Baaghi TV

Tag: islamabad

  • پاکستانی روپے خطے کی سب سے تیزی سے گرنے والی کرنسی بن گئی

    پاکستانی روپے خطے کی سب سے تیزی سے گرنے والی کرنسی بن گئی

    اسلام آباد:پاکستانی روپے امریکی ڈالر کے مقابلے میں خطے کی سب سے تیزی سے گرنے والی کرنسی بن گئی۔پاکستانی روپے کے مقابلے میں امریکی ڈالر کی قدر جس تیزی سے بڑھ رہا ہے اس نے ملکی تاریخی بلندی کے نئے ریکارڈ قائم کئے۔ عالمی لحاظ سے بھی دیکھا جائے تو پاکستانی کرنسی کی قدر دیگر ممالک کے کرنسیوں کے مقابلے میں کئی گنا تیزی سے گر رہی ہے۔

    رواں سال 2023 کے پہلے ماہ کے دوران اب تک پاکستان میں ڈالر کی قدر میں 16فیصد اضافہ ریکارڈ کیا گیا ہے جو خطے میں کسی بھی ملک کے کرنسی کے مقابلے میں سب سے زیادہ اضافہ ہے۔پیر 30 جنوری کو انٹر بینک میں ڈالر کی قدر میں 7روپے 3پیسے یعنی 2.6فیصد کا اضافہ ریکارڈ کیا گیا جب کہ اس کے مقابلے میں خطے کے12ممالک میں صرف بنگلہ دیش،سری لنکا،ویتنام اور فلپائن کی کرنسی میں گراوٹ آئی لیکن یہ گراوٹ بھی 0.1فیصد تا0.7فیصد تک محدود رہی۔جب کہ بقیہ7ممالک کی کرنسیوں میں ڈالر کے مقابلے میں اضافہ ہوا۔

    ملکی اورغیرملکی کرنسی اسمگل کرنے کی کوشش،چینی مسافر گرفتار

    ٹاپ لائن سیکورٹیز کی رپورٹ کے مطابق رواں سال2023 میں مجموعی طور پر بھی اب تک گراوٹ کے لحاظ سے پاکستانی کرنسی سرفہرست ہے جس کی قدر میں 16فیصد کمی ہوئی جب کہ دوسرا ملک بنگلہ دیش ہے جس کی کرنسی ڈالر کے مقابلے میں 2.5فیصد گری باقی خطے کے 12ممالک میں سری لنکا سمیت کی کرنسیوں میں اضافہ ہوا ہے۔سال بہ سال موازنہ کیا جائے تو سری لنکن کرنسی میں ایک سال میں 45.1فیصد کمی ہوئی دوسرے نمبر پر پاکستان ہے جس کی کرنسی 34.5فیصد گری جب کہ بنگلہ دیش 18.8فیصد کرنسی گراوٹ کے لحاظ سے تیسرے نمبر ہے۔

    کرپٹو کرنسی اسکینڈل: ناقابل ضمانت وارنٹ جاری:وقار ذکاء نے تصدیق کردی

    خطے میں ڈالر کے مقابلے میں مختلف ممالک کی کرنسیوں کی ویلیو کا جائزہ لیا جائے تو ویتنام کی کرنسی سب سے کم قیمت ہے جہاں ڈالر کی قیمت ویتنامی کرنسی میں 23ہزار472روپے ہے دوسرے نمبر پر انڈونیشیا کی کرنسی ہے جہاں ڈالر کی قیمت 14970روپے ہے تیسرے نمبر پر کوریا ہے جہاں ڈالر کی قیمت 1227.39روپے ہے۔

    ایف آئی اے کے پی زون کا کرنسی ایکسچینج کا غیر قانونی کاروبار کرنیوالوں کیخلاف کریک…

    چوتھے نمبر پر سری لنکن کرنسی ہے جہاں ڈالر 366.83روپے ہے اور پانچویں نمبر پر پاکستانی روپے ہے پاکستان میں ڈالر کی قیمت مقامی کرنسی کے مقابلے میں 269.63روپے تک پہنچ گئی ہے۔خطے میں ملائشیا ڈالر کے مقابلے میں سب سے مضبوط کرنسی ہے ملائشیا میں ڈالر کی قیمت 4.24روپے ہے۔

  • پنجاب میں انتخابات کیلئےدائردرخواست سماعت کیلئےمنظور

    پنجاب میں انتخابات کیلئےدائردرخواست سماعت کیلئےمنظور

    لاہور:پنجاب میں الیکشن کی تاریخ کیلئے پاکستان تحریک انصاف کی درخواست سماعت کیلئے منظور کرلی گئی، لاہور ہائیکورٹ نے تحریری حکم جاری کردیا۔لاہور ہائیکورٹ کی جانب سے جاری 5 صفحات پر مشتمل تحریری حکم میں پنجاب اسمبلی کے انتخابات کی تاریخ سے متعلق معاونت کیلئے اٹارنی جنرل اور ایڈوکیٹ جنرل پنجاب کو الگ نوٹس جاری کرنے کا بھی ذکر ہے۔

    لاہور ہائیکورٹ کے جج جسٹس جواد حسن نے 5 صفحات پر مشتمل تحریری حکم جاری کیا، جس میں کہا گیا کہ پنجاب اسمبلی کے انتخابات کی تاریخ سے متعلق پی ٹی آئی کی درخواست سماعت کیلئے منظور کی جاتی ہے۔

    تحریری حکم میں عدالت کا کہنا ہے کہ گورنر پنجاب اور الیکشن کمیشن 3 فروری تک رپورٹ اور شق وار جواب جمع کرائیں، عدالت اس کیس میں آرٹیکل 105، 112، 218، 219 اور 5 کی تشریح کرے گی۔عدالت نے آئینی تشریح میں معاونت کیلئے اٹارنی جنرل اور ایڈووکیٹ جنرل پنجاب کو الگ سے نوٹس جاری کیا۔

    تحریک انصاف کے وکیل کے مطابق الیکشن کمیشن نے پنجاب اسمبلی کے انتخابات کی تاریخ کیلئے گورنر کو خط لکھا، گورنر نے اس کا کوئی جواب نہیں دیا۔لاہور ہائیکورٹ کے تحریری فیصلے کے مطابق پی ٹی آئی کی درخواست پر مزید کارروائی 3 فروری کو ہوگی۔

  • ویمنز ٹی ٹونٹی ورلڈ کپ 10 فروری سےکہاں شروع ہوگا؟تفصیلات آگئیں

    ویمنز ٹی ٹونٹی ورلڈ کپ 10 فروری سےکہاں شروع ہوگا؟تفصیلات آگئیں

    لاہور:انٹرنیشنل کرکٹ کونسل (آئی سی سی) کے زیر اہتمام ویمنز ٹی ٹونٹی ورلڈ کپ کا آٹھواں ایڈیشن آئندہ ماہ جنوبی افریقہ کے شہر کیپ ٹاؤن سے شروع ہوگا۔میگا ایونٹ میں 10 خواتین ٹیمیں ٹائٹل کے حصول کے لئے پنجہ آزمائی کریں گی۔ آسٹریلوی ویمن ٹیم ٹائٹل کے دفاع کے لئے کوشش کرے گی۔

    پاکستان اور بھارت کی ویمنز ٹیموں کے مابین میچ 12 فروری کو کیپ ٹاؤن میں کھیلا جائے گا۔ ویمنز ٹی ٹونٹی ورلڈ کپ 2023ء کا افتتاحی میچ میزبان جنوبی افریقا اور سری لنکا کے مابین کیپ ٹائون میں کھیلا جائے گا جبکہ فائنل میچ 26 فروری کو شیڈول ہے جبکہ 27 فروری فائنل کا ریزرو ڈے ہوگا۔

    ٹی ٹونٹی ورلڈ کپ کوالیفائر کی فائنلسٹ ٹیمیں بنگلہ دیش اور آئرلینڈ بھی ٹورنامنٹ کی 10 ٹیموں میں شامل ہوگئی ہیں۔

    کشمیر پریمیئر لیگ کی اہم فرنچائیز میرپور رائلز کی نئی انتظامیہ نے چارج سنبھال لیا

    میگا ایونٹ میں شامل دس ٹیموں میں دفاعی چیمپئن آسٹریلیا ،نیوزی لینڈ ، جنوبی افریقا، سری لنکا ، بنگلہ دیش ،پاکستان، بھارت، انگلینڈ، ویسٹ انڈیز اور آئرلینڈ شامل ہیں۔ دفاعی چیمپئن آسٹریلیا نیوزی لینڈ ، جنوبی افریقا، سری لنکا اور بنگلہ دیش کے ہمراہ گروپ ون میں شامل ہوگی جبکہ پاکستان، بھارت، انگلینڈ، ویسٹ انڈیز اور آئرلینڈ گروپ ٹو میں شامل ہیں۔ ہر ٹیم اپنے گروپ کی دیگر ٹیموں کے ساتھ ایک ایک میچ کھیلے گی جبکہ دونوں گروپ کی پہلی دو ٹیمیں سیمی فائنل کیلئے کوالیفائی کریں گی۔

    ویرات کوہلی کو کشمیر پریمیئر لیگ میں کھیلنے کی پیشکش کیے جانے کا امکان

    تمام ناک آؤٹ مقابلے سیمی فائنلز اور فائنل کیپ ٹاؤن میں کھیلے جائیں گے۔ آئی سی سی نے ویمن ٹی ٹونٹی ورلڈ کپ کے میچ آفیشلز کا پہلے ہی اعلان کررکھا ہے۔ ویمن ٹی ٹونٹی ورلڈ کپ کے لیے اعلان کردہ 13 میچ آفیشلز میں تمام خواتین شامل ہیں۔ تاریخ میں پہلی مرتبہ تمام خواتین میچ آفیشلز ٹورنامنٹ سپروائز کریں گی۔آئی سی سی کے مطابق 13 رکنی پینل میں 3 ریفریز اور 10 امپائرز شامل ہیں۔آئی سی سی نے کہا ہے کہ میچ ریفریز کا تعلق بھارت، جنوبی افریقا اور سری لنکا سے ہے، جن میں میچ ریفری، جی ایس لکشمی (بھارت)، شینڈرے فرٹز (جنوبی افریقہ)اور مشیل پریرا کا تعلق سری لنکا سے ہے۔

    راولا کوٹ رائلز نے کشمیر پریمیئر لیگ جیت کرکشمیری نوجوانوں کونیا جزبہ دے دیا

    ویمن ٹی ٹوئنٹی ورلڈ کپ کی 10خواتین امپائرز کا تعلق انگلینڈ، آسٹریلیا، ویسٹ انڈیز، نیوزی لینڈ، جنوبی افریقا، سری لنکا اور بھارت سے ہےجن میں آن فیلڈ اور ٹی وی امپائرز میں بھارت سے ورندا راٹھی اور این جانانی ، انگلینڈ سے سو ریڈفرن ، آسٹریلیا سے ایلوس شیریڈن اور کلیئر پولوساک ، ویسٹ انڈیز سے جیکولین ولیمز ،نیوزی لینڈ سے کم کاٹن ، جنوبی افریقا سے لارین ایجن بیگ ، انگلینڈ سےاینا ہیرس ، سری لنکا سے نیمالی پریرا شامل ہیں۔

  • کوئٹہ: پشاور زلمی اور کوئٹہ گلیڈی ایٹرز کا نمائشی میچ، ٹکٹوں کی فروخت شروع

    کوئٹہ: پشاور زلمی اور کوئٹہ گلیڈی ایٹرز کا نمائشی میچ، ٹکٹوں کی فروخت شروع

    کوئٹہ:کوئٹہ میں پی ایس ایل ٹیموں پشاور زلمی اور کوئٹہ گلیڈی ایٹز کے درمیان نمائشی میچ کیلئے ٹکٹوں کی فروخت شروع ہوگئی، ٹکٹ کی خریداری کیلئے شائقین کی لائنیں لگ گئیں۔

    پاکستان سپر لیگ کے 8ویں سیزن سے پہلے پشاور زلمی اور کوئٹہ گلیڈی ایٹرز کے درمیان کوئٹہ کے بگٹی اسٹیڈیم میں 5 فروری کو نمائشی میچ کھیلا جائے گا۔کوئٹہ میں کھیلے جانیوالے میچ کیلئے ٹکٹوں کی فروخت شروع ہوگئی، کوئٹہ کے نواب اکبر بگٹی اسٹیڈیم اور نجی شاپنگ مالز پر ٹکٹ خریدنے والے شائقین کی لائنیں لگ گئیں۔

    کوئٹہ میں پی ایس ایل ٹیموں کے درمیان میچ میں اپنے پسندیدہ کھلاڑیوں کو دیکھنے کیلئے شائقین کرکٹ پرجوش ہیں۔

    ادھرکشمیر پریمیئر لیگ سیزن 2 میں شریک کھلاڑیوں کو تاحال ادائیگیاں نہ ہوسکیں، کے پی ایل مینجمنٹ کے مطابق کشمیر پریمیئر لیگ سیزن 2 کے ٹائٹل اسپانسر کنگڈم ویلی نے کروڑوں روپے ادا کرنے ہیں۔

    کے پی ایل مینجمنٹ کے مطابق کنگڈم ویلی نے KPL SEASON 2 کے ٹائٹل اسپانسر اور ٹیکسز کی مد میں 13 کروڑ 71 لاکھ 60 ہزار 820 روپے ادا کرنے ہیں، کنگڈم ویلی رقم ادا کرے گی تو کھلاڑیوں کو 9 کروڑ سے زائد رقم ادا کریں گے۔

    کشمیر پریمیئر لیگ: مظفرآباد ٹائیگرز اور راولا کوٹ ہاکس فائنل میں مدمقابل

    کے پی ایل مینجمنٹ نے سیزن 2 کے ٹائٹل اسپانسرشپ کی مد میں کروڑوں کی ادائیگی نہ کرنے پر کنگڈم ویلی کو لیگل نوٹس بھیج دیا ہے۔ کشمیر پرئیمیر لیگ نے کنگڈم ویلی کو دس روز کی مہلت دے دی، کے پی ایل مینجمنٹ کا کہنا ہے کہ دس روز بعد کنگڈم ویلی کے خلاف عدالت میں جائیں گے۔

  • کھلاڑیوں کوکشمیر پریمیئر لیگ سیزن 2 کی ادائیگیاں تاحال نہ ہوسکیں

    کھلاڑیوں کوکشمیر پریمیئر لیگ سیزن 2 کی ادائیگیاں تاحال نہ ہوسکیں

    مظفرآباد:کشمیر پریمیئر لیگ سیزن 2 میں شریک کھلاڑیوں کو تاحال ادائیگیاں نہ ہوسکیں، کے پی ایل مینجمنٹ کے مطابق کشمیر پریمیئر لیگ سیزن 2 کےٹائٹل اسپانسرکنگڈم ویلی نے کروڑوں روپے ادا کرنے ہیں۔کےپی ایل مینجمنٹ کےمطابق کنگڈم ویلی نے KP SEASON 2 کے ٹائٹل اسپانسر اور ٹیکسز کی مد میں 13 کروڑ 71 لاکھ 60 ہزار 820 روپے ادا کرنے ہیں، کنگڈم ویلی رقم ادا کرے گی تو کھلاڑیوں کو 9 کروڑ سے زائد رقم ادا کریں گے۔

    کشمیر پریمیئر لیگ کی اہم فرنچائیز میرپور رائلز کی نئی انتظامیہ نے چارج سنبھال لیا

    کے پی ایل مینجمنٹ نے سیزن 2 کے ٹائٹل اسپانسرشپ کی مد میں کروڑوں کی ادائیگی نہ کرنے پر کنگڈم ویلی کو لیگل نوٹس بھیج دیا ہے۔ کشمیر پرئیمیر لیگ نے کنگڈم ویلی کو دس روز کی مہلت دے دی، کے پی ایل مینجمنٹ کا کہنا ہے کہ دس روز بعد کنگڈم ویلی کے خلاف عدالت میں جائیں گے۔

    کشمیر پریمیئر لیگ سیزن ٹو کا این او سی جاری

    واضح رہے کہ کنگڈم ویلی کے پی ایل کے کروڑوں روپے ہڑپ کرنے کے بعد پی ایس ایل میں بھی اسپانسر شپ دے رہی ہے۔

    دوسری جانب ادائیگی نہ کرنے کے معاملے پر کنگڈم ویلی کے چئیرمین چوہدری غلام حسین کا موقف بھی سامنے آگیا، انہوں نے کہا ہے کہ کشمیر پریمئیر لیگ کے ساتھ کشمیر کے لئے بھلا کرنے کا سوچا لیکن انہوں نے مایوس کیا۔

    ویرات کوہلی کو کشمیر پریمیئر لیگ میں کھیلنے کی پیشکش کیے جانے کا امکان

    چوہدری غلام حسین شاہد کا کہنا ہے کہ میں نے صرف 4 کروڑ سے زائد رقم دینی ہے، اس سے زیادہ جھوٹ ہے، کے پی ایل مینجمنٹ نے میرے ساتھ وعدہ کیا تھا کہ 4 کروڑ میں سے براڈ کاسٹنگ کی 3 کروڑ کی رقم آپ رکھ لینا۔انہوں نے کہا کہ کے پی ایل والے منت سماجت کرتے ہوئے میرے پاس آئے تھے کہ ہمیں اسپانسر کریں، مجھے کے پی ایل نے پھنسادیا، کہا گیا کہ تین چار کروڑ پہلے دے دیں باقی جب مرضی دے دیں۔

    کشمیر پریمیئر لیگ: مظفرآباد ٹائیگرز اور راولا کوٹ ہاکس فائنل میں مدمقابل

    چوہدری غلام حسین نے کہا میں کے پی ایل کی بقیہ رقم ضرور ادا کروں گا، میں نے ہمیشہ ٹیکسز دئیے ہیں، KPL والوں نے حکومت کو ایک روپیہ ٹیکس نہیں دیا۔ ایم ایس ایل کروایا، نیشنل ٹی ٹونٹی کپ اسپانسر کیا سب کو رقم ادا کی گئی۔ کے پی ایل سے تمام ادائیگیوں کی رسیدیں مانگتا رہا لیکن انہوں نے ایک رسید نہیں دی، کے پی ایل نے ٹیکسز بھی میرے کھاتے میں ڈال دئیے ہیں جسکی بات ہی نہیں ہوئی تھی۔

    واضح رہے کہ کشمیر پریمیئر لیگ سیزن 2 کا انعقاد 13 سے 26 اگست 2022ء تک مظفرآباد کرکٹ اسٹیدیم میں ہوا تھا جس میں سات فرنچائزز نے حصہ لیا تھا۔ ٹورنامنٹ کے فائنل سمیت آخری چار میچ بارش کی وجہ سے نہیں ہوسکے تھے، پوائنٹس ٹیبل پر سب سے نمایاں ٹیم میرپور رائلز کو کشمیر پریمیئر لیگ سیزن 2 کا فاتح قرار دے دیا گیا تھا۔

  • وزیرخارجہ بلاول بھٹوکی روسی ہم منصب سرگئی لاوروف سےملاقات

    وزیرخارجہ بلاول بھٹوکی روسی ہم منصب سرگئی لاوروف سےملاقات

    اسلام آباد:وزیر خارجہ بلاول بھٹو کی روسی ہم منصب سرگئی لاوروف سے ملاقات ہوئی ہے اور یہ بھی معلوم ہوا ہے اس ملاقات میں دونوں ملکوں کے درمیان خارجہ اور دیگرامورزیربحث آئے ہیں، یہ بھی معلوم ہوا ہے کہ پاکستان کے وزیرخارجہ اس وقت روسی وزیرخارجہ کے ساتھ اہم معاملات پر بات چیت کررہےہیں

    بلاول بھٹو روسی وزیرخارجہ کے ساتھ تیل اورگندم کی فراہمی کے امور پر بھی بات ہورہی ہے ،

     

    یاد رہے کہ وزیر خارجہ بلاول بھٹو کی روسی ہم منصب سے ملاقات نہ ہونے کی خبر پر روسی سفارتخانے کا بیان بھی سامنے آگیا۔

    اپنے بیان میں پاکستان میں روسی سفارتخانے نے خبر کا حوالہ دیتے ہوئے کہا کہ روس اس طرح کی کسی خبر کے سچ ہونے کی تصدیق نہیں کرتا۔

    واضح رہے کہ اس سے قبل ‘ایکسپریس ٹربیون، میں خبر شائع ہوئی تھی جس میں کہا گیا تھا کہ تاشقند میں شنگھائی تعاون تنظیم (ایس سی او) کے وزرائے خارجہ کی کونسل کے اجلاس کے دوران بلاول بھٹو زردری کی روسی ہم منصب سے ملاقات طے تھی لیکن روسی وزیر خارجہ کی تاشقند تاخیر سے آمد کے باعث ملاقات منسوخ ہوگئی تھی۔

  • گوادرفری زون کو5 میگاواٹ بجلی کی فراہمی کا منصوبہ تکمیل کے قریب

    گوادرفری زون کو5 میگاواٹ بجلی کی فراہمی کا منصوبہ تکمیل کے قریب

    گوادر:گوادر فری زون (نارتھ فیز II)کو 5 میگاواٹ بجلی کی فراہمی کا منصوبہ تکمیل کے آخری مراحل میں پہنچ گیا ۔گوادر فری زون ( نارتھ فیز II) کی انڈسٹری کو بجلی کا فی یونٹ 85روپے کی بجائے 50یا 55روپے کا ملے گا۔ 5میگا واٹ بجلی کے منصوبے سے گوادر فری زون ( نارتھ فیز II) کی چینی اور دیگر ملکی اور غیر ملکی کمپنیوں کو بجلی کی مد میں کم از کم 30روپے فی یونٹ بچت ہو گی

    ’’حق دو گوادر کو‘‘ کے مولانا ہدایت الرحمان کا ریمانڈ منظور

    مقامی ذرائع کے مطابق اس سے ان کی پیداواری لاگت میں کمی آئے گی۔جبکہ دوسرے مرحلے میں گوادر فری زون (سائوتھ)اور گوادر پورٹ کے لیے آنے والے مہینوں میں 12 میگاواٹ بجلی کی فراہمی کو یقینی بنایا جائے گا احکام کے مطابق پہلے مرحلے کے انتظامات کے ایک حصے کے طور پر بجلی کی تنصیب کے بنیادی ڈھانچے اور متعلقہ آلات جیسے ٹرانسمیشن لائنوں کے ساتھ پولز کی تعمیر کو تیار کر رہے ہیں۔متعلقہ آلات 3 کلومیٹر پر محیط ہوںگے جو گوادر پورٹ کے گرڈ اسٹیشن کو گوادر فری زون (نارتھ فیز II)کے علاقے سے جوڑ دے گا،

    ماہی گیروں کےمسائل حل کروانےپروزیراعلیٰ بلوچستان میرعبدالقدوس…

    پہلے مرحلے کے انتظامات کے تحت 5 میگاواٹ کی دستیابی کے بعد گوادر فری زون (نارتھ فیز II)میں صنعتوں اور کارخانوں کے لیے بجلی کی لاگت تقریباً 50سے55روپے فی یونٹ ہو جائے گی۔ بعد میں دوسرے مرحلے میں گوادر پورٹ اور گوادر فری زون (سائوتھ)کے لیے بھی یہی مناسب قیمت دستیاب ہوگی جونہ صرف موجودہ کاروباری اداروں کے لیے بلکہ ممکنہ سرمایہ کاروں کے لیے مالی فائدہ گا۔اس وقت گوادر فری زون (سائوتھ )میں تقریباً 51 کمپنیاں رجسٹرڈ ہیں۔

    گوادر:دفعہ 144 کے باوجود حق دو تحریک کے مظاہروں کا سلسلہ جاری

    دریں اثنا، گوادر فری زون (نارتھ فیز II)میں اس وقت تین کمپنیاں دو ماہ میں اپنی صنعتیں چلانے کے لیے تعمیراتی کام مکمل کر رہی ہیں۔ ایسٹ سی گروپ لمیٹڈ سمیت بہت سے لوگوں نے گوادر فری زون (نارتھ)میں 4.5 بلین ڈالر کی آئل ریفائنری قائم کرنے کا معاہدہ کیا۔ سستی بجلی کی قیمتیں ان کے لیے ایک بڑا بوسٹر ثابت ہوں گی۔

  • پاکستان کی ڈرامہ انڈسری جس میں اپنی ثقافت کے رنگ غائب

    پاکستان کی ڈرامہ انڈسری جس میں اپنی ثقافت کے رنگ غائب

    پاکستان کی ڈرامہ انڈسری جس میں اپنی ثقافت کے رنگ غائب

    پاکستان ڈرامہ انڈسٹری کو لولی وڈ سے کافی بہتر سمجھا جاتا ہے اور پاکستانی فلموں کی بہ نسبت ڈرامے ناصرف پاکستان بلکہ باہر بھی کافی پسند کیئے جاتے ہیں لیکن آج پاکستانی ڈراموں میں بجائے اپنی ثقافت دکھانے کے ہمیشہ بیرونی زندگی اور لائف اسٹائل دکھایا جاتا ہے۔ پہلے ڈرامے جیسے ڈرامہ سسی تھا میں پاکستان کے اپنے کلچرل کو دکھایا گیا تھا اسی طرح مختلف ایسے پرانے ڈرامے ہیں جس میں ہمیشہ اپنی ثقافت اور زبان کو فروغ دیا گیا لیکن اب نئے آنے والے ڈرامے اس قسم کے نہیں اور ناہی ان میں ان چیزوں کو فروغ دیا جاتا ہے۔

    پاکستانی ڈرامہ انڈسٹری نے کافی ترقی کرلی ہے اور ہر جگہ سے پذیرائی ملی وہی کچھ لوگوں نے اس پر تنقید بھی کی ہے۔ سینئر صحافی انصار عباسی کہتے ہیں کہ؛ "‏پاکستان میں بچوں اور عورتوں کے ساتھ زیادتی کے بڑھتے ہوئے واقعات کی ایک وجہ معاشرہ میں بڑھتی ہوئی فحاشی و عریانیت ہے جس میں ٹی وی چینلز اور ڈرامہ انڈسٹری کا بڑا کرداد ہے۔ کیا میڈیا اس قوم پر رحم کرتے ہوئے فحاشی و عریانیت کو روکے گا یا ساری ذمہ داری دوسروں پر ہی ڈالتا رہے گا؟”


    جبکہ انصار عباسی کے جواب میں زیمور نامی صارف نے لکھا: "فحاشی ایک وجہ ہو سکتی ہے ہم مغربی معاشرے میں رہتے ہیں وہاں ایسے واقعات اتنے کیوں نہیں؟اس میں ہمارا معاشرتی رواج اور رویوں کا بھی دخل ہے جن میں جہیز،بے جا نمود و نمائش کے جس کی وجہ سے زنا سستا اور نکاح مہنگا دوسرے قانون کا ڈر پھر متاثرہ کو کہنا اپنی شناخت چھپاو”
    مزید یہ بھی پڑھیں
    امریکا جانے والا ایک شخص لاپتہ ہوگیا
    شیخ رشید کی رہائش گاہ لال حویلی کو سیل کردیا گیا
    بجلی بریک ڈاؤن پر نئی رپورٹ نے حکومتی بیانات کا بھانڈا پھوڑ دیا
    ہماری طرف آئیں ہم اچھے میزبان ہیں آپ کو دکھائیں گےکہ ہم کیسے نظر آتے ہیں،عدنان صدیقی کا بھارتی فلم ’مشن مجنوں‘ پر ردعمل
    عدالت نے مونس الہٰی کی اہلیہ کے وکیل کو جواب جمع کروانے کیلئے وقت دے دی
    قابل اعتراض مواد جو ہٹا سکتے تھے ہٹا دیا،بیرون ملک مواد کیلئے متعلقہ حکام سے رجوع کیا ہے،پی ٹی اے
    نگراں کابینہ غیرسیاسی اور غیر جانبدارہوگی، شوکت یوسفزئی
    خیال رہے کہ کچھ صارفین نے تو ملک میں طلاقیں بڑھنے کی وجہ بھی ڈراموں کو قرار دے یا کیوں انکے خیال میں ڈرامہ سیریل عشقیہ، دوسری بیوی اور پیار کے صدمے جیسے ڈراموں سے معاشرے میں غلاظت پھیلی ہے تاہم دوسری جانب آپ کو یاد ہوگا کہ ترکیہ ڈرامہ ارطغرل کو کافی پسند کیا گیا ہے لہذا اگر پاکستان میں بھی ایسے ڈرامے بنائیں جائیں تو ناصرف ہماری نسل اپنی تاریخ کو جانے گی بلکہ انکے افکار و کردار بھی اچھے ہونگے۔

  • عالمی مالیاتی فنڈ کا جائزہ مشن آج پاکستان پہنچ جائے گا

    عالمی مالیاتی فنڈ کا جائزہ مشن آج پاکستان پہنچ جائے گا

    عالمی مالیاتی فنڈ کا جائزہ مشن آج پاکستان پہنچ جائے گا

    عالمی مالیاتی فنڈ کا جائزہ مشن آج رات پاکستان پہنچ رہا ہے، جائزہ وفد پاکستان میں 10 روز قیام کرے گا، اور 9 ویں اقتصادی جائزہ کی تکمیل پر 1.1 ارب ڈالر ملنے کا امکان ہے۔ آئی ایم ایف کو جولائی تا دسمبر 2022 معاشی کارکردگی سے آگاہ کیا جائے گا، سیلاب سے 30 ارب ڈالر کے نقصانات اور اخراجات پر بریفنگ دی جائے گی، اور ٹیکس محاصل، ایکسچینج ریٹ سے متعلق اقعدامات سے آگاہ کیا جائے گا۔ آئی ایم ایف کے جائزہ وفد کو کرنٹ اکاؤنٹ خسارے، انرجی سیکٹر اصلاحات پر بریفنگ دی جائے گی، جب کہ گردشی قرضے اور نجکاری پروگرام میں پیشرفت سے آگاہ کیا جائے گا۔

    جبکہ پاکستان اور بین الاقوامی مالیاتی فنڈ (آئی ایم ایف) کے درمیان مذاکرات کا آغاز کل سے ہوگا، جس میں وزیر خزانہ اسحاق ڈار شرکت کریں گے۔ پاکستان کے ابتدائی بجٹ تخمینے میں 20 کھرب روپے کا بڑا فرق ہے آئی ایم ایف نے تشویش ظاہر کرتے ہوئے کہا بجٹ خسارہ مقررہ ہدف سے بڑھ سکتا ہے۔ ذرائع کے مطابق آئی ایم ایف نے اصرار کیا ہے کہ 600 ارب روپے کے اضافی ٹیکس لگائے جائیں تاکہ خسارہ کم کیا جاسکے تاہم حکومت پاکستان نے اس مطالبے سے اتفاق نہیں کیا۔

    حکومت کا کہنا ہے کہ بنیادی خسارہ نہیں بڑھے گا بہرحال دونوں فریقین کو 9 فروری تک جاری مذاکرات میں اختلافات دور کرنا ہوں گے۔ میڈیا رپورٹس کے مطابق پاکستان نے آئی ایم ایف سے سیلاب کے باعث 500 ارب روپے رعایت دینے کا کہا ہے جبکہ آئی ایم ایف کا کہنا ہے کہ بنیادی خسارہ 10کھرب روپے تک پہنچ سکتا ہے۔

    مزید یہ بھی پڑھیں
    امریکا جانے والا ایک شخص لاپتہ ہوگیا
    شیخ رشید کی رہائش گاہ لال حویلی کو سیل کردیا گیا
    بجلی بریک ڈاؤن پر نئی رپورٹ نے حکومتی بیانات کا بھانڈا پھوڑ دیا
    ہماری طرف آئیں ہم اچھے میزبان ہیں آپ کو دکھائیں گےکہ ہم کیسے نظر آتے ہیں،عدنان صدیقی کا بھارتی فلم ’مشن مجنوں‘ پر ردعمل
    عدالت نے مونس الہٰی کی اہلیہ کے وکیل کو جواب جمع کروانے کیلئے وقت دے دی
    قابل اعتراض مواد جو ہٹا سکتے تھے ہٹا دیا،بیرون ملک مواد کیلئے متعلقہ حکام سے رجوع کیا ہے،پی ٹی اے
    نگراں کابینہ غیرسیاسی اور غیر جانبدارہوگی، شوکت یوسفزئی

    دوسری جانب ملک میں ڈالر اور پٹرول مہنگا ہونے سے مہنگائی مزید بڑھ گئی ہے اور شہری شدید قسم کی زہنی قوفت میں مبتلا ہیں جبکہ ایسے میں وزیر خزانہ اسحاق ڈار کو ہر صورت میں آئی ایم ایف کے ساتھ یہ مزاکرات کامیاب بنانے ہیں کیونکہ دوسری طرف ملک کے ڈیفالٹ ہونے بارے بھی خبریں ہیں کہ خطرات بڑھ گئیں.

  • تربیلا میں پاک ترکیہ کی اسپیشل فورسز کی مشترکہ مشقوں کا آغاز

    تربیلا میں پاک ترکیہ کی اسپیشل فورسز کی مشترکہ مشقوں کا آغاز

    راولپنڈی:تربیلا میں پاک ترکیہ کی اسپیشل فورسز کی مشترکہ مشقوں کا آغاز ہوگیا ہے جس میں پاکستان ایس ایس جی اور ترکیہ سپیشل فورس کے دستے مشقوں میں شریک ہیں۔پاک فوج کے شعبہ تعلقات عامہ (آئی ایس پی آر) کے مطابق پاکستان ترکیہ مشترکہ مشقوں کا تربیلہ میں انعقاد ہوا ہے۔

     

     

    آئی ایس پی آر نے بتایا کہ پاک ترکیہ کی اسپیشل فورسز کی مشترکہ مشقوں کو “اتاترک۔12” کا نام دیا گیا ہے۔آئی ایس پی آر کا کہنا تھا کہ مشقوں کی افتتاحی تقریب میں دونوں ممالک کے قومی ترانے بجائے گئے ہیں ۔

    آئی ایس پی آر کے مطابق دونوں ممالک کی اسپیشل فورس کے دستے ان مشقوں میں حصہ لے رہی ہیں، مشقوں میں انسداد دہشت گردی کی ٹیکنیکس بہتر بنانے پر توجہ مرکوز کی جائے گی۔

    آئی ایس پی آر نے بتایا ہے کہ تربیلا میں پاک ترکیہ کی اسپیشل فورسز کی مشترکہ مشقیں دو ہفتے تک جاری رہیں گی۔