Tag: interview

اداکاری کو خیرباد کہنے والی اداکارہ نور بخاری نے اپنے ایک انٹرویو میں کہا ہے کہ میرا دل جب ٹوٹا تو میں بہت اکیلی پڑ گئی ، اور روتی تھی کہ کیا کروں کس سے دل کا حال کہوں؟، ایسے میں خدا میرے دل میں آیا اور بس گیا ، میں نمازیں پڑھنے لگ گئی ، سجدوں میں پڑ کر رو رو کر خدا سے دعا مانگنا شروع ہو گئی اور میں نے محسوس کیا کہ اس چیز میں تو بہت سکون ہے. اور مجھے پھر شوبز انڈسٹری سے نفرت ہو گئی کیونکہ میرے خلاف پراپگینڈا ہو رہا تھا اور میڈیا میرے ہی خلاف بول رہا تھا. مجھے تکلیف ہوئی وہ سب دیکھ کر لہذا میں نے شوبز انڈسٹری کو خیرباد کہہ

دیا. اور اب میں بہت پر سکون ہوں خدا مجھے ایسا ہی رکھے اور ایسے ہی میری موت ہو. انہوں نے کہا کہ میں شونز انڈسٹری کو تو چھوڑ چکی ہوں لیکن میں ہوسٹنگ کرنا چاہتی تھی لیکن کسی نے بھی مجھے ہوسٹنگ کی آفر نہیں کی شاید میں حجاب پہنتی ہوں اس لئے مجھے ایسی کوئی آفر نہیں آئی یا لوگ اب مجھے دیکھنا نہیں چاہتے. نور بخاری نے کہا کہ ابو جب دنیا س چلے گئے تو میں بہت اکیلی پڑ گئی تھی ، وہ ہوتے تو شاید زندگی میں مجھ سے جو غلطیاں ہوئیں وہ نہ ہوتیں وہ مجھے سمجھاتے. لیکن میں اپنی زندگی سے بے حد خوش ہوں.