Baaghi TV

Tag: islamabad

  • یاسرعرفات کو پاکستان کرکٹ ٹیم کےباولنگ کوچ کی ذمہ داری دے دی گئی

    یاسرعرفات کو پاکستان کرکٹ ٹیم کےباولنگ کوچ کی ذمہ داری دے دی گئی

    لاہور:ٹیسٹ آل راؤنڈر یاسر عرفات قومی ٹیم کے نئے بولنگ کوچ ہوں گے اور وہ مکی آرتھر کے اسسٹنٹ کی حیثیت سے بھی خدمات انجام دیں گے۔مکی آرتھر کی عدم موجودگی میں یاسر عرفات قومی ٹیم کے کوچنگ اسٹاف کے سربراہ کی خدمات بھی انجام دیں گے۔

    پاکستان کرکٹ بورڈ کی مینجمنٹ کمیٹی کے سربراہ نجم سیٹھی نے مستقبل میں قومی کرکٹ ٹیم کی کوچنگ کے حوالے سے مکی آرتھر کی خدمات حاصل کرنے کی ٹھان لی ہے، اگرچہ مکی آرتھر انگلش کاؤنٹی ڈاربی شائر کے ساتھ وابستہ ہیں۔

    نجم سیٹھی سمجھتے ہیں کہ وہ اپنی منتخب ٹیم کے ساتھ پاکستان کرکٹ ٹیم کے معاملات دیکھنے اور چلانے کی اہلیت رکھتے ہیں۔اس حوالے سے نجم سیٹھی نے مکی آرتھر جو اس وقت انگلینڈ میں موجود ہیں، ان کو اختیارات تفویض کیے ہیں کہ وہ اپنی مرضی کا کوچنگ اسٹاف رکھ کر پاکستان ٹیم کی کوچنگ کے معاملات کو آگے بڑھائیں۔

    تازہ ترین اطلاعات کے مطابق اس تناظر میں 54 سال کے مکی آرتھر نے قومی ٹیم کے نئے بولنگ کوچ کے لیے 40 سال کے یاسر عرفات کا انتخاب کرلیا ہے۔یاسر عرفات نے حال ہی میں انگلینڈ اینڈ ویلز کرکٹ بورڈ سے لیول فور اسپیشلسٹ کوچ کی ڈگری حاصل کی ہے۔

    یاسر عرفات نے گزشتہ کرکٹ بورڈ میں کوچنگ میں دلچسپی ظاہر کی تھی تاہم انہیں ڈائریکٹر ہائی پرفارمنس سینٹر ندیم خان نے کوئی مؤثر جواب نہیں دیا تھا۔راولپنڈی میں 12 مارچ 1982 کو پیدا ہونے والے یاسر عرفات نے فروری 2000 سے ستمبر 2012 تک پاکستان کے لیے 3 ٹیسٹ، 11 ون ڈے اور 13 ٹی 20 بین الاقوامی میچ کھیلے ہیں۔

    ہوسکتا ہے کہ حملہ آور پہلے سے ہی پولیس لائنز میں موجود ہو 

    نیشنل ایکشن پلین پر سختی سے عمل کرنے کی ضرورت ہے،

    ہ پشاور کا سانحہ دہشت گردوں کی مزاحمت کا تقاضا کر رہا ہے،

  • کوہلی سے جھگڑا کیوں ہوا،سہیل خان نے وجہ بتادی

    کوہلی سے جھگڑا کیوں ہوا،سہیل خان نے وجہ بتادی

    پاکستانی فاسٹ بولر سہیل خان نے حال ہی میں بھارتی کرکٹر ویرات کوہلی سے 2015 کے ورلڈکپ میں ہونے والی تکرار کی وجہ بتائی ہے-

    باغی ٹی وی: یوٹیوبر نادر علی کے پوڈ کاسٹ میں گفتگو کے دوران سہیل خان سے جب ویرات کوہلی کے ساتھ گراؤنڈ میں ہونے والی لڑائی کا پوچھا گیا تو انہوں نے کہا کہ ویرات کوہلی ایک بہت بڑا نام ہے، برانڈ ہے، وہ شاندار کارکردگی کا مظاہرہ کرتا ہے لیکن اگر کوئی کرکٹ کے میدان میں میری ذات پر سوال اٹھائے گا تو میں نہیں دیکھوں گا کہ میرے سامنے کون ہے-

    قومی کرکٹر نے کہا کہ میں جب ملک کی خاطرکہیں جاتا ہوں تو میرا کام ہے مقابل کی وکٹیں اڑانا، میں نے بھی اڑائیں، اس میچ میں 5 وکٹیں لی تھیں جس پر شاید ان کو غصہ تھاجب میرا ورلڈکپ میں نام آیا تو میں نہیں جانتا تھا کہ ویرات کوہلی کون ہے، اس وقت اس سے بڑے بڑے نام شاہد آفریدی، مصباح اور یونس خان تھے۔


    سہیل خان نے بتایا کہ بھارت کے خلاف ہمارا پہلا میچ تھا، بھارتی اننگز کے بعد جب پاکستان کی بیٹنگ جاری تھی اور میں بیٹنگ کے لیے آیا تو ویرات کوہلی نے جملے کسے کہ جمعہ جمعہ 8 دن ہوئے ہیں آپ کو کرکٹ میں آئے ہوئے اور آپ اتنی باتیں کرتے ہیں-


    سہیل خان نے بات جاری رکھتے ہوئے بتایا کہ میں نے جواب دیا بیٹا جب آپ انڈیا انڈر 19 میں کھیل رہے تھے تب آپ کا باپ ٹیسٹ کرکٹر تھا جس پر مصباح بھائی آئے اور مجھ پر غصہ کیا کہ خاموش ہوجاؤ، ادھر سے دھونی آیا اور ویرات سے کہا سائیڈ میں ہوجاؤ، یہ (سہیل) پرانا چاول ہے، تم اس کو نہیں جانتے،اس کے بعد ویرات سیدھا گیا اور جاکر فیلڈ پر کھڑا ہوگیا-


    سہیل خان کا مزید کہنا تھا کہ عزت اپنی جگہ ہے میں اس کی بہت عزت کرتا ہوں کیونکہ وہ شاندار کھلاڑی ہے لیکن میری نظر میں بحیثیت بولر، روہت شرما زیادہ اچھا کھلاڑی ہے کیونکہ اس کی تکنیک اچھی ہے-


    اس بیان کے بعد بھارتی صارفین سمیت معروف صحافی اور شخصیات سہیل خان کے اس بیان پر انہیں کڑی تنقید کا نشانہ بنارہے ہیں، جس کے بعد سہیل پاکستان سمیت بھارت کے ٹاپ ٹرینڈ میں شامل ہیں دوسری جانب پاکستانی فینز بھی سہیل خان کے حق میں ٹوئٹس کررہے ہیں ۔
    https://twitter.com/AvinashArya09/status/1621040616162594817?s=20&t=FJbEtYkQ1Jz1TyjiTDW0Nw
    اس کے علاوہ بھارتی صحافی اوینا آریان سہیل خان کی حمایت میں بولے انہوں نے اپنی ٹوئٹ میں کہا کہ سہیل خان غلط نہیں ہے، سچ بولنے پر لوگوں کو مرچیں کیوں لگتی ہیں؟ حقائق پر مرچیں نہیں لگنی چاہیئں، نظریات مختلف ہوسکتے ہیں۔
    https://twitter.com/AvinashArya09/status/1621049004393132032?s=20&t=NznBLEPk-2gwBs2IJ-noEw
    ایک اور ٹوئٹ میں اویناش نے قہقہہ لگاتے ہوئے لکھا کہ کوہلی کے مداح سہیل کے لیے نازیبا زبان استعمال کررہے ہیں کیونکہ سچ کہا ہے، یعنی اگر سہیل خان نے کوہلی کی تعریف کی ہوتی تو یہ فینز انہیں آسٹریلوی کرکٹر گلین مک گریتھ قرار دے دیتے-

  • حلقہ این اے 193 جام پورضمنی الیکشن،عمران خان بھاگ گئے

    حلقہ این اے 193 جام پورضمنی الیکشن،عمران خان بھاگ گئے

    حلقہ این اے 193 جام پور ضمنی الیکشن سے عمران خان بھاگ گئے

    عمران خان نے حلقہ این اے 193 جام پور سے ضمنی الیکشن نہ لڑنے کا فیصلہ کیا ہے،الیکشن کمیشن کی جانب سے کہا گیا ہے کہ عمران خان کی جانب سے الیکشن نہ لڑنے کی درخواست موصول ہوگئی، پی ٹی آئی کے ٹکٹ سے سابق صوبائی وزیر خزانہ پنجاب محسن لغاری الیکشن لڑیں گے ،حلقہ این اے 193 جام پور میں 26 فروری کو ضمنی الیکشن ہوں گے پی ٹی آئی کےسردار جعفر خان لغاری کی وفات کے بعد نشست خالی ہوئی تھی،

    عمران خان کی جانب سے کہا جا رہا تھا کہ ضمنی الیکشن تمام نشستوں پر عمران خان لڑیں گے تا ہم اب جام پور کے حلقے سے عمران خان الیکشن نہیں لڑ رہے، اس حلقے میں ن لیگ نے بھی ضمنی الیکشن کی تیاریاں شروع کر رکھی ہیں

    پاکستان پیپلز پارٹی کے نامزد امیدوار این اے 193 جام پور اختر حسن خان نے بھی انتخابی مہم شروع کر رکھی ہے،

    عمران خان معافی مانگنے جج زیبا چودھری کی عدالت پہنچ گئے

    شوکت ترین ، تیمور جھگڑا ،محسن لغاری کی پاکستان کے خلاف سازش بے نقاب،آڈیو سامنے آ گئی

    فوج اور قوم کے درمیان خلیج پیدا کرنا ملک دشمن قوتوں کا ایجنڈا ہے،پرویز الہیٰ

     

    nizai

     

  • چارسدہ میں بھی پولیس موبائل پر گولیاں چل گئیں

    چارسدہ میں بھی پولیس موبائل پر گولیاں چل گئیں

    چارسدہ میں بھی پولیس موبائل پر گولیاں چل گئیں
    باغی ٹی وی کی رپورٹ کے مطابق خیبر پختونخواہ میں پولیس پر حملوں میں اضافہ دیکھنے میں آیا ہے

    خیبر پختونخواہ کے علاقے چارسدہ میں پولیس موبائل پر فائرنگ کی گئی ہے، تھانہ پڑانگ کی گشتی پولیس موبائل پر نامعلوم شرپسندوں نے فائرنگ کی ، پولیس نے جوابی فائرنگ کی، جس کے نتیجے میں ایک ایک ملزم ہلاک جبکہ ایک گرفتار کر لیا گیا ،

    ترجمان چارسدہ پولیس کے مطابق موٹرسائیکل سوارشرپسندوں کو ناکے پر موجود پولیس اہلکاروں نے روکنے کا اشارہ کیا۔جس کے بعد ملزمان نے رکنے کی بجائے پولیس موبائل پر فائرنگ شروع کر دی ، پولیس نے جوابی فائرنگ کی جس کے نتیجے میں ایک ملزم کی موت ہو گئی ہے، دوسرے کو گرفتار کر لیا گیا ہے، ملزمان کے قبضےسے دو ھینڈ گرنیڈ اور 2 پستول برآمد کر لئے گئے ہیں، پولیس نے ملزمان کے قبضے میں موجود موٹر سائیکل بھی تحويل میں لے لی۔ہلاک شرپسند ساجد ڈی ایچ کیو چارسدہ اور گرفتار ملزم یاسر کو پولیس سٹیشن منتقل کردیا گیا۔ ۔ملزمان کی فائرنگ سے پولیس موبائل کو بھی نقصان پہنچا۔

    خاتون پولیس اہلکار کے کپڑے بدلنے کی خفیہ ویڈیو بنانے پر 3 کیمرہ مینوں کے خلاف کاروائی

    جنسی طور پر ہراساں کرنے پر طالبہ نے دس سال بعد ٹیچر کو گرفتار کروا دیا

    آٹھ سالہ بچی کے ساتھ مبینہ زیادتی کا ڈراپ سین،والد لینا چاہتا تھا مخالفین سے دشمنی کا بدلہ

    ڈی ایس پی عالمزیب خان اور سرکل ایس ایچ اوز بمعہ ایلیٹ فورس اور دیگر نفری نے سرچ آپریشن شروع کیا ۔ڈی پی او سہیل خالد کا کہنا ہے کہ پولیس جوانوں نے گشت کے دوران شرپسندوں کو بھر پور جواب دے کر بہادی کا مظاہرہ کیا،اللہ تعالیٰ کے فضل رحم سے ہمارے نوجوانوں محفوظ رہے

  • شیخ رشید کا دو روزہ جسمانی ریمانڈ منظور

    شیخ رشید کا دو روزہ جسمانی ریمانڈ منظور

    اسلام آباد:عدالت نے سابق صدر آصف علی زرداری پر عمران خان کو قتل کرنے کی سازش سے متعلق کیس میں گرفتار سربراہ عوامی مسلم لیگ شیخ رشید احمد کو 2 روزہ جسمانی ریمانڈ پر پولیس کے حوالے کر دیا۔

    عدالت نے پراسیکیوٹر کی 8 روزہ جسمانی ریمانڈ کی استدعا مسترد کر دی، جوڈیشل مجسٹریٹ عمر شبیر نے محفوظ شدہ فیصلہ سنایا۔آصف زرداری پر عمران خان کے قتل کی سازش کرنے کے بیان پر شیخ رشید کے خلاف مقدمہ تھانہ آبپارہ میں درج ہے۔

    اس سے پہلے عوامی مسلم لیگ کے سربراہ شیخ رشید کا کہنا تھا کہ جس نے بھی انہیں گرفتار کیا اس کی حکومت ختم ہوئی۔پولی کلینک میں میڈیا سے غیر رسمی گفتگو میں شیخ رشید نے کہا کہ پوری رات کا جاگا ہوا ہوں، میری گھڑیاں اور پیسے لیےگئے، ملازموں کو مارا گیا۔

    انہوں نے کہا کہ بھٹوکی حکومت ہو یا نوازشریف کی جس نے مجھےگرفتارکیا وہ ختم ہوئی، ہم امپورٹڈ حکومت ختم کرکے رہیں گے، 15 فروری کے بعد نقشہ بدل جائے گا، ساری قوم عمران خان کے ساتھ ہے، سب سن لیں یہ نواز شریف کی سیاسی موت ہے، ان کو خوف ہے کہ ان کی حکومت جا رہی ہے, شہباز شریف تمہارے دن گنے جا چکے ہیں۔

  • گرین گوادر، کلین گوادر سلوگن کے تحت گوادر کو پولی تھین بیگزسے پاک کرنے کیلئے عملی اقدامات کا آغاز

    گرین گوادر، کلین گوادر سلوگن کے تحت گوادر کو پولی تھین بیگزسے پاک کرنے کیلئے عملی اقدامات کا آغاز

    گرین گوادر، کلین گوادر کے سلوگن کے تحت گوادر کو پولی تھین بیگزسے پاک کرنے کے عملی اقدامات کا آغاز

    گرین گوادر، کلین گوادر کے سلوگن کے تحت گوادر کو پولی تھین بیگز (پلاسٹک کی تھیلے)سے پاک کرنے کیلئے عملی اقدامات کا آغاز کر دیا گیا ہے جس کے تحت پلاسٹک کے تھیلے کی فروخت اور استعمال پربھاری بھرکم جرمانے اورمقدمات کا اندراج کیا جائے گا انوائرمنٹ پروٹیکشن ایجنسی حکومت بلوچستان کے مراسلے کے بعد انوائر منٹ آفس ضلع گوادر کی جانب سے پلاسٹک کے تھیلے بنانے والوں کارخانوں، تاجروں اور دکانداروں کو اس سلسلہ میں تنبیہ کرنے کا سلسلہ شروع کر دیا گیا ہے.

    محکمے کی جانب سے کہا گیا ہے کہ محکمہ تحفظ ماحولیات نے ممانعت استعمال و فروخت پلاسٹک تھیلے آرڈیننس2001اور بلوچستان ہائیکورٹ کے احکامات کے تحت پلاسٹک کے تھیلے کے استعمال اور فروخت پرمکمل پابندی عائد کی ہے مذید کہا گیا ہے کہ ا یسے تمام کارخانہ دار ، تاجر و دکاندارجو 40 مائیکرون سے بار یک پلاسٹک کے تھیلے بناتے یا کاروبار کرتے ہیں کو آخری بار تنبیہ کی جاتی ہے کہ وہ مذکورہ کاروبارکو 4 فروری 2023سے پہلے ترک کردیں بصورت دیگر پابندی کی خلاف ورزی کے مرتکب عناصر کے خلاف قانون برائے تحفظ ماحولیات بلوچستان 2012 کے تحت بلا امتیاز سخت قانونی کاروائی عمل میں لائی جائے گی.

    مزید یہ بھی پڑھیں
    ایف بی آئی کی امریکی صدر جو بائیڈن کے گھر 4 گھنٹے تلاشی
    امریکا جانے والا ایک شخص لاپتہ ہوگیا
    شیخ رشید کی رہائش گاہ لال حویلی کو سیل کردیا گیا
    بجلی بریک ڈاؤن پر نئی رپورٹ نے حکومتی بیانات کا بھانڈا پھوڑ دیا
    ہماری طرف آئیں ہم اچھے میزبان ہیں آپ کو دکھائیں گےکہ ہم کیسے نظر آتے ہیں،عدنان صدیقی کا بھارتی فلم ’مشن مجنوں‘ پر ردعمل
    عدالت نے مونس الہٰی کی اہلیہ کے وکیل کو جواب جمع کروانے کیلئے وقت دے دی
    خیال رہے کہ محکمہ کی جانب سے یہ بھی واضح کیا گیا ہے کہ بلوچستان کے تمام کارخانوں ، تاجروں اور پلاسٹک گوداموں کو آخری بار تنبیہ کی جاتی ہے کہ اگر4 فروری 2023 کے بعد دکان ، گودام یا شا پنگ مال سے پلاسٹک کے تھیلے برآمد ہونے پر ماحولیاتی قوانین کے مطابق سخت تادیبی کاروائی کی جائے گی جس میں بھاری بھرکم جرمانہ ،ایف آئی آر کاا ندراج کرنا اور پلاسٹک تھیلوںکو ضبط کر لیا جائے گا

  • جن کو مریم کے سینئر نائب صدر بننے پر تکلیف ہے ان کا ووٹ بینک کتنا ہے؟ حنا پرویز بٹ کا شاہد خاقان عباسی پر طنز

    جن کو مریم کے سینئر نائب صدر بننے پر تکلیف ہے ان کا ووٹ بینک کتنا ہے؟ حنا پرویز بٹ کا شاہد خاقان عباسی پر طنز

    جن کو مریم کے سینئر نائب صدر بننے پر تکلیف ہے ان کا ووٹ بینک کتنا ہے. حنا پرویز بٹ کا شاہد خاقان عباسی پر طنز.

    مسلم لیگ ن کی رہنماء حنا پرویز بٹ‌ نے سابق وزیر اعظم شاہد خاقان عباسی پر طنز کرتے ہوئے ٹوئیٹ کیا کہ "جن کو مریم بی بی کے چیف آرگنائزر اور سینئر نائب صدر بننے پر تکلیف ہے ان سے میرا سوال ہے کہ آپ کا ووٹ بنک کتنا ہے؟ اگر آپ جلسہ کریں تو کتنے لوگ آئیں گے؟ کیا آپ طلسماتی شخصیت کے مالک ہیں؟ اللہ کا شکر ہے مریم بی بی کے پاس یہ سب خصوصیات ہیں اور اسی لئے وہ پارٹی کی بہترین چوائس ہیں.”


    اس پر ڈاکٹر نادیہ نے لکھا کہ حنا پرویز بٹ درحقیقت شاہد خاقان عباسی کو جواب دیتے ہوئے جنہوں نے مریم نواز کو نائب صدر بنانے پر اعتراض کیا تھا. جبکہ جبکہ ایک صارف عمر جٹ نے لکھا کہ ووٹ بینک کے حساب سے تو مسلم لیگ ن میں آپ سے زیادہ ووٹ بینک کسی کا نہیں ہو سکتا تو پھر آپ کو چیف آرگنائزر کیوں نہیں بنایا گیا؟

    یاد رہے کہ سابق وزیر اعظم شاہد خاقان عباسی گزشتہ دنوں پارٹی کے عہدے سے مستفی ہوئے تھے جبکہ سمانیوز کے پروگرام میں بات کرتے ہوئے شاہد خاقان عباسی نے کہا تھا کہ میں نے سینئر نائب صدر کے عہدے سے استعفیٰ جب مریم نواز چیف آرگنائزر بنی تو پارٹی کے صدر شہباز شریف کو دے دیا تھا۔ انہوں نے کہا کہ میرا خیال تھا کہ پارٹی میرے استعفے کا اعلان کردے گی لیکن بدقسمتی سے کل ایک صحافی سے اعتماد میں بات کی تھی انہوں نے اخبار کی زینت بنا دی، جس پر طرح طرح کی قیاس آرائی شروع ہوگئی۔
    مزید یہ بھی پڑھیں
    ایف بی آئی کی امریکی صدر جو بائیڈن کے گھر 4 گھنٹے تلاشی
    امریکا جانے والا ایک شخص لاپتہ ہوگیا
    شیخ رشید کی رہائش گاہ لال حویلی کو سیل کردیا گیا
    بجلی بریک ڈاؤن پر نئی رپورٹ نے حکومتی بیانات کا بھانڈا پھوڑ دیا
    ہماری طرف آئیں ہم اچھے میزبان ہیں آپ کو دکھائیں گےکہ ہم کیسے نظر آتے ہیں،عدنان صدیقی کا بھارتی فلم ’مشن مجنوں‘ پر ردعمل
    عدالت نے مونس الہٰی کی اہلیہ کے وکیل کو جواب جمع کروانے کیلئے وقت دے دی
    ان کا کہنا تھا کہ میں نے استعفیٰ دے دیا تھا، اس کا بنیادی اصول ہے کہ میں سمجھتا ہوں کہ مریم نواز کو اوپن فیلڈ ملنی چاہیے، بینظیر بھٹو کا اپنے انکلز جو بھٹو کے ساتھی تھے، میں ان چند لوگوں میں سے ہوں جس نے اسمبلی میں اس کو خود دیکھا ہے۔

  • بےشرمی کی انتہا:جہادیوں کا رقص اورمعصوم لاشیں

    بےشرمی کی انتہا:جہادیوں کا رقص اورمعصوم لاشیں

    لاہور:پشاور میں دہشت گردوں نے حملہ کرکے 100 سے زائد پولیس والوں کو شہید کردیا ہے اور بڑی تعداد میں لوگ زخمی ہیں ، قوم اس وقت بڑے صدمے میں ہے اور ملک بھر میں ٰایک خوف کی فضا قائم ہے ، جبکہ دوسری طرف ڈانس ہورہےہیں یہ کیسی انسانیت ہے ، یہ کہنا تھاکہ سینیئرصحافی مبشرلقمان کا جوملک کی سیاسی ، معاشی اور امن وامان کی صورت حال پرسیرحاصل گفتگو کررہے تھے

     

    ان کا کہنا تھاکہ عمران خان نے ملک میں دہشت گردی کو ہوا دی ہے اوریہ وہ شخص ہے جو دہشت گردوں سے مذاکرات کا حامی ہے اور ان دہشت گردوں کو پاکستان لایا ہے ، ان کا یہ بھی کہنا تھاکہ ایک طرف ملک سخت مشکلات میں گھرا ہوا ہے لیکن دوسری طرف یہ کہا جارہا ہےکہ دہشت گردوں سے مذاکرات کیے جائیں ، مبشرلقمان کا کہنا تھاکہ عمران خان نے یہ سب کچھ کیا ہے ،فواد چوہدری کے حوالے سے ان کا کہنا تھا کہ کل عدالت میں وہ عدالت کے استفسار پر کہ اب آئندہ ایسی جارحانہ گفتگو سے اجتناب کریں‌اس وقت عدالت میں توایسے کھڑا تھا جیسے کہ وہ بڑا معصوم ہے مگر ضمانت ملتے ہی اس نے اپنی توپوں کا رخ عدالت کی طرف کردیا ہے ، یہ وہی عدالتیں ہیں جن سے عمران خان کوریلیف ملتا رہا ہے مگراب کہا جارہاہے کہ عمران خان کا کیس خارج کیا جائے ، ان کا یہ بھی کہنا تھاکہ یہ کیسا بے رحم شخص ہے کہ اپنی اولاد کو ہی بھول گیا ،

     

    مبشرلقمان کا کہنا تھا کہ الیکشن کمیشن میں یہ کیس دائر تھا اوراب وہ یہ چاہتا ہے کہ عدالت بھی اس کے حق میں فیصلہ دے ، ان کا یہ بھی کہنا تھا کہ پہلے جو نوازشریف کو طعنے دیتا تھا کہ نوازشریف ایمپائر کے بغیر نہٰیں کھل سکتا اب خود نوازشریف کی طرح ایمپائرکی تلاش میں ہے ،مبشرلقمان کا کہنا تھا کہ انہوں نے مولانا طارق جمیل کی گفتگو سنی ہے جس میں وہ دہشت گردوں کی طرف سے ہونے والے حملوں کوبڑے ہی معذرتخوانہ انداز سے جواز بخشنے کی کوشش کررہےہیں ، ان کا کہنا تھا کہ میں مولانا کی بڑی عزت کرتا ہوں مگرمجھے دکھ ہوا ہے کہ وہ اس قسم کی گفتگو کررہے ہیں ان کو اپنے بیانات کا جائزہ لینا چاہیے ،

    مبشرلقمان کہا کہنا تھا کہ اب تو عدالت کے اندر سے آوازیں اٹھ رہی‌ ہیں کہ ان دہشت گردوں کوکون لے کرآیا ، جسٹس قاضی فائز عیسیٰ بھی بول اٹھے ہیں، مبشرلقمان کا کہنا تھا کہ عمران خان نے اس ملک کو یہ دہشت گردی دی ہے، ان کا یہ بھی کہنا تھا کہ نوازشریف کو اب سامنے آجانا چاہیے اور واضح کردینا چاہیے کہ اس ساری دہشت گردی کا ذمہ دار عمران خان ہے وہی دہشت گردوں سے مذاکرات کا حامی ہے ،

    مبشرلقمان نے کہا کہ دوسری طرف ن لیگ کے اندر سے آوازیں اٹھ رہی ہیں ، شاہد خاقان عباسی کا استعفیٰ بھی آگیا ہے اب پتہ چلتا ہے کہ ن لیگ اپنےآپ کو بچا بھی سکتی ہے یا کہ نہیں ،ان کا یہ بھی کہناتھا کہ رات چوہدری وجاہت حسین کے گھر پرپولیس کا چھاپہ پڑا ہے اور مونس الٰہی ویسے ملک سے بھاگا ہوا ہے،چوہدری پرویز الٰہی کو بھی اپنی اوقات کا پتہ چل گیا ہے ، آگے آگے دیکھیئے ہوتا ہے کیا ؟

  • بیرسٹر شہزاد عطا الہٰی اٹارنی جنرل آف پاکستان تعینات

    بیرسٹر شہزاد عطا الہٰی اٹارنی جنرل آف پاکستان تعینات

    بیرسٹر شہزاد عطا الہٰی اٹارنی جنرل آف پاکستان تعینات

    بیرسٹر شہزاد عطا الہٰی اٹارنی جنرل آف پاکستان تعینات کردیئے گئے اور صدر پاکستان نے اس کی منظوری دے دی ہے جبکہ شہزاد عطا الہٰی کو منصور عثمان کے عہدہ نہ سنبھالنے کے باعث اٹارنی جنرل تعینات کیا گیا ہے جبکہ صدر مملکت نے تعیناتی کی منظوری آئین آرٹیکل 100 اور رولز آف بزنس کے تحت دی گئی ہے.

    خیال رہے کہ گزشتہ 4 دسمبر کو صدر مملکت ڈاکٹر عارف علوی کی جانب سے ملک کے 37ویں پرنسپل لا آفیسر کے طور پر نامزدگی کی منظوری کے بعد لاہور سے تعلق رکھنے والے نوجوان وکیل منصور عثمان اعوان کو پاکستان کا نیا اٹارنی جنرل مقرر کیا گیا تھا واضح رہے کہ سپریم کورٹ کے بعد اسلام آباد ہائی کورٹ نے بھی پاکستان کے اٹارنی جنرل کی تعیناتی میں تاخیر کے حوالے سے وفاقی حکومت سے جواب طلب کیا تھا ڈان کے مطابق سپریم کورٹ کی جانب سے پاکستان کے اٹارنی جنرل کا عہدہ اکتوبر 2022 سے خالی ہونے پر برہمی کا اظہار کیا گیا تھا تاہم ابھی تک اس اہم عہدے پر کسی شخص کو تعینات نہیں کیا گیا تھا.
    مزید یہ بھی پڑھیں
    ایف بی آئی کی امریکی صدر جو بائیڈن کے گھر 4 گھنٹے تلاشی
    امریکا جانے والا ایک شخص لاپتہ ہوگیا
    شیخ رشید کی رہائش گاہ لال حویلی کو سیل کردیا گیا
    بجلی بریک ڈاؤن پر نئی رپورٹ نے حکومتی بیانات کا بھانڈا پھوڑ دیا
    ہماری طرف آئیں ہم اچھے میزبان ہیں آپ کو دکھائیں گےکہ ہم کیسے نظر آتے ہیں،عدنان صدیقی کا بھارتی فلم ’مشن مجنوں‘ پر ردعمل
    عدالت نے مونس الہٰی کی اہلیہ کے وکیل کو جواب جمع کروانے کیلئے وقت دے دی
    عدالت عظمیٰ نے ریمارکس دیے تھے کہ کیا حکومت اتنی نااہل ہے کہ ایک اٹارنی جنرل نہیں لگاسکتی؟ تاہم اسلام آباد میں سماعت کے دوران جسٹس طارق محمود جہانگیر نے اٹارنی جنرل کی تعیناتی میں تاخیر کے حوالے سے وجوہات طلب کرلیں۔

  • بلوچستان کی محرومی کا ازالہ اولین ترجیحات میں شامل ہے،راجہ پرویز اشرف

    بلوچستان کی محرومی کا ازالہ اولین ترجیحات میں شامل ہے،راجہ پرویز اشرف

    اسپیکر قومی اسمبلی کی زیر صدارت خصوصی کمیٹی برائے بلوچستان کا اجلاس ہوا

    وفاقی وزرا شاہ زین بگٹی، اعظم نذیر تارڑ، سردار ایاز صادق اور اسعد محمود اجلاس میں شریک تھے،چیئرمین پی اے سی نور عالم خان،جنید انور چودھری اور خالد حسین مگسی بھی اجلاس میں شریک تھے کمیٹی اجلاس میں آغا رفیع اللّہ ، اسامہ قادری اور محترمہ شہناز بلوچ نے بھی شرکت کیم اسپیکر قومی اسمبلی راجہ پرویز اشرف کا کہنا تھا کہ بلوچستان پاکستان کا سب سے اہم صوبہ ہے،بلوچستان کے مسائل کو حل کرنا ہم سب کی مشترکہ ذمہ داری ہے،بلوچستان کو اللہ تعالیٰ نے بے پناہ قدرتی وسائل سے نوازا ہے، بلوچستان پورے پاکستان کے لیے روشنی کی کرن ہے، بلوچستان کی محرومی کا ازالہ اولین ترجیحات میں شامل ہے،بلوچستان کے عوام کو ان کے بنیادی حقوق کی فراہمی اولین ترجیح ہے،بلوچستان کے مجموعی مسائل کے حل کیلئے یہ کمیٹی بڑی اہمیت کی حامل ہے،

    چیف سیکریٹری بلوچستان نے صوبے کے مجموعی مسائل پر کمیٹی کو بریفنگ دی اور کہا کہ بلوچستان کے قدرتی وسائل کو بروئے کار لانے کی ضرورت ہے ،ممبران کمیٹی نے کہا کہ بلوچستان کے مسائل حل کرنے کیلئےعملی اقدامات کی ضرورت ہے، اسعد محمود کا کہنا تھا کہ بلوچستان کے مسائل کے حل کیلئے جامع حکمت عملی مرتب کرنے کی ضرورت ہے، سردار ایاز صادق نے کہا کہ بلوچستان کے مسائل کے حل کے لیے ترجیحات کا تعین ضروری ہے ، ترجیحات کے تعین کے بغیر بلوچستان کے مسائل کا حل ممکن نہیں ہے،

    بلوچستان کے وزیر لیبر نوابزادہ میر نے بلوچستان کے لیے قائم کی گئی خصوصی کمیٹی میں اظہار خیال کرتے ہوئے کہا کہ سوئی کا علاقہ پورے پاکستان کو گیس دیتا ہے لیکن وہاں کے مقامی لوگ لکڑیاں جلا کر کھانا بناتے ہیں تو اندازہ لگائے کہ بلوچستان کے ساتھ کیا سلوک کیا جارہا ہے۔

    نو سالہ بچی سے زیادتی کی کوشش کرنیوالا سگا پھوپھا گرفتار

    لاہور میں حوا کی دو اور بیٹیاں لٹ گئیں،اغوا کے بعد جنسی زیادتی

    لاہور میں خواتین سے زیادتی کے بڑھتے واقعات،ملزمہ کیا کرتی؟ تہلکہ خیز انکشاف

    واضح رہے کہ گیس رائیلٹی بجلی و گیس کے عدم دستیابی اور بلوچستان کی محرومیوں سے متعلق معاملات صوبے سے تعلق رکھنے والے ارکان نے ایوان میں اٹھایا تھا جس پر قومی اسمبلی کی خصوصی کمیٹی قائم کی گئی ہے، کمیٹی اجلاس میں بلوچستان کے مسائل پر بات چیت کی جاتی ہے، کمیٹی اجلاسوں میں بلوچستان کے مسائل کے حل کے لئے سفارشات مرتب کرے گی،