Tag: india vs Pakistan

اسلام آباد: تحریک انصاف کے 35 ارکان قومی اسمبلی کے استعفوں کی منظوری کا اسپیکر کا فیصلہ برقرار ہے۔قومی اسمبلی کے اسپیکر آفس نے لاہور ہائی کورٹ کا تفصیلی فیصلہ موصول ہونے کی تصدیق کرتے ہوئے کہا ہے کہ قومی اسمبلی کی نشستیں بحال ہونے کا پی ٹی آئی کا پروپیگنڈا جھوٹ ثابت ہوگیا۔

اسپیکر آفس کے مطابق لاہور ہائی کورٹ کی جانب سے 35 استعفوں کی بابت محض الیکشن کمیشن کا نوٹی فکیشن معطل کر کے سماعت مکمل ہونے تک الیکشن کمیشن کو ان حلقوں میں دوبارہ انتخاب کروانے سے منع کیا گیا ہے۔ فیصلے میں استعفے منظور کرنے کے اسپیکر کے فیصلے کو چھیڑا نہیں گیا۔

قومی اسمبلی سیکرٹریٹ کی جانب سے فیصلہ موصول ہونے کی تصدیق کردی گئی ہے۔ اس سلسلے میں اسپیکر آفس کی جانب سے مزید کہا گیا ہے کہ عدالتی فیصلے کے آخری پیراگراف میں واشگاف الفاظ میں لکھا گیا ہے کہ چونکہ (درخواست دہندگان نے) اسپیکر کے 22-1-2023 کے نوٹی فکیشن کی کاپی درخواست کے ساتھ نہیں لگائی، لہٰذا اسپیکر کے فیصلے کے خلاف کوئی عبوری ریلیف نہیں دیا جا سکتا۔

اسپیکر دفتر کے مطابق تمام معاملات کو آئینی و قانونی لحاظ سے دیکھ کر فیصلہ کیا گیا۔ اسپیکر قومی اسمبلی کا مؤقف درست ثابت ہوا۔اسپیکر قومی اسمبلی نے استعفوں کے معاملے پر انتہائی تحمل کے ساتھ نہ صرف غور کیا بلکہ بارہا پی ٹی آئی ارکان کو طلب کیا گیا اور بار بار طلبی کے باوجود پی ٹی آئی ارکان نہ آئے اور استعفے منظور کرنے کا مطالبہ کرتے رہے۔ جب اسپیکر قومی اسمبلی نے استعفوں کی منظوری دے دی تو اس کے بعد اعتراض کردیا جو غیر آئینی تھا۔

اسلام آباد:الیکشن کمیشن نے سیاسی جماعتوں اور امیدواروں کیلئے ضابطہ اخلاق جاری کر دیا۔اطلاعات کے مطابق الیکشن کمیشن کی جانب سے انتخابات کے لئے جاری ضابطہ اخلاق کے مطابق سرکاری خرچ پر کوئی امیدوار یا جماعت تشہیری مہم نہیں چلا سکے گی، کسی سرکاری عہدیدار کی تصاویر انتخابی مہم میں استعمال نہیں ہوسکتی، عوامی مقامات اور سرکاری عمارتوں پر پارٹی جھنڈے لگانے پر بھی پابندی ہوگئی۔

الیکشن کمیشن نے انتخابی مہم کے لئے پمفلٹ سائز 9×6 انچ، بینرز سائز 3×9 فٹ ، پوسٹرسائز 18×23 انچ مقرر کرتے ہوئے کہا ہے کہ امیدوار مقررہ سائز سے بڑے پوسٹر استعمال نہیں کر سکیں گے۔

ضابطہ اخلاق کے مطابق کوئی امیدوار 2×3 فٹ سے بڑا پورٹریٹ استعمال نہیں کر سکے گا، وال چاکنگ، پینا فلیکس، بل بورڈز پر مکمل پابندی ہوگی، پمفلٹ اور بینرز پر چھاپنے والے کا نام اور پتہ پرنٹ کرنا بھی لازمی قرار دیا گیا ہے۔

الیکشن کمیشن کے جاری کردہ ضابطہ اخلاق کے مطابق تفرقہ بازی اور نفرت انگیز تقاریر پر بھی پابندی ہوگی جب کہ مخالف رہنماؤں اور جماعتوں کے پتلے اور جھنڈے بھی نذر آتش نہیں کئے جاسکتے، جلسے جلوس مقامی انتظامیہ کے مختص مقامات پر ہی منعقد ہوسکیں گے، امیدوار ریلی کا روٹ مقامی انتظامیہ کیساتھ طے کرنے کے پابند ہوں گے۔

سوات: بالائی علاقوں میں شدید برفباری کا سلسلہ جاری ہے جس کے باعث ملک کے مختلف علاقوں سے سیر و تفریح کے لیے آئے سیاح پھنس گئے۔بتایا گیا ہے کہ شدید برفباری کے باعث کالام بحرین روڈ پر مختلف مقامات سے راستے بند ہونے کے باعث سیاحوں کو مشکلات کا سامنا ہے، سیاحوں میں خواتین اور بچے بھی شامل ہیں۔

واضح رہے کہ مظفرآباد آزاد کشمیر میں بھی بارش اور پہاڑوں پر برفباری کا سلسلہ جاری ہے، وادی لیپا، نیلم ویلی سمیت متعدد بالائی علاقوں میں برفباری سے سردی بڑھ گئی، وادی لیپا ، گریس ویلی ، فاروڈ کہوٹہ حویلی کی شاہراہیں بند ہو گئیں۔

بالائی علاقوں میں نظام زندگی درہم برہم ہو کر رہ گیا، سیاحتی مقامات پیر چناسی ، سراں اور ملحقہ علاقوں میں بھی برفباری سے سردی میں اضافہ ہو گیا ہے۔

ادھرموسمیاتی تجزیہ کار جواد میمن کا کہنا ہے کہ کراچی میں جنوب مغرب سے سمندری ہوائیں چل رہی ہیں، جمعے تک کراچی میں سمندری ہوائیں بحال رہیں گی۔موسمیاتی تجزیہ کار نے کہا کہ ہوا میں نمی کا تناسب زیادہ ہونے سے خشک موسم میں کمی آئی، فضائی معیار بھی بہتر ہوا ہے۔

موسمیاتی تجزیہ کار جواد میمن نے مزید کہا کہ کراچی میں ہفتے سے شمال مشرق سے خشک اور گرد آلود ہوائیں چلنے کا امکان ہے، ہواؤں کی تبدیلی سے ہفتے کے بعد 4 سے 6 دن کے دوران موسم خشک رہےگا۔ دن اور رات کے درجہ حرارت میں 2 سے 4 ڈگری کمی آجائےگی۔جواد میمن کے مطابق خشک اور گرد آلود ہواؤں کے باعث فضائی معیار آلودہ رہنےکا خدشہ ہے

لاہور:مسلم لیگ ن کے سینئر رہنما مفتاح اسماعیل نے کہا ہے کہ میری جگہ احسن اقبال جیسا اکانومسٹ ٹائپ قابل شخص لگا دیتے تو آج صورتحال کچھ اور ہوتی۔نجی ٹی وی میں گفتگو کرتے ہوئے مفتاح اسماعیل نے کہا کہ اسحاق ڈار کے آئی ایم ایف کو آنکھیں دکھانے کا دیکھا کیا نتیجہ نکلا؟، مجھے نکال دیتے اکانومسٹ ٹائپ احسن اقبال جیسے کو لگا دیتے تو کچھ نہ کچھ تو ہوتا۔

مفتاح اسماعیل کا کہنا تھا کہ پاکستان کو آئی ایم ایف معاہدے سے پہلے خود بھی کچھ کر لینا چاہئے تھا، حکومت کو گیس کی قیمت پہلے ہی بڑھا لینی چاہئے تھی، آئی ایم ایف نے بجلی کی قیمتوں میں اضافے کا کہا تھا، ہم نے دنیا کے پیسے واپس کرنے ہیں، پاکستان کو اب ایکسپورٹ کو بڑھانا ہو گا۔

ڈیرہ بگٹی؛ ریٹرننگ افسر کے قافلے پر فائرنگ، ایک اہلکار شہید جبکہ 3 زخمی

انہوں نے کہا کہ سمجھ ہونی چاہیے پاکستان نے کدھر جانا ہے، بنگلہ دیش کی ایکسپورٹ بڑھ رہی ہے، ہمیں اپنی پالیسیوں کو دیکھنا ہو گا، ہم کہیں نہ کہیں تو غلطی کر رہے ہیں، پاکستان میں دنیا کی خراب ترین گورننس ہے۔مفتاح اسماعیل نے کہا کہ 15 فیصد ٹیکس ٹو جی ڈی پی کرنا ہو گا، پنشن ریفارمز کرنی پڑیں گی، ہمیں آبادی کے تناسب سے پلاننگ کرنا ہو گی، پاکستان کا بانڈ اس وقت بیچنا ممکن نہیں ہے۔

کراچی: سابق صدر اور پاکستان پیپلزپارٹی کے شریک چیئرمین آصف زرداری اچانک دبئی روانہ ہوگئے۔پارٹی ذرائع کے مطابق آصف علی زرداری کراچی ایئرپورٹ سے خصوصی طیارے کے ذریعے بلاول ہاؤس سیکیورٹی اہلکاروں کے ہمراہ دبئی روانہ ہوئے۔

پاکستان پیپلزپارٹی کے ذرائع نے بتایا کہ آصف زرداری چند روز دبئی میں قیام کریں گے جہاں اُن کی اہم ملاقاتیں شیڈول ہیں۔ آصف علی زرداری کے دورے کی نوعیت کے حوالے سے پیپلزپارٹی نے کوئی وضاحت جاری نہیں کی۔

ادھرپیپلز پارٹی وسطی پنجاب نے قومی اسمبلی کے ضمنی الیکشن کیلئے 7 امیدواروں کی دوسری لسٹ جاری کر دی۔پیپلز پارٹی وسطی پنجاب کے قائم مقام صدر رانا فاروق سعید کی جانب سے 7 امیدواروں کے ناموں کی سفارشات پارٹی کے صدر آصف علی زرداری کو بھجوائی گئیں۔

این اے 135 لاہور میں امجد جٹ، این اے 93 خوشاب میں ملک علی اعوان، این اے 96 میانوالی میں عبدالعزیز خان، این اے 109 فیصل آباد میں نجف وڑائچ، این اے 70 گجرات سے قمر زمان کائرہ کو ٹکٹ دینے کی سفارش کی گئی۔این اے 107 فیصل آباد سے ارشد جٹ، راولپنڈی سے زمرد خان کو ٹکٹ دینے کی سفارش کی گئی ہے، این اے 87 حافظ آباد سے تاحال کسی کا نام فائنل نہیں ہوسکا، پارٹی ٹکٹ دینے کا حتمی فیصلہ آصف علی زرداری کریں گے۔