Tag: islamabad

بجلی کی فی یونٹ قیمت میں 14 روپے سے زائد کا اضافہ

ملک بھر کے بجلی صارفین کے لیے 14روپے24پیسے فی یونٹ تک بجلی مہنگی کر دی گئی ہے ،بجلی کی قیمت میں یہ اضافہ ملک بھر کی تمام ڈسکوز اور کے الیکٹرک پر کے صارفین پر یکساں طور پر لاگو ہوگا۔ نجی ٹی وی کے مطابق نیشنل الیکٹرک پاورریگولیٹری اتھارٹی(نیپرا )نے بجلی صارفین سے رواں مالی سال 2022کے دوماہ(اگست وستمبر )کیلئے فیول چارجز ایڈجسٹمنٹ کی مد میں موخر کیے گئے بلز آئندہ آٹھ ماہ میں وصول کرنے کا فیصلہ جاری کردیا ہے۔

وزیر اعظم کی ہدایت پر وفاقی وزارت توانائی نے ملک کے اکثر علاقوں میں سیلاب کی وجہ سے ان دوماہ میں فیول چارجز ایڈجسٹمنٹ کی مد میں وصولی موخرکردی تھی ۔ اتھارٹی کے جاری کردہ فیصلہ کے مطابق بجلی کی تمام تقسیم کارکمپنیوں (ڈسکوز) اور کے الیکٹرک کے بجلی صارفین سے سال 2023کے مارچ سے اکتوبر تک وصول کیے جائیں گے۔

رواں سال بجلی کے صارفین 14.24 روپے فی یونٹ تک وصول کرنے کی اجازت دیدی گئی ہے ، جس میں دو سو یونٹ استعمال کرنے والے پروٹیکٹو صارفین سے 8 ماہ میں10.34روپے فی یونٹ اضافی وصول کئے جائیں گے۔ دو سو یونٹ تک استعمال کرنے والے نان پروٹیکٹو صارفین سے بھی 14.24روپے فی یونٹ اضافی وصول کئے جائیں گے۔

ایکپریس کی رپورٹ کے مطابق اسی طرح 300 یونٹ استعمال کرنے والے نان پروٹیکٹڈ صارفین سے بھی 14.24روپے فی یونٹ اضافی وصول کئے جائیں گے جبکہ کسانوں سے 8 ماہ میں9.90روپے فی یونٹ تک اضافی وصول کئے جائیں گے۔ کے الیکٹرک صارفین کے لیے اسی مدت میں 200یونٹس تک پروٹیکٹیڈ صارفین سے 9.97روپے فی یونٹ، 200یونٹس تک نان پروٹیکٹیڈ صارفین سے 13.87روپے فی یونٹ جبکہ 300یونٹس تک نان پروٹیکٹیڈ صارفین سے بھی 13.87روپے فی یونٹ وصول کیاجائے گا۔

اسی طرح نجی زرعی صارفین سے بھی 9.90روپے فی یونٹس وصول کیے جائیں گے ۔ اتھارٹی کے فیصلہ کے مطابق بجلی کی تمام تقسیم کارکمپنیوں اور کے الیکٹرک صارفین سے آٹھ ماہ میں بالترتیب 2.75روپے ، 2.75روپے ، 2.25روپے ، 0.95روپے ، 0.79روپے ، 1.50روپے ، 1.75روپے اور 1.13روپے فی یونٹ وصول کیے جائیں گے جبکہ نیپرا نے ماہانہ فیول چارجز ایڈجسٹمنٹ کی مد میں بجلی 48پیسے فی یونٹ مہنگی کرنے کا فیصلہ بھی جاری کردیا ہے۔

سی پی پی اے نے نیپرا میں ماہانہ فیول چارجز کی مد میں جنوری کیلئے بجلی کی قیمت میں 1.17روپے فی یونٹ اضافہ کی درخواست پر سماعت 28فروری کو کی تھی ۔ نیپرا کے فیصلہ کے مطابق ماہ جنوری میں حقیقی فیول چارجز 11.03روپے فی یونٹ تھے جبکہ اسی ماہ میں ریفرنس فیول چارجز 10.55روپے تھے اس طرح بجلی کی قیمت میں اضافہ 48پیسے فی یونٹ بنتا ہے۔ نیپرا نے بجلی کی تمام تقسیم کارکمپنیوں کو یہ بھی ہدایت کی ہے کہ وہ بجلی صارفین سے یہ اضافہ علیحدہ واضح کریں اور مارچ کے بلوں میں وصول کریں۔ نیپرا نے کے الیکٹرک کیلئے بھی ماہانہ فیول چارجز ایڈجسٹمنٹ کی مدمیں بجلی 1.71روپے فی یونٹ مہنگی کرنے کافیصلہ بھی جاری کردیا ہے۔

کے الیکٹرک نے اتھارٹی میں ماہ جنوری کیلئے ماہانہ فیول چارجز ایڈجسمنٹ کی مد میں2.70روپے فی یونٹ کی درخواست کی تھی اس پرسماعت بھی 28فروری کو ہوئی تھی ۔ فیصلہ کے مطابق کے الیکٹرک صارفین سے جنوری کیلئے یہ اضافہ مارچ کے بلوں میں وصول کیاجائے گا۔ اسی طرح سے نیپرا نے وزارت توانائی کی درخواست پر یکم مارچ 2023سے کسان پیکج اور پانچ برآمدی شعبوں کیلئے دیئے جانے والے علاقائی مسابقتی توانائی ریٹس پر دی جانے والی سبسڈی واپس لینے پر فیصلہ جاری کردیا ہے۔

نیپرا فیصلے کے مطابق وزارت توانائی نے اتھارٹی کو وفاقی کابینہ کا 28فروری 2023کے فیصلہ کی روشنی میں پانچ برآمدی شعبوں کو دیا جانے والا بجلی کا رعائتی نرخ جوکہ 19.99روپے یو نٹ تھا اورنجی زرعی صارفین کو 3.60روپے فی یونٹ دیے جانے والا سپیشل ریلیف پیکج واپس لے لیا ہے کیونکہ بجلی صارفین کو کسی بھی قسم کی سبسڈی وفاقی حکومت کا دائرہ اختیار ہے جوکہ اس نے واپس لے لیا ہے اس لیے یہ دونوں ریلیف بھی یکم مارچ 2023واپس لے لیے گئے ہیں۔ واضح رہے کہ حکومت نے آئی ایم کی شرط پر بجلی پر دی گئی سبسڈی اور ٹیرف میں اضافہ کیا ہے اور صارفین پر 76 ارب روپے کا اضافی بوجھ ڈال دیا۔

نیٹ فلکس نے بھی اسپاٹیفائی کی طرح پاکستانی صارفین کو بڑی خوشخبری سنادی

مشہور اسٹریمنگ سروس نیٹ فلکس نے بھی اسپاٹیفائی کی طرح اپنے پاکستانی صارفین کو بڑی خوشخبری سنادی ہے. جبکہ پاکستان میں موجود نیٹ فلکس صارفین کے لیے خوشی کی خبر یہ ہے کہ پاکستان کا شمار ان ممالک میں کیا گیا ہے جہاں پر نیٹ فلکس اپنے سب سے سستے سبسکرپشن پیکجز متعارف کروائے گا۔

موجودہ اعداد و شمار کے مطابق پاکستان 1.6ڈالرز، ترکی 3.38ڈالرز، ارجنٹائن 3.5ڈالرز، کولمبیا 3.55ڈالرز، اور بھارت 2.43 ڈالرز میں سب سے زیادہ سستی نیٹ فلکس سبسکرپشنز مل سکتی ہیں۔ دوسری طرف، نیٹ فلکس کے سب سے مہنگے منصوبے سوئٹزرلینڈ 12.62ڈالرز، اسرائیل 9.11ڈالرز، امریکہ 9.99ڈالرز، اور ڈنمارک 14.85 ڈالرز میں ہیں۔

جن ممالک میں سبسکرپشن فیس کم کی گئی ہے ان میں ملائشیا، انڈونیشیا، تھائی لینڈ، فلپائن، کروشیا، وینزویلا، کینیا اور ایران شامل ہیں۔ جبکہ دوسری جانب ملائیشیا کی فلائٹ ایم ایچ 370 کے پراسرار حادثے پر نیٹ فلکس کی سیریز ریلیز ہوگئی ہے۔ گزشتہ روز بدقسمت مسافر طیارے کو لاپتہ ہوئے 9 برس مکمل ہوچکے ہیں، اس موقع پر نیٹ فلکس نے سیریز ریلیز کی۔
مزید یہ بھی پڑھیں؛
عورت مارچ کے انعقاد میں کوئی رکاوٹ نہیں ڈالی جائے گی،پنجاب حکومت
قانون کی حکمرانی کی بھاشن دینے والے آج عدالتی احکامات کی دھجیاں اڑا رہے ہیں،شرجیل میمن
میئر کراچی کیلئے مقابلہ دلچسپ، پیپلزپارٹی اور جماعت اسلامی کی نشستیں برابر ہوگئیں
مکیش امبانی کے ڈرائیورز کی تنخواہ کتنی؟ جان کردنگ رہ جائیں
سعود ی عرب :بچوں سے زیادتی کے مجرم سمیت 2 ملزمان کو سزائے موت
سیریز کا نام ’MH370: The Plane That Disappeared‘ ہے جس کے ڈائریکٹر لوئیز مالکنسن ہیں، تین قسطوں میں طیارے کی گمشدگی اور اس سے متعلق سازشی نظریات کا احاطہ کیا گیا ہے۔ واضح رہے کہ ایم ایچ 370 پرواز 8 مارچ 2014 کو لاپتہ ہو ئی تھی، لاپتہ ہونے والا ہوائی جہاز بوئنگ 777 تھا، ملائیشین ہوائی کمپنی کی پرواز MH 370 کوالالمپور سے چینی دارالحکومت بیجنگ جاتے ہوئے لاپتہ ہو گئی تھی، اِس جہاز پر عملے سمیت کُل 239 مسافر سوار تھے۔

بجٹ کا 25 فیصد گوادر کی ترقی پر خرچ کر رہے ہیں. عبدالقدوس بزنجو

وزیراعلیٰ بلوچستان میر عبدالقدوس بزنجو کا کہنا ہے کہ اس قابل نہیں کہ صوبے کے تمام مسائل حل کرسکیں۔ گوادر میں صحافیوں سے گفتگو کرتے ہوئے عبدالقدوس بزنجو نے کہا کہ بجٹ کا 25 فیصد گوادر کی ترقی پر خرچ کر رہے ہیں، لوگوں نے میگا منصوبوں کے لئے اپنی زمینوں کی قربانی دی، حکومت نے منصوبوں کے لئے بہترین کنسلٹینٹس ہائر کئے ہیں۔

وزیراعلیٰ نے کہا کہ بلوچستان میں وسائل کی کمی ہے، این ایف سی ایوارڈ میں شیئر آبادی کے حساب سے ملتا ہے، اس میں ملنے والا حصہ بہت کم ہے، لہٰذا اس قابل نہیں کہ صوبے کے تمام مسائل حل کر سکیں۔ عبدالقدوس بزنجو کا کہنا تھا کہ مسائل کے حل کے لئے نا امید نہیں ہیں، ریکوڈک منصوبے سے بلوچستان کو 5 فیصد رائلٹی مل رہی ہے جو کہ سالانہ ڈھائی سے 3 ارب بنتے ہیں۔

دوسری جانب گوادر و گردونواح کے لوگوں کو علاج و معالجہ کے بہترین سہولیات فراہم کرنے کیلئے جی ڈی اے ہسپتال کو انڈس ہیلتھ نیٹ ورک کے زیر انتظام کر دیا گیا ہے۔ جو کہ ملک میں صحت کے شعبہ میں بڑے نام اور مقام کا حامل ادارہ ہے اور اس وقت جی ڈی اے ہسپتال گوادر میں بھی جدید و اعلیٰ طبی سہولیات مفت فراہم کررہی ہے۔ جی ڈی اے ہسپتال میں اندراج شدہ مریضوں کو ملک بھر میں قائم انڈس ہسپتال کے کسی بھی مرکز میں مفت علاج معالجہ کی سہولیات فراہم کی جاتی ہے۔
مزید یہ بھی پڑھیں؛
عورت مارچ کے انعقاد میں کوئی رکاوٹ نہیں ڈالی جائے گی،پنجاب حکومت
قانون کی حکمرانی کی بھاشن دینے والے آج عدالتی احکامات کی دھجیاں اڑا رہے ہیں،شرجیل میمن
میئر کراچی کیلئے مقابلہ دلچسپ، پیپلزپارٹی اور جماعت اسلامی کی نشستیں برابر ہوگئیں
مکیش امبانی کے ڈرائیورز کی تنخواہ کتنی؟ جان کردنگ رہ جائیں
سعود ی عرب :بچوں سے زیادتی کے مجرم سمیت 2 ملزمان کو سزائے موت
ترجمان کے مطابق ہسپتال کے پہلو میں ایک اورشاہکار منصوبہ سوبیڈز پر مشتمل جی ڈی اے پاک چائینہ فرینڈ شپ ہسپتال حکومت چین کے تعاون سے تکمیل کے آخری مراحل میں ہے ۔

پی ٹی آئی کارکن علی بلال کی ہلاکت حادثے کی وجہ سے ہوئی، اسپتال چھوڑنے والے دو افراد گرفتار

پاکستان تحریک انصاف کے کارکن علی بلال عرف ظل شاہ کو اسپتال چھوڑ کر جانے والے دونوں افراد کو حراست میں لے لیا گیا ہے۔ جبکہ ذرائع کے مطابق تفتیشی ٹیم نے علی بلال کو لانے والی گاڑی کوبھی قبضے میں لے لیا اور حراست میں لیےگئے ملزمان میں عمر اورجہانزیب شامل ہیں۔

پولیس ذرائع نے بتایا کہ ملزمان نے دیا ہے کہ علی بلال کی ہلاکت حادثے کی وجہ سے ہوئی اور واقعہ فورٹریس اسٹیڈیم پل پر پیش آیا۔ پولیس ذرائع کا کہنا ہے کہ ملزمان سے مزید تفتیش کا عمل جاری ہے۔ جبکہ پی ٹی آئی کے جاں بحق کارکن علی بلال کے والد نے بیان دیا ہے کہ وہ کسی کو بیٹے کے قتل کے مقدمے میں نامزد نہیں کرنا چاہتے اور انہوں نے تھانے میں کوئی درخواست نہیں دی ہے۔
مزید یہ بھی پڑھیں؛
عورت مارچ کے انعقاد میں کوئی رکاوٹ نہیں ڈالی جائے گی،پنجاب حکومت
قانون کی حکمرانی کی بھاشن دینے والے آج عدالتی احکامات کی دھجیاں اڑا رہے ہیں،شرجیل میمن
میئر کراچی کیلئے مقابلہ دلچسپ، پیپلزپارٹی اور جماعت اسلامی کی نشستیں برابر ہوگئیں
مکیش امبانی کے ڈرائیورز کی تنخواہ کتنی؟ جان کردنگ رہ جائیں
سعود ی عرب :بچوں سے زیادتی کے مجرم سمیت 2 ملزمان کو سزائے موت
یاد رہے کہ گزشتہ دنوں علی بلال کی موت واقع ہوئی تھی، پاکستان تحریک انصاف کا دعویٰ کیا ہے کہ علی بلال پولیس تشدد سے جاں بحق ہوا۔ ابتدائی پوسٹ مارٹم رپورٹ میں علی بلال کی موت کی وجہ تشدد سامنے آئی ہے جبکہ پولیس نے اسپتال چھوڑ جانے والے افراد کی تصاویر بھی جاری کی تھیں۔

یاد رہے کہ تحریک انصاف کی جانب سے بدھ کو زمان پارک سے پنجاب ضمنی الیکشن کی انتخابی ریلی کا انعقاد کیا گیا تھا۔ لاہور پولیس نے کارکنوں کو منتشر کرنے کےلئے لاٹھی چارج اور شیلنگ کی تھی۔ ریلی کے دوران لاہور پولیس اور تحریک انصاف کے کارکنوں میں تصادم ہوگیا تھا۔ جس کے نتیجے میں پولیس اہلکار اور متعدد کارکنان زخمی ہوگئے تھے۔ اس موقع پر پارک جہانگیر ٹاؤن لاہور سے تعلق رکھنے والے پی ٹی اۤئی کارکن علی بلال جاں بحق ہوگئے تھے۔

تحریک انصاف کے رہنماؤں کی جانب سے علی بلال کے قتل کا ذمے دار لاہور پولیس کو ٹھہرایا گیا ہے۔ پی ٹی اۤئی وکیل نے واقعہ کے خلاف ایف آئی آر درج کرنے کےلئے جو درخواست جمع کرائی تھی اس میں وفاقی وزیرداخلہ رانا ثنااللہ ، آئی جی پنجاب، سی سی پی او اور متعلقہ پولیس افسران کو نامزد کیا گیا تھا۔

نگراں وزیراعلیٰ پنجاب کی ہدایت پر مزدوروں کی سہولت کیلئے لاہور میٹرو بس سروس کا آغاز

نگراں وزیراعلیٰ پنجاب محسن نقوی کی خصوصی ہدایت پر مزدوروں کی سہولت کیلئے لاہور میٹرو بس سروس کا آغاز صبح 6 بجے سے کردیا گیا۔ جبکہ نگراں وزیراعلیٰ پنجاب محسن نقوی کی زیر صدارت پنجاب ماس ٹرانزٹ اتھارٹی کا اجلاس ہوا، جس میں مختلف امور کا جائزہ لیا گیا۔

پنجاب ماس ٹرانزٹ اتھارٹی اجلاس میں چیف سیکریٹری، چیئرمین پلاننگ اینڈ ڈیولپمنٹ بورڈ، سیکریٹری خزانہ، سیکریٹری ٹرانسپورٹ اور متعلقہ حکام نے شرکت کی۔ علاوہ ازیں اجلاس کو میٹرو بس سروس صبح 6 بجے شروع کئے جانے کے حوالے سے بھی آگاہ کیا گیا۔
مزید یہ بھی پڑھیں؛
عورت مارچ کے انعقاد میں کوئی رکاوٹ نہیں ڈالی جائے گی،پنجاب حکومت
قانون کی حکمرانی کی بھاشن دینے والے آج عدالتی احکامات کی دھجیاں اڑا رہے ہیں،شرجیل میمن
میئر کراچی کیلئے مقابلہ دلچسپ، پیپلزپارٹی اور جماعت اسلامی کی نشستیں برابر ہوگئیں
مکیش امبانی کے ڈرائیورز کی تنخواہ کتنی؟ جان کردنگ رہ جائیں
سعود ی عرب :بچوں سے زیادتی کے مجرم سمیت 2 ملزمان کو سزائے موت
نگراں حکومت نے لاہور میٹرو بس سروس پر سفر کرنے والے مزدوروں کو بڑا ریلیف دے دیا۔ وزیراعلیٰ محسن نقوی کی ہدایت پر میٹرو بس سروس صبح 6 بجے چلانے کا فیصلہ کرلیا گیا، جس سے ہزاروں مزدوروں کو بروقت منزل مقصود پر پہنچنے میں آسانی ہوگی۔ واضح رہے کہ اس سے قبل میٹرو بس سروس کا آغاز صبح ساڑھے 6 بجے کیا جاتا تھا، نگراں پنجاب کابینہ نے میٹرو بس سروس صبح 6 بجے شروع کرنے کی منظوری دی تھی۔