Baaghi TV

Tag: How to

  • اداکارہ سنبل اقبال کے قابلِ ضمانت وارنٹ گرفتاری جاری

    اداکارہ سنبل اقبال کے قابلِ ضمانت وارنٹ گرفتاری جاری

    کراچی کی عدالت نے اداکارہ سنبل اقبال کے قابلِ ضمانت وارنٹ گرفتاری جاری کردیئے۔

    باغی ٹی وی: ایف آئی اے کے مطابق سنبل اقبال نے 2020 میں شکایت درج کرائی تھی جس کے بعد ندیم کیانی و دیگر کے خلاف پاکستان الیکٹرانک کرائم ایکٹ کے تحت مقدمہ درج ہے،اداکارہ کی جانب سے الزام عائد کیا گیا تھا کہ ندیم کیانی و دیگر نے میرے خلاف سوشل میڈیا پر مہم چلائی ہے ۔

    کیسے سینز کرنے سے پہلے روینہ ٹنڈن شرائط رکھتی تھیں؟ اداکارہ نے بتا دیا

    ملزم کے وکیل کے مطابق سنبل اقبال نے ندیم کیانی و دیگر کے خلاف ایف آئی اے میں شکایت درج کرائی تھی اور ندیم کیانی نے کیس میں ضمانت کرارکھی ہے اداکارہ سنبل اقبال گواہی کے لیے عدالت میں پیش نہیں ہورہی۔

    تاہم اب کراچی کے جوڈیشل مجسٹریٹ جنوبی کی عدالت نے گواہی اور شواہد پیش نا کرنے کے معاملے پر اداکارہ کے 10 ہزار روپے مالیت کے قابلِ ضمانت وارنٹ گرفتاری جاری کیے ہیں اور انہیں گرفتار کرکے 15 فروری کو پیش کرنے کا حکم دیا گیا ہے۔

    میں نے کبھی عادل پر ہاتھ نہیں اٹھایا اپنے بچائو میں کبھی دھکا دیا ہو گا راکھی ساونت

  • حرا مانی اور نبیل قریشی و دیگر اپنے ساتھ ہوئے حادثے پر شدید پریشان

    حرا مانی اور نبیل قریشی و دیگر اپنے ساتھ ہوئے حادثے پر شدید پریشان

    کراچی میں جمشید کوارٹرز کے علاقے میں حرامانی ، نبیل قریشی و دیگر شوٹنگ کررہے تھے دو دن قبل اسی علاقے کے علاقہ مکینوں نے ڈرامے کے پچاس پر مشتمل کرو کو گھیر لیا اور ان کو شدید مارا پیٹا اور ان سے ان کے موبائل چھین لئے. ان کے جسم پر تشدد کے نشانات موجود ہیں . جمشید کوراٹرز کے قریبی تھانے میں ایف آئی آر درج کر لی گئی ہے اور ساتھ ایس ایچ او کو بھی معطل کر دیا گیا ہے. کہا جا رہا ہے کہ لوگوں کو ایک ہجوم تھا جو ڈرامے کے پورے کرو پر ٹوٹ پڑا . حرامانی شدید صدمے کی حالت میں ہیں ان سب کا کہنا ہے کہ بھپرے ہوئے ہجوم سے ہمارے

    لئے خود کی جان بچانا مشکل ہو گیا تھا. ہمارے پاس جو پیسے موبائل تھے وہ سب چھین لیا گیا ہے. ہمارے ساتھ یہ سب کیوں کیا گیا ہے ہم سمجھنے سے قاصر ہیں اتنا عرصہ ہو چکا ہے ہمیں شوٹنگ کرتے ہوئے کبھی پہلے ایسا نہیں ہوا جو کچھ اب ہوا ہے. نبیل قریشی نے کہا کہ کیا ہم جنگل میں رہ رہے ہیں جہاں کوئی قانون نہیں ہے. آرٹسٹوں پر اتنا ظلم کیا گیا ہے، اس واقعہ کی سوشل میڈیا پر بہت زیادہ مذمت کی جا رہی ہے.

  • میں نے کبھی عادل پر ہاتھ نہیں اٹھایا اپنے بچائو میں کبھی دھکا دیا ہو گا راکھی ساونت

    میں نے کبھی عادل پر ہاتھ نہیں اٹھایا اپنے بچائو میں کبھی دھکا دیا ہو گا راکھی ساونت

    اداکارہ راکھی ساونت نے کہا ہے کہ میں نے کبھی اپنے شوہر عادل درانی پر ہاتھ نہیں آٹھایا جب وہ مجھے مارتا تھا تو اس وقت اپنے بچائوں میں شاید دھکا مار لیتی تھی. راکھی نے مزید کہا کہ عادل گھر چھوڑ کر جانے لگتے تھے تو میں ان کے پائوں پکڑ لیتی تھی اس دوران وہ مجھے پائوں مارتے تھے ، لاتیں مارتے تھے ، وہ نہیں دیکھتے تھے کہ مجھے کہاں چوٹ لگے گی. راکھی ساونت نے کہا کہ میری ماں نے ہمیشہ مجھے کہا کہ عورت کی زندگی میں اسکے شوہر کی بہت اہمیت ہوتی ہے لہذا میرے زہن میں یہ بات تھی کہ شوہر کی عزت ہی کرنی ہے . دل پر پتھر رکھ کر

    شوہر پر کیس کیا ہے ، سات مہینے مسلسل مجھے ٹارچر کیا اور ٹارچر بھی ایک لڑکی کے لئے کیا جس کے ساتھ اسکا شرعی تعلق نہیں تھا. میں عادل کی بیوی ہوں میرا حق ہے کہ مجھے عزت دی جائے مجھے مارا نہ جائے. راکھی نے مزید کہا کہ جو کچھ ہو رہا ہے یقینا مجھے اچھا نہیں‌لگ رہا لیکن کیا کیا جا سکتا ہے. انہوں نے مزید کہا کہ جو لوگ میرا مذاق بنا رہے ہیں ان کو میری زندگی کے مسائل کا پتہ نہیں ہے میں کن مسائل سے گزری ہوں اور گزر رہی ہوں.

  • اداکارہ و ماڈل ریچل گل کا بڑا اعلان

    اداکارہ و ماڈل ریچل گل کا بڑا اعلان

    اداکارہ و ماڈل ریچل گل نے اپنے حالیہ انٹرویو میں کہا ہے کہ میں اب اپنے مداحوں کو باقاعدگی سے ٹی وی پر نظر آئوں گی. میں کرداروں کے انتخاب کرنے میں کافی وقت لیتی ہوں یہی وجہ ہے کہ مجھے میرے شائقین زرا وقفے وقفے سے دیکھ پاتےہیں لیکن اب میں نے فیصلہ کیا ہے کہ میں مسلسل اپنے مداحوں کو نظر آئوں گی . ریچل گل نے مزید یہ بھی کہا کہ ماڈلنگ اور اداکاری میں فرق تو ہے لیکن دونوں ہی کام بہت آسان نہیں ہیں. انہوں نے کہا کہ میں آج کل سنگیتا بیگم کا ڈرامہ دو بوند پانی کی شوٹنگ میں مصروف ہوں اور میرا کردار بہت اچھا ہے ایسا کردار میں نے کبھی پہلے نہیں کیا. اس میں جو بولی بولی گئی ہے یا جو لہجہ اپنایا گیا ہے میں اس سے پہلے زیادہ واقفیت نہیں رکھتی تھی. لیکن کام کرکے بہت مزا آیا

    ہے مجھے بہت امید ہےکہ شائقین کو یہ ہم سب کی یہ کوشش بہت پسند آئیگی . انہوں نے مزید کہا کہ سردی اور گرمی دونوں میں کام کرنا آسان نہیں ہوتا لیکن محنت اور لگن انسان سے اچھا کام کروا لیتی ہے. ریچل نے کہا کہ ابھی بھی سٹل شوٹس کر لیتی ہوں لیکن ریمپ پر واک نہیں کرتی، ریمپ پر ببہت واک کر لی اب نئے لوگوں کو مقع دیا جانا چاہیے.

  • کسی کا بھائی کسی کی جان کی شوٹنگ مکمل ، سلمان خان کا ٹویٹ

    کسی کا بھائی کسی کی جان کی شوٹنگ مکمل ، سلمان خان کا ٹویٹ

    بالی وڈ کے بھائی کہلائے جانے والے سلمان خان نے حال ہی میں ایک ٹویٹ کیا ہے اس کے زریعے انہوں نے اپنے مداحوں کو انفارم کیا ہے ان کی فلم کسی کا بھائی کسی کی جان کی شوٹنگ مکمل ہو گئی ہے. فلم 21 اپریل 2023 کو ریلیز ہو نے جا رہی ہے. اس فلم کا نام پہلے کبھی عید کبھی دیوالی تھا لیکن بعد ازاں تبدیل کرکے کسی کا بھائی کسی کی جان رکھ دیا گیا. فلم کے پرڈیوسر خود سلمان خان ہیں. جبکہ اس میں ان کے ساتھ مرکزی کردار میں‌ نوجوان اداکارہ پوجا ہیگڑے نظر آئیں گی. اس کے علاوہ اس میں بگ باس 13 سے شہرت کی بلندیوں پر پہنچنے والی شہناز گل بھی بالی وڈ میں اپنا ڈیبیو کرنے جا رہی ہیں . اطلاعات یہ بھی ہیں اس فلم میں سورج پنجولی جو کہ آدیتیہ پنچولی کے بیٹے ہیں وہ بھی ہیں اور ٹی وی

    کی معرف اداکارہ شویتا کی بیٹی پلک تیواری بھی ہیں. سلمان خان کی فلم کسی کا بھائی کسی کی جان کا ٹیزر جاری ہو چکا ہے اس میں سلمان خان کی لکس کافی مختلف نظر آرہی ہیں اس فلم کا شائقین کافی بےچینی سے انتظار کررہے ہیں. دیکھنا یہ ہے کہ سلمان خان کی فلم پٹھان سے زیادہ بزنس کرنے میں کامیابی ہوتی ہے یا نہیں‌یا اس سال کی سب سے بڑی ہٹ پٹھان ہی رہتی ہے.

  • ترکی میں زلزلے کی تباہی پر فنکار پریشان

    ترکی میں زلزلے کی تباہی پر فنکار پریشان

    اداکارہ و ماڈ ل آمنہ الیا س نے ترکی میں حولناک اور ہلا کر رکھ دینے والے زلزلے پر کہا ہےکہ بہت ہی افسوسناک خبر ہے جو ہمارے برادر ملک سے ہمیں مل رہی ہے. اس زلزلے میں کئی انسانی جانیں دنیا سے چلی گئی ہیں بڑے پیمانے پر تباہی ہوئی ہے. کئی لوگ زخمی ہوئے ہیں . میں ان سب کے لئے دعا گو ہوں خصوصی طور پر ان لوگوں کے اہلخانہ کے لئے دعا گو ہوں جن کے پیارے ان سے بچھڑ گئے اللہ ان کو صبر عطا کرے اور وہ اس ٹروما سے جلد باہر آسکیں. اداکارہ میرا نے کہا کہ یہ اللہ کی طرف سے ایک آفت آئی جس میں ہلاکتیں ہوئیں. اللہ سے بس ڈرتے ہی رہنا چاہیے ، جب یہ آفت آئی یقینا بہت سارے لوگ سو رہے تھے وہ اسی حالت میں اللہ کے پاس چلے گئے. رونگھٹے کھڑے ہوجاتے ہیں ایسی آفت

    دیکھ کر . مجھے سمجھ نہیں آتی کہ دنیا کس طرف جا رہی ہے اللہ کے یہ کام ہیں کیا کہہ سکتے ہیں مجھے بہت افسوس ہے اور میری بہت ساری دعائیں ہیں اللہ ترکی میں تباہی کی نذر ہونے والوں کو نارمل زندگی کی طرف دوبارہ جلدی لیکر آئیں. ماڈل و اداکارہ ریچل گل نے کہا کہ اللہ کی طرف سے یہ بڑی آفت اور قیامت تھی جو ہمارے برادر ملک پر ٹوٹی ہے. ترکی میں بہت بڑی تعداد میں جانوں کا نقصان ہوا ہے اللہ ان کی فیملیوں کو یہ صدمہ برداشت کرنے کی توفیق عطا فرمائیں ہم یہاں بیٹھ کر اپنے بہن بھائیوں کے لئے دعا ہی کر سکتے ہیں.

  • آج رات سے بارش کا امکان،مری جانیوالے سیاحوں کیلئے ایڈوائزری جاری

    آج رات سے بارش کا امکان،مری جانیوالے سیاحوں کیلئے ایڈوائزری جاری

    آج رات سے بارش کا امکان

    ڈائریکٹر کوارڈینیشن ڈائزاسٹر مینجمنٹ اتھارٹی پنجاب توقیر وٹو نے کہا ہے کہ محکمہ موسمیات کے مطابق مغربی ہوائیں بدھ(رات) کو ملک کے مغربی علاقوں میں داخل ہونگی جو 9 فروری کو ملک کے بالائی علاقوں تک پھیل جائیں گی اور 10 فروری تک شمالی علاقہ جات پر موجود رہیں گی۔

    اسی دوران بعض مقامات پر درمیانی اور چند مقامات پر موسلادھار بارش،برفباری کی بھی توقع کی جا رہی ہے۔انہوں نے بتایا کہ 09 سے10 فروری کے دوران اسلام آباد، لاہور، گوجرانوالہ، گجرات، حافظ آباد،منڈی بہاؤالدین، سیالکوٹ،نارووال، فیصل آباد، ٹوبہ ٹیک سنگھ، جھنگ، قصور، شیخوپورہ،ننکانہ صاحب، خوشاب، میانوالی اور سرگودھا میں تیز ہواوؤں اور گرج چمک کے ساتھ بارش کا امکان ہے، اسی دوران چند مقا مات پر ژالہ باری بھی ہو سکتی ہے۔

    انہوں نے بتایا کہ 08 سے 10 فروری کے دوران مری میں درمیانی سے شدید برفباری متوقع ہے۔شدید برفباری سے سڑکیں بند اور گاڑیوں کی آمد ورفت متاثر ہو سکتی ہے اور اسی دوران مری میں لینڈسلائیڈنگ کا بھی خدشہ موجود رہے گا۔انہوں نے سیاحوں کو ہدایت جاری کرتے ہوئے کہا کہ بارش اور برفباری کے دوران محتاط رہیں اور غیر ضروری سفر سے اجتناب کریں۔انہوں نے بتایا کہ انتظامیہ کی جانب سے مری میں برف ہٹانے کے لیے ہیوی مشینری اور سٹاف کی مختلف شفٹوں میں ڈیوٹیاں لگائی گئی ہیں اور سیاحوں کی سہولت کے لیے فسیلیٹیشن سنٹرز بھی مکمل فعال ہیں، کنٹرول رومز سے مری کی صورتحال کی مسلسل مانیٹرنگ کی جا رہی ہے، ہنگامی صورتحال سے نمٹنے کے لیے تمام اداروں کو 24/7 الرٹ رکھا گیا ہے۔

    انہوں نے مزید کہا کہ مری جانے والے سیاح جاری کردہ ایڈوائزری پر من و عن عمل کریں اور ہنگامی صورتحال میں پی ڈی ایم اے کی ہیلپ لائن 1129 پر کال کرکے مدد حاصل کریں

    حکومت پورے ادارے کو آگ لگانے کی دھمکی لگا رہی،کوئی پوچھنے والا نہیں، مریم

    نو سالہ بچی سے زیادتی کی کوشش کرنیوالا سگا پھوپھا گرفتار

     عمران خان کی طرف سے الزام تراشییوں کا سلسلہ پرانا نہیں عمران یو ٹرن لینے کی بجائے قلابازیاں کھا رہا ہے

  • ضمنی انتخاب ,حنیف عباسی،چودھری نثار کے بیٹوں و دیگر کے کاغذات جمع

    ضمنی انتخاب ,حنیف عباسی،چودھری نثار کے بیٹوں و دیگر کے کاغذات جمع

    قومی اسمبلی کے ضمنی انتخابات کے سلسلے میں کاغذات نامزدگی جمع کروانے کا آج آخری روز ہے ،کئی امیدواروں نے کاغذات نامزدگی جمع کروا دیئے ہیں،

    فاروق ستار نے ضمنی انتخابات کے سلسلے میں کاغذات نامزدگی جمع کروا دیئے فاروق ستار نے این اے252 اور 254 سے ضمنی الیکشن کیلئے کاغذات نامزدگی جمع کروا دیئے ،کاغذات نامزدگی جمع کرانے کے بعد میڈیا سے گفتگو کرتے ہوئے ڈاکٹر فاروق ستار نے کہا کہ پی ٹی آئی کے سربراہ ہر جگہ سے فارم جمع کرواتے تھے اس دفعہ کہیں سے نہیں کروا رہے یہ انتخابات اس ایم کیو ایم کے فورم سے لڑ رہے ہیں جو سلجھے ہوئے لوگوں کا ہے یہ ایک مختلف ایم کیو ایم ہے اصلاحات کا عمل جاری ہے یہ ماضی سے مختلف ایم کیو ایم ہے

    سابق وزیر داخلہ چوہدری نثار نے قومی اسمبلی کے ہونے والے ضمنی الیکشن کے لیے اپنے بیٹے کو میدان میں اتار دیا ہے چوہدری نثار کے بیٹے تیمور علی خان نے این اے 59 راولپنڈی کے لیے کاغذات نامزدگی جمع کرا دیے ہیں

    سابق وزیرِ داخلہ شیخ رشید کے بھتیجے شیخ راشد شفیق نے ضمنی الیکشن کے لیے این اے 60 سے کاغذات نامزدگی جمع کرا دیے راولپنڈی کی ضلعی الیکشن کمیشن کے دفتر کے باہر میڈیا سے گفتگو کرتے ہوئے شیخ راشد شفیق نے کہا کہ این اے 60 سے بلے کے نشان پر کاغذات نامزدگی جمع کرا دیے ہیں

    قومی اسمبلی کی 33 سیٹوں پر ہونے والے ضمنی انتخابات پر مسلم لیگ ن کے رہنما حنیف عباسی کے بیٹے حماس حنیف نے بھی 2 حلقوں سے کاغذات نامزدگی جمع کرا دیے ،حماس حنیف عباسی نے این اے 60 اور این اے 62 کے لیے کاغذات نامزدگی جمع کرائے ہیں

    تحریک لبیک پاکستان امیدواران نے قومی اسمبلی کے ضمنی انتخابات کے لیئے کاغذات نامزدگی جمع کروا دیئے ،امیر شمالی پنجاب عنایت الحق شاہ نے اپنی ٹیم کے ہمراہ امیدوار NA60 چوہدری رضوان یونس گجر کے کاغذات نامزدگی ریٹرننگ آفیسر کو جمع کروائے ،پیپلز پارٹی کی شہلا رضا نے این اے 242 میں کاغذات نامزدگی جمع کرادئیے،

    تحریک انصاف کے رہنما حماد اظہر نے الیکشن کمیشن آفس میں حلقہ این اے 126 ضمنی انتخابات کے لئے کاغذات نامزدگی جمع کروائے ،پی ٹی آئی سندھ کے صدر علی زیدی نے NA-244 سے اپنے کاغذات نامزدگی جمع کروا دیئے۔این اے 155 ضمنی الیکشن میں شاہ محمود قریشی نے کاغذات نامزدگی جمع کروائے ہیں،این اے 191 سے زرتاج گل وزیر نے اپنے کاغذات نامزدگی جمع کرادئیے

    الیکشن کمیشن کا کہنا ہے کہ این اے 265 الیکشن، 4 امیدواروں نے کاغذات نامزدگی جمع کرائے ہیں،پیپلز پارٹی پارلیمنٹیرینز کے علی مدد نے کاغذات نامزدگی جمع کرادیئے ہزارہ ڈیموکریٹک پارٹی کے محمد رضا نے کاغذات نامزدگی جمع کرادیئے، پشتون خواہ ملی عوامی پارٹی کے محمود خان اچکزئی اور ذاکر حسین کاسی نے کاغذات نامزدگی جمع کرادیئے

    وزیرخارجہ بلاول زرداری سے متحدہ عرب امارات کے وزیرخارجہ شیخ عبداللہ بن زاید النہیان کا ٹیلیفونک رابطہ

    کراچی طیارہ حادثہ کی رپورٹ قومی اسمبلی میں پیش، مبشر لقمان کی باتیں 100 فیصد سچ ثابت

    قومی اسمبلی کی 33نشستوں پر ضمنی الیکشن کے لیے کاغذات نامزدگی جمع کرانے کا آج آخری دن ہے کل 9 فروری کو امیدواروں کی لسٹ جاری کی جائے گی، کاغذات نامزدگی کی جانچ پڑتال کا عمل 13 فروری کومکمل ہوگا ، جس کے بعد 22 فروری کوامیدواروں کی حتمی فہرست جاری کردی جائے گی کراچی میں قومی اسمبلی کی9نشستوں پر ضمنی الیکشن شیڈول ہیں ، 2 روز کے دوران ابھی تک 26 امیدواروں نے کاغذات نامزدگی جمع کرائے ہیں

  • شہباز شریف کا نیا ریکارڈ، پانچ نئے معاون خصوصی، کابینہ 83 رکنی ہو گئی

    شہباز شریف کا نیا ریکارڈ، پانچ نئے معاون خصوصی، کابینہ 83 رکنی ہو گئی

    باغی ٹی وی کی رپورٹ کے مطابق ایک طرف ملک میں مہنگائی عروج پر، عوام کا کوئی پرسان حال نہیں، ڈالر ، پٹرول مہنگا، دوسری جانب وزیراعظم شہباز شریف اپنی کابینہ میں مسلسل اضافہ کیے جا رہے ہیں

    وزیراعظم شہباز شریف نے مزید پانچ معاون خصوصی مقرر کر دیئے ہیں جس کے بعد شہباز شریف نے پاکستان کی تاریخ کی سب سے بڑی کابینہ بنانے کا ریکارڈ بنا لیا ہے، وزیراعظم شہباز شریف نے ایک ساتھ 5 معاونین خصوصی کا اضافہ کیا ہے،جس کے بعد وزیراعظم کے معاونین خصوصی کی تعداد بڑھ کر 38 ہوگئی ۔راﺅ اجمل، شائستہ پرویز، قیصر احمد شیخ ،حامد حمیداور ملک سہیل خان وزیراعظم کے معاون خصوصی بنائے گئے ہیں، نئے معاونین خصوصی کی شمولیت سے کابینہ کی تعداد 83 ہو گئی ہے

    تمام نئے معاونین خصوصی کا عہدہ وزیر مملکت کے برابر ہوگا نئے معاونین خصوصی کو کوئی قلمدان نہیں دیا گیا، بلامعاوضہ کام کریں گے ،وزیراعظم کی کابینہ میں 38 معاونین خصوصی، 34 وفاقی وزرا، 7 وزرائے مملکت اور4 مشیر شامل ہیں

    عمران خان کی محبت بھری شاموں کا احوال، سب پھڑے جان گے، گالی بریگیڈ پریشان

    عمران خان، تمہارے لئے میں اکیلا ہی کافی ہوں، مبشر لقمان

    عمران خان کو آرمی چیف سے کیا چاہئے؟ مبشر لقمان نے بھانڈا پھوڑ دیا

    عمران خان سے ڈیل کی حقیقت سامنے آ گئی

    سینئر صحافی سلیم صافی نے سماجی رابطے کی ویب سائٹ ٹویٹر پر ٹویٹ کرتے ہوئے کہا کہ ایک طرف معیشت کی تباہی کارونا اوردوسری طرف ہرہفتہ پانچ چھ معاونین خصوصی کا اضافہ۔اپنی صحافتی زندگی میں ایسی فضول اوربے کارکابینہ (سوائےدوتین افراد کے) نہیں دیکھی۔معیشت کی ابتری کا تقاضا ہے کہ وزیر اعظم سینکڑوں افراد پرمشتمل کابینہ ختم کرکے صرف چند افراد پر مشتمل مختصر کابینہ بنا دے۔

  • بلاول بھٹو نے سیلاب متاثرین کے گھروں کی تعمیر کیلئے فنڈز کا اجراء کردیا

    بلاول بھٹو نے سیلاب متاثرین کے گھروں کی تعمیر کیلئے فنڈز کا اجراء کردیا

    بلاول بھٹو نےسیلاب متاثرین کے گھروں کی تعمیرکیلئے فنڈزکا اجرا کردیا

    "ترقی یافتہ سندھ،عہد سے تعمیرنوتک”کے عنوان سے حکومت سندھ اوریو این کے زیراہتمام صوبائی ڈونرکانفرنس کے انعقاد کے آغازمیں 17 افراد کورقم کی ادائیگی کر دی گئی ہے سندھ حکومت متاثرین کو20 لاکھ گھربنانے میں مدد کرے گی ،حکومت سندھ نے پبلک پرائیویٹ پارٹنرشپ کے ساتھ سیلاب متاثرہ مکانات کی تعمیرات کے معاہدے پر دستخط کر دیئے پیپلز پارٹی کے چیئرمین اور وزیر خارجہ بلاول بھٹو ، وزیراعلیٰ سندھ مراد علی شاہ، ورلڈ بینک ، ایشین بنک ، یو این ڈی پی اور دیگر ڈونر ایجنسیز کی موجودگی میں دستخط کئے گئے،معاہدے پر سندھ رورل سپورٹ پروگرام کے ہادی بخش اور سی ای او ہاؤسنگ خالد شیخ نے دستخط کیے

    سیاسی مفادات کے لئے ملک کونقصان نہیں پہنچانا چاہئے

    سافٹ ویئر اپڈیٹ، میں پاک فوج سے معافی مانگتی ہوں،خاتون کا ویڈیو پیغام

    عمران خان نے ووٹ مانگنے کیلئے ایک صاحب کو بھیجا تھا،مرزا مسرور کی ویڈیو پر تحریک انصاف خاموش

    وزیراعلیٰ سندھ سید مراد علی شاہ کا کہنا تھا کہ سندھ میں سیلاب متاثرین کے گھروں کی تعمیر کے لیے سروے ہو رہا ہے ،سیلاب زدہ علاقوںمیں ابتدائی سروے کرکے نقصانات کا اندازہ لگایا گیا،جلد سروے مکمل کرکے تعمیراتی مرحلے میں داخل ہوجائیں گے حکومت سندھ متاثرین کو بغیر معاوضے گھروں کی تعمیرکروارہی ہے سیلاب متاثرین کی بحالی میں ورلڈ بینک تعاون کررہا ہے،ایشیائی ترقیاتی بینک نے بحالی میں معاونت کی یقین دہانی کرائی ہے سندھ ہاوسنگ سیکٹر میں اقدامات کیے جارہے ہیں،حکومت سندھ سیلاب متاثرین کی بحالی کے لئے بھر پور کام کر رہی ہے،سندھ میں حالیہ سیلاب سے ہونے والے وسیع نقصان کی وجہ سے سندھ حکومت اور ورلڈ بینک اس بات پر زور دے رہے ہیں کہ سیلاب سے بچنے کے لیے ایسی تعمیرات کو فوری طور پر مکمل کیا جائے۔فنڈز 8 اضلاع میں منتقل ہوگئے،8 اضلاع میں متاثرین فنڈز بینک سے لے رہے ہیں، لاڑکانہ، سکھر، دادو، حیدرآباد، ٹھٹھہ ، بینظیرآباد، عمرکوٹ اور ٹنڈوالہ یار اضلاع میں شامل ہیں متاثرین کو ابھی سے 75 ہزار روپےکی پہلی قسط جاری ہوگئی،سندھ میں 21 لاکھ کچے اور پکے گھر سیلاب کے باعث متاثر ہوئے ہیں،

    جس میں وہ کرسی پر بیٹھے ہیں اور سگار پی رہے ہیں، شیخ رشید احمد کو لاک اپ میں بندنہیں کیا

     15 کلو ہیروئن نہیں ڈالی گئی

    شیخ رشید کے گھر بچے موجود تھے؟ ترجمان اسلام آباد پولیس کا ردعمل

    ہ شیخ رشید 73 سال کے ہیں کئی بیماریوں میں مبتلا