Baaghi TV

Tag: islamabad

  • 35 روپے کے اضافہ کے بعد پیٹرول کا مصنوعی بحران ختم

    35 روپے کے اضافہ کے بعد پیٹرول کا مصنوعی بحران ختم

    35 روپے کا اضافہ کے بعد پیٹرول کا مصنوعی بحران منٹوں میں ختم

    35 روپے کا اضافہ ہوتے ہی پیٹرول کا مصنوعی بحران منٹوں سیکنڈوں میں ختم پیٹرول اور ڈیزل 35 روپے لیٹر مہنگا ہونے پر عوام میں غم و غصہ پایا جا رہا ہے۔ فی لیٹر پیٹرول کی نئی قیمت 249 روپے 80 پیسے ہو گئی ہے اور ہائی اسپیڈ ڈیزل 262 روپے 80 پیسے کا ہو گیا ہے۔ اسپیڈ ڈیزل اور مٹی کے تیل کی قیمت 18، 18 روپے بڑھنے کے بعد مٹی کا تیل 189 روپے فی لیٹر جبکہ لائٹ ڈیزل کی قیمت 187 روپے ہو گئی ہے.

    وزیر خزانہ اسحاق ڈار نے اتوار کو چھٹی کے دن پیٹرولیم مصنوعات کی قیمتوں میں اضافے کا اعلان کیا، عوام کی جانب سے پیٹرول اور ڈیزل کی قیمت میں اضافے پر حکومت کو شدید تنقید کا نشانہ بنایا جا رہا ہے۔ شہریوں کا کہنا ہے کہ پہلے ہی مہنگائی نے برا حال کر رکھا ہے اور حکومت نے پیٹرول اور ڈیزل میں ایک دم اتنا بڑا اضافہ کر کے رہی سہی کسر بھی پوری کر دی ہے۔ ادھر پیٹرولیم مصنوعات کی قیمتوں میں اضافہ ہوتے ہی پیٹرول کا مصنوعی بحران منٹوں سیکنڈوں میں ختم ہو گیا، جو پٹرول پمپ بہانہ بنا رہے تھے کہ ان کے پاس پیٹرول موجود نہیں، ان کے تہہ خانوں سے اچانک پیٹرول نکل آیا۔
    مزید یہ بھی پڑھیں
    امریکا جانے والا ایک شخص لاپتہ ہوگیا
    شیخ رشید کی رہائش گاہ لال حویلی کو سیل کردیا گیا
    بجلی بریک ڈاؤن پر نئی رپورٹ نے حکومتی بیانات کا بھانڈا پھوڑ دیا
    ہماری طرف آئیں ہم اچھے میزبان ہیں آپ کو دکھائیں گےکہ ہم کیسے نظر آتے ہیں،عدنان صدیقی کا بھارتی فلم ’مشن مجنوں‘ پر ردعمل
    عدالت نے مونس الہٰی کی اہلیہ کے وکیل کو جواب جمع کروانے کیلئے وقت دے دی
    قابل اعتراض مواد جو ہٹا سکتے تھے ہٹا دیا،بیرون ملک مواد کیلئے متعلقہ حکام سے رجوع کیا ہے،پی ٹی اے
    نگراں کابینہ غیرسیاسی اور غیر جانبدارہوگی، شوکت یوسفزئی
    پیٹرولیم مصنوعات کی قیمتوں میں اضافے پر سابق وزیراعلیٰ پنجاب پرویز الٰہی نے پیٹرولیم مصنوعات کی قیمتوں میں اضافے پر شدید ردعمل کا اظہار کیا ہے۔ پرویز الٰہی کا کہنا تھاکہ پیٹرولیم مصنوعات کی قیمتوں میں اضافے کا کریڈٹ نواز شریف اور مریم نواز کو جاتا ہے۔ انہوں نے کاکہا مریم نواز کی واپسی پر قوم کو 35 روپے فی لیٹر پیٹرول کی قیمتوں میں اضافے کی اسحاق ڈالر نے سلامی دی ہے۔ ان کا کہنا تھاکہ مہنگائی کا جن بے قابو ہوچکا، حکومت کو انتقامی کارروائیوں سے فرصت نہیں، محسن نقوی کی حکومت میں بے روزگاری میں مزید اضافہ ہورہا ہے۔

  • پیٹرولیم مصنوعات کی قیمتوں میں اضافے کے اقدام کو لاہور ہائیکورٹ میں چیلنج کردیا گیا

    پیٹرولیم مصنوعات کی قیمتوں میں اضافے کے اقدام کو لاہور ہائیکورٹ میں چیلنج کردیا گیا

    پیٹرولیم مصنوعات کی قیمتوں میں اضافے کے اقدام کو لاہور ہائیکورٹ میں چیلنج کردیا گیا

    لاہور ہائیکورٹ میں پیٹرولیم مصنوعات کی قیمتوں میں اضافہ کے اقدام کوچیلنج کردیا گیا ہے۔ لاہور ہائیکورٹ میں درخواست جوڈیشل ایکٹوزم پینل کے چیئرمین اظہر صدیق ایڈووکیٹ کی جانب سے دائر کی گئی ہے۔ درخواست میں وفاقی حکومت، وفاقی وزارت پیٹرولیم اور اوگرا کو فریق بنایا گیا ہے۔

    درخواست میں مؤقف اختیار کیا گیا ہےکہ عالمی منڈی میں پیٹرولیم مصنوعات کی قیمتوں میں بےپناہ کمی ہوئی ہے ، عالمی منڈی کےتناسب سے پاکستان میں پیٹرولیم مصنوعات کی قیمتوں میں کمی کی بجائے اضافہ کردیا گیا، ملک میں قیمتیں کم نہ کرنے سے مہنگائی ناقابل برداشت ہوچکی ہے، پیٹرولیم مصنوعات کی قیمتوں میں اضافہ استحصال اور آئین کے منافی ہے۔

    مزید یہ بھی پڑھیں
    امریکا جانے والا ایک شخص لاپتہ ہوگیا
    شیخ رشید کی رہائش گاہ لال حویلی کو سیل کردیا گیا
    بجلی بریک ڈاؤن پر نئی رپورٹ نے حکومتی بیانات کا بھانڈا پھوڑ دیا
    ہماری طرف آئیں ہم اچھے میزبان ہیں آپ کو دکھائیں گےکہ ہم کیسے نظر آتے ہیں،عدنان صدیقی کا بھارتی فلم ’مشن مجنوں‘ پر ردعمل
    عدالت نے مونس الہٰی کی اہلیہ کے وکیل کو جواب جمع کروانے کیلئے وقت دے دی
    قابل اعتراض مواد جو ہٹا سکتے تھے ہٹا دیا،بیرون ملک مواد کیلئے متعلقہ حکام سے رجوع کیا ہے،پی ٹی اے
    نگراں کابینہ غیرسیاسی اور غیر جانبدارہوگی، شوکت یوسفزئی
    درخواست میں استدعاکی گئی ہے کہ عدالت پیٹرولیم مصنوعات کی قیمتوں میں حالیہ اضافہ کالعدم قرار دے، عدالت عالمی منڈی کے تناسب سے پیٹرولیم مصنوعات کی قیمتوں میں کمی کے احکامات صادر کرے۔ واضح رہے کہ پٹرول کی قیمتوں میں اضافہ کے بعد آل پاکستان پبلک ٹرانسپورٹ اونرز فیڈریشن نے کرایوں میں 10 فیصد تک اضافہ کردیا ہے جبکہ شہر میں چلنے والی پرائیویٹ ٹرانسپورٹ اور مال بردار گاڑیوں کے کرایوں میں بھی20سے 30فیصد تک اضافہ کیا گیا ہے۔

    جبکہ کراچی میں بھی ٹرانسپورٹرز نے کرایہ بڑھانا شروع کر دیا جبکہ اندرون سندھ جانے والی گاڑیوں کے مالکان نے بھی کرائے بڑھا دیئے۔ پٹرولیم مصنوعات کی قیمتوں میں اضافے سے ملک میں مہنگائی کے طوفان کا خدشہ ‘مہنگائی کا سونامی عوام کی قوت خرید کو بہا لے گیا‘ عوام کی چیخیں نکل گئیں ‘ سبزیاں فروٹ آٹا چینی دالیں اشیا خودنوش تعمیراتی سامان اسپیئرپارٹس ‘کاسمیٹکس اورمارکیٹ میں تمام اشیاءکی قیمتوں میں کمر توڑ اضافہ ہوگیا۔

    ترجمان کے مطابق آل پاکستان پبلک ٹرانسپورٹ اونرزفیڈریشن کے اجلاس میں کہا گیا کہ ڈیزل کی قیمتوں میں اضافے نے ٹرانسپورٹ سسٹم تباہ کردیا ہے۔ ترجمان کے مطابق لاہور سے راولپنڈی، فیصل آباد اور ملتان کے کرائے میں 100 روپے اضافہ کیا گیا جبکہ لاہور سے گوجرانوالہ 50، پشاور اور صادق آباد کیلئے کرائے میں 200 روپے جبکہ لاہور سے کراچی کے لیے کرائے میں 600 روپے کا اضافہ کیا گیا ہے۔

  • کراچی: لائنز ایریا میں پولیس افسران پر فائرنگ،ایک جاں بحق

    کراچی: لائنز ایریا میں پولیس افسران پر فائرنگ،ایک جاں بحق

    کراچی کے علاقے لائنزایریا میں موٹرسائیکل سوارملزمان نے پولیس افسران پر فائرنگ کردی۔ فائرنگ میں اے ایس آئی اقبال جاں بحق جبکہ ایس ایچ او بریگیڈ محفوظ رہے۔تفصیلات کے مطابق ایس ایچ اوخالد رفیق اور اے ایس آئی اقبال موٹرسائیکل پر جارہے تھے کہ فائرنگ کا نشانہ بنے۔ جاں بحق ہونے والے اے ایس آئی اقبال کو 4 گولیاں لگیں۔

    واقعہ میں جاں بحق ہونے والے اے ایس آئی اقبال انوسٹی گیشن تھانہ بریگیڈ میں تعینات تھے۔میڈیا سے گفتگو میں ڈی آئی جی ایسٹ مقدس حیدر کا کہنا تھا کہ پولیس مددگار15پر جھگڑے کی اطلاع موصول ہوئی تھی۔ مددگار15 کی موبائل موقع پر پہنچ چکی تھی۔

    مقدس حیدر کا کہنا ہے کہ موٹرسائیکل سوارایس ایچ او اور اے ایس آئی کا ڈاکوؤں سے مقابلہ ہوا۔ ڈاکوؤں کی فائرنگ سے اے ایس آئی اقبال شہید ہوگیا۔

    ادھر وفاقی تحقیقاتی ادارے (ایف آئی اے) نے شہر قائد میں مختلف کارروائیوں کے دوران حوالہ ہنڈی میں ملوث 4 ملزمان کو گرفتار کرلیا۔ترجمان ایف آئی اے کا کہنا ہے کہ ملزمان بغیر لائسنس کے غیر ملکی کرنسی کی خرید و فروخت میں ملوث تھے، ملزمان کے قبضے سے امریکی ڈالرز، پاکستانی روپے اور ہنڈی حوالہ سے متعلق رسیدیں بر آمد کی گئیں ہیں۔ترجمان کے مطابق گرفتار ملزمان میں ملزم عزیز مرچنٹ، ملزم محمد ہمایوں، سلیم الدین اور عثمان عارف شامل ہیں۔

    ترجمان نے جاری بیان میں کہا کہ گرفتار ملزمان کے موبائل فونز سے درجنوں ہنڈی حوالہ اور غیر قانونی کرنسی ایکسچینج سے متعلق پیغامات بھی برآمد کر لیے گئے ہیں، جس کے بعد ملزمان کے خلاف مقدمہ درج کرکے تفتیش کا آغاز کردیا گیا۔

  • وزیرخارجہ بلاول بھٹو روس پہنچ گئے

    وزیرخارجہ بلاول بھٹو روس پہنچ گئے

    اسلام آباد: وزیر خارجہ بلاول بھٹو زرداری دو روزہ سرکاری دورے پر روس کے شہر ماسکو پہنچ گئے۔

    روسی وزارت خارجہ کے اعلیٰ عہدیداران اور روس میں پاکستانی سفیر شفقت علی خان، سفارتخانے کے اہل کاروں نے بلاول بھٹو کا استقبال کیا۔وزیر خارجہ روس کا دورہ اپنے روسی ہم منصب سرگئی لاروف کی دعوت پر کر رہے ہیں، دونوں وزراء خارجہ کل باضابطہ ملاقات کریں گے۔

    اس سے پہلے پریس ریلیز میں کہا گیا کہ "وزیر خارجہ اپنے روسی ہم منصب کے ساتھ باضابطہ بات چیت کریں گے جہاں دونوں فریق دو طرفہ تعلقات کے تمام پہلوؤں پر غور کریں گے اور باہمی دلچسپی کے علاقائی اور بین الاقوامی امور پر تبادلہ خیال کریں گے۔”

    وزیر خارجہ کا یہ دورہ پاکستان اور روس کے درمیان روسی خام تیل اور دیگر تیل کی مصنوعات کی فراہمی پر ایک ایسے وقت میں ایک اہم پیش رفت کے معاہدے پر پہنچنے کے تقریباً ایک ہفتے بعد ہوا ہے جب ملک کو شدید اقتصادی بحران کا سامنا ہے۔

    پاکستان روس بین الحکومتی کمیشن برائے تجارت، اقتصادی، سائنسی اور تکنیکی تعاون کے اختتام کے بعد فریقین نے ایک معاہدہ کیا۔

    دونوں ممالک کے توانائی اور پیٹرولیم کے وزراء نے مشترکہ وزارتی اجلاس کے بعد کہا کہ پاکستان اس سال مارچ میں روسی تیل کی خریداری کے لیے فریم ورک کو حتمی شکل دے گا اور اپنی توانائی کی درآمدات کی ادائیگی دوست ممالک کی کرنسیوں میں کرے گا،

    قبل ازیں وزیراعظم شہباز شریف کو روسی صدر ولادیمیر پیوٹن کا خصوصی پیغام موصول ہوا تھا، جو پاکستان کو جنوبی ایشیا اور عالم اسلام میں روس کا کلیدی شراکت دار سمجھتے ہیں، جس میں دوطرفہ تعلقات کو مزید گہرا کرنے کے ساتھ ساتھ تجارت اور سرمایہ کاری میں اضافے میں اپنے ملک کی گہری دلچسپی کا اعادہ کیا گیا تھا۔

    خصوصی پیغام کے ذریعے، روسی وزیر توانائی نے بتایا کہ صدر پیوٹن نے "پاکستان کو جنوبی ایشیا اور عالم اسلام میں روس کا اہم شراکت دار قرار دیا

  • مقامی سطح پر لیپ ٹاپ سمیت دیگر آلات کی تیاری کی سفارشات تیار

    مقامی سطح پر لیپ ٹاپ سمیت دیگر آلات کی تیاری کی سفارشات تیار

    پاکستان ٹیلی کمیونی کیشن اتھارٹی نے مقامی سطح پر لیپ ٹاپ اور سگنل بوسٹرز سمیت دیگر آلات کی تیاری کی سفارشات تیار کرلیں۔پی ٹی اے نے درآمدی بل گھٹانے اور ملک میں روزگار بڑھانے کے لیے موبائل فونز مینوفیکچرنگ پالیسی میں ترمیم کی سفارش تیار کرلی ہیں۔پاکستان میں رجسٹرڈ 31 کمپنیوں نے ایک سال میں 1 ایک کروڑ ستر لاکھ سے زائد موبائل فونز تیار کیے لیکن ملک میں صرف موبائل فونز کی تیاری ہی کافی نہیں۔

    سفارشات میں کہا گیا ہے کہ لیپ ٹاپ، گاڑیوں کے ٹریکرز اور بائیو میٹرک و پوائنٹ آف سیل مشینز بھی خود بنانا ہوں گی، اس کے علاوہ تجاویز میں موبائل فون سگنل بوسٹرز اور انٹرنیٹ سے متعلق دیگر آئی ٹی مصنوعات کی تیاری بھی شامل ہے۔

    پی ٹی اے نے پہلے سے رجسٹرڈ کمپنیوں کے ساتھ نئی کمپنیوں کو مینو فیکچرنگ لائسنس دینے کی بات بھی کرتے ہوئے کہا ہے کہ فائیو جی موبائل فونز کی تیاری کیساتھ میڈ اِن پاکستان مصنوعات کی افریقا، مشرق وسطیٰ اور دیگر ممالک میں برآمد کیلئے سہولیات بھی دی جائیں۔پی ٹی اے کا مؤقف ہے کہ اس اقدام سے نہ صرف بھاری درآمدی بل کا بوجھ کم ہوگا بلکہ روزگار کے نئے دروازے بھی کھلیں گے۔

  • امریکہ نےچین کےساتھ جنگ کرنےلیےاپنی افواج کوبڑاحکم دے دیا

    امریکہ نےچین کےساتھ جنگ کرنےلیےاپنی افواج کوبڑاحکم دے دیا

    واشنگٹن: چین کیساتھ 2025 میں ممکنہ جنگ کے لیے امریکی فوج کی تیاریاں شروع کرنے کا حکم سامنےآیاہے، کہا جارہاہے کہ اس سلسلے میں امریکی فضائیہ کے ایک اعلیٰ افسر نے امکان ظاہر کیا ہے کہ تائیوان کے مسئلے پر 2025 کے اوائل میں چین کے ساتھ جنگ ہوسکتی ہے جس کے لیے فورسز تیاریاں شروع کردیں۔

    ایک ارب ڈالر پاکستان لاسکتے ہیں، ایکسچینج کمپنیز آف پاکستان

    عالمی خبر رساں ادارے کے مطابق امریکا کے ایئر موبلٹی کمانڈ کے سربراہ جنرل مائیک منیہن نے اپنی فورسز کو جنگ کی تیاریوں اور یونٹوں کی پیشقدمی کی ہدایت جاری رکتے ہوئے خبردار کیا ہےکہ تائیوان کے معاملے 2025 کے شروع پر چین سے جنگ چھڑ سکتی ہے۔

    جنرل مائیک منیہن نے اپنے کمانڈرز پر زور دیا ہے کہ وہ ابھی سے زیادہ سے زیادہ جنگی تیاریاں کرنا شروع کردیں۔ فائرنگ رینج میں جائیں، ایک کلپ فائر کریں اور سر کا نشانہ لینے کی مشق کریں۔امریکا کے ایئر موبلٹی کمانڈ کے سربراہ نے یہ تمام باتیں ایک میمورنڈم کے ذریعے حکومت کو پیش کی جس کی تصدیق پینٹاگون نے بھی کی اور اب سوشل میڈیا پر پہلی بار اس کے مندرجات سامنے آئے ہیں۔

    سرمد کھوسٹ نے اپنے یوٹیوب چینل پرتین پروگرام شروع کر دئیے

    میمورنڈم میں متوقع جنگ کی دلیل کے طور پر جنرل مائیک منیہن نے مؤقف اپنایا کہ آئندہ برس تائیوان کے صدارتی انتخابات ہوں گے جس میں چین کے صدر شی جنپنگ امریکا پر فوجی جارحیت کا الزام عائد کرکے جنگ مسلط کرنے کا بہانہ پیش کریں گے۔ادھر پینٹاگون کے ترجمان نے جنرل مائیک منیہن کے میمورنڈم کی تصدیق کرتے ہوئے کہا کہ حالیہ کچھ مہینوں سے ایسا لگتا ہے کہ چین تائیوان پر قبضہ کرنے کے لیے اپنے ٹائم فریم کو تیز کر رہا ہے۔

    کورونا پابندیوں کے خاتمہ: چین کے اسپتالوں میں مریضوں کا رش لگ گیا

    خیال رہے کہ چین نے گزشتہ برس اگست میں اس وقت بڑی بڑی فوجی مشقیں کیں جب امریکی پارلیمنٹ کی اسپیکر نینسی پیلوسی نے تائیوان کا دورہ کیا تھا۔ چین نے انھیں دورے سے روکنے کے لیے حملے کی دھمکی بھی دی تھی۔

  • فواد چودھری، حریم شاہ اور جنگل کا قانون

    فواد چودھری، حریم شاہ اور جنگل کا قانون

    لاہور:پاکستان کی معاشی ، سیاسی صورت حال سے پریشان سینئرتجزیہ نگارمبشرلقمان نے کہا ہے کہ ایک طرف پاکستان مسائل کا شکار ہے تو دوسری طرف ان مسائل کے پیدا کرنے والے سیاستدان قوم کو گمراہ کررہےہیں ، ان کا کہنا تھاکہ پاکستان کے یہ حالات یکدم نہیں آئے بلکہ جب سے عمران خان نے حکومتی سنبھالی ہے اس وقت سے لیکرابتک خرابی کے ذمہ دار بھی عمران خان ہیں

     

    مبشرلقمان کا کہنا تھا کہ سنا ہے کہ آج کل پھر حریم شاہ بڑی متحرک ہیں، ان کا کہنا تھا کہ مجھے تواللہ تعالیٰ نے حریم شاہ کی شرارتوں سے بچا لیا ہے مگر اب ان کی باری ہے ،ان کا مزید کہنا تھا کہ مجھے جال میں پھنسانےکےلیے حریم شاہ کواستعمال کیا گیا ، اللہ کا شکر ہے کہ میری حریم شاہ کے ساتھ ایسی کوئی تصاویر نہیں ہیں ورنہ یہ مجھے بھی بدنام کرتے

    مبشرلقمان کا کہنا تھا کہ عمران خان نے عثمان بزدار اورکچھ دیگرلوگوں کے ذریعے مجھے پھنسانے کے چکروں میں تھے ،اس کے پیچھے اور بھی لوگ تھے جن میں جنرل فیض حمید تھے ،ان لوگوں نے مجھے پھسانے کی کوشش کی ،ان کا کہنا تھاکہ ایسے ہی محسن بیگ کے ساتھ زیادتی کی گئی اورپھران پرمقدمات درج کروانے کی کوشش کی گئی ہے

     

    مبشرلقمان نے مزید کہا کہ پاکستان میں قبل از وقت انتخابات وقت سے پہلے نہیں ہوں گے ،اگراب الیکشن کروائے جاتے ہیں تو چند ماہ بعد پھر انتخابات ہوں گے اس کے لیے پھر اتنے زیادہ اخراجات تو نہیں ہوسکتے ، اس لیے اب یہ انتظار کریں اور جب تک عام انتخابات نہیں ہوتے عمران خان انتظار کریں ، ان کا یہ بھی کہنا تھا کہ عمران خان اب مزہ چکھیں‌

    مبشرلقمان کا کہنا تھا کہ عمران خان نے گرفتاری سے بچنے کےلیے زمان پارک پر کارکنوں کوروک رکھا ہے اوران کوبڑے ہی خطرناک احکامات دے رکھے ہیں ، اگریہ کہا جائے کہ عمران خان نے ان کو کفن پہنا دیئے ہیں تو یہ جھوٹ نہیں ہوگا ،عمران خان اپنی گرفتاری سے بچنے کےلیے اپنے کارکنوں کو قربان کرنا چاہتےہیں جس کی اجازت نہیں دی جاسکتی ، ان کا یہ بھی کہنا تھاکہ عمران خان کو معلوم ہے کہ ان کے ساتھ کیا ہونے جارہا ہے ، عمران خان نے پیپلزپارٹی پرالزامات لگا کران کے لیے خطرات پیدا کردیے ہیں یہ بندہ اس ملک کے لیے ایک خطرے سے کم نہین

  • پولیس کو بھی انٹرپول کے ڈیٹا تک رسائی دینے کا معاہدہ

    پولیس کو بھی انٹرپول کے ڈیٹا تک رسائی دینے کا معاہدہ

    اسلام آباد: ایف آئی اے کے بعد پولیس کو بھی انٹرپول کے ڈیٹا تک رسائی دینے کا معاہدہ طے پاگیا، پنجاب سمیت دیگر صوبوں کی پولیس اور قانون نافذ کرنے والے اداروں کو بھی مرحلہ وار رسائی دی جائے گی۔وزارت داخلہ کے ذرائع کے مطابق نیشنل سینٹرل بیورو-انٹرپول پاکستان اور ایف آئی اے کے قانون نافذ کرنے والے تین یونٹوں سمیت اسلام آباد پولیس کے مابین معاہدوں پر دستخط ایف آئی اے ہیڈ کوارٹر میں خصوصی تقریب میں کیے گئے جس کی صدارت ڈائریکٹر جنرل ایف آئی اے محسن بٹ نے کی۔

    پولیس اہلکارکےقاتل کی گرفتاری کیلئےانٹرپول اورسوئیڈن سےرابطےکافیصلہ

    تقریب میں آئی جی اسلام آباد ڈاکٹر اکبر ناصر خان، ڈائریکٹر این سی بی پاکستان ملک سکندر حیات، ایف آئی اے حکام اور انٹرپول کے تین رکنی وفد نے شرکت کی۔ ڈائریکٹر نیشنل سینڑل بیورو انٹرپول پاکستان سکندر حیات نے شرکاء کو ڈیٹا بیس پروگرام و کارکردگی پر بریفنگ دیتے ہوئے سے شرکاء کوڈیٹا بیسز کے بارے میں بھی آگاہ کیا اور کہا کہ قانون نافذ کرنے والے اداروں کو معاہدوں پر دستخط ہونے کے نتیجے میں انھیں بھی انھیں جرائم کے مختلف ڈیٹا بیس تک رسائی ممکن ہوسکے گی۔انٹرپول کے وفد نے بھی شرکاء کو ’’iARMS‘‘ ڈیٹا بیس کے بارے میں بریفنگ دی اور بتایا کہ تقریبا ایک ملین سے زیادہ ریکارڈ کے ساتھ، iARMS آتشیں اسلحے، اسمگلنگ کے نمونوں اور اسمگلنگ کے راستوں کی شناخت میں مدد کر سکتا ہے، پولیس کی معاونت سے ایسے جرائم پر قابو پایا جاسکتا ہے۔

    انٹرپول نے خالصتان کے رہنما کے ریڈ وارنٹ جاری کرنے کی بھارتی درخواست مسترد کر دی

    ڈائریکٹر جنرل ایف آئی اے محسن بٹ نے دنیا بھر میں پولیس کی معاونت میں انٹرپول کے اہم کردار کو سراہا۔ ڈی ایف آئی اے کا کہنا تھا کہ پولیس اور قانون نافذ کرنے والے ادارے انٹرپول کے آلات اور صلاحیتوں کو بروئے کار لائیں۔ جدید ترین ٹیکنالوجیز کو بروئے کار لا کر اور بین الاقوامی پولیس روابط کو مضبوط کرکے پاکستان میں پولیس جدید دور چیلنجوں کا مؤثر طریقے سے مقابلہ کرسکتی ہے۔ڈی جی ایف آئی اے کا مزید کہنا تھا کہ معاہدوں سے فائدہ اٹھانے والی ایجنسیوں کو حقیقی طور پر بروقت انٹرپول ڈیٹا بیس تک رسائی حاصل ہو سکے گی اور جرائم، خصوصاً بچوں کے جنسی استحصال اور سائبر کرائم اور مالیاتی جرائم سے لڑنے میں مدد ملے گی۔

  • فواد چوہدری واحد آدمی ہے جو جیل بعد جبکہ ہسپتال پہلے گیا. عطاء تارڑ

    فواد چوہدری واحد آدمی ہے جو جیل بعد جبکہ ہسپتال پہلے گیا. عطاء تارڑ

    فواد چوہدری واحد آدمی ہے جو جیل بعد جبکہ ہسپتال پہلے گیا. عطاء تارڑ

    وفاقی وزیر پٹرولیم مصدق ملک اور وزیر اعظم کے معاون خصوصی عطا تارڑ نے سوئی گیس ہائی ٹرانیمشن لائن کا افتتاح کیا۔ اس موقع پر دُلا بھٹی گول چوک میں جلسے سے خطاب کرتے ہوئے معاون خصوصی وزیراعظم پاکستان عطاءاللہ تارڑ نے کہا کہ ہماری حکومت عوام کے مسائل حل کرنے کے لئے دن رات کوشاں ہے، جبکہ پی ٹی آئی کی حکومت نے ساڑھے تین سال میں مسائل کے پہاڑ کھڑے کر دئیے تھے۔

    انہوں نے کہا کہ فواد چوہدری واحد آدمی ہے جو جیل بعد میں گیا اور ہسپتال پہلے گیا ہے یہ وہ لوگ ہے جن کو جیل کی نام سے خوف آتا ہے جب ان کی جیل جانے کی باری آئی ہے تو یہ چیخیں مارے پھر رہیں ہیں ٹی وی پر بات کرنا بہت آسان ہے، سختی کاٹنے کا نواز شریف کے شیروں کا کوئی مقابلہ نہیں کر سکتا ،عمران خان ایک گھنٹہ جیل نہیں گزار سکتا ہے یہ جس دن جیل گیا ایک گھنٹے میں معافی لکھ کر دے گا، یہ رو رو کر این آر او مانگے گا ،یہ بزدل آدمی ہے اب یہ رو رہے ہیں کہ ہمیں جیلوں میں نہ ڈالیں۔

    فرخ حبیب رو رہا ہے ہماری ساتھی کو جیل میں نا ڈالو ۔ وفاقی وزیر مصدق ملک نے بھی خطاب کیا اور کہا کہ مسلم لیگ ن کے کارکن شیر ہیں ،گیس کے منصوبہ سے گیس کسی چوہدری کے گھر نہیں غریب کے گھر بھی جائے گی۔ میاں نواز شریف صاحب کا یہ ہی پیغام ہے کہ ہمیں ایک دفعہ نہیں سو دفعہ بھی جیل جانا پڑے میری بیٹی کو بھی جانا پڑے تو ہم آپ کے خواب پورے کرنے کی خاطر جائیں گے آپ کے خواب پورے ہو رہے تھے،
    مزید یہ بھی پڑھیں
    بجلی بریک ڈاؤن پر نئی رپورٹ نے حکومتی بیانات کا بھانڈا پھوڑ دیا
    ہماری طرف آئیں ہم اچھے میزبان ہیں آپ کو دکھائیں گےکہ ہم کیسے نظر آتے ہیں،عدنان صدیقی کا بھارتی فلم ’مشن مجنوں‘ پر ردعمل
    عدالت نے مونس الہٰی کی اہلیہ کے وکیل کو جواب جمع کروانے کیلئے وقت دے دی
    قابل اعتراض مواد جو ہٹا سکتے تھے ہٹا دیا،بیرون ملک مواد کیلئے متعلقہ حکام سے رجوع کیا ہے،پی ٹی اے
    نگراں کابینہ غیرسیاسی اور غیر جانبدارہوگی، شوکت یوسفزئی
    پابندیوں کے باوجود پاکستان روس سے تیل خرید سکتا ہے. امریکہ
    نگراں کابینہ غیرسیاسی اور غیر جانبدارہوگی، شوکت یوسفزئی
    موٹروے بنی، ہسپتال میں فری میڈیسن مل رہی تھی ،عمران خان نے کہا میں ریاست مدینہ بناؤں گا، کیا ریاست مدینہ میں لوگوں کو ہیلمٹ پہنا کر جیل میں ڈالا جاتا تھا ،میاں نواز شریف نے کو اپنے بیٹے سے تنخواہ نہ لینے کی وجہ سے قید کر دیا ،آپ کو شرم آنی چاہیں، ریاست مدینہ کا نام لیتے ہوئے. وقت ایک جیسا نہیں رہتا وقت ایک دفعہ پھر بدل رہا ہے ،میاں نواز شریف ایک دفعہ پھر آپ کا وقت بدلنے کے لئے اپنی بیٹی کو پاکستان بھیج رہا ہے، صرف اس لئے جو خواب آپ کی آنکھوں میں ہیں ان کو پورے کرنے کے لئے۔ تقریب سے سابق وفاقی وزیر محترمہ سائرہ افضل تارڈ نے بھی خطاب کیا۔

  • ٹرانسمیشن لائن اس سال مارچ جبکہ بسیمہ پنجگور لائن جون تک مکمل ہوگا

    ٹرانسمیشن لائن اس سال مارچ جبکہ بسیمہ پنجگور لائن جون تک مکمل ہوگا

    ٹرانسمیشن لائن اس سال مارچ جبکہ بسیمہ پنجگور لائن جون تک مکمل ہوگا

    ڈی جی پی آر بلوچستان کے مطابق ایگزیکٹو انجینئر ہائی ٹرانسمیشن لائن کیسکو ظفر علی چلگری نے ہفتہ کے روز ڈائریکٹر جنرل جی ڈی اے مجیب الرحمٰن قمبرانی سے ملاقات کی اور پاک ایران ٹرانسمیشن لائن اور نیشنل گرڈ بسیمہ تا پنجگور لائن پر جاری کام سے متعلق تفصیلات سے آگاہ کیا۔ اور بتایا کہ ایران ٹرانسمیشن لائن اس سال مارچ جبکہ بسیمہ پنجگور لائن جون تک مکمل ہوگا.

    ڈی جی پی آر بلوچستان کا مزید کہنا تھا کہ ایرانی حدود میں پھلان گریڈ اسٹیشن جبکہ پاکستانی حدود میں جیونی کے مقام پر 30 کلومیٹر لائن پر کام تیزی کے ساتھ جاری ہے جو کہ مارچ تک مکمل ہوگا اور موجودہ سسٹم میں 100میگاواٹ اضافی بجلی شامل ہوجائیگی۔ اس موقع پر ڈائریکٹر جنرل جی ڈی اے نے کہا کہ اضافی سو میگاواٹ بجلی کی دستیابی کے بعد نہ صرف گوادر میں 24 گھنٹہ بجلی ہوگی بلکہ انڈسٹریل کا پہیہ بھی چل پڑے گا۔
    مزید یہ بھی پڑھیں
    بجلی بریک ڈاؤن پر نئی رپورٹ نے حکومتی بیانات کا بھانڈا پھوڑ دیا
    ہماری طرف آئیں ہم اچھے میزبان ہیں آپ کو دکھائیں گےکہ ہم کیسے نظر آتے ہیں،عدنان صدیقی کا بھارتی فلم ’مشن مجنوں‘ پر ردعمل
    عدالت نے مونس الہٰی کی اہلیہ کے وکیل کو جواب جمع کروانے کیلئے وقت دے دی
    قابل اعتراض مواد جو ہٹا سکتے تھے ہٹا دیا،بیرون ملک مواد کیلئے متعلقہ حکام سے رجوع کیا ہے،پی ٹی اے
    نگراں کابینہ غیرسیاسی اور غیر جانبدارہوگی، شوکت یوسفزئی
    پابندیوں کے باوجود پاکستان روس سے تیل خرید سکتا ہے. امریکہ
    نگراں کابینہ غیرسیاسی اور غیر جانبدارہوگی، شوکت یوسفزئی
    ان کے مطابق ساتھ ہی مکران ڈویژن کی کھپت بھی پوری ہوجائیگی۔ گوادر میں پانی، تعلیم، صحت کے جدید اور معیاری سہولت دستیاب ہونے کے بعد بجلی کے مختلف منصوبے بھی تکمیل کے آخری مراحل میں ہیں جس کے بعد یہاں تمام بنیادی ضروریات موجود ہونگے۔ اس موقع پر اس ڈی او حنیف میرانی، اور سول انجینئر سیف اللہ بزدار بھی موجود تھے۔