Baaghi TV

Tag: iffat omer

  • مشی خان نے ایک بار پھر عفت عمر پر تنقید کے نشتر برسا دئیے

    مشی خان نے ایک بار پھر عفت عمر پر تنقید کے نشتر برسا دئیے

    اداکارہ مشی خان جو کہ سوشل میڈیا پر کافی ایکٹیو رہتی ہیں انہوں نے حال ہی میں انسٹاگرام پر ایک وڈیو شئیر کی جس میں زور زور سے ہنستی ہوئی دکھائی دے رہی ہیں. انہوں نے اس میں کہا ہے کہ میں چونکہ ٹویٹر پر بہت زیادہ متحرک رہتی ہوں لہذا ابھی میں نے ٹویٹر پر ایک تصویر دیکھی اور تصویر ہے عفت عمر کی جس میں انہوں نے ایک بنیان پہنی ہوئی ہے ، انہوں نے اس کا کیپشن لکھا ہے ” سڑو اور سڑو ” میں عفت عمر سے پوچھنا چاہتی ہوں کہ اس میں سڑنے والی کیا بات ہے. مجھے تو ان کی تصویر دیکھ کر ہنسی آرہی ہے اور مجھے ان کی یہ تصویر

    دیکھ کر بنیان کا ایک ایڈ یاد آگیا وہ ایڈ کیا تھااس کامیں اب مکمل طور پر زکر نہیں کرنا چاہتی . انہوں نے کہا کہ عفت آپ نے کہا تھا کہ فیاض الحس چوہان صاحب آپ سنی لیونی کی تصاویر دیکھتے ہیں تو پھر عفت آپ کو کیا لگتا ہے کہ لوگ آپ کی تصویر کیوں دیکھیں گے،. مت کیا کریں ایسا مذاق. میری تو ہنسی ہی نہیں رک رہی آپ نے جس طرح سے تصویر لگائی ہے اور جس طرح‌ کا اسکا کیپشن لکھا ہے. عفت عمر آئی ایم سوری لیکن آپ کو ایسا کرکے اپنا مذاق نہیں بنوانا چاہیے، پلیز نہ کیا کریں ایسی مزاحیہ پوسٹیں .

  • مجھے عورت مارچ میں ہراساں کیا گیا عفت عمر

    مجھے عورت مارچ میں ہراساں کیا گیا عفت عمر

    سابق ماڈل اور اداکارہ عفت عمر نے حال ہی میں 8 مارچ کو عورت مارچ میں شرکت کی اس موقع پر انہوں نے گانے گائے اور عورتوں کے حق میں بلند آواز میں نعرے بھی لگائے. عفت عمر نے دعوی کیا ہے کہ انہیں عورت مارچ میں‌ہراساں کیا گیا ، انہوں نے کہا کہ کچھ یوٹیوبرز اور صحافیوں کو مجھ پہ اس لئے اعتراض تھا کیونکہ میں عورت مارچ کو سپورٹ کرنے کےلئے کیوں آئی ہوں. انہوں نے کہا کہ اسی غصے میں انہوں نے مجھ سے بد تمیزی کی اور طرح طرح کے سوال کئے جن سے لگ رہا تھا کہ جیسے ان کو عورت مارچ میں خرابی پیدا کرنے کے لئے

    بھیجا گیا ہے. عفت عمر نے کہا کہ خواتین کی بھی بات سنی جانی چاہیے لیکن ایسا نہیں ہو رہا یہی وجہ ہے کہ اب عورتیں اپنے حق کے لئے خود کھڑی ہوتی ہیں. اور جب وہ اپنا حق مانگتی ہیں تو ان کو تنقید کا نشانہ بنایا جاتا ہے مجھے سمجھ نہیں آتی کہ عورت مارچ پر اتنی تنقید کیوں کی جاتی ہے. عفت عمر نے کہا کہ مجھے عورت مارچ میں باقاعدہ طور پر ہراساں کیا گیا. عفت عمر نے کہا کہ عورت کو ہر جگہ ہر بار ہراساں کیا جاتا ہے یہ سلسلہ اب بند ہونا چاہیے.

  • عفت عمر عورت مارچ میں میڈیا کے سوالوں پر چِلا اٹھیں

    عفت عمر عورت مارچ میں میڈیا کے سوالوں پر چِلا اٹھیں

    پچھلے چند برسوں سے ملک میں ہونے والا عورت مارچ تاحال متنازعہ ہے اس مارچ کی ایک طبقہ مخالفت کررہا ہے تو دوسرا اس کو سپورٹ کر رہا ہے. ہر سال کی طرح آج بھی عورت مارچ کیا گیا ، لاہور میں ہونے والے عورت مارچ میں اداکارہ و ماڈل عفت عمر نے بھی شرکت کی. میڈیا نے عفت عمر کو گھیر لیا اور ان سے مختلف سوالات کئے ، جب عفت عمر سے سوال کیا گیا کہ عورت مارچ کو اسلام کے خلاف کہا جا رہا ہے اس پر کیا کہیں گی تو عفت عمر نے کہا کہ اس گھٹیا سوال کا میں کیا جواب دوں. مجھے تو لگ رہا ہے کہ اس مارچ کو ناکام بنانے کےلئے

    کچھ لوگوں کو بھیجا گیا ہے. انہوں نے یہ بھی کہا کہ جو لوگ خواتین کو برابری کے حقوق نہیں دینا چاہتے ان کو بااختیار ہوتا نہیں دیکھنا چاہتے ان کو عورت مارچ سے تکلیف ہے. جب ان سے سوال ہوا کہ آپ خواتین کےلئے کیا کررہی ہیں تو انہوں نے کہا کہ میں ان کے لئے آواز اٹھا رہی ہوں ان کو شعور دینے کی بات کررہی ہوں ان کو بااختیار بنانے کی بات کررہی ہوں. یوں عفت عمر نے عورت مارچ میں کئے گئے تیکھے سوالوں کا جواب بہت ہی حوصلے سے دیا اور آڑھے ٹیڑھے سوال کرنے والوں کو لیا آڑھے ہاتھوں.

  • شاہ رخ خان کا عفت عمر کے نام وڈیو پیغام

    شاہ رخ خان کا عفت عمر کے نام وڈیو پیغام

    بالی وڈ‌ کے کنگ شاہ رخ خان کی سوشل میڈیا پر ایک وڈیو وائرل ہو رہی ہے جس میں وہ عفت عمر کا نام لیکر انکو دعائیں دے رہے ہیں، اس وڈیو کے بارے میں بات کرتے ہوئے عفت عمر نے ایک انٹرویو میں کہا تھا کہ شاہ رخ خان مجھے نہیں جانتے تھے لیکن میرے ایک دوست نے ان سے میرے لئے ایک وڈیو پیغام لیا . اس وڈیو میں دیکھا جا سکتا ہے کہ شاہ رخ خان عفت عمر کا نام لیکر ان کو سلام کہہ رہے ہیں اور کہہ رہے ہیں کہ آپ ایک اچھی زندگی گزارو آپ کو بہت ساری خوشیاں ملیں ، خوش رہو خدا حافظ.

    عفت عمر کے لئے ان کے دوست نے یہ وڈیو پیغام کافی سال پہلے دیا تھا اور عفت نے اس وڈیو پیغام کو ایک بار پھر سوشل میڈیا پر جاری کرتے ہوئے کیپشن لکھا ہے کہ شاہ رخ خان پٹھان کی کامیابی پر آپ کو بہت مبارکباد. یاد رہے کہ شاہ رخ خان کی حال ہی میں فلم پٹھان ریلیز ہوئی ہے اس فلم نے ریکارد توڑ بزنس کیا. پٹھان اس سال کی ابھی تک کی سب سے بڑی فلم بن گئی ہے، کہا جا رہا ہے کہ فلم پٹھان کا ریکارڈ توڑنا اگلے کئی سال تک مشکل ہی نہیں ناممکن ہو گا .

  • عفت رحیم نے پاکستان لٹریچر فیسٹیول کا بائیکاٹ کیوں کیا؟

    عفت رحیم نے پاکستان لٹریچر فیسٹیول کا بائیکاٹ کیوں کیا؟

    کراچی آرٹس کونسل کے صدر احمد شاہ نے لاہور آرٹس کونسل میں تین روزہ ادبی میلہ سجایا اس میلے کا نام پاکستان لٹریچرفیسٹول تھا ، اس میں مختلف قسم کے سیشنز رکھے گئے اسلام آباد ، کراچی لاہور و دیگر شہروں سے بڑی تعداد میں شخصیات نے شرکت کی . اداکارہ و ماڈل عفت رحیم بھی اس فیسٹیول میں مدعو کی گئیں تھیں لیکن اچانک انہوں نے اس فیسٹیول کا بائیکاٹ کر دیا ، تفصیلات کے مطابق عفت رحیم نے اپنے ٹویٹر اکائونٹ پرلکھا کہ پاکستان لٹریچر فیسٹیول کا شکریہ جنہوں نے مجھے ایک ڈسکشن میں بطورماڈریٹر مدعو کیا میں‌بہت خوش تھی ، ایکسائٹمنٹ کا لیول بھی کافی زیادہ تھا، لیکن مجھے علم ہوا کہ #PLF نےایک مبینہ ہریسر کوبھی ایونٹ کاحصہ بنایاہے۔میں

    ایک Alleged Harasser کےساتھ پلیٹ فورم شئیرنہیں کرسکتی اس لیےبائیکاٹ کرتی ہوں.یوں عفت رحیم نے فیسٹیول کا بائیکاٹ کیا. عفت رحیم کا اشارہ علی ظفر کی طرف تھا، عفت رحیم دراصل اس کیس میں میشا شفیع کو سپورٹ کرتی ہیں انہوں نے علی ظفر کے خلاف ایک مہم بھی چلائی. عدالت میں ابھی کیس چل رہا ہے اور یہ ابھی تک ثابت نہیں ہو سکا کہ میشا شفیع کے الزامات میں سچائی ہے لیکن میشا شفیع کے چاہنے والے فیصلہ آنے سے پہلے ہی علی ظفر کو مجرم بنا کر بیٹھے ہوئے ہیں.

  • عفت عمر نے کس سیاستدان کو بدمعاش کہہ دیا ؟

    عفت عمر نے کس سیاستدان کو بدمعاش کہہ دیا ؟

    اداکارہ و ماڈل عفت عمر نے کہا ہے کہ نوازشریف نے عوام سے جو وعدے کئے ان میں سے کافی حد تک پورے کئے انہوں نے ہمیں بہترین انفراسٹرکچر دیا ، موٹر وےدی، این ایف سی ایوارڈز دئیے ، جبکہ آصف علی زرداری نے ہمیں 18 ویں ترمیم دی ، کراچی کے حالات جیسے بھی ہیں لیکن وہاں پر تعلیم اورعلاج کی بہترین سہولیات ہیں ، بہترین بزنس چل رہے ہیں. عمران خان نے جو دیا انہوں نے لوگوں کو سیاسی شعور دیا میرے اندر بھی انہی کی وجہ سے سیایس شعور بیدار ہوا. آج ہم جواسٹیبلشمنٹ پر آرام سے تنقید کر لیتے ہیں یہ انہی کی وجہ سے ممکن ہوا. عمران خان کی

    خامی پر بات کرتے ہوئے بولیں کہ عمران خآن کو لگتا ہے کہ وہ سب کچھ جانتے ہیں اور دوسرا کوئی کچھ نہیں جانتا وہ جو کرتے اور کہتے ہیں وہی ٹھیک ہے.وہ دوسروں پر تنقید تو کرنا پسند کرتے ہیں لیکن ان پر کوئی تنقید کرے ان کو یہ نہیں پسند نہیں ہے.عمران خآن میں تھوڑا بدمعاشی کا عنصر بھی موجود ہے. دوسری طرف انہوں‌نے مسلم لیگ ن کے حوالے سے کہا کہ ان کی پارٹی میں الیکشن نہیں‌ہوتے ، ان کی جماعت میں جمہوریت نہیں ہے، انہیں نوے کی دہائی کی سیاست سے باہر نکلنا ہوگا.

  • عفت عمر خلیل الرحمان قمر سے ناراض کیوں ہیں؟‌

    عفت عمر خلیل الرحمان قمر سے ناراض کیوں ہیں؟‌

    ماڈل اور اداکارہ عفت عمر نے اپنے حالیہ انٹرویو میں کہاہے کہ میرا خلیل الرحمان قمر کے ساتھ بہت اچھا تعلق رہا ہے ، میں نے ان سے بہت کچھ سیکھا، وہ سکرپٹ بہت اچھا لکھتے ہیں. لیکن میرا اختلاف ان سے تب شروع ہوا جب انہوں نے ماروی سرمد کےساتھ نیشنل ٹی وی پر بدتمیزی کی اور میں‌نے صرف ایک ٹویٹ کیا کہ ایسا نہیں ہونا چاہیے اس کے بعد انہوں نے کچھ انٹرویوز میں میرے خلاف بات کی . خلیل الرحمان کی سوچ اور زبان سے اب مجھے اختلاف ہے. عفت عمر نے ایک سوال کا جواب دیتے ہوئے کہا کہ عریانی اور فحاشی تو ڈراموں میں نہیں دکھائی جا رہی لیکن ہم ایسے موضوعات کو بار بار دکھا رہے ہیں جن کو دکھانے کا فائدہ نہیں ہے. میں یہ نہیں کہتی کہ جو کچھ دکھایا جا رہا ہے ایسا سوسائٹی میں

    نہیں‌ہوتا یقینا ایسا ہوتا ہو گا لیکن کب تک ہم ایک لڑکا اور دو لڑکیوں کی محبت کی کہانیاں دکھاتے رہیں گے. دنیا اور سوسائٹی میں اور بھی بہت سارے مسائل ہیں لیکن صرف ایسے موضوعات کو ہی کیوں دکھایا جا رہا ہے جن سے مسائل کم ہونے کی بجائے مزید بڑھیں. عفت عمر نے مزید یہ بھی کہا کہ میں نہیں سمجھتی کہ عریانی یا فحاشی دکھائی جا رہی ہے، ہر کسی کا فحاشی کا اپنا ایک سٹینڈرذ ہے کسی کے نزدیک تو عورت کی آنکھ نظر آنا بھی فحاشی ہے میرے نزدیک ایسا نہیں ہے.

  • عفت عمر آپ کے منہ میں خاک مشی خان

    عفت عمر آپ کے منہ میں خاک مشی خان

    اداکارہ مشی خان جو اکثر مختلف ایشوز کو ڈسکس کرتی ہوئی دکھائی دیتی ہیں اور عمران خان کی بہت بڑی حامی ہیں، عمران خان کے خلاف کوئی رتی برابر بھی بات کرے تو اس پر برس پڑتی ہیں. مشی خان نے حال ہی میں ایک وڈیو بنا کر انسٹاگرام پر ڈالی اور اس میں کہا کہ آج کل پاڈ‌کاسٹ کا دور ہے ، اور میں نے سوشل میڈیا پر وائرل ہونے والا ایک کلپ دیکھا ہے جس میں منصور علی خان عفت عمر کو انٹرویو کرتے ہوئے دکھائی دے رہے ہیں اس میں وہ کہہ رہی ہیں کہ کیسے سنائپرز تھے جو عمران خان کو ٹھیک طرح سے گولی بھی نہ مار سکے ، مشی خان نے مزید کہا

    کہ عفت تمہیں تو کسی ادارے میں ہونا چاہیے جہاں تم گولیاں چیک کرتی رہو. تمہارے منہ میں خاک ، عمران بچ گئے ہیں اور زلت ، زندگی اور عزت اللہ کے ہاتھ میں ہوتی ہے اگر تمہارا اس پر یقین ہے تو. انہوں نے مزید کہا کہ ریحام خان اور عفت عمر کو عمران خان پر تنقید کرنے کے علاوہ کوئی کام نہیں آتا دونوں صبح سے شام تک عمران خان کے خلاف ہی بولتی رہتی ہیں. ان کا ٹویٹر تو چلتا ہی عمران خان پر تنقید کے سہارے ہے. انہوں‌نے کہا کہ بھئی آپ دونوں اسکے علاوہ بھی کچھ کرلیں.