Baaghi TV

Tag: islamabad

  • مریم نواز کی جمہوریت اور پارٹی کیلئے قربانیاں ہیں،رانا ثناء اللہ

    مریم نواز کی جمہوریت اور پارٹی کیلئے قربانیاں ہیں،رانا ثناء اللہ

    باغی ٹی وی کی رپورٹ کے مطابق مسلم لیگ ن کے رہنما، وفاقی وزیر داخلہ رانا ثناء اللہ نے کہا ہے کہ مریم نوازکو بہاولپور میں خوش آمدید کرتا ہوں تنظیمی اجلاس جلسے کی صورت اختیارکرگیا ہے،عوام کا اتنی زیادہ تعداد میں آنا ن لیگ کی مقبولیت کا بتاتا ہے،مریم نواز نے پنجاب سے پارٹی تنظیمی دورے کا آغازبہاولپورسے کردیا

    تقریب سے خطاب کرتے ہوئے وفاقی وزیر داخلہ رانا ثناء اللہ کا کہنا تھا کہ مریم نواز پورے پاکستان میں مسلم لیگ ن کو متحرک کریں گی،مریم نوازپارٹی کو متحرک اور منظم کریں گی،مسلم لیگ ن کے ورکرزکا جذبہ دیدنی ہے،اس میں کوئی شک نہیں کہ گیس اور بجلی کے بل بڑھے ہیں،اس میں کوئی شک نہیں کہ پیٹرول کی قیمتوں میں اضافہ ہوا ہے،عمران خان کے آئی ایم ایف سے معاہدے کی وجہ سے پیٹرول مہنگا ہوا،گزشتہ حکومت کے آئی ایم ایف معاہدے پرعمل کرنا ہماری مجبوری ہے،نوازشریف نے ہمیشہ ملک کو بحران سے نکالا،سازش کے تحت نوازشریف کو اقتدارسے ہٹایا گیا،مسلم لیگ پہلے کی طرح اب بھی ملک کو بحران سے نکالے گی، عمران خان اپنی جھوٹی مقبولیت کا دعوی کرتا ہے،عمران خان نے سخت شرائط پر آئی ایم ایف سے معاہدہ کیا، نوازشریف کو نکال کر2018میں نااہل ٹولے کو اقتدار میں لایا گیا،عمران خان ملک کیلئے ایک فتنہ ہے،عوام کو چاہیے عمران خان کے فتنے کو رد کریں،عمران خان کو ووٹ کی طاقت سے شکست دیں گے،شیر کا نشان پاکستان کی ترقی کا نشان ہے،عمران خان نے یہ دعوی بھی کیا تھا کہ عوام کا سمندر لے کراسلام آباد آوں گا، مریم نواز کی جمہوریت اور پارٹی کیلئے قربانیاں ہیں،جب ہمارے سینئررہنما جیلوں میں تھےتو مریم نوازنے پارٹی کو سنبھالا،

    ‏عمران خان دی بندہ کی عزت کرسکدا اے….فواد چودھری کی آڈیو لیک

    پرویز الہی کی مبینہ آڈیو لیک جس میں وہ تحریک انصاف کے رہنما فواد چودھری کو گندی گالیاں دے رہے ہیں

    علی امین گنڈاپور اور امتیاز نامی شخص کے مابین آڈیو لیک

    عمران خان کی جاسوسی، آلات برآمد،کس کا کارنامہ؟

    آڈیو لیکس، عمران خان گھبرا گئے،زمان پارک میں جاسوسی آلات نصب ہونے کا ڈر، خصوصی سرچ آپریشن

    مریم نواز سے قائم مقام برطانوی ہائی کمشنر زوئی وئیر کی ملاقات

    دوسری جانب مریم نواز بہاولپور پہنچیں تو انکا کارکنان کی جانب سے بھر پور استقبال کیا گیا،مریم نواز دو فروری کو بہاولپور میں پارٹی کا تنظیمی اجلاس منعقد ہوگا پانچ فروری کو ملتان میں کنونشن اور چھ فروری کو پارٹی کا تنظیمی اجلاس ہوگا 9 فروری کو مریم نواز ایبٹ آباد میں کنونشن سے خطاب کریں گی 10 فروری کو ایبٹ آباد میں پارٹی کا تنظیمی اجلاس منعقد ہوگا 15 فروری کو مریم نواز ڈیرہ غازی خان میں کنونشن اور جلسے سے خطاب کریں گی 16 فروری کو ڈی جی خان میں پارٹی کے تنظیمی اجلاس کی صدارت کریں گی 19 فروری کو راولپنڈی میں ورکرز کنونشن ہوگا، 20 فروری کو تنظیمی اجلاس ہوگا 23 فروری کو مریم نوازشریف سرگودھا میں ورکرز کنونشن سے خطاب کریں گی 24 فروری کو مریم نواز سرگودھا میں پارٹی تنظیمی اجلاس کی صدارت کریں گی 27 فروری کو ساہیوال میں ورکرز کنونشن 28 فروری کو پارٹی تنظیمی اجلاس ہوگا گوجرانوالہ میں 3 مارچ کو کنونشن اور 4 مارچ کو پارٹی تنظیمی اجلاس منعقد ہوگا

  • پرویز الہٰی کو ق لیگ پنجاب کی صدارت سے ہٹانے کا فیصلہ ہو گیا

    پرویز الہٰی کو ق لیگ پنجاب کی صدارت سے ہٹانے کا فیصلہ ہو گیا

    ق لیگ کی جانب سے چودھری پرویزالہٰی سے مسلم لیگ ہاؤس لاہور کی ملکیت واپس لینے کا فیصلہ کیا گیا ہے

    ق لیگ سے انحراف کرنے والوں کے خلاف پارٹی ڈسپلن کے تحت کاروائی کی جائے گی،میڈیا رپورٹس کے مطابق پرویز الہٰی کو پنجاب کی صدارت سے ہٹانے کا اصولی فیصلہ کر لیا گیا، مونس الہٰی، کامل علی آغا اور دیگر کو بھی پنجاب کے عہدوں سے ہٹایا جائے گا، پارٹی سے انحراف کرنے والوں کو شوکازنوٹس پہلے ہی جاری کیے جا چکے ہیں، پنجاب کی صدارت کے لیےشافع حسین سمیت دو رہنماؤں کے نام زیر غور ہیں

     پرویز الہیٰ عمران خان سمیت تحریک انصاف پر برس پڑے

    ودھری پرویز الہی کیلئے لڑکیوں کی سپلائی، شراب کی بوتلیں، اہم ثبوت مل گئے،ا

    ویڈیو آ نہیں رہی، ویڈیو آ چکی ہے،کپتان کا حجرہ، مرشد کی خوشگوار گھڑیاں

    عمران خان کی محبت بھری شاموں کا احوال، سب پھڑے جان گے، گالی بریگیڈ پریشان

    عمران خان پرلاٹھیوں کی برسات، حالت پتلی، لیک ویڈیو، خواجہ سرا کے ساتھ

     پرویز الہیٰ کے بیٹے مونس الہیٰ کی آڈیو لیک

    واضح رہے کہ عمران خان کے خلاف عدم اعتماد پیش ہونے کے بعد ق لیگ دو حصوں میں تقسیم ہو گئی تھی، چودھری شجاعت حسین پی ڈی ایم کے ساتھ چلے گئے تھے، جبکہ پرویز الہیٰ عمران خان کے ساتھ، پرویز الہیٰ وزیراعلیٰ پنجاب بنے تو سالک حسین وفاقی وزیر بن گئے، اب پنجاب اسمبلی ٹوٹ چکی، پرویز الہیٰ کا پی ٹی آئی میں شمولیت کا امکان بھی ظاہر کیا جا رہا ہے، پی ٹی آئی کا ساتھ دینے پر چودھری شجاعت نے پرویز الہیٰ کو شوکاز نوٹس جاری کر رکھا ہے، گزشتہ دنوں ق لیگ کا اجلاس ہوا جس میں پرویز الہیٰ کو پنجاب کا صدر اور چودھری وجاہت کو ق لیگ کا صدر بنایا گیا تھا، اس پر ردعمل ظاہر کرتے ہوئے سالک حسین کا کہنا تھا کہ چودھری شجاعت کو پارٹی صدارت سے ہٹانے کا بیان صرف اخباری بیان ہے، اسکی کوئی حیثیت نہیں، پرویز الہیٰ پتہ نہیں کیا چاہتے ہیں.

  • پاکستان میں چائے کی پتی کی قلت کا خدشہ

    پاکستان میں چائے کی پتی کی قلت کا خدشہ

    پاکستان میں چائے کی پتی کی قلت کا خدشہ

    ملک میں چائے کی پتی کی قلت کا بھی خدشہ پیدا ہوگیا ہے۔ اسٹیٹ بینک کی جانب سے خام مال اور اشیائے ضروریہ کے پورٹ پر پھنسے کنٹینرز کلیئر کرنے کی اجازت کے باوجود اب بھی ہزاروں کنٹینرز پورٹ پر پھنسے ہیں جن میں میں چائے کی پتی کے سیکڑوں کنٹینرز شامل ہیں۔

    اس حوالے سے سابق چیئرمین پاکستان ٹی ایسوسی ایشن اور ایف پی سی سی آئی ایگزیکٹیو کمیٹی کے ممبر محمد شعیب پراچہ نے آنے والے دنوں میں چائے کی انتہائی قلت اور قیمتوں میں اضافے کے خدشے کا اظہار کیا ہے جس کی وجہ بندرگاہوں پر پھنسے تقریباً 250 کنٹینرز ہیں۔ انہوں نے کہا کہ اسٹیٹ بینک نے چیپٹر 84، 85 اور 87 کے درآمدی کنٹینرز کی اجازت دی تاہم اس میں چائے کی پتی شامل ہے یہ واضح نہیں۔
    امریکا جانے والا ایک شخص لاپتہ ہوگیا
    شیخ رشید کی رہائش گاہ لال حویلی کو سیل کردیا گیا
    بجلی بریک ڈاؤن پر نئی رپورٹ نے حکومتی بیانات کا بھانڈا پھوڑ دیا
    ہماری طرف آئیں ہم اچھے میزبان ہیں آپ کو دکھائیں گےکہ ہم کیسے نظر آتے ہیں،عدنان صدیقی کا بھارتی فلم ’مشن مجنوں‘ پر ردعمل
    عدالت نے مونس الہٰی کی اہلیہ کے وکیل کو جواب جمع کروانے کیلئے وقت دے دی
    شعیب پراچہ کے مطابق تاجروں کے احتجاج کے بعد اسٹیٹ بینک نے 180 دن کی تاخیر سے ادائیگی پر کنٹینرز ریلیز کرنے کی اجازت دی، تاہم چائے کی پتی کے فروخت کنندہ ادائیگی میں تاخیر کی اجازت نہیں دے رہے جس کی وجہ سے خدشہ ہے کہ مستقبل میں فروخت کنندہ آرڈر نہیں لیں گے، جس سے صورتحال مزید پیچیدہ ہوگئی ہے۔ انہوں نے کہا کہ کمرشل بینکوں میں ڈالر نہ ہونے کی وجہ سے اسوقت تک دارآمد کنندگان پر کروڑوں روپوں کا ڈیمریج اور کنٹینرز کے کرائے لگ چکے ہیں۔ قلت کی ایک بنیادی وجہ حکومت کی طرف سے کوئی طویل مدتی پالیسی نہ ہونا ہے۔

    سابق چیئرمین ٹی ایسوسی ایشن نے مزید کہا کہ چائے ایک بنیادی جز ہے جسے ہر عام آدمی بھی استعمال کرتا ہے اور چائے کی طلب تقریباً 250 ملین کلو سالانہ ہے۔ گزشتہ ہفتہ روپے کی تنزلی سے چائے کی فی کلو قیمت پر اوسطاً 110 روپے کا فرق پڑ چکا ہے۔ نئے درآمد کے لیے کوئی واضح پالیسی نہ ہونے کی وجہ سے سپلائی چین انتہائی متاثر ہوسکتی ہے۔

  • اور”وہ”ٹیم میں جگہ نہ بنا سکیں

    اور”وہ”ٹیم میں جگہ نہ بنا سکیں

    لاہور:طویل عرصے سے جنوبی افریقا کی ویمن ٹیم کی کپتان رہنے والی ڈین وین نیکرک ٹی ٹوئنٹی ورلڈکپ کےلیے پروٹیز ٹیم میں جگہ نہ بنا سکیں۔اطلاعات کے مطابق ڈین وین نیکرک نےستمبر2021 سےانٹرنیشنل کرکٹ نہیں کھیلی اور وہ جنوبی افریقی ٹیم کا فٹنس ٹیسٹ پاس نہ کرنے کے باعث ٹی ٹوئنٹی ورلڈکپ کے لیے ٹیم میں جگہ نہ بنا سکیں۔

    قومی کرکٹرز کو بنگلہ دیش پریمئیر لیگ 8 فروری تک کھیلنے کی اجازت مل گئی

    ویمن ٹی ٹوئنٹی ورلڈکپ میں ڈین وین نیکرک کی جگہ سونے لس پروٹیز ٹیم کی قیادت کریں گی۔ڈین وین نیکرک طویل عرصے سے ٹخنے کی انجری کا شکار ہیں اور وہ ویسٹ انڈیز اور بھارت کے خلاف ہونے والی حالیہ سہ ملکی سیریز میں بھی فٹنس ٹیسٹ پاس نہ کرنے کی وجہ سے منتخب نہ ہو سکی تھیں۔

    ویمنز ٹی ٹونٹی ورلڈ کپ 10 فروری سےکہاں شروع ہوگا؟تفصیلات آگئیں

    ڈین وین نیکرک کی غیر موجودگی میں سونے لس ہی جنوبی افریقی ٹیم کی قیادت کر رہی ہیں اور ویسٹ انڈیز اور بھارت کے خلاف حالیہ سہ فریقی ٹورنامنٹ میں بھی سونے لس ہی پروٹیز ٹیم کی قیادت کے فرائض سرانجام دے رہی ہیں اور ٹورنامنٹ کا فائنل آج بھارت اور جنوبی افریقا کی ٹیموں کے درمیان کھیلا جائے گا۔

    پشاور زلمی کی ٹیم سعودی عرب کی قومی کرکٹ ٹیم سے میچ کھیلے گی،جاوید آفریدی

    جنوبی افریقا کی ویمن کرکٹ سلیکشن کنوینر کلنٹن ڈو پریز کا کہنا ہے کہ ڈین وین نیکرک کو ٹیم میں منتخب ہونے کے لیے پورا موقع دیا گیا لیکن بدقسمتی سے وہ فٹنس کے معیار پر پورا نہیں اتر سکیں، ان کی ٹیم میں سلیکشن کا فیصلہ مکمل طور پر فٹنس سے جڑا ہے۔کرک ویب سائٹ کرک انفو کے مطابق جنوبی افریقا کی ویمن کرکٹر کے لیے فٹنس کا معیار ساڑھے 9 منٹ میں 2 کلو میٹر دوڑنا ہے اور ڈین وین نیکرک نے مطلوبہ ہدف صرف 18 سیکنڈ کے فرق سے حاصل کیا۔

    یاد رہے کہ جنوبی افریقا نے گزشتہ دو برس سے کھلاڑیوں کے لیے فٹنس کا معیار انتہائی سخت کر رکھا ہے اور باوجود اس کے کہ آپ کتنے ہی اچھے کھلاڑی کیوں نہ ہوں، اگر آپ فٹنس کے معیار پر پورا نہیں اترتے تو آپ کی ٹیم میں سلیکشن نہیں ہو سکتی۔

  • آئندہ 5 ماہ کیلئے بجلی کی قیمتوں میں مرحلہ وار اضافے کی تجویز دے دی گئی

    آئندہ 5 ماہ کیلئے بجلی کی قیمتوں میں مرحلہ وار اضافے کی تجویز دے دی گئی

    آئندہ 5 ماہ کیلئے بجلی کی قیمتوں میں مرحلہ وار اضافے کی تجویز دے دی گئی

    بڑھتے ہوئے گردشی قرض اور آئی ایم ایف کے دباؤ کے پیش نظر پاورڈویژن نے بجلی کے ٹیرف میں 6 روپے 79 پیسے تک اضافے کی تجویز دے دی ہے۔ پاورڈویژن ذرائع کے مطابق آئندہ پانچ ماہ میں بجلی کی قیمتوں میں مرحلہ واراضافے کے ساتھ ہی رواں ماہ سہہ ماہی ایڈجسٹمنٹ کی مد میں بجلی 4 روپے 46 پیسے تک مہنگی کرنے تجویز دی گئی ہے۔

    ذرائع کا کہنا ہے کہ فروری میں ہی ٹیرف میں اوسطاً اضافہ 3 روپے21 پیسے تک بنے گا، مارچ میں سہہ ماہی ایڈجسٹمنٹ کی مد میں 69 پیسے تک اضافے کے ساتھ ہی جون میں بجلی کی فی یونٹ قیمت میں 1 روپے 64 پیسے اضافے کی تجویزدی گئی ہے۔
    مزید یہ بھی پڑھیں؛
    امریکہ یوکرین کو ایف سولہ لڑاکا طیارے فراہم نہیں کرے گا،جوبائیڈن
    شاہد خاقان عباسی پارٹی عہدے سے مستعفی ہوگئے
    ناسا کا قیمتی دھاتوں پر مشتمل سیارچے پر خلائی جہاز بھیجنے کا اعلان
    امریکا پاکستان کی بحالی اور تعمیر نو کی کوششوں میں مدد فراہم کرنے کیلئے تیار ہے،وائٹ ہاؤس
    امریکا جانے والا ایک شخص لاپتہ ہوگیا
    شیخ رشید کی رہائش گاہ لال حویلی کو سیل کردیا گیا
    بجلی بریک ڈاؤن پر نئی رپورٹ نے حکومتی بیانات کا بھانڈا پھوڑ دیا
    ہماری طرف آئیں ہم اچھے میزبان ہیں آپ کو دکھائیں گےکہ ہم کیسے نظر آتے ہیں،عدنان صدیقی کا بھارتی فلم ’مشن مجنوں‘ پر ردعمل
    عدالت نے مونس الہٰی کی اہلیہ کے وکیل کو جواب جمع کروانے کیلئے وقت دے دی
    ذرائع نے کہا کہ توانائی شعبے کے گردشی قرض کوکم کرنے کیلئے تجاویز تیارکی گئیں ہیں، جبکہ پاور ڈویژن کی جانب سے آئی ایم ایف حکام کو بریفنگ بھی دی گئی ہے۔ اس کے علاوہ ذرائع کا کہنا ہے کہ پاورڈویژن نے لائن لاسز اوردیگر نقصانات کو کم کرنے کیلئے حکمت عملی بھی پیش کی جبکہ مذاکرات کے حتمی راؤنڈ میں قیمتوں پر تجاویز کو فائنل شکل دی جائے گی۔

  • اسدعمر،قریشی لڑپڑے،عارف علوی روپڑے:فروری عمران خان پربھاری

    اسدعمر،قریشی لڑپڑے،عارف علوی روپڑے:فروری عمران خان پربھاری

    لاہور:عمران خان بہت پریشان ہیں ان کو یہ یقین ہوچکا ہے کہ ان کو نااہلی سے کوئی نہیں بچا سکے گا اور وہ نااہل ہوکررہیں گے ، اس حوالے سے سنیئرصحافی مبشرلقمان کا کہنا ہے کہ ان کے پاس بہت سی خبریں ہیں کہ عمران خان کے ساتھ بہت کچھ ہونے والا ہے ، وہ سمجھتے ہیں کہ وہ بچ جائیں گے مگرایسا نہیں ہوگا ، ان کا مزید کہنا تھاکہ عمران خان نے جو بویا وہی کاٹنا پڑے گا

    پاکستان کی سیاسی اور معاشی صورت حال پر تبصرہ کرتے ہوئے ان کا کہنا تھاکہ پاکستان کے موجوہ حالات کا ذمہ دار عمران خان ہے، اس کی وجہ بتاتے ہوئے ان کا کہنا تھا کہ پچھلے چار سال سے جواس شخص نے جو حال کیا ہے اس ملک کا وہ سب جانتے ہیں ، ان کا کہنا تھاکہ اس شخص کی سوچ کا اندازہ لگائیں کہ حدیث رسول ہے کہ بچے کا نام سوچ سمجھ کررکھیں کیوںکہ نام کےاندرخصوصیات ہوتی ہیں اور شخصیت پر اس کا اثرہوتا ہے ، لیکن اس شخص نے اپنی سیاست کا نام سونامی رکھا ، سونامی جب آتا ہے توپھرپیچھے تباہی چھوڑ جاتا ہے اور اس کی حکومت بھی تباہی چھوڑ کرگئی ہے

    مبشرلقمان کا کہنا تھا کہ صرف ملک ہی نہیں بلکہ صدرمملکت عارف علوی صاحب بھی اس شخص سے تنگ ہیں کھی کس سمری پردستخط کے لیے بلاتے ہیں تو کبھی کس کام کے لیے، ان کا کہنا تھا کہ وہ بندہ اس سے تنگ آگیا ہے اورہوسکتا ہے کہ وتنگ آکراستعفے ہی دے دے

     

    مبشرلقمان کہنا تھاکہ پچھلے ایک دو دن سے لاہورزمان پارک میں عمران‌خان مختلف علاقوں کے وفودسے بات چیت کررہیں اوران کو پابند کررہے ہیں کہ وہ ہرروز اپنے اپنے علاقے سے چار سے پانچ ہزار تک پارٹی ورکروں کو بنی گالا بھیجیں کیوں کہ عمران خان لاہور چھوڑ کر بنی گالا منتقل ہورہے ہیں اور وہاں‌تو اب سننے میں آرہا ہے کہ بڑے بڑے محفوظ بنکرز بن رہے ہیں

    مبشرلقمان کا کہنا تھاکہ کل کی مینٹنگ میں تو شاہ محمود قریشی ناراض ہی ہوگئے تھے پھران کو منا کرلایا گیا ، شاہ محمود قریشی کا کہنا ہے کہ وہ عمران خان کی نااہلی کی صورت میں پارٹی چیئرمین بنیں، اور بھی لوگ یہ خواہش رکھتے ہیں ، ان کا یہ بھی کہنا تھا کہ پارٹی میں اس وقت شدید اختلافات ہیں اور ہوسکتا ہے کہ پارٹی میں مزید دراڑیں پڑجائیں

     

    مبشرلقمان کا کہنا تھا فواد چوہدری کی بیوی اب متحرک ہے وہ سمجھتی ہےکہ فواد کے نااہل ہونے کی صورت میں اس کو ٹکٹ ملے جبکہ فواد چوہدری کے کزن فیصل چوہدری بھی امیدوار ہیں مبشرلقمان کا کہنا تھا کہ ان کو چریل نے کچھ اہم خبریں‌دی ہیں‌کہ عمران خان اب نہیں بچ سکے گا اوران کو کسی نہ کسی طرح نااہل ہونا پڑے گا جس کے لیے بہت سا کام ہوچکا ہے

  • فیصل واوڈا کی سینیٹ نشست نثار کھوڑو نے لے لی

    فیصل واوڈا کی سینیٹ نشست نثار کھوڑو نے لے لی

    فیصل واوڈا کی سینیٹ نشست نثار کھوڑو نے لے لی

    سندھ سے ایوان بالا کی جنرل نشست پر پاکستان پیپلزپارٹی کے امیدوار نثارکھوڑو بلا مقابلہ سینیٹر منتخب ہوگئے۔ سینیٹ کی اس نشست سے پی ٹی آئی سے تعلق رکھنے والے فیصل واوڈا تاحیات نااہلی سے بچنے کیلئے مستعفی ہوئے تھے۔ فیصل واوڈا نے دسمبر2022 میں دہری شہریت کیس میں سپریم کورٹ کے احکامات پر سینیٹ کی اس نشست سے استعفیٰ دیا تھا۔

    واضح رہے کہ الیکشن کمیشن نے 2018 کے انتخابات میں کاغذات نامزدگی کے ساتھ دہری شہریت پر جھوٹا حلف نامہ جمع کروانے پر فیصل واوڈا کو نااہل قرار دیا تھا۔ جس کے خلاف انہوں نے سپریم کورٹ میں اپیل دائر کی تھی۔ سپریم کورٹ نے فیصل واوڈا کو تاحیات نااہلی کیس میں دو آپشن دیے تھے۔عدالت نے کہا تھا کہ اپنی غلطی تسلیم کریں اور 63 (1) سی کے تحت نااہل ہوجائیں، بصورت دیگر عدالت 62 (1) ایف کے تحت کیس میں پیش رفت کرے گی۔
    مزید یہ بھی پڑھیں؛
    امریکہ یوکرین کو ایف سولہ لڑاکا طیارے فراہم نہیں کرے گا،جوبائیڈن
    شاہد خاقان عباسی پارٹی عہدے سے مستعفی ہوگئے
    ناسا کا قیمتی دھاتوں پر مشتمل سیارچے پر خلائی جہاز بھیجنے کا اعلان
    امریکا پاکستان کی بحالی اور تعمیر نو کی کوششوں میں مدد فراہم کرنے کیلئے تیار ہے،وائٹ ہاؤس
    فیصل واوڈا نے اپنی غلطی تسلیم کرتے ہوئے سینیٹرشپ سے استعفیٰ دے دیا تھا جس پر ان کی تاحیات نااہلی ختم ہوگئی تھی۔ سپریم کورٹ نے فیصل واوڈا کو دو آپشنز دے دئے جبکہ فیصل واوڈا کی تاحیات نااہلی کے خلاف اپیل پر چیف جسٹس عمر عطا بندیال کی سربراہی میں تین رکنی بنچ نے سماعت کی تھی جبکہ چیف جسٹس عمر عطا بندیال نے ریمارکس دیتے ہوئے کہا تھا کہ فیصل واوڈا اپنی غلطی تسلیم کریں اور 63(1) سی کے تحت نااہل ہو جائیں، بصورت دیگر عدالت 62(1) ایف کے تحت کیس میں پیش رفت کرے گی۔

  • فواد چودھری کی درخواست ضمانت پر فیصلہ آ گیا

    فواد چودھری کی درخواست ضمانت پر فیصلہ آ گیا

    اسلام آباد کی مقامی عدالت میں فو اد چودھری کیس کی سماعت ہوئی

    دوران سماعت بابر اعوان نے فواد چودھری کے خلاف درج ایف آئی آر پڑھ کر سنائی، بابر اعوان نے کہا کہ فواد چودھری پر ریاست کے خلاف نفرت پھیلانے کی دفعہ شامل کی گئی،الیکشن کمیشن ریاست یا حکومت نہیں بلکہ محض ایک اتھارٹی ہے،
    دفعہ تو قتل کی بھی لگائی جا سکتی ہے لیکن کیس میں لگائی گئی دفعات بنتی ہی نہیں، فواد چودھری کی درخواست ضمانت منظور کی جائے، بغاوت کی دفعات پر آئینی عدالتوں کے بہت کم فیصلے موجود ہیں،بغاوت کے مقدمات کا موسم آیا تو ہائیکورٹ کے ایسے دو فیصلے آئے ہیں،قوم اس بات پر یقین نہیں رکھتی کہ 2 لفظ بولنے پر کسی پر یہ دفعات لگا دی جائیں،

    عدالت نے ریمارکس دیتے ہوئے کہا کہ فواد چودھری کی آدھی گفتگو تو تنقید کی حد تک ہے،عوام اُنکو اُنکے گھروں تک چھوڑ کر آئیں گے اسکا کیا مطلب ہے؟ بابر اعوان نے کہا کہ یہ ایک محاورہ ہے کہ گھر تک چھوڑ کر آئیں گے، جج نے ریمارکس دیتے ہوئے کہا کہ فواد چودھری سینئر وکیل ہیں ان سے لاعلمی کی توقع تو نہیں کی جا سکتی، بابراعوان نے کہا کہ فواد چودھری کی گفتگو پر کوئی کیس نہیں بنتا،جج نے وکیل سے سوال کیا کہ آپکو معلوم ہے کہ پاکستان میں شرح خواندگی کیا ہے، بابر عوان نے کہا کہ فواد چودھری کی گفتگو غیر ضروری تھی لیکن مقدمہ نہیں بنتا،جج نے استفسار کیا کہ آپ کیسے توقع کر سکتے ہیں کہ کسی لیڈر کی ایسی گفتگو پر ردعمل نہیں آئے گا؟ اس سے پہلے ایک خاتون جج سے متعلق جو الفاظ کہے گئے وہ بھی سامنے ہے، کیا اس کیس میں بھی بعد میں معافی مانگیں گے؟ایسی کوئی بات کیا ہی نہ کریں جس پر بعد میں معافی مانگنی پڑے،

    اسلام آبا دکی مقامی عدالت میں فواد چودھری کی ضمانت منظورکر لی گئی،عدالت نے فوادچودھری کی ضمانت 20ہزار روپے مچلکوں کے عوض منظورکی، جج نے کہا کہ فوادچودھری کو اس شرط پر ضمانت دے رہا ہوں کہ وہ ایسی گفتگو دوبارہ نہیں کریں گے،

     آج فواد چوہدری بھی عدالت میں رو پڑے

    ہتھکڑیاں لگے فواد چودھری کی عدالت پیشی،رات میری آنکھوں پرپٹی باندھی گئی،فواد کا بیان

    فواد چودھری کیخلاف درج ایف آئی آر کی کاپی باغی ٹی وی کو موصول

     فواد چودھری کو گرفتار کر لیا گیا 

    میرا پیغام پہنچا دو….فواد چودھری کے کس سے رابطے؟ آڈیو لیک ہو گئی

     عمران خان کی نازیبا آڈیو لیک ہوئی ہے

    آڈیو لیکس، عمران خان گھبرا گئے،زمان پارک میں جاسوسی آلات نصب ہونے کا ڈر، خصوصی سرچ آپریشن

    عمران خان کی جاسوسی، آلات برآمد،کس کا کارنامہ؟

     فوادچودھری کے بھائی فراز چودھری کو بھی گرفتار کر لیا گیا

  • شاہد خاقان عباسی ہماری پارٹی کا اثاثہ ہیں ان سے جلد ملاقات کروں گی. مریم نواز شریف

    شاہد خاقان عباسی ہماری پارٹی کا اثاثہ ہیں ان سے جلد ملاقات کروں گی. مریم نواز شریف

    شاہد خاقان عباسی ہماری پارٹی کا اثاثہ ہیں اور ان سے جلد ملاقات کروں گی. مریم نواز شریف

    مسلم لیگ ن کی چیف آرگنائزر مریم نواز کا کہنا ہے کہ شاہد خاقان عباسی ہماری پارٹی کا اثاثہ ہیں اور ان سے جلد ملاقات کروں گی۔ مسلم لیگ ن کے پارٹی سیکریٹریٹ ماڈل ٹاون میں اہم مشاورتی اجلاس ہوا جس کی صدارت چیف آرگنائزر مریم نواز نے کی۔ اجلاس میں مریم نواز کے تنظیمی دوروں کے حوالے سے مشاورت اور شاہد خاقان عباسی کے پارٹی عہدے سے مستعفی ہونے کی گونج رہی۔ پارٹی ذرائع کے مطابق مریم نواز نے پارٹی رہنماؤں کو شاہد خاقان عباسی کے تحفظات دور کرنے کی یقین دہانی کروا دی ہے۔

    دوسری جانب مریم نواز اور نوازشریف کے ترجمان محمد زبیر نے شاہد خاقان عباسی کے سینئر نائب صدر کے عہدے سے مستعفی ہونے کی تصدیق کردی۔ مریم نواز اور نواز شریف کے ترجمان محمد زبیر نے میڈیا سے گفتگو میں کہا کہ شاہد خاقان عباسی (ن) لیگ کے سینئر رہنما اور ورکر ہیں۔ میرے خیال میں سینئر نائب صدر کا عہدہ چھوڑنے سے شاہد خاقان عباسی کے قد پر کوئی فرق نہیں پڑے گا۔ وہ بہت بڑے لیڈر ہیں۔ اور وزیراعظم رہ چکے ہیں جبکہ پارٹی کو ان کی ضرورت ہے۔

    انہوں نے مزید کہا کہ مفتاح اسماعیل پارٹی میں ہیں اسحاق ڈار بڑے عہدے پر ہیں۔ پارٹی کا گند عوامی سطح پر زیر بحث نہیں لانا چاہتا ہوں۔ پیٹرولیم مصنوعات کی قیمتیں عالمی منڈی سے منسلک ہیں اوپر نیچے ہوتی رہتی ہیں۔ روس سے تیل ڈالرز میں خریدنا ہے یا چینی کرنسی میں ابھی بات چل رہی ہے۔ انشاء اللہ بہتری ہوگی اور دوسرا جماعت کے رہنماء اپنے اختلاف باہر ظاہر نہ کریں.

    اس سے قبل مسلم لیگ (ن) کے سینئر نائب صدر شاہد خاقان عباسی کے ترجمان حافظ عثمان عباسی نے سابق وزیراعظم کے پارٹی عہدے سے استعفے کی خبروں کی تردید کردی تھی۔ حافظ عثمان عباسی نے کہا کہ شاہد خاقان عباسی کے استعفے کی خبر بے بنیاد ہے جبکہ وہ پارٹی کے سینئر نائب صدر ہیں۔

    ترجمان شاہد خاقان عباسی نے مزید کہا تھا کہ مشکل حالات میں پارٹی نہیں چھوڑی آج کیوں چھوڑیں گے، شاہد خاقان عباسی نے مشرف دورمیں زندگی مشکل میں ڈالی، انہوں نے جیل کاٹی، اپنے مشن سے نہ ہٹے۔ جبکہ اس سے قبل خبریں آئی تھیں کہ سابق وزیراعظم شاہد خاقان عباسی مسلم لیگ ن کی سینئر نائب صدارت کےعہدے سےمستعفی ہوگئے۔ انہوں نے کہا کہ اگر پارٹی نے ان سے راہیں جد کرلیں تو وہ گھر جانا پسند کریں گے۔ مسلم لیگ ن کے سینئر رہنما اور سابق وزیر اعظم شاہد خاقان عباسی نےجنگ اخبار سے گفتگو کرتے ہوئے کہا ہے کہ پارٹی کے سینئر نائب صدر کےعہدے سےاستعفی دے دیا ہے۔

    اخبارکے مطابق شاہدخاقان عباسی نےکہاکہ انہوں ںے تین سال قبل نوازشریف پر واضح کردیا تھا کہ اگر مریم نواز کو پارٹی میں سینیئر عہدے پر لایا گیا تو ان کے لیے پارٹی میں رہنا ممکن نہیں ہوگا۔ شاہدخاقان نے واضح کیا کہ وہ کسی بھی موقع پر پارٹی کے چیف آرگنائزر نہیں ہوں گے۔ان کا کہنا ہے کہ مسلم لیگ ن کے ساتھ آخری دم تک ساتھ رہوں گا لیکن اگر پارٹی نے راہیں جدا کرلیں تو گھر جانا پسند کروں گا۔
    مزید یہ بھی پڑھیں؛
    امریکہ یوکرین کو ایف سولہ لڑاکا طیارے فراہم نہیں کرے گا،جوبائیڈن
    شاہد خاقان عباسی پارٹی عہدے سے مستعفی ہوگئے
    ناسا کا قیمتی دھاتوں پر مشتمل سیارچے پر خلائی جہاز بھیجنے کا اعلان
    امریکا پاکستان کی بحالی اور تعمیر نو کی کوششوں میں مدد فراہم کرنے کیلئے تیار ہے،وائٹ ہاؤس

    انہوں نے ملک کی بہتری کیلئے ’ری امیجننگ پاکستان‘ کے فورم سے پاکستان کی فلاح و بہبود کا پیغام پھیلانے کا فیصلہ کیا ہے۔انہوں نے کہا کہ میرا ری امیجننگ پاکستان فورم کسی شخص یا پارٹی کیخلاف نہیں ہے، عوام کی ایک بڑی تعداد اس فورم میں شرکت کرتے ہیں اور اس کی سرگرمیوں کا حصہ بن رہے ہیں۔ نجی ٹی وی نے موقف کیلئے شاہدخاقان عباسی اورمسلم لیگ ن سےرابطہ کیا لیکن انہوں نے ابھی تک اس پر کوئی موقف نہیں دیا۔ واضح رہے کہ شاہد خاقان عباسی مسلم لیگ ن میں سینئر نائب صدر کے عہدے پر فائز تھے۔ کچھ عرصہ قبل مریم نواز کو بھی سینئر نائب صدر کا عہدہ دے کر انہیں چیف آرگنائزر بنا دیا گیا تھا.

  • مریم نواز سے قائم مقام برطانوی ہائی کمشنر زوئی وئیر کی ملاقات

    مریم نواز سے قائم مقام برطانوی ہائی کمشنر زوئی وئیر کی ملاقات

    باغی ٹی وی کی رپورٹ کے مطابق ن لیگی رہنما مریم نواز سے قائم مقام برطانوی ہائی کمشنر زوئی وئیر کی ملاقات ہوئی ہے

    ملاقات میں باہمی دلچسپی کے امور پر تبادلہ خیال کیا گیا قائم مقام برطانوی ہائی کمشنر نے پشاور دھماکے پر اظہار افسوس کیا، قائم مقام برطانوی ہائی کمشنر زوئی وئیر کا کہنا تھا کہ پاکستانی عوام سے یکجہتی کرتے ہیں، پشاور واقعہ بڑا سانحہ ہے، ہر دل غمزدہ ہے ،مشترکہ کوششوں سے ہی دہشت گردی کاخاتمہ ممکن ہوگا جمہوریت کا تسلسل اور وقت پر انتخابات اہم ہیں درپیش چیلنجز کا کامیابی سے مقابلہ ممکن ہے،پاکستان اور برطانیہ کے درمیان روابط کو مزید فروغ دینے کی ضرورت ہے،

    دوسری جانب ن لیگ کی رہنما مریم نواز سیاسی طور پر متحرک ہو گئی ہیں، چیف آرگنائزر مریم نواز کی زیر صدارت مسلم لیگ ن کا اہم مشاورتی اجلاس پارٹی سیکرٹریٹ ماڈل ٹاؤن میں ہوا، اجلاس میں تنظیمی دوروں کے حوالے سے مشاورت کی گئی، مسلم لیگ کی رہنما مریم نواز نے پارٹی کارکنان کو انتخابات کے لئے تیار رہنے کی ہدایت کر دی ہے، میڈیا رپورٹس کے مطابق اجلاس میں محمد زبیر، انوشہ رحمان، عظمی بخاری، ملک احمد خان، طلال چوہدری، عابد شیر علی، میاں جاوید لطیف سمیت دیگر رہنماؤں نے شرکت کی۔ اجلاس میں سوشل میڈیا کی ٹیموں کے سربراہان بھی خصوصی شریک ہوئے

    عمران خان کی جاسوسی، آلات برآمد،کس کا کارنامہ؟

    آڈیو لیکس، عمران خان گھبرا گئے،زمان پارک میں جاسوسی آلات نصب ہونے کا ڈر، خصوصی سرچ آپریشن

    ‏عمران خان دی بندہ کی عزت کرسکدا اے….فواد چودھری کی آڈیو لیک

    پرویز الہی کی مبینہ آڈیو لیک جس میں وہ تحریک انصاف کے رہنما فواد چودھری کو گندی گالیاں دے رہے ہیں

    علی امین گنڈاپور اور امتیاز نامی شخص کے مابین آڈیو لیک

    مسلم لیگ ن کی رہنما مریم نواز کے ملک گیر تنظیمی دوروں کا شیڈول جاری کر دیا گیا ,مریم نواز دو فروری کو بہاولپور میں پارٹی کا تنظیمی اجلاس منعقد ہوگا پانچ فروری کو ملتان میں کنونشن اور چھ فروری کو پارٹی کا تنظیمی اجلاس ہوگا 9 فروری کو مریم نواز ایبٹ آباد میں کنونشن سے خطاب کریں گی 10 فروری کو ایبٹ آباد میں پارٹی کا تنظیمی اجلاس منعقد ہوگا 15 فروری کو مریم نواز ڈیرہ غازی خان میں کنونشن اور جلسے سے خطاب کریں گی 16 فروری کو ڈی جی خان میں پارٹی کے تنظیمی اجلاس کی صدارت کریں گی 19 فروری کو راولپنڈی میں ورکرز کنونشن ہوگا، 20 فروری کو تنظیمی اجلاس ہوگا 23 فروری کو مریم نوازشریف سرگودھا میں ورکرز کنونشن سے خطاب کریں گی 24 فروری کو مریم نواز سرگودھا میں پارٹی تنظیمی اجلاس کی صدارت کریں گی 27 فروری کو ساہیوال میں ورکرز کنونشن 28 فروری کو پارٹی تنظیمی اجلاس ہوگا گوجرانوالہ میں 3 مارچ کو کنونشن اور 4 مارچ کو پارٹی تنظیمی اجلاس منعقد ہوگا