Tag: huey tum ajnabi

معروف اینکر کامران شاہد نے کہا ہے کہ ہوئے تم اجنبی لکھنے کا آئیڈیا مجھے اس وقت آیا جب میں انگلینڈ میں انٹرنیشنل ریلیشنز میں ایم فل کررہا تھا. میں نے اس دوران جب ریسرچ کی تو مجھے محسوس ہوا کہ اس موضوع پر تو کبھی کسی نے کچھ لکھا ہی نہیں تو کیوں نہ میں لکھوں‌لہذا میں نے فلم کی کہانی لکھی اور تقریبا دو سال لگے اس فلم کا سکرپٹ لکھنے میں. یہ فلم کسی سیاسی ایجنڈے پر مبنی نہیں ہے نہ ہی اسکا مقصد کسی بھی ملک کو ڈی گریڈ کرنا ہے یا اسکو غلط دکھانا ہے. کامران شاہد نے ان خیالات کا اظہار گورنمنٹ کالج میں اپنی فلم کا دوسرا گانا ریلیز کرنے کے موقع پر کیا. انہوں نے کہا کہ میں گورنمنٹ کالج میں آکر بہت خوش ہوں اور میں آج زندگی ًمیں جو کچھ بھی ہوں اس میں

گورنمنٹ کالج کا بہت بڑا ہاتھ ہے. انہوں نے کہا کہ یہاں پر فلم کا گانا ریلیز کرنا بہت اچھا تجربہ ہے ابھی توآپ نے دو گانے سنے ہیں مزید بھی سنیں گے تو بہت اچھے لگیں گے. انہوں نے کہا کہ فلم میں ٹوٹل 11 گانے ہیں. یاد رہے کہ کامران شاہد کی بطور ڈائریکٹر یہ پہلی فلم ہے اور اس سے وہ اپنے فلمی کیرئیر کی شروعات کررہے ہیں.

کامران شاہد کی فلم ہوئے تم اجنبی جو کہ عید الفطر پر سینما گھروں کی زینت بننے جا رہی ہے اس کا میوزک کراچی میں لانچ کر دیا گیا ہے. فلم میں نو گیت ہیں اور کامران شاہد کا دعوی ہے کہ تمام گیت شائقین کو بے حد پسند آئیں گے. میوزک لانچ میں فلم کی کاسٹ سے سہیل احمد‘ علی خان‘ شمعون عباسی‘ محمود اسلم، فیصل قریشی اور میکال ذوالفقار بھی موجود تھے جبکہ اینکر پرسن کامران خان ، سیاستدان خوشبخت شجاعت ، فیصل واوڈا ، فیصل قریشی سمیت دیگر نے شرکت کی. فلم کا ٹائٹل سانگ ہوئے تم اجنبی پیش کیا گیا ، اس کے علاوہ بین الاقوامی شہرت یافتہ بانسری کے ماہر اور میوزک کمپوزر باقر عباس کے کمپوز کردہ اس گانے کو علی ظفر نے اپنی سریلی آواز میں پیش

کیا۔ ٹائٹل گانے کی ویڈیو کے بعد 13 منٹ کی فلم بھی دکھائی گئی جو کہ پوری فلم کے مختلف سینز پر مبنی تھی. فلم میں عابدہ پروین‘ باقر عباس‘ ساحر علی بگا‘ نجات اور نوید ناشاد نے اپنی آواز کا جادو جگایا ہے.یاد رہے کہ ہوئے تم اجنبی کا سکرپٹ خود کامران شاہد نے لکھا ہے جبکہ ڈائریکشن بھی انکی خود کی ہے. اس فلم میں کامران شاہد کے والد فلمسٹار شاہد نے بھی ایک اہم کردار ادا کیا ہے. مرکزی کرداروں میں میکال ذوالفقار اور سعدیہ خان نظر آئیں گے.