شناختی کارڈ، جعلی سائن انگھوٹے لگا کر تکیہ گلاب شاہ کھارا 129 کنال 2023-204 مالی سال اور 24 سے 25 جبکہ دربار بلہے شاہ کا زرعی رقبہ 71 کنال 5 مرلے 2024 سے 2025 تک لیز، ٹھیکہ پر حاصل کرکے کاشت کاری شروع کر رکھی ہے عبدالحمید کو پتہ چلنے پر اس نے سارے وقوعہ کی درخواست 26 جون 24 کو اینٹی کرپشن قصور کو دی جس پر کوئی کاروائی نا ہوئی تو 20 اگست 24 کو وزیر اعلی کمپلین سیل میں درخواست دی گئی اور مؤقف اختیار کیا کہ میرے نام پر جعلی طریقے سے زمین ٹھیکہ پر حاصل کی گئی ہے جس کا مجھے علم نہیں
مذید اس بابت سیکریٹری اوقاف کو 20 اگست کو درخواست دی گئی جو کہ تاحال بغیر کاروائی کے پڑی ہے
مجبوری میں مذکورہ شحض نے 22 اکتوبر 2024 کو عدالت اینٹی کرپشن میں رجوع کیا اور ڈی ایس پی قصور سٹی سرکل میں 22 اگست 24 کو درخواست دی تاہم ابھی تک اتنے ماہ گزرنے کے کوئی کاروائی عمل میں نہیں لائی گئی اور نا ہی اسسٹنٹ ڈائریکٹر اوقاف حافظ جاوید کو عہدے سے ہٹایا گیا اور نا ہی متاثرہ شہری کی کوئی شنوائی ہوئی جس سے اسسٹنٹ ڈائریکٹر کے بااثر ہونے کا اندازہ ہوتا ہے
اس سے قبل حافظ جاوید بطور اسسٹنٹ ڈائریکٹر سنہ 2022 میں معطل بھی رہا ہے
اور اس کے خلاف بہت بار درخواستیں بھی محکمہ کو ملی ہیں جبکہ 2023 میں بھی انکوائریاں چلتی رہی ہیں
تاحال اپنے اثرورسوخ کے باعث بچ نکلتا ہے
متاثرہ شحض عبدالحمید نے وزیراعلی پنجاب ،سیکریٹری اوقاف،ڈی جی اینٹی کرپشن سے ازخود نوٹس لے کر کاروائی کا مطالبہ کیا ہے

قصور
پنجاب حکومت کا صاف ستھرا پنجاب پروگرام ناکام ہو گیا، سینما موڑ عیدے شاہ روڈ نزد عیدے شاہ قبرستان سمیت شہر بھر میں کوڑے کرکٹ کے ڈھیر لگ گئے، بدبو اور تعفن کے باعث علاقہ مکینوں کا جینا محال ہو گیا، شہریوں نے وزیر اعلیٰ پنجاب، صوبائی وزیر بلدیات، چیف سیکرٹری پنجاب اور ڈپٹی کمشنر قصور سے فوری نوٹس لے کر شہر میں صفائی ستھرائی کے نظام کو بہتر بنانے اور ذمہ داران کے خلاف سخت کارروائی کا مطالبہ کیا ہے

تفصیلات کے مطابق حکومت پنجاب کا صاف ستھرا پنجاب پروگرام متعلقہ ٹھیکیداروں کی نااہلی اور غفلت کے باعث ناکام ہو گیا ہے
شہر بھر میں صفائی ستھرائی کا نظام بہتر ہونے کی بجائے مزید ابتر ہو گیا ہے جس کے باعث پورے شہر سمیت مشتاق کالونی عیدے شاہ روڈ و دیگر ملحقہ آبادیوں میں جگہ جگہ کوڑے کرکٹ کے ڈھیر لگ گئے ہیں جنہیں باقاعدگی سے اٹھایا نہیں جا رہا
علاقہ مکینوں کو ان گندگی کے ڈھیروں سے بدبو اور تعفن کے باعث پریشانی کا سامنا ہے اور علاقہ میں مہلک امراض کے پھیلنے کا خدشہ ہے
عیدے شاہ روڈ میں کوڑے کرکٹ کا ڈھیر لگا رہتا ہے جسے اٹھانے کی زحمت گوارا نہیں کی جاتی
شہریوں کا کہنا ہے کہ صفائی ستھرائی کے نظام میں بہتری آنے کی بجائے مذید ابتر ہوا ہے کیونکہ ان کو کوئی پوچھنے والا نہیں ہے جس نے شہر کو صاف ستھرا کرنے کی بجائے شہر کو کوڑے کرکٹ کے ڈھیروں میں تبدیل کر دیا ہے اسی طرح نالوں اور نالیوں کی صفائی بھی نہیں کی جا رہی اور سیوریج کا پانی نالوں اور نالیوں سے ابل کر سڑکوں اور گلیوں میں آجاتا ہے اور پھر گھروں میں داخل ہو رہا ہے
صاف ستھرا پنجاب پروگرام صرف ایک تشہیری مہم ثابت ہوا ہے جس پر عوام کا اربوں روپیہ ضائع کیا جا رہا ہے شہریوں نے وزیر اعلیٰ پنجاب، صوبائی وزیر بلدیات، چیف سیکرٹری پنجاب اور ڈپٹی کمشنر قصور سے فوری نوٹس لے کر شہر میں صفائی ستھرائی کے نظام کو بہتر بنانے اور ذمہ داران کے خلاف سخت کارروائی کا مطالبہ کیا ہے

قصور
کھارا چونگی تا بائی پاس قصور تک سڑک شدید ٹوٹ پھوٹ کا شکار،بارہا مقامی لوگوں نے مقامی ایم پی اے و ایم این کو بتایا تاہم بات نا بنی

تفصیلات کے مطابق قصور کھارا چونگی سے قصور بائی پاس تک جانے والی سڑک عرصہ دراز سے شدید ٹوٹ پھوٹ کا شکار ہے جس کی وجہ سے ہر بارش ہونے پر کئی کئی ہفتے بارش کا پانی سڑک پر کھڑا رہتا ہے اور لوگوں کا گزرنا دشوار ہو جاتا ہے
سکول جانے والے بچے،عورتیں و نمازیوں کا گھروں سے نکلنا مشکل ہے
نیز ویسٹ باکس نا ہونے کے باعث سڑک پر کچرے کا ڈھیر لگا رہتا ہے
اس بابت مقامی لوگوں نے بتایا کہ انہوں نے سڑک کی بابت کئی بار مقامی ایم پی اے و مقامی ایم این اے کو بتایا ہے اور سڑک کی تعمیر کی درخواست کی ہے تاہم کوئی بات نہیں بنی
مقامی لوگوں نے وزیر اعلی پنجاب اور ڈپٹی کمشنر قصور سے ازخود نوٹس لے کر سڑک بنوانے کا مطالبہ کیا ہے

قصور
شدید دھند کا راج ایک بار پھر سے شروع،سفر کرنے میں مشکلات،بجلی کی لوڈ شیڈنگ بڑھ گئی

تفصیلات کے مطابق سردی میں اضافے کیساتھ قصور میں دھند کی شدت بھی تیز ہو گئی ہے جس کے باعث بجلی کی لوڈ شیڈنگ میں بھی اضافہ ہوا ہے
کافی دن پہلے دھند و سموگ کا راج تھا تاہم اس کے بعد تقریباً 1 ماہ تک دھند سے بچت ہی رہی مگر کل سے ایک بار پھر دھند میں اضافہ ہوا ہے اور آج شدت کی دھند کے باعث حد نگاہ صفر ہو گئی جس سے سفر کرنے میں مشکلات کا کافی سامنا ہے نیز دھند کے باعث پرانی ٹرانسمیشن لائنوں کی وجہ سے لوڈ شیڈنگ کا دورانیہ بھی بہت خطرناک حد تک بڑھ گیا ہے جس سے شہریوں کی مشکلات اور بڑھ گئی ہیں
واضع رہے کہ ضلع قصور کی بیشتر ٹرانسمیشن لائنیں 50 سال سے بھی زیادہ پرانی ہے جس کی وجہ سے پرانی بوسیدہ تاریں ٹوٹ جانے سے کئی کئی گھنٹے اور بعض اوقات دو دن تک بجلی بند رہتی ہے

قصور
قصور سے تعلق رکھنے والے معروف سوشل میڈیا ایکٹیویسٹ،یوٹیوبر اسامہ شفیق راجپوت جمیعت اہلحدیث پاکستان میں شامل

تفصیلات کے مطابق قصور سے تعلق رکھنے والے معروف سوشل میڈیا ایکٹیوسٹ ،یوٹیوبر اور نکاح کو عام کرو تحریک کے ایڈمن اسامہ شفیق راجپوت جمعیت اہلحدیث پاکستان میں شامل ہو گئے
گزشتہ روز اسامہ شفیق راجپوت نے جمیعت اہل حدیث کے صدر علامہ ہشام الہی ظہیر سے ملاقات کی اور ملاقات کے دوران ایک ویڈیو بیان جاری کیا جس میں ان کا کہنا تھا کہ میں اور میری پوری ٹیم جن میں حافظ محمد بلال صدیقی اور خواتین شعبہ کی انچارج قاریہ سعدیہ سمیت جمیعت اہل حدیث پاکستان میں شمولیت کا اعلان کرتے ہیں، جس پر صدر جمیعت اہل حدیث علامہ ہشام الہی ظہیر نے انہیں خوش امدید کہا اوران سے دین کا بہت سارا کام لینے کا عہد کیا اور دعا کی کہ اللہ تعالی ان سے اپنے دین کا زیادہ سے زیادہ کام لے

قصور
ٹی ایم اے قصور کا عملہ بجائے گندگی اٹھانے کے گندگی کے ڈھیر شہری آبادی میں لگانے لگا،دربار بابا بلہے شاہ کے قریب گندگی کے ڈھیر لگا دیئے گئے

تفصیلات کے مطابق مقامی دکانداروں نے بتایا کہ تحصیل میونسپل ایڈمنسٹریشن قصور کا عملہصفائی شہر قصور میں بجائے صفائی ستھرائی کرنے کے الٹا شہر کے پر رونق چوک میں گندگی کے ڈھیر لگانے لگا ہے
تانا مانا موبائل نزد دربار بابا بلہے شاہ پر واقع موبائل شاپ کے قریب ٹی ایم اے کا عملہ جب جی چاہتا ہے کوڑا کرکٹ کی ٹرالی بھر کر گندگی کا ڈھیر لگا آتا ہے جس سے سخت تعفن اور بدبو پھیلتا ہے اور دکانداروں کیساتھ ساتھ گاہکوں کا دکانوں پر کھڑا رہنا بھی مشکل ہو جاتا ہے اور اس گندگی سے مچھر افزائش پا رہے ہیں اور قرب و جوار میں رہنے والے لوگ مختلف امراض کا شکار بھی ہو رہے ہیں
اہلیان علاقہ نے نااہل عملہ صفائی کے خلاف ڈپٹی کمشنر قصور سے نوٹس لینے اور اپنے علاقے کی صفائی کو یقینی بنانے کی استدعا کی ہے

قصور
قصور میں ایک اور صحافی پولیس گردی کا شکار، تھانہ مصطفی آباد قصور کے ایس ایچ او اور سب انسپیکٹر نے اپنی موجودگی میں کوریج کرتے صحافی سمیع اللہ جٹ پر تھپڑوں اور گالیوں کی برسات کروائی، صحافی کا مائیک،چینل لوگو اور موبائل توڑ دیا،صحافیوں کا پولیس گردی کے خلاف احتجاج

تفصیلات کے مطابق قصور کے تھانہ مصطفی آباد کے ایس ایچ او اور سب انسپیکٹر نے اپنی موجودگی میں کوریج کرتے قصور کے صحافی سمیع اللہ جٹ پر اپنے ماتحتوں سے تھپڑوں اور گالیوں کی برسات کروا دی اور تھانے لیجا کر حبس بیجا میں رکھا
تھانہ مصطفی آباد للیانی کی حدود میں پبلک پراپرٹی کا معاملہ چل رہا تھا جس پر پولیس اپنی موجودگی میں قبضہ کروا رہی تھی جبکہ دوسری پارٹی رو رہی تھی اور پولیس کو منع کر رہی تھی کہ ابھی کورٹ کے آرڈرز نہیں آئے لہذہ آپ کورٹ کے حکم نامہ آنے تک ایسا نہیں کر سکتے یہ سب خلاف قانون ہے
اس منظر کی رپورٹنگ کرتے ایک نیوز کے صحافی سمیع اللہ جٹ کو تھانہ مصطفی آباد کے
سب انسپیکٹر اشرف اور
ایس ایچ او حسن علی عمران نے گالیاں دینا شروع کر دیں اور پکڑ کر صحافی کا موبائل،مائیک اور چینل کا لوگو توڑ دیا اور اپنے ماتحتوں سے صحافی پر سڑک کنارے تھپڑوں اور ٹھڈوں کی برسات کروا دی اور سرکاری گاڑی میں ڈال کر تھانے لیجا کر حبس بیجا میں رکھا جس پر قصور کی صحافی برادری نے بھرپور احتجاج کیا
قصور کی صحافی برادری میں اس بابت سخت غم و غصہ پایا جا رہا ہے اور صحافی برادری پوچھتی ہے کہ رواں سال دنیا بھر میں ابتک 104 صحافی قتل کئے گئے ہیں کیا قصور پولیس بھی غزہ،شام،عراق اور دنیا بھر کی طرح کوریج کرتے صحافی کو قتل کرکے اپنا نام بنانا چاہتی ہے؟
واضع رہے کہ اس سے قبل قصور کے صحافی مہر شکیل شریف اور صحافی غنی محمود قصوری بھی قصور پولیس کی پولیس گردی کا شکار ہو چکے ہیں
صحافی برادری نے وزیر اعلی پنجاب اور وزیر داخلہ و آئی جی پنجاب سے ازخود نوٹس لینے کی اپیل کی ہے