Baaghi TV

Tag: islamabad

  • ترکیہ زلزلہ؛ پاکستانی ریسکیو ٹیم عوامی پذیرائی کے ساتھ وطن واپس روانہ

    ترکیہ زلزلہ؛ پاکستانی ریسکیو ٹیم عوامی پذیرائی کے ساتھ وطن واپس روانہ

    ترکیہ زلزلہ؛ پاکستانی ریسکیو ٹیم عوامی پذیرائی کے ساتھ وطن واپس روانہ

    پاکستان کی جانب سے زلزلے کے بعد امدادی اور ریسکیو کاموں کے لیے ترکیہ بھیجی جانے والی ٹیم زبردست عوامی پزیرائی کے ساتھ وطن واپسی کیلیے روانہ ہوگئی ہے۔ جبکہ پاکستانی سرچ اینڈ ریسکیو ٹیم نے ترکیہ کے زلزلے کے متاثر ہونے والے علاقے اڈیامن میں 17 روزہ سرچ اینڈ ریسکیو آپریشن مکمل کر لیا، پاکستانی ٹیم میں آرمی کا 33 رکنی دستہ اور ریسکیو 1122 کا 53 رکنی دستہ شامل تھا۔
    https://twitter.com/MariamMalik1947/status/1628839401827565569
    نجی ٹی وی کے مطابق ریسکیو ٹیموں نے مجموعی طور پر 91 مقامات پر امدادی کام کیا جبکہ 39 مقامات پر ریسکیو آپریشن میں اپنی پیشہ ورانہ صلاحتوں کے جوہر دکھائے۔ شب و روز کاوشوں سے 8 افراد کو زندہ بچا لیا گیا جن میں چھوٹے بچے بھی شامل تھے، اس کے علاوہ 5 دیگر زندہ افراد کی نشاندہی پر دوسری ریسکیو ٹیموں کی امداد سے ان افراد کو بھی بحفاظت زندہ نکالا گیا ریسکیو ٹیم نے ملبے تلے دب کر مرنے والے 138 افراد کی لاشیں نکال کر ترکیہ انتظامیہ کے حوالے کیا۔ ریسکیو ٹیم نے 2 ساٸٹس کو خیمہ بستی کیلٸے مکمل کلٸیر کیا۔ ریسکیو ٹیم کا آپریشن مسلسل کٸی روز تک جاری رہا ترکیہ عوام کے دل جیت کر پاکستان کے امدادی کارکنان نے دنیا بھر میں وطن عزیز کے نام کو سرخرو کیا۔


    اُدھر ریسکیو ٹیم کے اعزازمیں الوداعی تقریب کا انعقاد کیا گیا جس میں پاکستانی سفیر اور استنبول کے ڈپٹی گورنر ازلیم بوزکرٹ گیورک نے شرکت کی اور پاکستانی رضاکاروں کو شاندار انداز میں خراج تحسین پیش کیا۔ جبکہ پاکستانی سفیر ڈاکٹر یوسف جنیداورترکی کے حکام نے پاکستانی ٹیم کو تالیوں کے ساتھ رخصت کیا اور کہا کہ پاکستان امداد اور بحالی کی کوششوں میں فعال کردار ادا کرتا رہے گا۔

    واضح رہے کہ ترکیہ کے زلزلہ متاثرین کیلٸے سب سے پہلے پہنچنے اور سب سے آخر میں وہاں سے نکلنے پر بین الاقوامی اور ترکیہ میڈیا پر پاکستان کی ریسکیو ٹیم کی تعریفیں بھی کی گئیں۔ جبکہ ٹیم کامیاب ریسکیو آپریشنز کے بعد استنبول سے روانہ ہوگئی جو کل علی الصبح وطن واپس لوٹے گی۔


    دوسری جانب وطن واپسی پر ترکیہ کے ایئرپورٹ پر پاکستانی ریسکیو ٹیم کو شاندار انداز میں الوداع کیا گیا جہاں ہوائی اڈے پر موجود ترک حکام نے تالیاں بجا کر عملے کی حوصلہ افزائی کی۔ اس موقع پر پاکستان زندہ باد اور پاک ترک دوستی زندہ باد کے نعرے بھی فضا میں بلند ہوئے۔ علاوہ ازیں وزیر اعظم شہباز شریف نے ویڈیو شیئر کرتے ہوئے لکھا کہ ’قوم کے ان بہادر اور فرض شناس بیٹوں کو سلام پیش کرتے ہیں جنہوں نے ترکیہ کے بہنوں، بھائیوں اور بچوں کی زلزلہ کی تباہی کے دوران زندگیاں بچائیں‘۔ انہوں نے لکھا کہ ریسکیو حکام نے دن رات انسانیت کے جذبے سے کام کیا۔ ترکیہ میں ریسکیو آپریشن مکمل ہونے پر ریسکیو 1122 کے دستے کی وطن واپسی کا قابل فخر اور روح پر مناظر ہیں۔

  • پی ٹی آئی رہنماء شاہ محمود قریشی کو 30 روز کیلئے نظر بند کردیا گیا

    پی ٹی آئی رہنماء شاہ محمود قریشی کو 30 روز کیلئے نظر بند کردیا گیا

    شاہ محمود کو 30 روز کیلئے نظر بند کردیا گیا
    نائب چئیرمین پاکستان تحریک انصاف (پی ٹی آئی) شاہ محمود قریشی 30 روز کے لئے نظر بند کر دئیے گئے ہیں جبکہ پی ٹی آئی کی جیل بھروتحریک کے معاملے پر شاہ محمود قریشی کو نظر بند کیئے جانے کا نوٹیفکیشن جاری کردیا گیا۔ پی ٹی آئی نائب چیئرمین کی نظر بندی کے احکامات ڈپٹی کمشنر لاہور کی سفارش پر محکمہ داخلہ پنجاب نے جاری کردیئے۔
    notification
    شاہ محمود قریشی کو آج کوٹ لکھپت سے اٹک جیل منتقل کردیا گیا تھا۔

    مزید اپڈیٹ کی جارہی ہے

  • اسلام آباد آباد یونائیٹڈ نے پشاور زلمی کو 6 وکٹ سے شکست دیدی

    اسلام آباد آباد یونائیٹڈ نے پشاور زلمی کو 6 وکٹ سے شکست دیدی

    اسلام آباد آباد یونائیٹڈ نے پشاور زلمی کو 6 وکٹ سے شکست دیدی

    پی ایس ایل 8 کے 12 ویں میچ میں حسن علی کی تباہ کن بولنگ کی بدولت اسلام آباد یونائیٹڈ نے پشاور زلمی کو 156 رنز تک محدود کردیا، بابر اعظم نے ناقابل شکست نصف سنچری اسکور کی۔

    کراچی کے نیشنل بینک کرکٹ ارینا میں پی ایس ایل 8 کا 12واں میچ اسلام آباد یونائیٹڈ اور پشاور زلمی کے درمیان کھیلا جارہا ہے، اسلام آباد یونائیٹڈ کی دعوت پر پشاور زلمی نے پہلے بیٹنگ کرتے ہوئے 8 وکٹوں کے نقصان پر 156 رنز بنائے۔ پشاور زلمی کا آغاز شاندار رہا، محمد حارث اور بابر اعظم نے 6.5 اوورز میں 76 رنز بنا ڈالے تاہم نوجوان بلے باز 21 گیندوں پر 40 رنز بناکر شاداب خان کی گیند پر انہی کے ہاتھوں کیچ آؤٹ ہوگئے۔
    مزید یہ بھی پڑھیں؛
    بارکھان واقعہ،عبدالرحمن کھیتران جسمانی ریمانڈ پر پولیس کے حوالے
    سابق نیب چیئرمین کا نام ای سی ایل میں ڈالنے کی سفارش</aَََ

    حارث کی وکٹ گرنے کے بعد حسن علی نے تباہ کن بولنگ اسپیل کیا اور پشاور زلمی کے تین انتہائی اہم بیٹرز ٹام کوہلر کیڈمور، روومین پاول اور جیمز نیشم کی وکٹیں لے کر بابر الیون کو مشکلات سے دوچار کردیا۔ ایک جانب سے وکٹیں گرنے کا سلسلہ جاری تھا تاہم دوسری طرف سے کپتان بابر اعظم ڈٹ کر کھڑے تھے، انہوں نے 58 گیندوں پر 7 چوکوں اور ایک چھکے کی مدد سے 75 رنز کی ناقابل شکست اننگز کھیلی۔

    پشاور زلمی کے 7 کھلاڑی ڈبل فیگر میں بھی داخل نہیں ہوسکے، صائم ایوب3، کیڈمور ایک، روومین پاول صفر، جیمز نیشم 6، دوسان شناکا 11، وہاب ریاض 8، عثمان قادر 7 رنز بنا کر آؤٹ ہوئے، ارشد اقبال نے ناٹ آؤٹ 2 رنز بنائے۔ اسلام آباد یونائیٹڈ کی جانب سے حسن علی نے 35 رنز دے کر 3 وکٹیں لیں، رومان رئیس، فہیم اشرف، شاداب خان اور مبصر خان نے ایک ایک کھلاڑی کو آؤٹ کیا۔

    بابر اعظم کا کہنا ہے کہ وکٹ بیٹنگ کیلئے اچھی لگ رہی ہے، اچھا اسکور کرکے ہدف کا دفاع کریں گے، آج کے میچ کیلئے ٹیم میں کوئی تبدیلی نہیں کی۔ پاکستان سپر لیگ 8 میں پشاور زلمی نے اب تک 3 میچز کھیلے ہیں جن میں 2 کامیابیوں کے ساتھ اس کے 4 پوائنٹس پوائنٹس ہیں جبکہ اسلام آباد یونائیٹڈ نے 2 میچز میں ایک کامیابی حاصل کی ہے۔

    فروری 23, 2023

  • شرح سود میں دو سے تین فیصد اضافے کا امکان

    اسلام آباد:قرض بحالی پروگرام کے سلسلے میں بین الاقوامی مالیاتی فنڈ (آئی ایم ایف) کے مطالبے کے پیش ںظر شرح سود میں دو سے تین فیصد اضافے کا امکان ہے۔آئی ایم ایف کا شرح سود بڑھانے سے معلق اہم مطالبہ پورا کرنے کےلیے جلد اسٹیٹ بینک کی مانیٹری پالیسی کمیٹی کی شیڈول سے ہٹ کر میٹنگ متوقع ہے، جس میں بنیادی شرح سود میں بڑے اضافے کا امکان ظاہر کیا جارہا ہے۔

    یاد رہے کہ شرح سود سے متعلق مانیٹری پالیسی کمیٹی کی شیڈول میٹنگ 16 مارچ کو ہونا ہے۔

    بینکاری ذرائع کے مطابق شرح سود میں مزید 2 سے 3 فیصد اضافے کا امکان ہے جبکہ اس وقت بنیادی شرح سود 17 فیصد کی سطح پر ہے اگر شرح سود میں 3 فیصد اضافہ ہوتا ہے تو یہ تاریخ کی بلند ترین سطح پر جا پہنچے گی۔

    خیال رہے کہ بدھ کو حکومت نے اسٹیٹ بینک کے ذریعے بینکوں سے257 ارب کا شارٹ ٹرم بھاری قرضہ20 فیصد کی ریکارڈ شرح سود پر اٹھایا۔ ماہرین کا کہنا ہے کہ ٹی بلز کی اونچی شرح سود ڈسکاؤنٹ ریٹ بڑھنے کا واضح اشارہ ہے۔

    دوسری جانب شرح سود میں متوقع بڑے اضافے کو لیکر اسٹاک مارکیٹ جمعرات کو مندی کی لپیٹ میں آکر41ہزار پوائنٹس کی حد سے نیچے آگئی۔ کاروبار کے اختتام پر ہنڈریڈ انڈیکس330پوائنٹس گرکر40838پوائنٹس پر بند ہوا۔

  • شہبازشریف سےآصف زرداری کی ملاقات،وزیراعظم نےاپیکس کمیٹی کااجلاس طلب کرلیا

    شہبازشریف سےآصف زرداری کی ملاقات،وزیراعظم نےاپیکس کمیٹی کااجلاس طلب کرلیا

    اسلام آباد:وزیر اعظم شہباز شریف سے سابق صدر آصف علی زرداری نے ملاقات کی، جس میں ملکی کی موجودہ صورتحال پر غور کیا گیا۔

    پاکستان پیپلز پارٹی پارلیمینٹیرینز کے صدر آصف علی زرداری کی وزیراعظم ہاؤس آمد پر وزیراعظم شہباز شریف نے استقبال کیا، ملاقات میں دونوں رہنماؤں کے درمیان ملک کی سیاسی صورت حال، عوامی فلاح اور بہبود کے امور پر تبادلہ خیال ہوا۔

    ملاقات میں پنجاب اور خیبرپختونخوا اسمبلیوں کے انتخابات پر سپریم کوٹ کی جانب سے ازخود نوٹس لینے اور سماعت کرنے والے بنچ سے متعلق تفصیلی مشاورت کی گئی، وزیر اعظم شہباز شریف اور آصف زرداری نے سپریم کورٹ میں اپنا موقف بھرپور طریقے سے پیش کرنے پر اتفاق کیا۔

    ادھرذرائع کےحوالے سے یہ بھی معلوم ہوا ہے کہ اسلام آباد : وزیر اعظم شہبازشریف نے اپیکس کمیٹی کا اجلاس طلب کرلیا۔ذرائع کے مطابق اپیکس کمیٹی کا اجلاس کل 3 بجے وزیراعظم ہاؤس میں ہوگا، اپیکس کمیٹی کے اجلاس میں عسکری و سول قیادت شریک ہوگی، اپیکس کمیٹی کے اجلاس میں ملکی امن وامان کی صورتحال پر غور ہوگا۔

    ذرائع کا کہنا ہے کہ اجلاس میں پشاور دھماکے، کراچی میں دہشتگردی کے واقعات پر بریفنگ دی جائے گی، اجلاس میں نیشنل ایکشن پلان پر عمل درآمد سے متعلق بھی غور ہوگا۔ذرائع کے مطابق اجلاس میں چاروں صوبوں کے وزرائے اعلی شریک ہوں گے۔

  • پیپلز پارٹی امیدواروں نے20 قومی حلقوں سےکاغذات نامزدگی واپس لے لیے

    پیپلز پارٹی امیدواروں نے20 قومی حلقوں سےکاغذات نامزدگی واپس لے لیے

    اسلام آباد: پیپلز پارٹی کی جانب سے انتخابات کے لیے 20 قومی حلقوں سے 31 امیدواروں نے کاغذات نامزدگی واپس لے لیے۔پاکستان پیپلزپارٹی کے مطابق این اے 97 بھکرسے امجد کہاوڑ، این اے67 جہلم سے تسنیم ناصر گجر، ،این اے126 لاہور سے اورنگزیب برکی، این اے 130 لاہور سے احمد جواد فاروق رانا، شمیم صفدر، شکیل پاشا، این اے 53 اسلام آباد سے سید سبط الحیدر بخاری، این اے 54 اسلام آباد سے راجہ عمران اشرف، این اے 52 اسلام آباد سے واصف کیانی، چودھری اسد پرویز نے کاغذات نامزدگی واپس لیے ہیں۔

    اسی طرح این اے 57 راولپنڈی سے آصف شفیق ستی، شوکت عباسی، عبدالجبار ستی، این اے 59 راولپنڈی سے چودھری ظہر سلطان، این اے 60 راولپنڈی سے راجہ عامر کریم، راجہ عدنان ایڈووکیٹ، این اے 62 راولپنڈی سے سمیرا گل، حمزہ بزمی، این اے 63 راولپنڈی سے سید عشرت زیدی، قمر شاہ نے کاغذات واپس لیے۔

    ایسے ہی این اے 96 میانوالی سے رانا عبدالعزیز، این اے 107 فیصل آباد سے حاجی یونس، میاں اشفاق، سردار ملک، رانا مشتاق، این اے 109 فیصل آباد سے نجف وڑائچ، این اے 61 راولپنڈی سے شبیر عباس عابد، این اے 70 گجرات سے ملک شفیق، این اے 93 خوشاب سے ملک علی سانول، این اے 87 حافظ آباد سے چودھری یاسین سندھو، اور این اے 135 لاہور سے امجد جٹ نے کاغذات نامزدگی واپس لیے۔

  • بلوچستان اسمبلی؛ عام انتخابات کے التوا کی قرارداد منظور

    بلوچستان اسمبلی؛ عام انتخابات کے التوا کی قرارداد منظور

    بلوچستان اسمبلی؛ عام انتخابات کے التوا کی قرارداد منظور

    بلوچستان اسمبلی نے ملک میں عام انتخابات کو اۤگے کرنے کا مطالبہ کردیا ہے، صوبائی اسمبلی میں الیکشن میں التوا کی قرار داد منظور کرلی گئی ہے جبکہ بلوچستان اسمبلی میں عام انتخابات کے التوا کی قرارداد رکن اسمبلی ڈاکٹر ربابہ بلیدی نے پیش کی۔ جس میں الیکشن کمیشن سے عام انتخابات کے التوا کا مطالبہ کیا گیا ہے۔

    ملک میں شیڈول الیکشن کو اۤگے بڑھانے کےلئے بلوچستان اسمبلی میں پیش قرار داد میں مزید کہا گیا کہ پاکستان میں ڈیجیٹل مردم شماری کا عمل جاری ہے، مردم شماری کی تکمیل تک عام انتخابات ملتوی کئے جائیں۔
    مزید یہ بھی پڑھیں؛
    بارکھان واقعہ،عبدالرحمن کھیتران جسمانی ریمانڈ پر پولیس کے حوالے
    سابق نیب چیئرمین کا نام ای سی ایل میں ڈالنے کی سفارش</aَََ
    اسلام آباد یونائیٹڈ کی پشاور زلمی کیخلاف ٹاس جیت کر فیلڈنگ جاری
    عدلیہ پر حملوں کا مقصد الیکشن سے بچنا ہے،عمران خان
    وزیراعظم کا صدر کو غیر آئینی کاموں سے باز رہنے کامشورہ دے دیا
    شہباز شریف کو کہتی ہوں فیض کی باقیات کی فکرنہ کریں انکا احتساب کریں،مریم نواز

    الیکشن کے حوالے سے سپریم کورٹ نے بھی اہم ریمارکس دیے ہیں۔ پنجاب اور خیبرپختونخوا الیکشن میں تاخیر پر ازخود نوٹس کی سماعت کے دوران عدالت عظمیٰ نے ریمارکس دیے کہ ‏انتہائی سنگین حالات ہوں تو انتخابات کا مزید وقت بڑھ سکتا ہے۔ چیف جسٹس پاکستان عمر عطا بندیال نے ریمارکس دیے کہ انتخابات کا ایشو وضاحت طلب ہے، ہم آپ سب کو سننے کا ارادہ رکھتے ہیں۔

  • عدلیہ پر حملوں کا مقصد الیکشن سے بچنا ہے،عمران خان

    عدلیہ پر حملوں کا مقصد الیکشن سے بچنا ہے،عمران خان

    چیئرمین تحریک انصاف عمران خان کا کہنا ہے کہ ن لیگ کی جانب سے عدلیہ پر حملوں کا مقصد الیکشن سے بچنا ہے کیونکہ انہیں پتہ ہے عوام ان کے ساتھ نہیں۔ویڈیو کانفرنس کے دوران عمران خان کا کہنا تھا کہ یہ عدلیہ پر اس لیے دباؤ ڈال رہے ہیں تاکہ عدالتیں پریشر میں آکر آئین کے مطابق الیکشن کے انعقاد سے کسی طرح پیچھے ہٹ جائیں۔

    سابق وزیراعظم عمران خان کا کہنا تھا کہ ججز کو کہتاہوں کہ یہ پاکستان کی تاریخ کا فیصلہ کن موڑ ہے۔عمران خان نے کہا کہ موجودہ نگراں وزرائے اعلیٰ 90 دن کے بعد کس طرح منصب پر رہ سکتے ہیں کیونکہ ان کا کام تو صرف الیکشن کرانا ہے، یہ عوامی نمائندے نہیں، آئین میں حق حکمرانی صرف عوامی نمائندوں کو حاصل ہے۔

    چیئرمین تحریک انصاف کا کہنا تھا کہ ایسا اخلاقی طور پر کرپٹ الیکشن کمشنر تاریخ میں کبھی نہیں آیا، نگراں حکومت کےلیے ہم نے غیرجانبدار لوگوں کے نام دیے مگر الیکشن کمیشن نے چن کر وہ نام منتخب کیے جو ہمارے سخت مخالف تھے۔

    ان کا کہنا تھا کہ ہمارے زیرحراست رہنماؤں اور کارکنوں سے دہشت گردوں جیسا سلوک کیا جارہا ہے۔ یہ ثابت کررہے ہیں کہ لوگ ان حرکتوں سےڈر جائیں گے مگر ہم نے بلکل بھی پیچھے نہیں ہٹنا۔

  • وزیراعظم کا صدر کو غیر آئینی کاموں سے باز رہنے کامشورہ دے دیا

    وزیراعظم کا صدر کو غیر آئینی کاموں سے باز رہنے کامشورہ دے دیا

    اسلام آباد:وزیراعظم شہباز شریف نے صدر کی جانب سے الیکشن کمیشن کو لکھے گئے خط پر غیر آئینی کاموں سے باز رہنے کا مشورہ دیا ہے۔وزیراعظم نے سیاسی صورتحال پر اجلاس میں رہنماؤں کو صدر کو خط لکھنے پر اعتماد میں لیا۔

    وزیراعظم شہباز شریف کا کہنا تھا صدر کا الیکشن کمیشن کو خط غیر آئینی ہے، صدر غیر آئینی کام کرنے سے باز رہیں، الیکشن کمیشن خود مختار ادارہ ہے، الیکشن کمیشن کا جو بھی فیصلہ ہو گا حکومت عمل کرے گی۔ان کا کہنا تھا تحریک انصاف کی برائے نام جیل بھرو تحریک ناکام ہو چکی ہے، عوام تحریک انصاف کے یوٹرنز کو جان چکے ہیں۔

    یاد رہے کہ چند روز قبل صدر عارف علوی نے الیکشن کمیشن کو پنجاب اور خیبر پختونخوا میں الیکشن کی تاریخ کے حوالے سے مشاورت کی دعوت دی تھی لیکن الیکشن کمیشن نے صدر کی مشاورت کی تجویز کو مسترد کر دیا تھا جس کے بعد صدر عارف علوی نے خود ہی پنجاب اور خیبر پختونخوا میں 9 اپریل کو انتخابات کی تاریخ دے دی تھی۔

    وفاقی وزراء کی جانب سے صدر عارف علوی کے اس اقدام کو غیر آئینی قرار دیتے ہوئے کہا گیا کہ صدر عارف علوی کے حکم کی کوئی اہمیت نہیں ہے۔

  • شہباز شریف کو کہتی ہوں فیض کی باقیات کی فکرنہ کریں انکا احتساب کریں،مریم نواز

    شہباز شریف کو کہتی ہوں فیض کی باقیات کی فکرنہ کریں انکا احتساب کریں،مریم نواز

    سرگودھا،مسلم لیگ ن کاورکرزکنونشن،مریم نوازاسٹیج پر موجود تھیں

    ورکر کنونشن سے ن لیگی رہنما وفاقی وزیر داخلہ رانا ثناء اللہ نے خطاب کرتے ہوئے کہا کہ یہ بات واضح کرنا چاہتا ہوں کہ ن لیگ نے مریم نواز کی قیادت میں الیکشن مہم شروع کردی ہے،پنجاب کی عوام مسلم لیگ ن سے محبت کرتے ہیں،پنجاب میں پی ٹی آئی کو شکست دے کرحکومت بنائیں گے،مسلم لیگ ن عدلیہ اور قانون کااحترام کرتی ہے،مسلم لیگ ن نے عدلیہ کی بحالی کیلئے تحریک چلائی،عدلیہ بحالی کی تحریک میں عوام کے سمندر نے نوازشریف کاساتھ دیا،مسلم لیگ ن کی رائے ہے کہ انتخابات اپنے مقررہ وقت پر ہونے چاہییں،چاہتے ہیں کہ ہر کسی کے ساتھ انصاف ہو اور انصاف ہوتا ہوا نظر بھی آئے،عدلیہ کی بحالی مسلم لیگ ن کے لانگ مارچ کے نتیجے میں ہوئی،اس وقت پاکستان کو صاف و شفاف الیکشن کی ضرورت ہے عمران خان کو سیاسی میدان میں شکست دیں گے،عمران خان اگر الیکشن ہارا تو نتائج تسلیم نہیں کرے گا،ایسے نتائج ہونے چاہییں جن کو پوری قوم تسلیم کرے،نوازشریف جلد وطن واپس آئیں گے،سرگودھا میں اگلے جلسے سے نوازشریف خطاب کریں گے،90کی دہائی میں بھی نوازشریف نے ملک کو ترقی دی،عوام نے ہمیشہ نوازشریف پر اعتماد کا اظہار کیا،

    ن لیگی رہنما مریم نواز کا کہنا تھا کہ مشکل وقت میں بھی سرگودھا نے نواز شریف کا ساتھ نہیں چھوڑا، نواز شریف بھی کبھی سرگودھا کا ساتھ نہیں چھوڑے گا،سرگودھا نواز شریف کے چاہنے والوں کا شہر ہے،نواز شریف عوام کا نمائندہ تھا وہ کبھی مہرہ نہیں بنا،ہمارے کان پک گئے کہ سازش ہوگئی، سازش گھڑی چور کے خلاف نہیں نوازشریف کے خلاف ہوئی ،نوازشریف کے خلاف سازش میں 5افراد کا ٹولہ شامل تھا ملک کی موجودہ صورتحال کا ذمہ دار عمرانی ٹولہ ہےمسلم لیگ ن کے سارے لیڈروں کو چن چن کر نااہل کیا گیا،جنرل فیض جانتے ہیں کہ اس نے اربوں روپے بنائے ساری سازش کا سرغنہ جنرل فیض تھا،مسلم لیگ ن الیکشن جیتے گی ن لیگ انتخابی مہم میں اتر چکی ہے کیا اس فتنے نے آئی ایم ایف کو لکھ کر نہیں دیا کہ وہ بجلی مہنگی کرے گا؟ جس کو صادق اور امین بنا کر پیش کیا گیا اس کی صداقت کے قصے پوری دنیا میں گھوم رہے ہیں، دونوں میاں بیوی چار سال صرف پیسہ بناتے رہے،مال لوٹتے رہے، پرویز الہیٰ کے بیٹے نے پوری زندگی صرف مال بٹورا ہے،کہتا تھا میں نواز شریف کی جیل سے اے سی اتاروں گا،نوازشریف ہر پیشی پر عدالت جاتاتھا مگر یہ بار بار بلانے کے باوجود نہیں جاتا،نوازشریف نے خود قربانی دی،کارکنوں کو ڈھال نہیں بنایا،عمران خان پرویز الہٰی کو پنجاب کا سب سے بڑا ڈاکو کہتا تھا،پہلی جیل بھرو تحریک دیکھی جس میں پولیس اعلان کررہی ہے،جیل بھرو تحریک میں کارکنان آگے اور پولیس ان کے پیچھے تھی،شہباز شریف کو کہتی ہوں فیض کی باقیات کی فکرنہ کریں انکا احتساب کریں، عمران خان نوازشریف کے ڈر سے چوہے کی طرح بل میں بیٹھا ہوا ہے،جیل کاٹنے والوں کو ایک ہی رات میں ماں،باپ اور بچے یاد آگئے،لاہور کے ڈیڑھ کروڑ آبادی کے شہر میں،60،70 لوگ گرفتاری دینے کیلئے آئے،کارکنوں کیلئے جیلیں اور اپنے لیے بیلیں

    سینیٹ اجلاس میں "فرح گوگی” کے تذکرے،ہائے میری انگوٹھی کے نعرے

    فرح خان بنی گالہ کی مستقل رہائشی ،مگرآمدروفت کا ریکارڈ نہیں، نیا سیکنڈل ،تحقیقات کا حکم

    فرح خان کیسے کرپشن کر سکتی ؟ عمران خان بھی بول پڑے

    مریم نواز کے ہاتھ میں گلاس کیوں؟ حقیقت سامنے آ‌ ہی گئی