Baaghi TV

Tag: india vs Pakistan

  • پاکستان میں صحت کے‌حوالے سے سروے کا اعلان

    پاکستان میں صحت کے‌حوالے سے سروے کا اعلان

    اسلام آباد: حکومت نے ڈبلیو ایچ او کے تعاون سے شعبہ صحت سے متعلق ملک گیر سروے کرانے کا فیصلہ کیا ہے، عالمی ادارے اور تنظیمیں جے ای ای سروے نتائج کی بنیاد پر مختلف ممالک کو فنڈنگ فراہم کرتی ہیں۔

    تفصیلات کے مطابق وفاقی حکومت نے صحت کے شعبے سے متعلق ملک گیر سروے کرانے کا فیصلہ کر لیا، سروے کے دوران وبائی و غیر متعدی امراض کی تشخیص اور تدارک کی حکومتی صلاحیت کی جانچ کی جائے گی۔

    وزارت قومی صحت کے ذرائع نے تصدیق کی ہے کہ ’جوائنٹ ایکسٹرنل ایویلوایشن‘ نامی ملک گیر سروے عالمی ادارہ صحت کے اشتراک سے کرایا جائے گا، پاکستان کی درخواست پر ہونے والے سروے کے لیے 50 کروڑ سے زائد فنڈز عالمی ادارہ صحت فراہم کر رہا ہے۔

    ذرائع کا کہنا ہے کہ جوائنٹ ایکسٹرنل ایویلوایشن سروے کے لیے پاکستانی ماہرین کی ٹریننگ جاری ہے، اسلام آباد میں ڈبلیو ایچ او ایمرو ریجن کے ماہرین ملک بھر سے آئے پاکستانی ماہرین صحت کو سروے سے متعلق تربیت فراہم کر رہے ہیں۔تربیت یافتہ پاکستانی ماہرین بارڈرز اور اندرن ملک لائیو اسٹاک سمیت شعبہ صحت کے 19 ایریاز اور وبائی و غیر متعدی امراض کی تشخیص اور تدارک سے متعلق حکومتی صلاحیتوں کی جانچ کر کے رپورٹ تیار کر یں گے۔

    ذرائع کا کہنا ہے کہ عالمی ادارہ صحت کے ماہرین دوبارہ ٹریننگ کے لیے مارچ میں پاکستان آئیں گے، عالمی ادارہ صحت کے ماہرین آئندہ ماہ پاکستانی ٹیموں کے ہمراہ ملک گیر سروے کا حصہ بنیں گے۔

    وزارت قومی صحت جے ای ای سروے رپورٹ ڈبلیو ایچ او کو پیش کرے گی، ذرائع کے مطابق یہ سروے انٹرنیشنل ہیلتھ ریگولیشنز کے تحت منعقد کیا جاتا ہے، عالمی ادارے اور تنظیمیں جے ای ای سروے نتائج کی بنیاد پر مختلف ممالک کو فنڈنگ فراہم کرتی ہیں۔ذرائع کے مطابق پاکستان جوائنٹ ایکسٹرنل ایویلوایشن سروے کرانے والا دنیا کا چوتھا ملک ہوگا، پاکستان کو 2016 میں ہونے والے جے ای ای سروے میں 46 پوائنٹس ملے

  • پاکستان لٹریچرفیسٹیول کا آغاز10 فروری کو لاہورمیں ہو گا

    پاکستان لٹریچرفیسٹیول کا آغاز10 فروری کو لاہورمیں ہو گا

    لاہور: پاکستان لٹریچر فیسٹیول کا آغاز 10 فروری کو لاہورمیں ہوگا جس کا افتتاح نگراں وزیراعلیٰ پنجاب محسن نقوی اور وزیراعلیٰ سندھ سید مراد علیٰ شاہ کریں گے۔ فیسٹیول کے 50 سے زائد سیشن ہوں گے جس میں تفریح، مزاح، موسیقی، ڈانس کے علاوہ ادب،تعلیم، معیشت، کتابوں کی تقریب رونمائی،ملک کے معروف دانشوروں اور فن کاروں کے ساتھ گفتگو شامل ہوگی۔

    عمران خان سے صدرمملکت عارف الرحمن علوی کی اہم ملاقات، انتخابات کی تاریخ نہ دینے…

    افتتاحی تقریب میں پنجاب کے وزیر اطلاعات و ثقافت عامر میر اور سندھ کے وزیر ثقافت اور تعلیم سید سردار شاہ بھی شرکت کریں گے۔

    الحمراءآرٹس کونسل میں، انور مقصود، صوبائی وزیر اطلاعات و ثقافت عامر میر، سیکرٹری اطلاعات و نشریات علی نواز ملک اور ایگزیکٹو ڈائریکٹر الحمرا ذوالفقار ذلفی کے ہمراہ صدر آرٹس کونسل پاکستان کراچی احمد شاہ نے پریس کانفرنس کرتے ہوئے کہا کہ گزشتہ 15 سال سے کراچی آرٹس کونسل اردو کانفرنس منعقد کر رہی ہے، اب ہم ایک نیا برانڈ متعارف کرا رہے ہیں، پاکستان میں یکجہتی کی بہت ضرورت ہے، کلچر اور ادب کے ذریعے ملک کی تمام اکائیوں کو جوڑا جا سکتا ہے۔

    ننکانہ : میونسپل کمیٹی کے ملازمین کو تنخواہیں نہ مل سکیں،سینیٹری ورکرز کا شدید…

    انہوں نے کہا کہ لاہور ادبی و تہذیبی مرکز رہا ہے، دلی اور چندی گڑھ سے لوگ یہاں پڑھنے آتے تھے، ہم نوجوان نسل کو آپس میں جوڑ رہے ہیں، لاہور کے بعد گوادر،مظفر آباد،گلگت،پشاور، اسلام آباد اور کراچی میں اس فیسٹیول کا انعقاد ہو گا۔احمد شاہ کا کہنا تھا کہ اس کے بعد ہم امریکہ کے مختلف شہروں ہیوسٹن، نیویارک، شکاگو، ڈیلس اور ٹورنٹو میں پاکستان لٹریچر فیسٹیول کا انعقاد کیا جائے گا۔

    انور مقصود نے کہا کہ اگر لاہور نہ ہوتا تو پاکستان میں اردو نہ ہوتی، ہر آدمی کا حق ہے کہ اس کا آنے والا دن اچھا ہو، حالات برے ہیں لیکن ہمیں اچھے کی امید رکھنی چاہیے، نوجوان ہمارا مستقبل ہیں، ملک میں تعلیم کو پنپنے نہیں دیا گیا کیونکہ اس ملک کے بچے پڑھ گئے تو الیکشن میں ووٹ نہیں دیں گے۔انہوں نے کہا کہ ہمارے نوجوان بہت ذہین ہیں، عقل اور سمجھ کے ساتھ ہماری نوجوان نسل سچی ہے، احمد شاہ جس کام میں ہاتھ ڈالتے ہیں وہ کامیاب ہوتا ہے، اس فیسٹیول کے انعقاد میں زلفی کی بہت محنت ہے۔

    صوبائی وزیر ثقافت و اطلاعات عامر میر نے گفتگو کرتے ہوئے کہا کہ محمد احمد شاہ پاکستان لٹریچر فیسٹیول ایونٹ کے روح رواں ہیں، انور مقصود ہمارے ملک کے لیجنڈ ہیں، اس فیسٹیول کی بنیاد اور محنت احمد شاہ کی ہے، پاکستان کے معاشرے میں جو شدت پسندی بڑھ گئی ہے اس سے نکلنے کے لیے ایسے ایونٹس بہت ضروری ہیں۔ذوالفقار زلفی نے کہا کہ ہم احمد شاہ کو خوش آمدید کہتے ہیں، اس فیسٹیول کے لیے احمد شاہ دن رات محنت کر رہے ہیں، الحمرا ہر قدم میں ان کے ساتھ ہے ، عامر میر کی قیادت میں ہم بھرپور ساتھ دیں گے۔

  • مردان: سیکیورٹی فورسزسےجھڑپ میں کالعدم تنظیم کے2 دہشتگرد ہلاک

    مردان: سیکیورٹی فورسزسےجھڑپ میں کالعدم تنظیم کے2 دہشتگرد ہلاک

    مردان: ضلع نوشہرہ مصری بانڈہ میں سیکیورٹی فورسز کے ساتھ جھڑپ میں کالعدم تنظیم کے2 دہشت گرد ہلاک ہوگئے۔محکمہ انسداد دہشتگردی مردان ریجن کو مصدقہ اطلاع ملی تھی کہ علاقہ تھانہ رسالپور ضلع نوشہرہ مصری بانڈہ میں دہشت گردوں کا منظم گروہ دہشتگردی کی ایک بڑی کارروائی کی غرض سےعلاقے میں موجود ہے۔

    عمران خان سے صدرمملکت عارف الرحمن علوی کی اہم ملاقات، انتخابات کی تاریخ نہ دینے…

    سی ٹی ڈی کی آپریشن ٹیم علاقے میں پہنچی تو اچانک مخالف سمت سے جوانوں پر ہینڈ گرینڈ پھینکے گئے اور اندھا دھند فائرنگ شروع ہوگئی جس پر سیکیورٹی اہلکاروں نے بھی جوابی فائرنگ کی۔آپریشن کے دوران دو دہشتگرد ہلاک جبکہ انکے 2 سے 3 ساتھی فرار ہوگئے، ہلاک دہشتگردوں کی شناخت محمد ذیشان عرف عثمان اور سلمان عرف اماراتی کے ناموں سے ہوئی۔

    ننکانہ : میونسپل کمیٹی کے ملازمین کو تنخواہیں نہ مل سکیں،سینیٹری ورکرز کا شدید…

    دونوں دہشتگرد محکمہ انسداد دہشتگردی مردان کو پولیس پر حملوں اور بھتہ خوری سمیت متعدد سنگین مقدمات میں مطلوب تھے۔ملزمان کانسٹبل بلال، کانسٹبل مزمل شاہ اور کانسٹبل زرمست کو شہید کرنے کے علاوہ سینئر میڈیکل ٹیکنیشن عبدالتواب کی ٹارگٹ کلنگ میں بھی ملوث تھے۔پولیس کی بھاری نفری نے فرار ملزمان کی گرفتاری کیلئے علاقے میں سرچ آپریشن شروع کردیا ہے۔

  • آئی ایم ایف کےحکومت کےساتھ معاملات طے پا گئے

    آئی ایم ایف کےحکومت کےساتھ معاملات طے پا گئے

    اسلام آباد:حکومت کے آئی ایم ایف کے ساتھ معاملات طے پا گئے، وزیر اعظم نے آئی ایم ایف کے ساتھ معاملات کی منظوری دے دی۔ذرائع کے مطابق آئی ایم ایف وفد کی وزیر اعظم سے ویڈیو لنک پر ملاقات ہوئی، وزیر اعظم شہباز شریف نے ویڈیو لنک کے ذریعے آئی ایم ایف کے وفد سے پروگرام پر تبادلہ خیال کیا۔

    آئی ایم ایف مشن کی جانب سے اقتصادی جائزہ کی تکمیل کے بعد پروگرام کی منظوری آئی ایم ایف کا بورڈ دے گا، اس کے بعد پاکستان کو ایک ارب 10 کروڑ ڈالر قرض کی اگلی قسط ادا کی جائے گی۔آئی ایم ایف کے معاہدے کے مطابق پاکستان کو بجلی، گیس کی قیمتوں میں اضافہ، پٹرولیم پر ٹیکس بڑھانا ہو گا اس کے علاوہ توانائی شعبے میں گردشی قرضے کم کر کے اصلاحات لانا ہوں گی۔

    سرکاری اداروں کے نقصانات میں کمی، نجکاری پروگرام پر عمل، مارکیٹ بیسڈ ایکسچینج ریٹ کی پالیسی برقرار رکھنا اور ٹیکس محصولات میں اضافے جیسی کڑی شرائط رکھی گئی ہیں۔مذاکرات کے بعد گفتگو کرتے ہوئے وزیر خزانہ اسحاق ڈار کا کہنا تھا کہ وہ آج اچھی خبر دیں گے، آئی ایم ایف مشن کے ساتھ مذاکرات آن ٹریک ہیں، ہمارا ان سے کوئی اختلاف نہیں۔

    ننکانہ : میونسپل کمیٹی کے ملازمین کو تنخواہیں نہ مل سکیں،سینیٹری ورکرز کا شدید…

    واضح رہے آئی ایم ایف کے وفد نے گزشتہ روز شہباز شریف سے ملاقات کی تھی جس میں معاشی صورتحال اور معاہدے پر تبادلہ خیال ہوا تھا، وزیر اعظم نے آئی ایم ایف وفد کو پروگرام مکمل کرنے اور اہداف پر عملدرآمد کی یقین دہانی کرائی تھی۔حکومت نے آئی ایم ایف وفد کو اعتماد بحال کرنے کیلئے ضروری اقدامات کی بھی یقین دہانی کرائی تھی، وزیرخزانہ نے وفد کو معاشی صورتحال سے آگاہ کیا جبکہ توانائی حکام نے وزیراعظم کو نظرثانی شدہ گیس مینجمنٹ پلان پیش کیا تھا۔

  • عمران خان سے صدرمملکت عارف الرحمن علوی کی اہم ملاقات، انتخابات کی تاریخ نہ دینے پرتنقید

    عمران خان سے صدرمملکت عارف الرحمن علوی کی اہم ملاقات، انتخابات کی تاریخ نہ دینے پرتنقید

    لاہور: صدر مملکت ڈاکٹر عارف علوی کی چیئرمین تحریک انصاف کے چیئرمین عمران خان سے زمان اہم ملاقات ہوئی جس میں الیکشنز اور ملک کی معاشی صورت حال سمیت باہمی دلچسپی کے امور پر تبادلۂ خیال کیا گیا جبکہ انتخابات کی تاریخ نہ دینے پر الیکشن کمیشن پر تنقید کی گئی۔

    پیراسٹامول سیرپ اور گولی کی قیمت میں اضافے کی سمری تیار

    زمان پارک ذرائع کے مطابق دونوں رہنماؤں کی ملاقات میں صدرِ مملکت کی جانب سے انتخابات کے انعقاد کی مدت کے حوالے سے الیکشن کمیشن آف پاکستان کو بھجوائے گئے خط کے مضمرات پر بات چیت کی گئی۔

    ترکیہ میں پاکستانی ریسکیو ٹیم نے 16سالہ لڑکے کو 4 روز بعد زندہ نکال لیا

    ملاقات میں اتفاق کیا گیا کہ مقننہ کی تحلیل کی صورت میں دستور انتخاب کیلئے 90 روز کی مہلت طے کرتا ہے، آئینی مدت کے دوران انتخابات کے انعقاد میں ناکامی آئین سے صریح انحراف کی مترادف ہے، انحراف کی صورت میں آئین بذاتِ خود واضح ہدایات دیتا ہے۔ علاوہ ازیں ملاقات میں ملک کو سیاسی و معاشی بحرانوں سے نکالنے کیلئے لازم ہے کہ دستور کی منشاء کو لاگو کرنے پر بھی اتفاق کیا گیا۔
    عمران خان نے کہا کہ قائد اعظم آئین ساز تھے اسی لئے ہماری ریاست کی بنیاد آئین پاکستان ہے، قرارداد مقاصد واضح بتاتی ہے کہ حاکمیت صرف اللہ تعالیٰ کی ہے،ریاستِ پاکستان،اس مقدس امانت کو عوام کے منتخب نمائندوں کے ذریعےاستعمال کرے گی۔

    الیکشن کمیشن نے انتخابی نشانات کےلیے درخواستیں طلب کرلیں

    چیئرمین پی ٹی آئی نے کہا کہ انتخابات میں آئینی مدت سے انحراف ریاست کی بنیاد ہلا دینے کےمترادف ہے،آئین کے تحفظ کیلئے آج پوری قوم عدلیہ کی طرف دیکھ رہی ہے، 90 دن کے اندر انتخابات کا انعقاد آئینی تقاضا ہے جس سے کسی بھی قسم کا انحراف آرٹیکل 6 کی خلاف ورزی ہوگی۔ملاقات کے بعد عارف علوی خصوصی طیارے سے نور خان ایئربیس سے اسلام آباد پہنچ گئے۔

  • الیکشن کمیشن نے انتخابی نشانات کےلیے درخواستیں طلب کرلیں

    الیکشن کمیشن نے انتخابی نشانات کےلیے درخواستیں طلب کرلیں

    اسلام آباد:الیکشن کمیشن آف پاکستان (ای سی پی) نےسیاسی جماعتوں سےانتخابی نشان الاٹ کرنےکیلئےدرخواستیں طلب کرلیں۔چیف الیکشن کمشنر سکندرسلطان راجہ کی زیرصدارت الیکشن کمیشن میں ضابطہ اخلاق پرہونےوالے مشاورتی اجلاس کا اعلامیہ جاری کردیا گیا۔

    الیکشن کمیشن نے سیاسی جماعتوں سے انتخابی نشان الاٹ کرنے کیلئے درخواستیں مانگ لیں۔انتخابی نشان کیلئےدرخواستیں اکیس فروری تک جمع کرائی جائیں۔اعلامیے کے مطابق اجلاس میں آئندہ عام انتخابات سےمتعلق ابتدائی ضابطہ اخلاق پرمشاورت کی گئی۔ اجلاس میں مسلم لیگ(ن)، تحریک انصاف، ایم کیوایم، بی این پی،عوامی نیشنل پارٹی اور نیشنل پارٹی کے نمائندوں نے شرکت کی۔

    سیاسی جماعتوں نے ضابطہ اخلاق کےمسودے پراپناجوابی ردعمل دیا اور سیاسی جماعتوں کےنمائندوں نے ضابطہ اخلاق میں بہتری کیلئے تجاویز بھی دیں،الیکشن کمیشن نے تجاویز کا جائزہ لےکر سیاسی جماعتوں کا اجلاس دوبارہ بلانے کا فیصلہ کرلیا۔

    ادھرملتان کی مقامی عدالت نے الیکشن کمیشن آفس میں لڑائی جھگڑے کے کیس کا محفوظ فیصلہ سنادیا۔عدالت نے الیکشن کمیشن آفس میں لڑائی جھگڑے کے کیس مقدمہ خارج کرکے تمام ملزمان کو بری کردیا۔

    خیال رہے کہ گزشتہ روز ملتان میں الیکشن کمیشن آفس میں ضمنی الیکشن کے کاغذات نامزدگی کے دوران ن لیگی اور پی ٹی آئی کارکنوں کی لڑائی، ایک دوسرے پر شدید پتھراؤ کیا گیا تھا۔ تصادم میں 3 کارکن زخمی ہوئے تھے۔پولیس نے پی ٹی ائی کے سابق رکن قومی اسمبلی عامرڈوگر سمیت 16 افراد کو ڈوگر ہاوس جبکہ مسلم لیگ ن کے شیخ طارقرشی سمیت تین افراد کو نشتر اسپتال سے گرفتار کرکےمقدمہ درج کیا تھا۔

  • پی ایس ایل میچ :30پاس اور گاڑیوں کے لیے ریڈ سٹیکرنہیں چاہیں :لاہور ہائیکورٹ

    پی ایس ایل میچ :30پاس اور گاڑیوں کے لیے ریڈ سٹیکرنہیں چاہیں :لاہور ہائیکورٹ

    لاہور: لاہور ہائی کورٹ کے اسسٹنٹ رجسٹرار کی طرف سے پی سی بی ملتان اسٹیڈیم کے مینجر کے نام خط پرعوامی ردعمل کے بعد حالات بدل گئے ہیں اور اسسٹنٹ رجسٹرارنے کہا ہے کہ ہائی کورٹ کے عملےکوملتان میں ہونے والے پی ایس ایل کے میچز دیکھنے لیے اب نہ تو وی وی آئی پیز ٹکٹس چاہیں اور نہ ہی گاڑیوں کے لیے سرخ رنگ کے اسٹیکرز چاہیں ، ہائی کورٹ اپنے اس حکم نامے کو واپس لیتی ہے ،

    یاد رہےکہ اس سے پہلے اسسٹنٹ رجسٹرار پروٹوکول ہائی کورٹ کی طرف سے پی سی بی کو یہ حکم دیا گیا تھا کہ ہمیں پی ایس ایل میچ دیکھنے کےلیے 30پاس اور گاڑیوں کے لیے ریڈ سٹیکر پیش کیے جائیں لاہور ہائیکورٹ نے پی سی بی کوحکم دے دیا ہے ،اطلاعات ہیں کہ اس سلسلے میں لاہورہائی کورٹ کی طرف سے باقاعدہ خط بھی لکھ دیا گیا ہے

    باغی ٹی وی ذرائع کے مطابق لاہور ہوئی کورٹ کے اسسٹنٹ رجسٹرار پروٹوکول سعید احمد خان کی طرف سے لکھے گئے اس خط میں کہا گیا ہےکہ لاہورہائی کورٹ میں کام کرنے والے عملے جس میں ججز بھی شامل ہیں کوملتان میں ہونے والے پی ایس ایل کے ہرمیچ کے لیے 30 انتہائی وی آئی پی کارڈز اوران کی گاڑیوں کو بلاروک ٹوک جانے کے لیے سرخ رنگ کے سٹیکرپیش کیے جائیں تاکہ ان کوکسی قسم کی پریشانی لاحق نہ ہو

    اس لیٹرمیں کہا گیاہے کہ چیئرمین باکس میں ہرمیچ کےلیے تیس وی وی آئی پی پاس چاہیں اوران پاسز کی فراہمی کےلیے جلد عمل درآمد کیا جائے ،اس خط میں کہا گیا ہے کہ حکم کے مطابق اس خط پرفی الفورعمل کیا جائے

     

    ادھرپاکستان کرکٹ بورڈ کی مینجمنٹ کمیٹی کے چئیرمین نجم سیٹھی کا کہنا ہے کہ شالیمار باغ میں پی ایس ایل ٹرافی کی رونمائی کرانے کا مقصد یہی تھا کہ کچھ تو پتہ چلنا چاہیے نہ کہ تبدیلی آ گئی ہے، تبدیلی میں کچھ تخلیقی چیزیں بھی ہو تی ہیں، اس لیے شالیمار گارڈن سے بہتر اور کونسی جگہ ہو سکتی ہے۔

    لاہور میں پی ایس ایل 8 کی ٹرافی کی تقریب رونمائی کے موقع پر اپنے خیالات کا اظہار کرتے ہوئے نجم سیٹھی کا کہنا تھا یہ اتنی خوبصورت جگہ ہے کہ سب کو پتہ چلنا چاہیے کہ لاہور میں بھی بڑے ستارے ہیں صرف پی ایس ایل میں ستارے نہیں ہیں، اس مرتبہ ہمارا نعرہ بھی یہ ہے کہ سب ستارے ہمارے، اس کے لیے اس سے اچھی جگہ کوئی اور نہیں ہوسکتی کہ کہیں اور رونمائی کی جاتی۔

  • تیسری جماعت تک کے بچوں کو بغیرامتحان پاس کرنے کا فیصلہ

    تیسری جماعت تک کے بچوں کو بغیرامتحان پاس کرنے کا فیصلہ

    کراچی:محکمہ تعلیم سندھ کی اسٹیرنگ کمیٹی نے کراچی سمیت سندھ بھر کے نجی تعلیمی اداروں میں پہلی سے تیسری جماعت کے بچوں کو بغیر امتحانات کے اگلی جماعتوں میں پروموٹ کرنے کا فیصلہ کیا ہے۔محکمہ تعلیم سندھ کی اسٹیرنگ کمیٹی کا اجلاس آج بروز جمعرات 9 فروری کو کراچی میں ہوا۔ اجلاس میں محکمہ تعلیم سندھ کی اسٹیرنگ کمیٹی کیجانب سے نجی تعلیمی اداروں کو ہدایات جاری کی گئیں۔

    کمیٹی کے مطابق نجی تعلیمی اداروں میں تعلیمی سال یکم اگست سے شروع کیا جاٸیگا، جب کہ پہلی سے تیسری جماعت تک بچوں کو اگلی کلاس میں پروموٹ کیا جاٸے۔ پرائیویٹ انسٹیٹیوٹ آف سندھ ایجوکیشن ڈیپارٹمنٹ کی جانب سے نجی اسکولوں کیلئے اہم مراسلہ جاری کردیا گیا ہے۔ جس کے تحت سردیوں کی وجہ سے جو اسکولز کی ٹائمنگ میں تبدیلی کی گئی تھی اس کو منسوخ کردیا گیا ہے۔جاری کردہ مراسلے کے مطابق اب سندھ کے تمام اسکول اپنے پرانے اوقات کار پر کھلیں گے جبکہ سندھ بھر میں تعلیمی سال کا آغاز یکم اگست 2023 سے ہوگا۔

    محکمہ تعلیم سندھ کی اسٹیئرنگ کمیٹی نے فیصلہ کیا ہے کہ پہلی کلاس سے لیکر تیسری کلاس تک کے طلباء کو بغیر امتحان اگلی کلاس میں پروموٹ کردیا جائے گا جبکہ جماعت ششم سے ہشتم تک کے طلباء کے امتحانات عیدالفطر کے بعد ہوں گے۔ اس حوالے سے نوٹیفکیشن جاری کردیا گیا ہے۔

    امتحانات کے حوالے سے کمیٹی نے فیصلہ کرتے ہوئے کہا ہے کہ چوتھی سے آٹھویں جماعت تک طلبہ کے امتحان عید الفطر کے بعد لٸے جاٸیں گے۔ تعلیمی سال تمام نجی اسکولوں میں یکم اگست سے شروع کیا جاٸیگا۔ڈاٸیریکٹوریٹ آف پراٸیوٹ اسکولز کی جانب سے ایڈیشنل ڈاٸیریکٹر نے ہدایت نامہ جاری کردیا۔

  • سیاسی جدوجہد میں مریم نواز کا کردار:تجزیہ:-شہزاد قریشی

    سیاسی جدوجہد میں مریم نواز کا کردار:تجزیہ:-شہزاد قریشی

    لیو ٹالسٹائی کے مشہور الفاظ ہیں۔اگر آپ درد محسوس کرتے ہیں تو آپ زندہ ہیں اگر آپ دوسرے لوگوں کا درد محسوس کرتے ہیں تو آپ ایک انسان ہیں ۔ اس دنیا میں کوئی بھی جگہ قدرتی آفت سے محفوظ نہیں ۔ زلزلہ ، سیلاب ، طوفان کی شکل میں پوری دنیا میں اس قسم کی آفات آتی ہیں۔ ان دنوں ترکیہ اور شام کے مناظر نے پوری دنیا کو ہلا کر رکھ دیا ہے ۔ دو قومیں تاریخی زلزلے کا جواب دینے کے لئے برسرپیکار ہیں۔

    ترکیہ اور شام میں زلزلے کے نتیجے میں ۔ تیرتی دھول ۔ منہدم عمارتوں اور مرنے والے انسانوں کے دکھ درد میں پاکستان سمیت پوری دنیا دونوں ممالک میں مدد کے لئے پہنچی ہے ۔ ترکیہ اور شام میں تباہی کو پوری دنیا نے انسانی ہمدردی کو محسوس کیا ہے اور یہی انسانیت کا تقاضا بھی تھا۔ ملک میں معاشی اور مالیاتی سطح پر جو مشکلات پیدا ہو رہی ہیں وہ فکر انگیز ہے ۔ تاہم سیاسی عدم استحکام نے بھی عوام کے دکھوں میں اضافہ کیا ہے ۔ سیاسی زندگی بدصورت تو ہی گئی ہے ۔جماعتوں میں نظریات پہلے ہی دفن ہو چکے ہیں اب آئین اور قانون کا نعرہ لگانے والے اپنے ہاتھوں سے آئین کو ہی دفن کرنے جا رہے ہیں۔ پہلے فوجی حکمرانوں پر الزام تھا کہ انہوں نے آئین توڑا اب بدقسمتی سے سیاسی جماعتوں پر الزام لگایا جا رہا ہے کہ آئین کی خلاف ورزی کی جا رہی ہے ۔ مسلم لیگ(ن) کے قائد میاں محمد نواز شریف کی بیٹی مریم نوازکو لے کر بہت کچھ دیکھنے اور سننے کو مل رہا ہے

    مسلم لیگ(ن) کے اندر سے آوازیں آرہی ہیں ۔ مسلم لیگ(ن) کے ان مرکزی رہنمائوں سے سوال ہے کہ سا بق صدر پرویز مشرف (مرحوم) کے دور حکو مت میں شریف خاندان جیلوں میں بند تھا اور نواز شریف کے کچھ قریبی ساتھی بھی جیلوں میں بند تھے تو ایسے میں نواز شریف کی رہائی کیلئے ان کی بیگم کلثوم نواز (مرحومہ) نے اسلام آباد سے لاہور تک جو سفر کیا راولپنڈی ڈویژن اور دیگر پنجاب کے اضلاع سے کون ان کے ہمراہ تھا؟ صرف گوجر خان کے مقام پر چوہدری محمد ریاض نے اُن کا استقبال کیا جبکہ راولپنڈی میں سردار نسیم موجود تھے۔

    آج کے مسلم لیگ(ن) کے جنرل سیکرٹری نے آبپارہ میں گرفتاری دے دی تاکہ کلثوم نواز (مرحومہ) کے ساتھ لاہور نہ جانا پڑے۔ تاہم یہ ایک سوال ہے کہ انہوں نے گرفتاری دی تھی یا انہیں گرفتار کرلیا گیا تھا؟ مریم نواز ،نواز شریف کی بیٹی ہی نہیں سیاسی جدوجہد میں بھی مریم نواز کا کردار ہے۔ اڈیالہ جیل سے لے کر کوٹ لکھپت جیل تک کا سفر اپنے والد کے ساتھ کیا۔ مریم نواز نے مشکل وقت میں خطرناک سیاسی کھیل کھیلا ۔ اپنے والد کی جماعت کو زندہ رکھنے ،کارکنوں کا حوصلہ بڑھانے میں کردارادا کیا ۔ جس طرح بیگم کلثوم (مرحومہ) نے اپنے خاوند نواز شریف کے لئے جدوجہد کی تھی ، مریم نواز نے بھی اپنے والد اور مسلم لیگ(ن) کے لئے جدوجہد کی ایک تاریخ رقم کی ہے۔

  • ادویہ ساز کمپنیوں کاحکومت سےدوائیں 38.5 فیصد مہنگی کرنےکامطالبہ

    ادویہ ساز کمپنیوں کاحکومت سےدوائیں 38.5 فیصد مہنگی کرنےکامطالبہ

    اسلام آباد:ادویہ ساز کمپنیوں کی نمائندہ تنظیم نے حکومت سے دوائیں 38.5 فیصد مہنگی کرنے کا مطالبہ کردیا ہے۔ادویہ ساز کمپنیوں کی نمائندہ تنظیم پاکستان فارما سیوٹیکل مینوفیکچررز ایسوسی ایشن (پی پی ایم اے) کے چیئرمین فاروق بخاری نے اپنے ویڈیو بیان میں کہا ہے کہ پاکستان میں ادویات کی کمی کا مسئلہ شدت اختیار کر چکا، متعدد ادویات دستیاب نہیں، بلیک مارکیٹنگ کا کام شروع ہو گیا ہے۔

    انسولین، کینسراورڈپریشن کی ادویات کی شدید کمی:دل کےمریضوں کی جان کوخطرات لاحق…

    چیئرمین پی پی ایم اے نے کہا کہ فارما کمپینوں کے لئے دواؤں کی پیداوار مشکل سے مشکل ہوتی جارہی ہے، 2 ماہ سے دوا ساز کمپینوں کی سپلائی چین متاثر ہے، اس کی وجہ بینکوں کی جانب سے ایل سی نہ کھولنا اور ڈالر مہنگا ہونا ہے۔

    ڈی جی خان : غیر قانونی ادویات کا کاروبار کرنے اور انسانی جانوں سے کھیلنے والے کسی…

    فاروق بخاری نے کہا کہ موجودہ صورت حال میں ملک کی 40 سے زائد دوا ساز کمپنیوں کے دیوالیہ ہونے کا خدشہ ہے، کئی ملٹی نیشنل کمپنیاں پاکستان میں اپنی پیداوار بند کرچکی ہیں۔چیئرمین پی پی ایم اے نے کہا کہ حکومت سے مطالبہ ہے کہ انڈسٹری کو بچائیں، دواؤں کی قیمتیں کم از کم 38.5 فیصد مہنگی کی جائیں۔

    کم عمر بچوں کو مانع حمل ادویات فروخت کرنے پرپابندی؟

    دوسری طرف فارما سوٹیکل کمپنیوں نے ملک بھر میں جان بچانے والی ادویات کی قلت کے خدشے کااظہارکردیا۔ذرائع کے مطابق بینکوں کی جانب سے ایل سیز نہ کھلنے کے باعث ادویات کا خام مال درآمد کرنے میں ادویات ساز کمپنیوں کو مشکلات کا سامنا ہے جس کے باعث جان بچانے والی ادویات کی قلت کا خدشہ ظاہر کیا جا رہا ہے۔