Tag: indian brutality
بھارتی جارحیت کیخلاف اگلے چند گھنٹوں میں کیا ہونے جارہا ہے؟ دبنگ اعلان کردیا گیا
کوئٹہ (اے پی پی ) وزیراعلیٰ بلوچستان جام کمال خان نے کہا ہے کہ قابض بھارتی افواج کے مظالم کے خلاف اور حریت پسند کشمیریوں سے اظہار یکجہتی کے لیے بلوچستان بھر میں یوم یکجہتی بھرپور انداز میں منایا جارہا ہے.
وزیراعلیٰ بلوچستان جام کمال خان نے بھارتی حکومت کی جانب سے مقبوضہ جموں وکشمیر کی خودمختار حیثیت ختم کرنے کے اقدام کی شدید مذمت کرتے ہوئے کہا کہ ہندوستان کے آئین کے آرٹیکل 370کے خاتمے سے بی جے پی کے مکروہ عزائم کھل کر سامنے آگئے ہیں،کشمیر کی خودمختار حیثیت کا خاتمہ کشمیریوں کے حقوق پر ڈاکہ ڈالنے کی مترادف ہے ۔گزشتہ روز ایک بیان میں وزیراعلیٰ بلوچستان نے کہا کہ عالمی برادری مظلوم کشمیریوں کی مدد کے لیے آگے آئے کیونکہ انسانی حقوق سے متصادم قوانین سے کشمیریوں کی حق کی آواز کو دبایا نہیں جاسکتا، کشمیری رہنماﺅں کی نظربندی اور حراست میں لینے کا مقصددراصل بھارت کے کالے قوانین اور مظالم کا تحفظ ہے۔جام کمال خان نے کشمیریوں کو اقوام متحدہ کے قراردادوں کے مطابق حق خود ارادیت دینے سے ہی مسئلہ کشمیر کا حل ممکن ہے.
واضح رہے کہ کشمیر میں بھارتی ظلم کیخلاف پاکستان بھر میں ریلیاں نکالی جارہی ہیں، تاہم اب وزیراعلیٰ بلوچستان جام کمال خان نے بھی بلوچستان میں یوم یکجہتی بھرپور انداز میں منانے کا اعلان کیا ہے.
بھارتی بربریت کیخلاف فوری یہ کام کرنے جارے ہیں، وزیراعظم کا دبنگ اعلان
آزاد کشمیر: آزاد کشمیر کے وزیراعظم راجہ فروق حیدر نے اعلان کیا ہے کہ مقبوضہ کشمیر کی تازہ ترین صورتحال پر آل پارٹیز کانفرنس بلائیں گے.
تفصیلات کے مطابق آزاد کشمیر کی حکومت نے مقبوضہ کشمیر کی کشیدہ صورتحال پر آل پارٹیز کانفرنس بلانے کا اعلان کیا ہے. راجہ فروق حیدر نے کہا کہ مقبوضہ کشمیر کی بگڑتی صورتحال پر آل پارٹیز کانفرنس بلائیں گے. انہوں نے مزید کہا کہ مقبوضہ کشمیر میں انسانی حقوق کی خلاف ورزی پر بین الاقوامی برادری کی فوری مداخلت کا خواہ ہوں، بین القوامی برادری کو معصوم کشمیریوں پر ہونے والے ظلم و ستم کیخلاف آواز اٹھانی چاہئیے، بھارت مقبوضہ کشمیر میں معصوم جانوں پر خطرناک ہتھیار استعمال کر رہا ہے، جس کی سخت مذمت کرتے ہیں.
واضح رہے کہ پچھلے کچھ روز سے کشمیر کی صورتحال انتہائی کشیدہ ہے اور بھارتی فوج کا ظلم بھی ناقابل برداشت ہے. تاہم اب اس صورتحال پر آزاد کشمیر کے وزیراعظم نے بھی آواز اٹھائی ہے اور آل پارٹیز کانفرنس بلانے کا اعلان کیا ہے.
