معروف فیشن ڈیزائنر ایچ ایس وائے نے حال ہی میں ایک شو میں شرکت کی وہاں میزبان نے ان سے سوال کیا کہ آپ کو اگر گن پوائنٹ پر کسی سے شادی کرنی ہوئی تو کس سے کریں گے تو انہوں نے کہا کہ میں مہوش حیات کے ساتھ شادی کروں گا، وہ بہت اچھی دوست اور انسان ہیں. اس انٹرویو میںانہوں نے یہ بھی کہا کہ مجھے کپڑے بنانے کا شوق تب پیدا ہوا جب لیڈی ڈیانا کو میں نے اپنی ماں کے کندھوں پر بیٹھ کر ان کی شادی کے دن دیکھا انہوں نے جو جوڑا پہن رکھا تھا وہ میں نے گھر آکر ٹشو پیپر کی مدد سے بنایا اور اپنی بہن کی گڑیا کو پہنایا .
ایچ ایس وائی نے مزید کہا کہ” میری ماں نے میرے اس شوق میں میری بہت مدد کی ”اگر میںکہوں کہ آج میں جو کچھ بھی ہوں وہ اپنی ماں کی دعائوں کے نتیجے میںہوں تو بے جا نہ ہو گا. انہوں نے کہاکہ ڈیزائنگ کا کام اپنی جگہ لیکن مجھے ایکٹنگ بھی بہت پسند ہے جب کوئی اچھا پراجیکٹ ملے تو کر لیا کرتا ہوں. خوشی ہے کہ میرے مداح مجھے ٹی وی پر کام کرتا دیکھ کر پسند کرتے ہیں.
