Baaghi TV

Tag: How to

  • جن سے پیار کرتا ہوں بس انہی کے بارے میں سوچتا ہوں شاہ رخ خان

    جن سے پیار کرتا ہوں بس انہی کے بارے میں سوچتا ہوں شاہ رخ خان

    بالی وڈ‌ کے بادشاہ شاہ رخ خان جن کی فلم پٹھان سپر ہٹ ہو چکی ہے ، ان کا سوشل میڈیا پر ایک انٹرویو کلپ وائرل ہو رہا ہے جس میں وہ کہتے ہوئے سنائی دے رہے ہیں کہ میرے ماں باپ نے مجھے دو باتیں‌ کہیں ایک یہ کہ جن سے محبت کرتے ہو صرف ان کے بارے میں سوچو اور جن سے محبت نہیں‌ کرتے ان کے بارے میں‌ مت سوچو. شاہ رخ خان نے کہا کہ جب انسان کسی سے نفرت کرتا ہے یا محبت کرتا ہے تودونوں ہی صورتوں میں اسکے بارے میں‌بہت زیادہ سوچتا ہے، تو میں‌نے فیصلہ کیا کہ میں صرف ان کے بارے میں‌سوچوں گا جن سے میں محبت کرتا ہوں. میں‌نے خود کو بھیڑ سے الگ کر لیا اور نیگیٹیوٹی کو دور پھینک دیا. شاہ رخ خآن نے کہا کہ میرے پاس اتنا وقت ہی نہیں‌کہ میں کسی کے لئے

    نفرت پالوں اس لئے مجھے لگتا ہےکہ انسان کو خود کو پازیٹیو رکھنے کےلئے بہت ضروری ہے کہ وہ صرف اپنے کام سے کام رکھے اور ان لوگوں سے تعلق میں رہے جو اسکو دل سے محبت کرتے ہیں. اور میں خوش قسمت انسان ہوں کہ میں نے بہت محبت کمائی ہے اچھے دوست پائے ہیں . واضح رہے کہ شاہ رخ خان کی فلم پٹھان سپر ہٹ ہو چکی ہے پہلے تین دن میں اس نے ریکارڈ‌بزنس کیا ہے.

  • پرویز الہی نے فواد چوہدری کو گالیاں دیں عمران خان کیوں خاموش ہیں جواد احمد نے سوال اٹھا دیا

    پرویز الہی نے فواد چوہدری کو گالیاں دیں عمران خان کیوں خاموش ہیں جواد احمد نے سوال اٹھا دیا

    برابری پارٹی کے چئیرمین جواد احمد جو عمران خان کے بہت بڑے ناقد ہیں ، انہوں نے حال ہی میں ایک ٹویٹ میں کہا ہے کہ ”پرویزالہی نےفوادچوہدری کوڈبوکہا،انہیں ماں بہن کی گالیاں دیں اورعمران اب تک خاموش ہے۔فوادچوہدری کی اہلیہ اوربھائی ٹھیک طریقےسےپرویزالہی کوجواب بھی نہیں دےپارہےکیونکہ عمران منافق پرویزالہی کےبوٹ پالش کررہاہے۔عمران ایک گھٹیا اورغلیظ آدمی ہےجواپنی کرسی کےلۓدوسروں کی تذلیل کرواتاہے۔انہوں نے ایک اور ٹویٹ میں یہ بھی کہا کہ پی ٹی آئی کےجولوگ یہ سمجھتےہیں کہ عمران کرپٹ لالچی نہیں وہ تھوڑی سی عقل،غیرت استعمال کر کےصرف اس سوال کاجواب دیں کہ عمران نےغریب ملک کےتوشہ خانےسےکروڑوں روپےکیوں بنائے جبکہ

    اسکےپاس اربوں کی14جائدادیں اوراربوں روپےکے3بڑےگھرہیں جن میں سےایک کوبیچ کروہ آسانی سےسڑک بنواسکتاتھا؟ یاد رہے کہ جواد احمد نے عمران خان کی خاموشی پر سوال پرویز الہی کی اس مبینہ آڈیو کی لیک کے بعد اٹھایا ہے جس میں وہ فواد چوہدری کو گالیاں دے رہے ہیں اور کہہ رہے کہ اگر اسکو پہلے گرفتار کر لیا گیا ہوتا تو ہماری اسمبلیاں بچ جاتیں. اس آڈیو لیک کے بعد سے لیکر اب تک عمران خان نے پرویز الہی کی مذمت نہیں کی. اس آڈیو لیک کے بعد سے اب تک سوشل میڈیا پر پرویز الہی پر شدید تنقید کی جا رہی ہے.

  • فرح خان کو اپنے سوشل میڈیا اکائونٹس کے کمنٹس سیکشن بند کرنے پڑ گئے لیکن کیوں؟‌

    فرح خان کو اپنے سوشل میڈیا اکائونٹس کے کمنٹس سیکشن بند کرنے پڑ گئے لیکن کیوں؟‌

    بالی وڈ کی معروف فلم میکر فرح خان جو کہ بگ باس کی ہوسٹنگ کررہی ہیں انہوں نے اس بار ویک اینڈ کا وار ہوسٹ کیا. لیکن پہلی ہی بار انہوں نے بگ باس کے شرکاء میں سے ٹینا اور پریانکا کو بنایا شدید تنقید کا نشانہ. پریانکا کو فرح خان نے کہا کہ پہلے آپ ہیروئین تھیں اب آپ ویمپ ہو ، ٹینا سے کہا کہ سب کو آپ سے سیکھنا چاہیے کہ کس طرح سے کسی کو استعمال کرنا ہے. فرح نے ان دونوں کو کہا کہ آپ دونوں کو اس گھر میں باہر سب سے زیادہ نفرت مل رہی ہے. فرح خان کے ایسے کمنٹس کے بعد انہیں سوشل میڈیا پر کافی نفرت مل رہی ہے انہیں شدید تنقیدکا نشانہ بنایا جا رہا ہے.

    اس ساری صورتحال کے بعد فرح خان کو اپنے تمام سوشل میڈیا اکائونٹس کے کمنٹس سیکشن بند کرنےپڑے کیونکہ فرح خان کو بگ باس کے فینز نے خوب سنائیں . یوں پہلے ہی ویک اینڈ کے وار کو ہوسٹ کرنے کے بعد فرح خان پھنس گئی ہیں مشکل میں، اب دیکھنا یہ ہے کہ فرح خان اپنی غلطی کا احساس کرتے ہوئے پریانکا اور ٹینا سے معافی مانگتی ہیں یا نہیں. یاد رہے کہ بگ باس ختم ہونے میں‌صرف دو ہفتے باقی ہیں.

  • راکھی ساونت کی والدہ انتقال کر گئیں

    راکھی ساونت کی والدہ انتقال کر گئیں

    بالی وڈ‌ اداکارہ اور آئٹم گرل راکھی ساونت کی والدہ انتقال کر گئی ہیں اب سے کچھ دیر پہلے ان کی والدہ ممبئی کے ہسپتال میں دنیا سے رخصت ہو گئی ہیں. راکھی ساونت کی والدہ کینسر کے مرض میں مبتلا تھیں. راکھی ساونت گزشتہ کئی روز سے اپنی والدہ کی سیریس حالت کے بارے میں میڈیا پر آ کر بتا رہی تھیں، کہ کینسر ان کی والدہ کے پوری جسم میں پھیل چکا ہے ، نہ وہ بول رہی ہیں نہ ہی کسی کو پہچان رہی ہیں. راکھی کی والدہ کو ڈاکٹروں نے چند روز قبل وینٹیلیٹر پر منتقل کر دیا تھاکیونکہ ان کو سانس لینے میں‌دشواری کا سامنا تھا. لیکن اب راکھی کی والدہ اس دنیا میں‌نہیں رہیں وہ کیسنر سے جنگ لڑے لڑتے زندگی کی بازی ہار گئی ہیں.ان کی موت سے چند منٹس پہلے راکھی نے میڈیا کو بتایا تھا کہ ڈاکٹروں

    کا کہنا ہےکہ میری والدہ کی طبیعت میں بہتری نہیں آرہی اور انکی حالت ہر گزرتے منٹ میں تشویشناک ہوتی جا رہی ہے. انہوں نے یہ بھی کہا تھا کہ خدایا میری والدہ کو اگر زندگی نہٰں دے سکتا تو اسکی تکلیف میں ہی کمی کردے. یاد رہے کہ راکھی ساونت اپنی والدہ کی وجہ سے بہت پریشان تھیں دن رات ان کے ساتھ ہسپتال میں رہ رہی تھیں.راکھی نے جب بھی میڈیا سے بات کی انکی آنکھیں‌نم ہی نظر آئیں.

  • ہمیں کوئی جماعت بنانے کا شوق نہیں،شاہد خاقان عباسی

    ہمیں کوئی جماعت بنانے کا شوق نہیں،شاہد خاقان عباسی

    سابق وزیراعظم، ن لیگی رہنما شاہد خاقان عباسی نے پشاور میں تقریب سے خطاب کرتے ہوئے کہا کہ سیاسی جماعتوں کا مرکزی فورم ایوان آج مفلوج ہے، ہم سب کیلئے تشویش کی بات ہے، کیا فاٹا کے مسائل حل ہوئے؟ ہم ضم اضلاع کو کچھ بھی نہ دے سکے،ہمیں کوئی جماعت بنانے کا شوق نہیں، اس نظام کو جھنجوڑنے کی کوشش کر رہے ہیں سیاسی جماعتوں کی ذمہ داری ہے کہ عوام کے مسائل کاحل تلاش کریں ، صرف ایک دوسرے پر الزامات لگانے سے مسائل حل نہیں ہونگے ،ہمارے سیاسی نظام کو ٹھیک کرنے کی ضرورت ہے،آج ذاتی مفادات کو چھوڑ کرملک کا سوچنے کی ضرورت ہے، اگر سب اپنا اور پارٹی کا سوچیں گے تو ملک ایسے ہی رہے گا فاٹا کو خیبر پختونخوا میں ضم کیا گیا ،کیا فاٹا کے مسائل حل ہوئے؟اے پی ایس سانحہ کے بعد ملک دہشتگردی کیخلاف متحد ہوگیا تھا، ضم کیے گئے اضلاع کے لوگوں نے اپنے تحفظات سے آگاہ کیا،فاٹا کو ضم کیے ہوئے 5 سال ہوگئے کیا ان کو تمام حقوق مل گئے ؟

    سابق سینیٹر مصطفیٰ نوازکھوکھر نے سیمینار میں اظہار خیال کرتے ہوئے کہا کہ پاکستان میں سیاسی گفتگو کا موجودہ معیار بدقسمتی سے نا مناسب ہے، ملک اس وقت سیاسی، معاشی اور سماجی طور پر دیوالیہ ہونے کی جانب گامزن ہے،افغانستان میں بھارت نواز حکومت ختم لیکن دہشت گردی ختم نہیں ہوئی، ملک میں اس وقت آئین اور پارلیمان بے معنی ہے،افسوس اب ایک دن بھی علی وزیرکو پارلیمنٹ نہیں لایا جا سکتا، ایسا پاکستان تصور کرتے ہیں جہاں عدلیہ لوگوں کو انصاف دلا سکے،

    رکن قومی اسمبلی محسن داوڑ نے سیمینار سے خطاب کرتے ہوئے کہا کہ موجودہ صورتحال کی وجہ سے لوگوں کاہم پرسے اعتماد اٹھ رہا ہے،اگر ہم نے اپنی اصلاح نہیں کی تو اس کے خطرناک نتائج سامنے آسکتے ہیں، پرانی پالیسیوں کی اصلاح کے بغیر امن قائم کرنا ممکن نہیں،ایک حکومت کو بٹھانا دوسرے کو گرانا، یہ ہماری سیاسی جماعتوں کی پالیسی ہے، ٹروتھ کمیشن بنانے کے بغیر آگے نہیں بڑھا جا سکتا،

    سابق وزیر خزانہ مفتاح اسماعیل نے سیمینا ر سے خطاب کرتے ہوئے کہا کہ وسائل سے زیادہ اخراجات ہیں، جسکی وجہ سے مشکلات کا سامنا کرنا پڑ رہا ہے، ملک میں 86 فیصد بچوں کو معقول کھانا نہیں مل رہا، ملک ترقی نہ کرنے کی وجہ 97 فیصد بچوں کو اچھی تعلیم، خوراک اور سہولیات نہ ملنا ہے، اگلے چند مہینے مشکل ہونگے، لیکن ہم ٹریک پر آگئے ہیں،روپے کی قدر یں کمی کے باعث اشیاء خورونوش کی قیمتیں بڑھے گی،

    خان صاحب کی نظریں کہہ رہی ہیں کہ محمود خان آ سکتا ہے تو وہ کیوں نہیں آیا؟

    مسلم لیگ ن ایک فرد واحد کی خاطر اسمبلیاں ختم نہیں ہونے دے گی۔

    ہمارے ساتھ بیٹھ کر پرویز الہیٰ نے عمران خان کو سلیس پنجابی میں ڈیڑھ سو گالیاں دی تھیں،خواجہ آصف کا انکشاف

    الیکشن کی تاریخ چاہئے تو عمران خان پی ڈی ایم قیادت سے ملیں، وزیر داخلہ

  • پاک ترک دوستی؛ مری میں 2 روزہ ترکش فوڈ فیسٹیول کا انعقاد

    پاک ترک دوستی؛ مری میں 2 روزہ ترکش فوڈ فیسٹیول کا انعقاد

    مری :ملکہ کوہسار مری میں پاک ترک دوستیسیاحوں کی توجہ کا مرکز بن گئی ہے جہاں پی سی بھوربن میں دو روزہ ترکش فوڈ فیسٹیول کا انعقاد کیا گیا ہے۔تفصیلات کے مطابق کے مطابق گیریژن کمانڈر مری میجرجنرل واجد عزیز نے ملکہ کوہسار مری میں واقع پی سی بھوربن میں ترکی کے لذیز کھانوں کا دو روزہ ترکش فوڈ فیسٹیول کا افتتاح فیتہ کاٹ کر کیا ۔

    ذرائع کی رپورٹ کے مطابق پہلے روزترکش فوڈ فیسٹیول میں پاکستانی شیفز کے ہاتھوں سے بنےترکیہ کے روایتی کھانوں کومہمانوں نےخوب سراہااورترکش فوڈ فیسٹیول میں لال رنگوں سے سجے ترکی کے جھنڈے بھی نمایاں طور پر آویزاں کیے گئے ہیں۔

    میلے کی افتتاحی تقریب میں سیاحوں سمیت کاروباری شخصیات کےعلاوہ شہریوں کی بڑی تعداد نے بھی شرکت کری اور ترکش پکوانوں سے لطف اندوز ہوئے۔سیاح اور فیملیوں کی بڑی تعداد نے ترکش فوڈ فیسٹیول کو بے حد پسند کرتے ہوئے کہا کہ ایسے میلے مزید منعقد ہونے چاہئے۔

    محکمہ سیاحت میں آسیہ گل کی تین ماہ کی خدمات قابل ستائش تاریخی اور یادگار

    ادھر مری اور مضافات میں آج بھی برفباری کا امکان ہے ، محکمہ موسمیات کے مطابق بلوچستان کے مختلف علاقوں میں برفباری کے باعث سردی کی شدت میں اضافہ ہوگیا ہے، جب کہ کوژک ٹاپ پر ٹریول ایمرجنسی نافذ کر دی گئی ہے۔ توبہ اچکزئی میں برفباری کے دوران لاپتا پولیو ٹیم کو بھی ریسکیو کر لیا گیا، جس کے بعد پولیو ٹیم کو طبی معائنے کیلئے قلعہ عبداللہ ہیڈکوارٹر منتقل کردیا گیا ہے۔ چمن شہر اور گردونواح میں موسلادھار بارش کے باعث ندی نالے بھر گئے۔

    سیاحت کے فروغ کےلیے پنجاب حکومت کے قابل تحسین اقدامات

    شمالی بلوچستان کے موسمی اثرات آج سے سندھ بھر میں پڑنے کا امکان ہے، کراچی سمیت ساحلی علاقوں میں ریکارڈ سردی متوقع ہے، کراچی میں درجہ حرارت 3 ڈگری سینی گریڈ تک گرنے کا امکان ظاہر کیا جا رہا ہے۔ حیدر آباد اور لطیف آباد میں بوندا باندی سے ٹھنڈی ہواؤں نے موسم کو مزید سرد کر دیا ہے جبکہ خیبر پختونخوا کے مختلف علاقوں میں بھی آج سے بدھ تک بارش اور پہاڑوں پر برفباری کی پیشگوئی کی گئی ہے۔

    سیاحتی مقامات پر انٹرنیٹ سروس کی فراہمی پر خصوصی توجہ کی ہدایت

    مینگورہ میں بھی وقفے وقفے سے بارش اور بالاٸی علاقوں کے پہاڑوں پر برف باری جاری ہے، ملکہ کوہسار مری میں برفباری کے بعد سردی کی شدت میں اضافہ ہو گیا ہے۔ رپورٹ کے مطابق بارشیں برسانے والے نئے نظام کی آج سے آمد شروع ہوگئی ہے، نیا سلسلہ 21 جنوری سے ملک میں داخل ہوگا، جس کے بعد بالائی علاقوں میں مزید برفباری کا امکان ہے، پنجاب کے بیشتر میدانی علاقوں میں تیز ہواؤں کے ساتھ بارش کی پیش گوئی بھی کی گئی ہے۔

  • پنجاب میں آٹے اور گندم کی صورتحال تسلی بخش قرار

    پنجاب میں آٹے اور گندم کی صورتحال تسلی بخش قرار

    پنجاب میں آٹے اور گندم کی صورتحال تسلی بخش قرار

    صوبہ بھر میں آٹے اور گندم کی صورتحال تسلی بخش ہے۔اس وقت گندم کے وافر ذخائر موجود ہیں۔ڈائریکٹر خوراک پنجاب شوذیب سعید نے محکمہ خوراک کے کمیٹی روم میں میڈیا نمائندگان کو بریفنگ دیتے ہوئے بتایا کہ یہ امر خوش آئند ہے کہ وفاق نے گندم امپورٹ کرنے کی اجازت دیدی ہے جبکہ وفاق سے دو لاکھ پچاس ہزار میٹرک ٹن گندم پنجاب آ چکی ہے اور بقیہ اڑھائی لاکھ ٹن گندم بھی جلد پنجاب پہنچ جائے گی۔

    انکا کہنا تھا کہ صوبے میں 15لاکھ میٹرک ٹن کے ذخائر موجود ہیں جبکہ یومیہ 26ہزار میٹرک ٹن کی فراہمی جاری ہے۔ شوذیب سعید نے مزید کہا کہ ل اس وقت ایوریج قیمت 42 سو روپے ہے جبکہ محکمہ خوراک کی جانب سے ٹرکنگ پوائنٹس پر زور دیا جا رہا ہے تاکہ عام آدمی کو بلیک میل کرنے اور ذخیرہ اندوزوں سے بچایا جا سکے۔ شوذیب سعید نے ایک سوال کے جواب میں کہا کہ بیس کلو کی جگہ دس کلو والے تھیلے فراہم کیے جا رہے ہیں جبکہ خلاف ورزی پر ملوں کے خلاف ایکشن لیا جا رہا ہے۔ ڈائریکٹر خوراک پنجاب نے واضح کیا کہ 1100 سے زائد ملوں کا کوٹہ بند کیا جا چکا ہے گیا اور کسی کو بھی ذخیرہ اندوزی یا ملاوٹ کی اجازت نہیں دی جائے گی۔

    ڈائریکٹر خوراک پنجاب نے کہا کہ مارچ میں رمضان المبارک شروع ہورہا ہے اورامید ہے جلد حکومت وقت کی جانب سے رمضان پیکج کا بھی اعلان ہوگا۔ ڈپٹی ڈائریکٹر لاہور نسیم افضل نے میڈیا نمائندگان کو بتایا کہ روزانہ پانچ لاکھ سے زائد بیگ تقسیم ہو رہے ہیں جبکہ ابھی تک ایکشن لیتے ہوئے پچیس ہزار سے زائد ملوں کا کوٹہ معطل کیا جا چکا ہے اور ایک ہزار سے زائد دکانداروں کے لائسنس منسوخ کیے جا چکے ہیں۔

    عمران خان کی تعزیت کیلئے صحافی صدف نعیم کے گھر آمد 

    کامونکی،لانگ مارچ کی کوریج کرنیوالے صحافیوں پر پولیس کا تشدد

    پی ٹی آئی نے جلسے کی اجازت کیلئے اسلام آباد ہائیکورٹ سے رجوع کر لیا

  • نگران صوبائی وزیرصحت ڈاکٹر جاوید اکرم جنرل ہسپتال پہنچ گئے

    نگران صوبائی وزیرصحت ڈاکٹر جاوید اکرم جنرل ہسپتال پہنچ گئے

    نگران صوبائی وزیرصحت ڈاکٹر جاوید اکرم جنرل ہسپتال لاہور پہنچ گئے۔

    پرنسپل امیرالدین میڈیکل کالج اینڈپوسٹ گریجوایٹ میڈیکل انسٹی ٹیوٹ پروفیسرڈاکٹرسردارظفرالفرید نے نگران صوبائی وزیر صحت ڈاکٹرجاویداکرم کااستقبال کیا۔نگران صوبائی وزیرصحت ڈاکٹرجاویداکرم نے جنرل ہسپتال میں اہم اجلاس کی صدارت بھی کی۔اجلاس میں فیکلٹی ممبران اورملک بھرسے آئے آنکولوجسٹس اور گائنو کولو جسٹس نے شرکت کی۔اس موقع پر ڈاکٹر عباس کھوکھر، ڈاکٹرمظہرحسین، ڈاکٹرآمنہ احسن، پروفیسرطیبہ وسیم، پروفیسرعائشہ ملک، پروفیسرزیباعزیز، پروفیسر اے وسیم یوسف، پروفیسرراشدلطیف خان، پروفیسرندرت سہیل، سہیل چغتائی ودیگرڈاکٹرزموجودتھے۔

    نگران صوبائی وزیرصحت ڈاکٹرجاویداکرم نے اظہارخیال کرتے ہوئے کہا کہ جنرل ہسپتال لاہوردکھی انسانیت کی خدمت میں بنیادی کردارادا کررہاہے۔ پنجاب میں سوسائٹی آف گائنوکولوجی اینڈ آنکولوجی رجسٹرڈ کروائی جا رہی ہے۔ سوسائٹی پنجاب میں کینسرکے مریضوں اورماں اوربچہ کی سہولیات کی فراہمی کویقینی بنانے میں اہم کردار ادا کرے گی۔پنجاب کی عوام کوصحت کی بہترسہولیات فراہم کرنے کی پوری کوشش کریں گے۔ سوسائٹی آف گائنوکولوجی اینڈآنکولوجی کوایس ای سی پی سے باقاعدہ رجسٹرڈکروایا جائے گا۔

    خاتون کے ساتھ زیادتی ،عدالت کا چھ ماہ تک گاؤں کی خواتین کے کپڑے مفت دھونے کا حکم

    نرسری وارڈ میں 4 بچوں کے جاں بحق ہونے پر وزیراعلیٰ کا نوٹس

    پسند کی شادی جرم بن گئی، سفاک ملزمان نے بچوں،خواتین سمیت سات افراد کو زندہ جلا ڈالا

    ڈاکٹرجاویداکرم نے کہا کہ پروفیسرڈاکٹرسردارظفرالفریدسوسائٹی کے صدرکے فرائض سرانجام دیں گے۔ سوسائٹی سکریننگ، پروینشن اورویکسی نیشن میں اہم کرداراداکرے گی۔ سوسائٹی کے تحت کری کولم کمیٹی تشکیل دی جائے گی۔ سوسائٹی آف گائنوکولوجی اینڈ آنکولوجی کے عہدیداران نے آج خدمت انسانیت کا باقاعدہ حلف اٹھالیاہے۔ پرنسپل پروفیسر ڈاکٹر سردار ظفر الفرید نے اظہارخیال کرتے ہوئے کہا کہ نگران صوبائی وزیرصحت ڈاکٹرجاویداکرم کے ویژن کے مطابق سوسائٹی کو مریضوں کیلئے سود مند بنائیں گے۔ جنرل ہسپتال لاہورمیں ہرآنے والے مریض کو وی وی آئی پی پروٹوکول دیا جاتا ہے

  • نابالغوں کو سگریٹ کی فروخت روکنے کی درخواست دائر

    نابالغوں کو سگریٹ کی فروخت روکنے کی درخواست دائر

    لاہور ہائیکورٹ میں نابالغوں کو سگریٹ کی فروخت روکنے کی درخواست پر سماعت ہوئی

    لاہور ہائیکورٹ نے وفاقی حکومت اور پنجاب حکومت کو نوٹس جاری کردیئے، درخواست بیرسٹر احمد پنسوتا کی وساطت سے خضر قریشی نے دائر کی ، لاہور ہائیکورٹ میں دائر درخواست میں درخواست گزار کی جانب سے کہا گیا ہے کہ سموکنگ آرڈینس کے تحت 18 سال سے کم عمر افراد کو سگریٹ فروخت نہیں کیے جا سکتے ۔حکومت آرڈینس پر عملدرآمد کرانے میں ناکام ہے ۔ عدالت 18 سال سے کم عمر افراد کو سگریٹ اور ویپس کی فروخت فوری روکنے کا حکم دے ۔، عدالت نے درخواست پر مختصر سماعت کے بعد فریقین کو نوٹس جاری کر دیئے،

     تمباکو نوشی کے خلاف کرومیٹک کے زیر اہتمام کانفرنس :کس کس نے اور کیا گفتگو کی تفصیلات آگئیں

    تمباکو سیکٹر میں سالانہ 70 ارب روپے کی ٹیکس چوری کا انکشاف

    جب حکمران ٹکٹ ہی ان لوگوں کو دیں جن کا کاروبار تمباکو اور سگریٹ سے وابستہ ہو تو کیا پابندی لگے گی سینیٹر سحر کامران

    تمباکو نوشی کا زیادہ استعمال صحت کے لئے نقصان دہ ہے،ڈاکٹر فیصل سلطان مان گئے

    تمباکو پر ٹیکس عائد کر کے نئی حکومت بجٹ خسارے پر قابو پا سکتی ہے،ماہرین

    تمباکو اور میٹھے مشروبات پر ٹیکس میں اضافہ آنیوالے بجٹ میں کیا جائے، ثناء اللہ گھمن

    تمباکو پر ٹیکس، صحت عامہ ، آمدنی کے لئے جیت

    سگریٹ مافیا کتنا تگڑا ہے؟ اسد عمر ،شبر زیدی نے کھرا سچ میں بتا دیا

    واضح رہے کہ پاکستان میں پابندی کے باوجود کم عمر بچوں کو سگریٹ کی فروخت کی جاتی ہے، تعلیمی اداروں کے باہر بھی منشیات کا استعمال عام ہوتا جا رہا ہے،تمباکو نوشی سے دنیا میں ہرسال 70 لاکھ افراد لقمہ اجل بنتے ہیں اور ان میں سے 20 لاکھ افراد سگریٹ نوشی کے باعث دل کی بیماریوں، فالج اور ہارٹ اٹیک سے موت کے منہ میں چلے جاتے ہیں۔ طویل مدت تک تمباکو نوشی زندگی 12 سے 15 سال تک زندگی کو کم کردیتی ہے۔ یہ عام غلط فہمی ہے کہ طویل عرصہ تک سگریٹ نوشی کے بعد اس کو ترک کرنے کا کوئی فائدہ نہیں ہوتا حالانکہ جیسے ہی آپ سگریٹ نوشی ترک کرتے ہیں اس سے پھیپھڑوں کی شدید بیماریاں اور کینسر ہونے کے امکانات کم ہوتےجاتے ہیں، تمباکو نوشی کے باعث ہارٹ اٹیک اور فالج کے ساتھ پھیپھڑوں کی بیماریاں اور کینسر بھی اموات کی بڑی وجوہات ہیں۔ پاکستان میں تقریبا 3 کروڑ افراد تمباکو نوش ہیں جن میں اکثر سگریٹ نوش ہیں۔ ملک میں لاکھوں دکانیں ایسی ہیں جہاں سگریٹ آسانی سے دستیاب ہیں۔

  • ٹویوٹا گاڑیوں کی قیمتوں میں بڑا اضافہ

    ٹویوٹا گاڑیوں کی قیمتوں میں بڑا اضافہ

    کراچی: انڈس موٹرز کمپنی (آئی ایم سی) نے ٹویوٹا گاڑیوں کی قیمتوں میں 4 لاکھ روپے تک مزید اضافہ کردیا ہے۔

    باغی ٹی وی:ٹویوٹا گاڑیوں کی قیمتوں میں بڑااضافہ ڈالر کی بڑھتی ہوئی قیمت، معاشی غیر یقینی،خام مال پرمہنگائی کے اثرات اور پیداواری لاگت میں اضافے کے پیش نظر کیا گیا ہےنئی قیمتوں کا اطلاق 12 جنوری 2023 کےبعد بک ہونیوالی گاڑیوں پر ہوگا انڈس موٹرز کی طرف سے قیمتوں میں اضافے کا سبب زرمبادلہ میں عدم استحکام، یوٹیلیٹی نرخوں میں اضافہ اور دیگر اخراجات بتایا گیا ہے۔

    اسلام آباد سے کراچی جانے والی گرین لائن ایکسپریس نے اپنا ہی ریکارڈ توڑ دیا

    تفصیلات کے مطابق یارس 1.3، جی ایل آئی ایم ٹی کی قیمت 38 لاکھ 19 ہزار روپے سے بڑھا کر 40 لاکھ 79 ہزار کی گئی ہے جبکہ 1.3 جی ایل آئی سی وی ٹی کی قیمت 40 لاکھ 69 ہزار روپے سے بڑھا کر 43 لاکھ 39 ہزار روپے کردی گئی ہے۔

    یارس 1.3 اے ٹی آئی وی ایم ٹی کی نئی قیمت 43 لاکھ 9 ہزار، 1.3 اے ٹی آئی وی سی وی ٹی کی 45 لاکھ 29 ہزار، یارس 1.5 اے ٹی آئی وی ایکس ایم ٹی آئی کی 46 لاکھ 49 ہزار اور 1.5 اے ٹی وی آئی ایکس سی وی ٹی کی نئی قیمت 49 لاکھ 29 ہزار روپے کردی گئی ہے۔

    اسی طرح کرولا 1.6 اٹلس ایکس ایم ٹی کی نئی قیمت 52 لاکھ 69 ہزار روپے، کرولا 1.6 اٹلس ایکس سی وی ٹی آئی کی نئی قیمت 57 لاکھ 49 ہزار روپے،کرولا 1.6 اٹلس ایکس سی وی ٹی آئی ایس ای کی نئی قیمت 63 لاکھ 19 ہزار روپے، 1.8 ایکس سی وی ٹی گرینڈی کی نئی قیمت 66 لاکھ 49 ہزار روپے مقرر کی گئی ہے۔

    ہماری طرف آئیں ہم اچھے میزبان ہیں آپ کو دکھائیں گےکہ ہم کیسے نظر آتے ہیں،عدنان…

    علاوہ ازیں ریوو وی اے ٹی 2.8 کی قیمت ایک کروڑ 22 لاکھ 39 ہزار روپے جبکہ ریوو وی اے ٹی روکو کی قیمت ایک کروڑ 82 لاکھ99 ہزار روپے تک مقرر کی گئی ہے۔

    فارچونر2.7 جی پٹرول کی قیمت ایک کروڑ 34 لاکھ 19 روپے،فارچونر2.7 وی پٹرول کی قیمت ایک کروڑ 53 لاکھ39 ہزارروپے، فارچونر 2.8 سگما فورڈیژل کی قیمت ایک کروڑ 61 لاکھ 89 ہزارروپےجبکہ فارچونر 2.8 لیجنڈر ڈیژل کی قیمت ایک کروڑ 70 لاکھ 69 ہزار روپے مقرر کردی گئی ہے۔

    پشاور زلمی کی ٹیم سعودی عرب کی قومی کرکٹ ٹیم سے میچ کھیلے گی،جاوید آفریدی