اداکارہ حمائمہ ملک جنہوں نے بول فلم سے شائقین کے دل جیت لئے . انہوں نے اپنے حالیہ انٹرویو میںکہا ہے کہ یہ الزام غلط ہے کہ میںبھارت جا کر بولڈ ہوئی بلکہ میں تو پاکستان میں ہی بہت بولڈ اداکارہ تھی.انہوں نے کہا کہ اداکار عمران ہاشمی جو کہ بھارت کے مقبول ترین فنکار ہیں ان کے ساتھ مجھے کام کرنے بہت مزا آیا . انہوں نے ہمیشہ مجھے بہت زیادہ عزت دی. میںنے ان کے ساتھ فلم نٹور لال میں کام کیا اس میں ایک بار گرل کا کردار کیا ، اس کے بعد مجھ پر بہت زیاد ہ تنقید کی گئی .
اس تنقید کو میں بالکل ہی بے جا تصور کرتی ہوں. انہوں نے کہا کہ ”مجھے سنجے دت اور وویک اوبرائے کےساتھ کام کرنے کاموقع میسر آیا ”. انہوں نے کہا کہ میرا شمار پاکستان کی ان اداکارائوں میں ہوتا ہے جنہوں نے بالی وڈ میں بھی جا کر اپنی شناخت بنائی ، میں بالی وڈ میں کم مگر ایسا کام کیا جو دونوں ملکوں میں آج بھی یاد کیا جاتا ہے. حمائمہ ملک نے کہا کہ چھوٹی سکرین ہو یا بڑی دونوں پر کام کرنے کا اپنا ہی مزہ ہے. جندو ڈرامہ میرے دل کے بہت قریب ہے اس کو کرنے کےلئے میںنے دل و جان سے محنت کی .
