Baaghi TV

Tag: How to

  • آل پاکستان ٹیکسٹائل ملز ایسوسی ایشن نے امریکا سے قرض کی درخواست کر دی

    آل پاکستان ٹیکسٹائل ملز ایسوسی ایشن نے امریکا سے قرض کی درخواست کر دی

    اسلام آباد: حالیہ بارشوں اور سیلاب کی تباہ کاریوں سے ہونے والے نقصانات پر آل پاکستان ٹیکسٹائل ملز ایسوسی ایشن (اپٹما) نے امریکا سے قرض کی درخواست کر دی۔

    باغی ٹی وی : تفصیلات کے مطابق اپٹما نے پاکستان میں امریکی سفیر ڈونلڈ بلوم کو خط لکھا گیا ہے جس میں کہا گیا ہے کہ امریکا کاٹن امپورٹ کے لیے دو ارب ڈالر قرض پاکستان کو فراہم کرے، پاکستان میں کاٹن کی پیداوار تاریخ کی کم ترین سطح پر پہنچ گئی ہے، پاکستان کو بارشوں اور سیلاب کے باعث سالانہ 5 ملین بیلز کا نقصان ہوا۔

    ای پاسپورٹس اجرا کے لیے فیس شیڈول جاری

    خط میں اپٹما نے کہا ہے کہ سیلاب اور بارشوں کی تباہی کے باعث محض کاٹن کی فصل کو 2 بلین ڈالر کا نقصان ہوا، جون تا اکتوبر 2022ء کے دوران سیلاب کے باعث پاکستان کو15.2 ارب ڈالرکا معاشی نقصان ہوا۔

    انہوں نے کہا کہ مقامی کاٹن کی پیداوار انتہائی حد تک کم ہونے کے باعث ٹیکسٹائل سیکٹر کو شدید مشکلات کا سامنا ہے، رواں سیزن کیلئے پاکستان کو 10 ملین کاٹن بیلز امپورٹ کی ضرورت ہے،امریکی قرض کی رقم سے لاکھوں لوگوں کا روزگاربچ جائے گا، قرض سے پاکستان کے بیلنس آف پیمنٹ میں بہتری آئے گی-

    چین سے مال گاڑیوں کی 70 بوگیاں کل پاکستان پہنچیں گی

  • صبا قمر اور منیب بٹ ایک ساتھ

    صبا قمر اور منیب بٹ ایک ساتھ

    اداکارہ صبا قمر جن کی داکاری اور خوبصورتی کے شائقین دیوانے ہیں ان کا ہر پراجیکٹ پہلے سے مختلف ہوتا ہے. حال ہی میں ان کے ڈرامہ سیریل تیرے حسن کے نام اختتام پذیر ہوا ہے اس میں وہ عمران عباس کے ساتھ نظر آئیں گی. لیکن صبا قمر اور منیب بٹ کے مداحوں کےلئے خوشخبری ہے کہ اب منیب بٹ اور صبا قمر ایک ساتھ نظر آئیں گے یہی نہیں‌بلکہ ان کے ساتھ جنید نیازی اور آغا مصطفی بھی نظر آئیں گے. ڈرامہ اے آر وائی ڈیجیٹل سے آن ائیر جائیگا اور ڈائریکشن احمد بھٹی کریں گے. ڈرامے کا نام ہے اے زندگی گلے لگا لے. اس ڈرامے کی کہانی کس قسم کی ہے اور صبا منیب و دیگر کے کردار کیا ہیں روٹین کی کہانی یا کردار ہیں یا اس سے کچھ ہٹ کر ہے یہ تو تب ہی پتہ چلے گا جب ڈرامہ آن ائیر

    جائیگا. واضح رہے کہ منیب بٹ اور صبا قمر پہلی بار ایک دوسرے کے ساتھ مرکزی کردارں میں نظر آرہے ہیں. امید کی جا رہی ہے کہ صبا قمر جیسا کہ روٹین سے ہٹ کر ڈراموں‌میں‌کام کرتی ہیں تو یہ ڈرامہ بھی روٹٰن سے ہٹ کر ہی ہو گا.

  • رزکمالی سے اختر حسین کا کیا تعلق ہے؟‌

    رزکمالی سے اختر حسین کا کیا تعلق ہے؟‌

    اداکار و پرڈیوسر اختر حسنین جن کی گزشتہ برس دم مستم فلم ریلیز ہوئی تھی اس نے خاطر خواہ کامیابی حاصل نہیں کی تھی. اختر حسنین نے اپنے حالیہ انٹرویو میں‌ کہا ہے کہ اداکارہ رزکمالی سے میرا تعلق صرف دوستی کی حد تک ہے . لوگ بلاوجہ بات کا بتنگڑ بنا دیتے ہیں. اگر کوئی لڑکی کسی سے ہنس کر بات کر لے کسی کے پاس کھڑی ہوجائے تو فورا اسکا سیکنڈل بنا دیا جاتا ہے یہ غلط بات ہے اور برائے مہربانی میرا یا کسی بھی آرٹسٹ کا معمولی سی بات پہ سکینڈل نہ بنایا کریں اس سے ہم سب پریشان ہوتے ہیں. اختر حسنین نے یہ بھی کہا کہ میں نے ابھی تک شادی نہیں‌کی ،

    جب بھی شادی کروں گا خصوصی طور پر میڈیا کو سب سے پہلے بتائوں گا لیکن میرا ابھی شادی کا کوئی ارادہ نہیں ہے. میں ابھی اپنی اداکاری میں مصروف ہوں، میرے بطور پرڈیوسر کافی ڈرامے چل رہے ہیں ان میں مصروف ہوں. اختر حسنین نے کہا کہ کسی کا بھی کوئی سکینڈل چھاپنے ے پہلے برائے مہربانی اس سے پوچھ لیا کریں تصدیق کر لیا کریں‌کہ حقیقت کیا ہے اور فسانہ کیا. یوں اختر حسنین نے اپنے حالیہ انٹرویو میں میڈیا سے شکوہ کیا اور کہا کہ کسی کو دوستی کو افئیر کا رنگ مت دیا کریں‌.

  • ای پاسپورٹس اجرا کے لیے فیس شیڈول جاری

    ای پاسپورٹس اجرا کے لیے فیس شیڈول جاری

    اسلام آباد : ای پاسپورٹس اجرا کے لیے فیس شیڈول جاری کردیا گیا۔

    باغی ٹی وی:وفاقی حکومت کی منظوری سے ای پاسپورٹس اجرا کے لیے فیس شیڈول کا اعلان کر دیا گیا، ای پاسپورٹس اجرا کے لیے فیس شیڈول کا اطلاق ڈپلومیٹیک، آفیشل اورعام کیٹیگری کے لیے کیا گیا-

    بلدیاتی انتخابات:دوسرے مرحلے میں کراچی اور حیدرآباد ڈویژن میں پولنگ کا عمل شروع

    عام شہریوں کوای پاسپورٹ کا اجرا موجودہ پاسپورٹ کی مدت کے اختتام پرکیا جائے گا ابتدائی طور پرای پاسپورٹس اجرا کا آغاز صرف اسلام آباد سے کیا جا رہا ہے، ملک کے باقی شہروں میں بتدریج ای پاسپورٹ اجرا کی تاریخ کا جلد اعلان کیا جائے گا۔

    36 صفحات کے 5 سالہ ای پاسپورٹ کے لیے نارمل فیس9 ہزار، ارجنٹ فیس 15ہزار، 36 صفحات کے لیے10سالہ پاسپورٹ کی نارمل فیس 13ہزار500 ، ارجنٹ 22 ہزار500 ، 72صفحات کے 5سالہ ای پاسپورٹ کی نارمل فیس 16ہزار500، ارجنٹ 27 ہزار500، 72 صفحات کے 10سالہ ای پاسپورٹ کی نارمل فیس 24 ہزار 750 ، ارجنٹ فیس 40ہزار500روپے ہوگی۔

    اردو کے معروف شاعرسید محسن نقوی کا یوم وفات

    فیس کی ادائیگی نیشنل بینک، موبائل ایپ ، موبی کیش اورایزی پیسہ سے بھی کی جاسکے گی۔

  • چین سے مال گاڑیوں کی 70 بوگیاں کل پاکستان پہنچیں گی

    چین سے مال گاڑیوں کی 70 بوگیاں کل پاکستان پہنچیں گی

    کراچی: چین سے مال گاڑیوں کی 70 بوگیاں کل پاکستان پہنچیں گی-

    باغی ٹی وی :پاکستان ریلویز ہیڈ کوارٹرز کی طرف سے جاری بیان کے مطابق مال گاڑیوں کے ساتھ لگنے والی70 اسٹیٹ آف دی آرٹ بوگیاں چین سے پاکستان کیلیے روانہ ہو گئیں جو کل 16جنوری پیرکو کراچی پہنچیں گی۔

    اردو کے معروف شاعرسید محسن نقوی کا یوم وفات

    ریلوے حکام کے مطابق رواں سال مارچ میں ایسی مزید130 بوگیاں ریلوے سسٹم میں شامل ہو جائیں گی یہ 820 بوگیوں کا منصوبہ ہے۔ ٹرانسفر آف ٹیکنالوجی معاہدے کے تحت باقی ماندہ 620 بوگیاں پاکستان میں بنیں گی۔

    گورنرپنجاب نےچوہدری پرویزالٰہی اورحمزہ شہبازکو3دن کی مہلت دے دی

    ملک میں مینوفیکچرنگ سے قومی خزانے کا پیسہ بچے گا اور روزگار کے مواقع بڑھیں گے۔ نئی بوگیوں سے ریلوے آمدن میں سالانہ ڈیڑھ ارب روپے سے زائد کا اضافہ ہو گا۔

    موجودہ بوگیاں60 ٹن وزن کے ساتھ 80 کلومیٹر فی گھنٹہ کی رفتار سے دوڑ سکتی ہیں۔ نئی بوگیوں میں70 ٹن وزن کے ساتھ 100کلومیٹر فی گھنٹہ کی رفتار سے چلنے کی صلاحیت ہے۔ جدید بوگیوں کی سسٹم میں شمولیت سے ریلوے کے ذریعہ مال کی ترسیل کے رجحان میں اضافہ ہو گا۔

  • چارلز لٹویج ڈوجسن:پیشہ ریاضی داں، فوٹوگرافر، شاعر، شماس، ادیب

    چارلز لٹویج ڈوجسن:پیشہ ریاضی داں، فوٹوگرافر، شاعر، شماس، ادیب

    پیدائش:27 جنوری 1832ء
    دریسبوری
    وفات:14 جنوری 1898ء
    گیلڈفورڈ
    وجۂ وفات:نمونیا
    مدفن:سرے
    طرز وفات:طبعی موت
    رہائش:انگلستان
    شہریت:متحدہ مملکت برطانیہ عظمی و آئر لینڈ، مملکت متحدہ
    عارضہ:مرگی
    مادر علمی:کرائسٹ چرچ
    پیشہ ریاضی داں، فوٹوگرافر، شاعر، شماس، ادیب اطفال، روزنامچہ نگار، ناول نگار، مصنف، آپ بیتی نگار، فلسفی
    زبان:انگریزی
    شعبۂ عمل:مصنف
    ملازمت:جامعہ اوکس فورڈ
    کارہائے نمایاں:ایلس ان ونڈر لینڈ

    چارلز لٹویج ڈوجسن (انگریزی: Charles Lutwidge Dodgson) زیادہ تر اپنے قلمی نام اور تخلص لوئس کیرل (انگریزی: Lewis Carroll) سے پہچانے جاتے ہیں۔ ڈوجسن ایک انگریزی مصنف، ریاضی دان، منطق دان، انگریزی کلیسیا کے پادری اور عکاس تھے۔ اِن کی مشہور ترین تحریروں میں ایلس ان ونڈرلینڈ اور اس کا تسلسل، تھرو دی لوکنگ-گلاس شامل ہیں؛ ان کے علاوہ ان کی لکھی کئی نظمیں جیسے کہ دی ہنٹنگ آف دی سنارک اور جیبرواکی بھی کافی مقبول ہوئیں۔ برطانیہ، جاپان، امریکا اور نیوزی لینڈ میں دیگر ایسی سوسائٹیاں ہیں جو ڈوجسن کی تحریروں اور اِن کے کرداروں سے لطف اندوز ہوتی ہیں، اِن کا پرچار کرتی ہیں اور اِن کی زندگی کے ہر پہلو کا تحقیقی مطالعہ کرتی ہیں۔

  • شادی کے لئے مرد کی ضرورت نہیں، لڑکی نوکری کرے یا گھر کے کام؟

    شادی کے لئے مرد کی ضرورت نہیں، لڑکی نوکری کرے یا گھر کے کام؟

    باغی ٹی وی کی رپورٹ کے مطابق باغی ٹی وی کی کالم نگار، تجزیہ کار ،معروف وکیل یاسمین علی نے باغی ٹی وی یوٹیوب چینل پر خواتین کے مسائل کے حوالہ سے بات چیت کی ہے

    یاسمین علی نے باغی ٹی وی کے یوٹیوب چینل پر بات کرتے ہوئے کہا کہ اعلیٰ تعلیم یافتہ خواتین کے لیے بھی ملک میں کام تلاش کرنا انتہائی مشکل ہے۔ یاسمین علی کا کہنا تھا کہ کام کی جگہ پر درپیش مسائل کا جائزہ لینے سے پہلے ہمیں پہلے پورے نظام اور ان نتائج پر غور کرنا چاہیے جو خواتین کو کام کی تلاش میں باہر جانے پر اثر انداز ہوتے ہیں۔ انہوں نے اس بات کی نشاندہی کی کہ یہ ہمیشہ کسی کی مالی مجبوریاں نہیں ہوتیں جو خواتین کو کام کی طرف دھکیلتی ہیں۔ اعلیٰ تعلیم یافتہ خواتین کے لیے بھی نوکری تلاش کرنا بہت مشکل ہے۔ صرف پچھلے چار دنوں میں، سروش ٹیکسٹائل اور نشاط ٹیکسٹائل کے سب سے بڑے سپنڈلنگ یونٹس بند ہو گئے ہیں جس کی وجہ سے ہزاروں لوگ راتوں رات بے روزگار ہو گئے ہیں۔ "ایسی صورتحال میں، جب پہلے سے ہی نوجوان خواتین کے پاس مردوں کے مقابلے میں محدود مواقع ہوتے ہیں، ایسے حالات ہوتے ہیں کہ آپ کو نوکری کے حصول کے لیے کسی دوسرے شہر میں جانا پڑ سکتا ہے۔ ایسے معاملات میں، خواتین کو ان کے گھر والوں کی طرف سے اجازت نہیں دی جاتی ہے

    یاسمین علی کا مزید کہنا تھا کہ ایسے معاملات میں جب نوجوان پیشہ ورانہ تربیت یافتہ لڑکیوں کی شادی ہو جاتی ہے اور سسرال والوں کو معلوم ہوتا ہے کہ وہ اہل ہیں، کچھ ڈاکٹر، سرجن یا کوئی اور ڈگری ہولڈر ہو سکتے ہیں، اس وقت بہت سے خاندان خالی وعدے کرتے ہیں، بعد میں لڑکیوں کو اپنے کیرئیر کو آگے بڑھانے سے روکتے ہیں۔ پھر لڑکیوں پر مختلف وجوہات کی بنا پر بوجھ ڈالا جاتا ہے، اور ان سے کہا جاتا ہے کہ انہیں کوئی خاص کام نہیں کرنا چاہیے۔

    امیرلڑکے سے شادی کا انکار کیا تو گھر میں بند کر دیا گیا،25 سالہ لڑکی کی تحفظ کی اپیل

    نو سالہ بچے سے زیادتی کرنیوالا پولیس اہلکار،خاتون سے زیادتی کرنیوالا گرفتار

    منشیات فروش خاتون پولیس کے ساتھ کیسے چھپن چھپاؤ کر رہی؟

    نشہ آور چیز کھلا کر لڑکی سے زبردستی زیادتی کرنے والا ملزم گرفتار

  • فروری میں نیشنل یوتھ سمٹ لاہور میں کروانے کا اعلان

    فروری میں نیشنل یوتھ سمٹ لاہور میں کروانے کا اعلان

    فروری میں نیشنل یوتھ سمٹ کرائیں گے، ملک تیمور مسعود

    صوبائی وزیر کھیل و امور نوجوانان ملک تیمور مسعود اور ڈائریکٹر جنرل سپورٹس پنجاب محمد طارق قریشی سے بلوچستان کے یوتھ وفدنے جمعرات کے روز نیشنل ہاکی سٹیڈیم میں ملاقات کی، اس موقع پر ڈائریکٹر یوتھ افیئرز سید عمیر حسن بھی موجود تھے، 32رکنی وفد کی قیادت ڈائریکٹر یوتھ افیئرز بلوچستان اعجاز علی نے کی،صوبائی وزیر کھیل و امور نوجوانان ملک تیمور مسعود نے یوتھ وفد کو لاہور میں خوش آمدید کہتے ہوئے کہا ہے کہ بلوچستان کے نوجوان بہت باصلاحیت ہیں،یوتھ ایکسچینج پروگرام کا مقصد صوبوں کے نوجوانوں کو ایک دوسرے کے قریب لانا ہے، ملک بھر کے نوجوانوں کی صلاحیتوں کواجاگر کرنے کیلئے فروری میں نیشنل یوتھ سمٹ منعقد کررہے ہیں جو تین روزہ ہوگا جس میں چاروں صوبوں،گلگت بلتستان اور آزادکشمیر کے نوجوان شریک ہونگے،نوجوان اپنے آئیڈیاز اور سکلز نیشنل یوتھ سمٹ میں پیش کریں گے،انہوں نے مزید کہا کہ نیشنل یوتھ سمٹ سے نوجوانوں کی صلاحیتیں اجاگر ہونگی، یوتھ کے حوالے سے پالیسی بنا رہے ہیں تاکہ ان کے آئیڈیا کو عملی شکل دی جاسکے،ہمارے نوجوانوں میں بہٹ ٹیلنٹ ہے جس کو آگے لانے کی ضرورت ہے، انہوں نے کہا کہ پنجاب کے نوجوانوں کی رہنمائی کیلئے مختلف پروگرام شروع کئے ہوئے ہیں،پنجاب بڑے بھائی کا کردار ادا کرتا رہے گا،وفد میں کھلاڑی بھی شامل ہیں جو کہ خوش آئند ہے،یوتھ ملکی ترقی میں اپنا کردار ادا کرے، اس موقع پر خطاب کرتے ہوئے ڈائریکٹر جنرل سپورٹس پنجاب محمد طارق قریشی نے کہا ہے کہ بلوچستان کے وفد کولاہور کی تاریخ اور سپورٹس کے بارے میں آگاہی دی ہے، یوتھ ایکسچینج پروگرام سے قومی یکجہتی اور بھائی چارے کو فروغ ملے گا،نیشنل یوتھ سمٹ میں نوجوانوں کے آئیڈیاز کو پروموٹ کرینگے،وفدنے مہمان نوازی پر صوبائی وزیر کھیل و امور نوجوانان ملک تیمور مسعود اور ڈی جی سپورٹس پنجاب محمد طارق قریشی کا شکریہ ادا کیا۔

    آٹا بحران کیس؛ پشاور ہائیکورٹ کا سیکریٹری فوڈ و دیگر کو مارکیٹ کا دورہ کرنیکا حکم
    لیپ ٹاپ گم ہونے پر گاہک نےغصے میں اپنی کار ہوٹل پر دے ماری
    نادیہ خان 38 ہزار ڈالرز گنوا بیٹھیں. اداکارہ نے دلچسپ واقعہ سنا کر حیران کر دیا
    عدلیہ اورنیب کو درخواست کرتا ہوں جھوٹے کیسز ختم کیے جائیں. وزیراعلیٰ سندھ مراد علی شاہ

    صوبائی وزیر کھیل و امور نوجوانان ملک تیمور مسعود نے وفد کو سرٹیفکیٹس دیئے، ڈائریکٹر یوتھ افیئرز بلوچستان اعجاز علی نے صوبائی وزیر کھیل و امور نوجوانان ملک تیمور مسعود اور ڈی جی سپورٹس پنجاب محمد طارق قریشی اورڈائریکٹر یوتھ افیئرز سید عمیر حسن کو روایتی بلوچی کیپس پہنائیں، وفد نے گورنمنٹ کالج یونیورسٹی اور پنجاب فوڈ اتھارٹی کا بھی دورہ کیا، گزشتہ شب بلوچستان کے وفد کے اعزاز پروقار تقریب منعقد کی گئی جس کی مہمان خصوصی سیکرٹری یوتھ افیئرز اینڈ سپورٹس پنجاب محترمہ مسرت جبیں تھیں،اس موقع پر ڈائریکٹر جنرل سپورٹس پنجاب محمد طارق قریشی اور ڈائریکٹر یوتھ افیئرز سید عمیر حسن ودیگر بھی شریک تھے، سیکرٹری یوتھ افیئرز اینڈ سپورٹس پنجاب محترمہ مسرت جبیں نے اپنے خطاب میں وفد کو پنجاب میں خوش آمدید کہتے ہوئے کہا کہ بلوچستان کی ترقی کے لئے اہم اقدامات اٹھائے ہیں، بلوچستان کے نوجوان بہت ٹیلنٹڈ ہیں، یوتھ ایکسچینج پروگرام کا مقصد نوجوانوں کو ایک دوسرے کی تاریخ اور ثقافت سے متعارف کرانا ہے، بلوچستان سمیت ہر صوبے کیلئے ہمارے دروازے کھلے ہیں، ڈائریکٹر جنرل سپورٹس پنجاب محمد طارق قریشی نے کہا کہ بلوچستان کی قدیم تاریخی روایات ہیں، بلوچستان کے نوجوانوں اور کھلاڑیوں نے عالمی سطح پر پاکستان کا نام روشن کیا ہے،ملک بھر کی یوتھ بہت باصلاحیت ہے، ڈائریکٹر یوتھ افیئرز سید عمیر حسن نے کہا ہے کہ یوتھ کی رہنمائی کے لئے بھرپور اقدامات کئے ہیں، محکمہ یوتھ افیئرز اینڈ سپورٹس پنجاب نے نوجوانوں کیلئے یوتھ ہیلپ لائن قائم کی ہے جہاں سے نوجوان رہنمائی حاصل کررہے ہیں، پنجاب کے نوجوانوں کا وفد بھی دوسرے صوبوں کا دورہ کریگا۔ سیکرٹری یوتھ افیئرز اینڈ سپورٹس پنجاب محترمہ مسرت جبیں نے بلوچستان کے یوتھ وفد کے سربراہ ڈائریکٹر یوتھ افیئرز اعجاز علی کو سوینئردیا، ڈی جی سپورٹس پنجاب محمد طارق قریشی نے سیکرٹری یوتھ افیئرز اینڈ سپورٹس پنجاب محترمہ مسرت جبیں اور ڈائریکٹر یوتھ افیئرز بلوچستان اعجاز علی کو سوینئر پیش کئے۔ وفد کے اعزاز میں ڈنر بھی دیا گیا۔

  • اردو زبان میں لکھی گئی کھیلوں کا انتظامی ڈھانچہ کتاب کی تقریب رونمائی

    اردو زبان میں لکھی گئی کھیلوں کا انتظامی ڈھانچہ کتاب کی تقریب رونمائی

    پاکستان اولمپک ایسوسی ایشن کے تحت اردو زبان میں لکھی گئی کھیلوں کا انتظامی ڈھانچہ کتاب کی تقریب رونمائی میں اولمپئنز, ماہرین تعلیم اور آرگنائزرز کی بڑی تعداد میں شرکت۔ مہمان خصوصی ڈاکٹر امجد ثاقب نے زور دیا کہ بہتر انسان بننے کے لئے اولمپئینزم کو فروغ دینے کی اشد ضرورت ہے۔

    مقامی ہوٹل میں منعقدہ پی او اے کی جانب سے منعقدہ کھیل کا انتظامی ڈھانچہ کتاب کی تقریب رونمائی کھلاڑیوں, سابق اولمپئنز, اور سپورٹس آرگنائزرز کا گلدستہ بن گئی۔ تقریب میں مہمان خصوصی ڈاکٹر امجد ثاقب کے علاوہ ہاکی اولمپئن ڈاکٹر طارق عزیز، منظور الحسن، خواجہ جنید, کرنل ر مدثر اصغر , سپورٹس فیڈریشنز کے سربراہان, جی سی یو کے وی سی ڈاکٹراصغر زیدی۔ وی سی لاہور کالج ویمن یونیورسٹی ڈاکٹر بشری مرزا, وی سی نیشنل کالج أف آرٹس نے بھی شرکت کی۔ پی او اے کے صدر سید عارف حسن نے خطاب میں کہا کہ پاکستان میں کھیلوں کے انتظامی ڈھانچے کو بہتر بنانے کی ضرورت ہے۔ اولمپک ازم انسان کو ڈسپلن، جستجو اور خود پر یقین کا پیغام دیتا یے جسے پھیلانے کی ضرورت ہے اور یہ کتابچہ یہ کام احسن طریقہ سے انجام دے گا۔ ڈاکٹر بشری مرزا اور ڈاکٹر اصغر زیدی نے کہا کہ سپورٹس ایڈمنسٹریشن مینوئل کا اردو ترجمہ بہت بڑا کام ہے۔ ہم سب کو مل کر ماضی کی سپورٹس گلوری کو واپس لانے کی ضرورت ہے۔ مہمان خصوصی چئیرمین اخوت ڈاکٹر امھد ثاقب نے کہا کہ اس کتاب کی رونمائی میں عظیم اولمپئنز اور ایجوکیشنسٹ کی موجودگی اسے ممتاز بنا رہی ہے۔

    آٹا بحران کیس؛ پشاور ہائیکورٹ کا سیکریٹری فوڈ و دیگر کو مارکیٹ کا دورہ کرنیکا حکم
    لیپ ٹاپ گم ہونے پر گاہک نےغصے میں اپنی کار ہوٹل پر دے ماری
    نادیہ خان 38 ہزار ڈالرز گنوا بیٹھیں. اداکارہ نے دلچسپ واقعہ سنا کر حیران کر دیا
    عدلیہ اورنیب کو درخواست کرتا ہوں جھوٹے کیسز ختم کیے جائیں. وزیراعلیٰ سندھ مراد علی شاہ

    اولمپک ازم صرف جیت کے لئے نہیں ہوتی بلکہ شکست بھی اس کا اہم حصہ ہوتی ہے جودنیا میں بھائی چارہ سکھاتی ہے۔ انہوں نے اعلان کیا کہ وہ بہتر اتھلیٹ پیدا کرنے کے لئے پی او اے کے ساتھ مل کر اولمپک سکول قائم کریں گے۔ اس کتاب کی رونمائی میں عظیم اولمپئنز اور ایجوکیشنسٹ کی موجودگی اسے ممتاز بنا رہی ہے۔ اولمپئزم صرف جیت کے لئے نہیں ہوتی بلکہ شکست بھی اس کا اہم حصہ ہوتی ہے۔اولمپئزم دنیا میں بھائی چارہ سکھاتی ہے۔ ہم بھی اخوت کو اسی جذبہ کے تحت چلا رہے ہیں۔ ان کا کہنا تھا کہ حیوانیت سے انسانیت کا سبق کھیل سے گزر کر ہی ملتا ہے۔

  • سعودیہ عرب ریڈ سی انٹرنیشنل فلم فیسٹیول کا جونی ڈیپ کی نئی فلم کی مالی سپورٹ کا اعلان

    سعودیہ عرب ریڈ سی انٹرنیشنل فلم فیسٹیول کا جونی ڈیپ کی نئی فلم کی مالی سپورٹ کا اعلان

    جدہ: سعودیہ عرب ریڈ سی انٹرنیشنل فلم فیسٹیول فنڈ نے ہالی وڈ اداکار جونی ڈیپ کی نئی فلم ’جین دُبیری‘ کی مالی سپورٹ کا اعلان کیا ہے-

    باغی ٹی وی: یہ ریڈ سی فیسٹیول فنڈ کی پہلی انٹرنیشل فلم ہےجس میں وہ فرانس کےساتھ اشتراک کریں گےفلم کی ڈائریکٹر فرانسیسی اداکارہ میجوین ہیں اور تاریخی واقعات پر مبنی فلم میں جونی ڈیپ اٹھارہویں صدی کے فرانسیسی بادشاہ لوئی پانزدہم کے کردار میں ںظر آئیں گے۔


    ریڈ سی فلم فیسٹیول فنڈ کے سی ای او محمد الترکی نے اپنے بیان میں کہا ہے کہ ہم میجوین کی نئی فلم ’جین دُبیری‘ کو سپورٹ کرنے پر نہایت خوش ہیں ہم پرامید ہے کہ اس تعاون سے سعودی اور فرانسیسی سنیما کے تعلقات مضبوط ہوں گے اور یہ ان فلموں میں سے ایک ہے جس میں ہم خواتین فلم میکرز کو سپورٹ کرتے ہیں۔


    انہوں نے مزید کہا کہ اس فلم کی سپورٹ ہمارا یہ عزم ظاہر کرتی ہے کہ ہم نئے ٹیلنٹ، بہترین رائٹروں، ڈائریکٹروں اور پروڈیوسروں کی سپورٹ کیلئے ہر وقت تیار ہیں۔