بھارتی ریاست منی پور میں نسلی فسادات کے دوران 2 خواتین کو برہنہ کر کے سر عام گھمانے اور مبینہ طور پر اجتماعی زیادتی کا نشانہ بنانے کی وڈیو چند روز قبل سامنے آئی پوری دنیا میں اس واقعہ کو لیکر بھارت کی جگ ہنسائی ہو رہی ہے. بھارتی ریاست منی پور میں نسلی فسادات کے دوران خواتین کے ساتھ کیے جانے والے شرمناک سلوک پر بالی وڈ شخصیات شدید برہمی کا اظہار کررہی ہیں.جیا بچن بھی اس واقع پر بول اٹھی ہیں انہوں نے کہا کہ انسانیت اس واقعہ کے بعد شرما گئی ہے اور پوری دنیا اس واقعہ پر بات کر کے بھارت پر تھو تھو کررہی ہے ، اور حکومت ہے کہ اس پر بات کرنے کے لئے تیار ہی نہیں ہے.
”پارلیمنٹ ہاوس میں بیٹھ کر حکومت صرف اپنی مضبوط اپوزیشن کے خلاف بات کرتی ہے”۔انہوں نے کہا کہ جن ریاستوں میں بھارتی حکومت کی پوزیشن مضبوط ہے وہاں کیا ہو رہا ہے، اس بارے میں بات نہیں کی جاتی۔جیا بچن نے کہا کہ یہی صورتحال رہی تو جو کچھ حکومت کے پاس بچا ہے وہ بھی نہیں رہے گا، یوں جیا بچن نے لیا حکومت کو آڑھے ہاتھوں اور خواتین کے ساتھ بے رحمانہ سلوک کرنے والوں کو سنا دیں کھری کھری.