Baaghi TV

Tag: islamabad

  • پروٹوکول واپس:پرویزالہی، عثمان بزدارسمیت متعدد شخصیات سےاضافی سیکیورٹی واپس

    پروٹوکول واپس:پرویزالہی، عثمان بزدارسمیت متعدد شخصیات سےاضافی سیکیورٹی واپس

    سابق وزرائے اعلیٰ پنجاب پرویزالہی اور عثمان بزدار سمیت متعدد شخصیات سے اضافی سکیورٹی واپس لے لی گئی۔سابق دور حکومت کی اعلی شخصیات سے اضافی سیکیورٹی واپس لے لی گئی ہے، سابقہ حکومت میں لاہور میں ایک ہزار سے زائد پولیس افسران و اہلکار سیاسی نمائندوں کو پروٹوکول دیتے رہے ہیں۔

    حکومت کی منتیں کر لیں، بات ہی نہیں سن رہے، صدر مملکت

    سابق دور حکومت میں صوبے کے وزیر اعلیٰ پرویزالہیٰ، ان کے بیٹے مؤنس الہیٰ، سابق وزیراعلیٰ عثمان بزدار اور پی ٹی آئی سوشل میڈیا ہیڈ ڈاکٹرارسلان خالد بھی شاہانہ پروٹوکول لیتے رہے۔

    پولیس حکم کے مطابق سابق وزرائے اعلی پنجاب عثمان بزدار اور پرویز الہی سے اضافی سیکورٹی واپس لے کر دونوں کو گرین بک کے مطابق سیکورٹی دی جا رہی ہے، اور 554 اہلکار متعلقہ تھانوں اور یونٹس میں واپس بھجوا دیئے گئے ہیں۔

    انتہائی مطلوب ملزم لیاری گینگ وارعزیر بلوچ کا قریبی ساتھی گرفتار

    حکام کے مطابق پرویزالہیٰ کے بیٹے مونس الہی سے بھی پولیس کی گاڑی اور نفری واپس بلا لی گئی ہے، سابق وزراء اسلم اقبال، راجہ بشارت، یاسمین راشد اور مراد راس سے کی بھی اضافی سیکیورٹی واپس لے لی گئی ہے۔

    متحدہ عرب امارات نے 2 ارب ڈالر ڈیپازٹس رول اوور کر دیئے

    حکام نے بتایا کہ سابق وزیر اعلی کے مشیرخرم منور، مصدق عباسی، عمر سرفراز چیمہ، ہارون گل، پیر سیف، عباس علی شاہ اور طاہر اشرفی سے بھی سیکیورٹی واپس لے لی گئی ہے، جب کہ سیکرٹری محمد خان بھٹی اور اسمبلی سیکرٹری عنایت اللہ لک سے بھی سیکورٹی واپس لے لی گئی ہے۔

    حکام کے مطابق مجموعی طور پر لاہور اور پنجاب پولیس کی 24 گاڑیاں اور 554 اہلکار واپس لیے گئے ہیں، جب کہ چیئرمین پی ٹی آئی عمران خان کی رہائشگاہ پر تاحال 602 اہلکار اور افسران سیکیورٹی پرتعینات ہیں۔

  • حکومت کی منتیں کر لیں، بات ہی نہیں سن رہے، صدر مملکت

    حکومت کی منتیں کر لیں، بات ہی نہیں سن رہے، صدر مملکت

    حکومت کی منتیں کر لیں، بات ہی نہیں سن رہے، صدر مملکت

    صدر مملکت عارف علوی نے سینئر صحافیوں نے گورنر ہاوس میں ملاقات کی ہے

    اس موقع پر صدر مملکت عارف علوی کا کہنا تھا کہ الیکشن کے حوالے سے حکومت اور اپوزیشن کو مل بیٹھنا چاییے ،حکومت کو کئی مرتبہ اپوزیشن سے مذاکرات کی دعوت دی ،حکومت نے مذاکرات کی دعوت کا کوئی جواب نہیں دیا،مذاکرات کے حوالے سے حکومت کی جانب سے مکمل خاموشی ہے،عمران خان کو خدشہ ہے کہ حکومت الیکشن کرانے میں سنجیدہ نہیں، فواد چودھری کیساتھ جو سلوک کیا گیا اس پر شرمندگی ہوئی، مائنس عمران خان فارمولا کامیاب نہیں ہو سکتا، عمران کی گرفتاری یا مائنس ون فارمولے پر سخت عوامی ردعمل سامنے آئے گا

    کارکن تپتی دھوپ میں سڑکوں پرخوار،موصوف ہیلی کاپٹر پرسوار،مریم کا عمران خان پر طنز

    خیبرپختونخوا حکومت کا ہیلی کاپٹر جلسوں میں استعمال کیا جا رہا ہے،وفاقی وزیر اطلاعات

    وہ کون ہے جس نے احسان فراموش عمران خان کیلیے ملک کی بقا کی خاطر سب کچھ کیا؟

    واضح رہے کہ عمران خان کے خلاف عدم اعتماد کامیاب ہوئی تو اسوقت سے تحریک انصاف الیکشن کا مطالبہ کر رہی ہے، تحریک انصاف نے پنجاب اور خیبر پختونخواہ کی اسمبلیاں توڑ دی ہیں،ان دو صوبوں میں بھی الیکشن ابھی تک ہوتے نظر نہیں آ رہے، عمران خان نے لانگ مارچ کیا مگر الیکشن کی تاریخ نہ لے سکے ہر روز الیکشن کا مطالبہ ہوتا ہے تا ہم حکومت کہتی ہے کہ الیکشن وقت پر ہوں گے، مریم اورنگزیب اکتوبر میں الیکشن کہہ چکی ہیں جبکہ مولانا فضل الرحمان یہ بھی کہہ چکے ہیں کہ موجودہ صورتحال میں الیکشن مزید تاخیر کا شکار بھی ہو سکتے ہیں،.

  • ’’حق دو گوادر کو‘‘ کے مولانا ہدایت الرحمان کا ریمانڈ منظور

    ’’حق دو گوادر کو‘‘ کے مولانا ہدایت الرحمان کا ریمانڈ منظور

    کوئٹہ:کوئٹہ کی عدالت نےایک اوربڑی شخصیت کا ریمانڈ منظورکرلیا،اطلاعات کے مطابق بلوچستان کے علاقہ گوادر کی اہم شخصیت اور حق دو تحریک کے سربراہ مولانا ہدایت الرحمان کا 5 روزہ راہداری ریمانڈ منظور کرلیا گیا ہے، جس کے بعد انہیں گوادر کی عدالت میں پیش کیا جائے گا۔کوئٹہ کی انسداد دہشت گری عدالت میں آج بروز جمعرات 26 جنوری کو حق دو تحریک کے سربراہ مولانا ہدایت الرحمان کو پیش کیا گیا۔ اس موقع پرنامزد دیگر3 ملزمان کو بھی پیش کیا گیا۔

    ڈالر کی مصنوعی قلت میں ملوث 8 منی ایکسچینج کے 11 آؤٹ لیٹس کے لائسنس معطل

    آج عدالتی کارروائی کے دوران کرائم برانچ کی جانب سے مولانا ہدایت الرحمان و دیگر ملزمان کے مزید جسمانی ریمانڈ کی استدعا کی گئی، جس کو عدالت نے مسترد کردیا۔عدالت کی جانب سے مولانا ہدایت الرحمان کا 5 روزہ راہداری ریمانڈ منظور کرتے ہوئے انہیں دوبارہ گوادر کی عدالت میں پیش کرنے کا حکم دیا۔

    واضح رہے کہ مولانا ہدایت الرحمان کو دو مختلف مقدمات میں کرائم برانچ کوئٹہ کے حوالے کیا گیا تھا۔ گزشتہ ماہ بلوچستان کے بندرگاہی شہر گوادر میں ’حق دو تحریک‘ کے 2 مہینے تک جاری رہنے والے دھرنے اور احتجاج کی قیادت کرنے والے رہنما اور جماعت اسلامی بلوچستان کے جنرل سیکریٹری مولانا ہدایت الرحمان کو 13 جنوری کو گرفتار کیا گیا تھا۔

    ملک بھرمیں بجلی کابریک ڈاؤن،ٹیکسٹائل سیکٹرکو70 ملین ڈالرزکانقصان ،اپٹما

    گوادر پولیس نے حق دو تحریک کے رہنما مولانا ہدایت الرحمان کے خلاف قتل، اقدام قتل، لوگوں کو تشدد پر اکسانے اور دیگر الزامات کے تحت مقدمہ درج کیا تھا۔یہاں یہ بات بھی قابل ذکر ہے کہ گوادر میں گزشتہ کئی ماہ سے پُرامن احتجاج جاری تھا جس میں غیر قانونی مچھلی کے شکار کو ختم کرنے سمیت پانی، بجلی اور نوکریاں فراہم کرنے کے مطالبات کیے گئے تھے۔

    متحدہ عرب امارات نے 2 ارب ڈالر ڈیپازٹس رول اوور کر دیئے

    گزشتہ ماہ صوبائی حکومت نے ’حق دو تحریک‘ کی قیادت میں ہونے والے احتجاج میں مظاہرین سے مذاکرات کرنے کی کوشش کی تھی لیکن مظاہرے کے دوران نامعلوم حملہ آوروں کی جانب سے پولیس اہلکار کی ہلاکت کے بعد دسمبر کے آخر میں صورتحال انتہائی سنگین ہوگئی تھی۔پولیس اہلکار کی ہلاکت سے ایک روز قبل پولیس کے مظاہرین سے مذاکرات ناکام ہونے کے بعد ’حق دو تحریک‘ کے مظاہرین نے پولیس کو گھیرے میں لے لیا تھا۔

    جب صورتحال سنگین ہوگئی تو حکومت نے شہر میں دفعہ 144 نافذ کردی جس کے تحت شہر میں پانچ سے زائد افراد کے جمع ہونے پر پابندی عائد کی گئی تھی، اسی دوران پولیس نے مظاہرین کو منتشر کرنے کے لیے طاقت کا استعمال کیا اور 100 سے زیادہ مظاہرین کو گرفتار کیا تھا۔

  • صرف 24 گھنٹوں میں پاکستان کے قرضوں میں 2500 ارب روپے کا اضافہ

    صرف 24 گھنٹوں میں پاکستان کے قرضوں میں 2500 ارب روپے کا اضافہ

    اسلام آباد:جمعرات کے روز ڈالر کی قدر میں تاریخی اضافے کے بعد ملک پر بیرونی قرضوں میں کم از کم ڈھائی ہزار ارب روپے کا اضافہ ہوگیا ہے۔اوپن مارکیٹ کے بعد انٹر بینک میں بھی جمعرات کو ڈالر کی قدر پر لگایا گیا غیر اعلا نیہ ”کیپ“ختم کردیا گیا جس کے نتیجے میں ڈالر کی قدر میں غیر معمولی اضافہ دیکھنے میں آیا اور دوران ٹریڈنگ ڈالر 255 روپے تک جاپہنچا جو اس سے ایک روز قبل 230.89 روپے کا تھا یعنی ایک روز میں ڈالر کی قدر میں 24روپے سے زائد کا اضافہ ریکارڈ کیا گیا۔

    جسٹن بیبر نے اپنے میوزک کاپی رائٹس کو 200 ملین ڈالرز میں فروخت کر دیا۔

    ادھراوپن مارکیٹ کے بعد انٹر بینک میں بھی جمعرات کو ڈالر کی قدر پر لگایا گیا غیر اعلا نیہ ”کیپ“ختم کردیا گیا جس کے نتیجے میں ڈالر کی قدر میں غیر معمولی اضافہ دیکھنے میں آیا اور دوران ٹریڈنگ ڈالر 255 روپے تک جاپہنچا جو اس سے ایک روز قبل 230.89 روپے کا تھا یعنی ایک روز میں ڈالر کی قدر میں 24روپے سے زائد کا اضافہ ریکارڈ کیاگیا۔

    کراچی ایئرپورٹ پر مسافر سے ایک لاکھ سے زائد ڈالر اور سونا برآمد

    ڈالر کی قدر بڑھنے کا بڑا اثر پاکستان پر بیرونی قرضوں کی مالیت پر بھی پڑتا ہے جس کی مالیت تقریباً130ارب ڈالر ہے۔معاشی تجزیہ کاروں کا خیال ہے کہ ڈالر کی قیمت کم از کم 250روپے ہوگی جس کا مطلب ہے کہ 230.89 روپے کے مقابلے میں 250روپے کے حساب سے ایک دن میں بیرونی قرضوں میں 2ہزار500ارب روپے کا اضافہ ہوگیا ہے. اور اگر ڈالر کی قیمت 255 روپے ہوتی ہے تو بیرونی قرضوں کی مالیت میں ہونے والا اضافہ3ہزار ارب روپے تک پہنچ جائے گا۔

    کراچی ایئرپورٹ پر مسافر سے ایک لاکھ سے زائد ڈالر اور سونا برآمد

    پاکستان اپنی 80 فیصد تک مصنوعات کا خام مال باہر سے منگواتا ہے جس کی قیمت میں ڈالر مہنگا ہونے کی وجہ سے اضافہ ہوجائے گا اور اس کے نتیجے میں اس خام مال سے تیار ہونے والی اشیاء کی لاگت بھی بڑھ جائے گی۔جب کہ جو تیار مصنوعات باہر سے آتی ہیں اس کی قیمت بھی ڈالر کی قیمت بڑھنے کی صورت میں اسی تناسب سے بڑھ جائے گا

    معاشی ماہرین کا اس پر اتفاق ہے کہ ڈالر کو مارکیٹ میں طلب ورسد کی بنیاد پر کھلا چھوڑنا چایئے آئی ایم ایف کی بھی بنیادی شرطوں میں یہ شرط شامل ہے کہ ڈالرکی قدر مارکیٹ میکنزم کے مطابق ہونا چاہیے لیکن حکومت نے انٹر بینک اور اوپن مارکیٹ میں ڈالر کی قیمت منجمد کی جس کے نتیجے میں بلیک مارکیٹ وجود میں آگئی اور سارے سودے بلیک میں ہونے لگے۔ماہرین کا کہنا ہے کہ ڈالر کو مارکیٹ بیسڈ کرنے میں نقصان نہیں ایک آدھ دن غیر معمولی صورتحال ہوگی پھر اصل قیمت پر ڈالر ٹریڈ ہونے لگے گا۔

  • عمران خان کی گرفتاری، بڑی جنگ کی تیاری،ابھی تو پارٹی شروع ہوئی

    عمران خان کی گرفتاری، بڑی جنگ کی تیاری،ابھی تو پارٹی شروع ہوئی

    لاہور:فواد چوہدری کو پتہ چل گیا کہ کس طرح اداروں کے خلاف زبان درازی کس طرح کی جاتی ہے ، ابھی تواور بھی حساب چکائے جانے ابھی باقی ہیں ، یہ کہنا تھاسینئرصحافی مبشرلقمان کا جو کہ ملک کی سیاست پردکھ بھرا تبصرہ اور تجزیہ کررہے تھے،ایک سوال کا جواب دیتے ہوئے ان کا کہنا تھا کہ فواد چوہدری کی اکڑتوڑ دی گئی ہے

     

    مبشرلقمان کا کہنا تھا کہ ابھی توفواد چوہدری گرفتار ہوا ہے میں کہتا ہوں کہ عمران خان کو بھی گرفتار کیا جائے اس سے بھی اداروں کےخلاف نفرت اوراکسانے کا حساب لیا جائے ، عمران خان یہ بتائے کہ اس کو باہرسے کون پیسے بھیج رہا ہے ، بھارت بھیج رہا ہے یا کہ کوئی اور ملک ، ان کا کہنا تھا کہ فواد چوہدری کو یاد تو ہوگا جب تحریک لبیک والے احتجاج کررہے تھے تو یہ ان کے خلاف زہراگل رہا تھا

    مبشرلقمان کا یہ بھی کہنا تھا کہ عمران خان بتائے کہ اس کو کون کون ملک میں انتشار پھیلانے کے لیے فنڈنگ کررہا ہے ، ان کا یہ بھی کہنا تھا کہ وہ ان دنوں لندن میں ہیں اور ایک اہم شخصیت سےملاقات ہونے جارہی ہےجس میں ساری حقیقت کھل کرسامنے آجائے گی ، ان کا کہنا تھاکہ انکو جیل میں نہیں بلکہ مچھ جیل میں ہونا چاہیے تھا

     

    ایک اور سوال کے جواب میں ان کا کہنا تھا کہ کہا جاتا ہے کہ پی ٹی آئی کا سوشل میڈیا ونگ سب کچھ کررہا ہے اس کا جواب دیتے ہوئے ان کا کہنا تھا کہ اگر1947 میں یہ سوشل میڈیا ونگ ہوتا تو یہ انگریز سے کہتے کہ ہم نے پاکستان آزاد کروایا ہے ، ان کا یہ بھی کہنا تھاکہ عمران خان کو واقعی گرفتار ہونا چاہیے ، ان کا یہ بھی کہنا تھا کہ اس شخص نے تو سب کو کنگال کردیا تھا ، ایک وقت تھا کہ میرے پاس نہیں تھے

    ایک اور سوال کے جواب میں ان کا کہنا تھاکہ میں تو پہلے کہتا ہوں کہ عارف علوی دانتوں کے کیڑے تونکال سکتے ہیں اورکچھ نہیں کرسکتے ہاں انہوں نے مال بہت بنا لیا ہے، ان کو چاہیے تھا کہ وہ وفاق کے نمائندے بنیں پی ٹی آئی کے ورکرنہیں ، مبشرلقمان کا کہنا تھاکہ علی امین گنڈا پوردھمکیاں ہی دے سکتا ہے اس کےعلاوہ کچھ نہیں کرسکتا ،وہ ہوا میں فائر کرسکتا ہے بس ،ایسے لوگوں کے بیانات پرپابندی ہونی چاہیے ، انہوں نے کہا کہ کچھ چینلز ان کو پروموٹ کررہے ہیں

    مبشرلقمان کا کہ بھی کہنا تھا کہ شیخ رشید کچھ نہیں کرسکتے سوائے اس قسم کے بیانات دینے کے اس کے پاس بس یہی کچھ ہے ، الیکشن کےانعقاد کے حوالے سے ان کا کہنا تھا کہ حکومت کے پاس پیسے نہیں الیکشن کمشن نے61 ارب روپے مانگ لیے ہیں ، ابھی چین کو بھی پیسے دینے ہیں پاکستان اس بات کا متحمل نہیں کہ وہ الیکشن جلد کروا سکے ، ان کا کہنا تھا کہ ہوسکتا ہےکہ الیکشن مقررہ وقت سے بھی موخر ہوجائیں ، پہلے ملکی معیشت کو تو سنبھال لیں پھر الیکشن الیکشن بھی کھیل لیا جائے گا

  • علی زیدی ڈی سی کیماڑی کی دیوار کودتے ہوئے. ویڈیو وائرل

    علی زیدی ڈی سی کیماڑی کی دیوار کودتے ہوئے. ویڈیو وائرل


    علی زیدی ڈی سی کیماڑی کی دیوار کودتے ہوئے. ویڈیو وائرل
    سوشل میڈیا پر گذشتہ دنوں سے پاکستان تحریک انصاف کراچی کے رہنما اور سابق وفاقی وزیر علی زیدی کی ایک ویڈیو وائرل ہے جس میں انہیں دیوار پھلانگ کر بھاگتے ہوئے دیکھا جا سکتا ہے۔ جبکہ کراچی پولیس کے مطابق یہ واقعہ شہر میں بلدیاتی انتخابات کے بعد 18 جنوری کا ہے جب پی ٹی آئی کے کارکنان اور رہنما علی زیدی نے ضلع کیماڑی میں ڈپٹی کمشنر کے دفتر پر ’حملہ‘ کیا تھا۔


    صارف اویس سلیم نے یہ ویڈیو شیئر کرتے ہوئے ایک ٹویٹ میں لکھا کہ "ڈی سی کیماڑی کے دفتر پر حملے کے بعد جب ڈسٹرکٹ کیماڑی کی پولیس پہنچی تو علی زیدی کی دیوار پھلانگ کر فرار ہونے کی خوبصورت ویڈیو۔”

    جبکہ صارف رب نواز بلوچ نے لکھا کہ "یہ فلم بھاگ ملکھا بھاگ کا سین نہیں ہے۔ بلکہ سابق وزیر علی زیدی ڈپٹی کمشنر کیماڑی کے آفس پر حملے کے بعد پچھلے دروازے سے دیوار پھلانگ کر بھاگ رہے ہیں۔”


    یاد رہے کراچی، حیدرآباد اور سندھ کے دیگر شہروں میں بلدیاتی اتخابات رواں مہینے کی 15 تاریخ کو ہوئے تھے جہاں کچھ مقامات پر سیاسی جماعتوں کے کارکنان میں تصادم بھی دیکھنے میں آیا تھا۔ اور تحریک انصاف کے اسد عمر نے دعوٰی کیا تھا کہ ”علی زیدی اور تحریک انصاف کے کارکنوں پر کیماڑی میں حملے کے شدید مذمت کرتے ہیں. یہ امپورٹد حکومت عوامی مینڈیٹ چرانے کے لئے قانون کی دھجیاں اڑا رہے ہیں”


    جبکہ اس ویڈیو پر تبصرہ کرتے ہوئے ایک خاتون نے لکھا کہ؛ پی ٹی آئی کے غنڈوں نے جب ڈی سی کیماڑی کے دفتر پر حملہ کیا اور پولیس پہنچی تو بڑے خان کی طرح غنڈا علی زیدی بھی دیوار پھلانگ کر فرار ہوگیا بھگوڑے ہین یہ سب”

  • پشاور؛ منشیات فروشی و دیگر جرائم میں ملوث 4 ملزمان گرفتار

    پشاور؛ منشیات فروشی و دیگر جرائم میں ملوث 4 ملزمان گرفتار

    پشاور؛ منشیات فروشی و دیگر جرائم میں ملوث 4 ملزمان گرفتار
    پشاور پولیس ترجمان محمد عالم کی طرف سے جاری کردہ اعلامیہ کے مطابق منشیات فروشی اور دیگر جرائم میں ملوث 4 ملزمان گرفتار کرلئے گئے ہیں. ترجمان پشاور پولیس کے مطابق ایس ایچ او تھانہ مچنی گیٹ ابراہیم خان نے گزشتہ روز مختلف کاروائیوں کے دوران منشیات فروشی اور دیگر جرائم میں ملوث چار ملزمان کو گرفتار کرلیا ہے. جبکہ گرفتار ملزمان کاتعلق پشاور کے مختلف علاقوں سے ہے جبکہ ملزمان میں منشیات فروش اور دیگر جرائم پیشہ بھی شامل ہیں.


    ترجمان محمد عالم کا مزید کہنا تھا کہ خفیہ اطلاعات پر گرفتار ملزمان نے ابتدائی تفتیش کے دوران منشیات کے مکروہ دھندے سمیت مختلف جرائم میں ملوث ہونے کا انکشاف کیا ہے جبکہ گرفتار ملزمان کے قبضہ سے مجموعی طور تین کلوگرام سے زائد چرس، ایک عدد کلاشنکوف اور متعددکارتوس بھی برآمد کرلئے گئے ہیں. ان چارملزمان کی شناخت ناظم علی، آصف خان، واحداللہ اور سیدرحمان سے ہوئی ہے.

    علاوہ ازیں ایک دوسری کاروائی کے دوران کوہاٹ روڈ میں واقع گودام سے غیر قانونی اسلحہ برآمد ہوا ہے ترجمان پشاور پولیس محمد عالم کے مطابق خفیہ اطلا ع پر اہم کارروائی کے دوران ایک عدد کلاشنکوف، ایک عدد ریپیٹر ،19عدد پستول اور متعدد مختلف بور کے میگزین بھی برآمد ہوئی ہیں.
    مزید یہ بھی پڑھیں؛
    قابل اعتراض مواد جو ہٹا سکتے تھے ہٹا دیا،بیرون ملک مواد کیلئے متعلقہ حکام سے رجوع کیا ہے،پی ٹی اے
    نگراں کابینہ غیرسیاسی اور غیر جانبدارہوگی، شوکت یوسفزئی
    پابندیوں کے باوجود پاکستان روس سے تیل خرید سکتا ہے. امریکہ
    نگراں کابینہ غیرسیاسی اور غیر جانبدارہوگی، شوکت یوسفزئی
    ان کا مزہد کہنا تھا کہ اس اہم کارروائی کے دوران غیر قانونی اسلحہ رکھنے میں ملوث صوابی سے تعلق رکھنے والا ملزم صابر رحمان گرفتار ہوا جبکہ ملزم غیر قانونی اسلحہ کسی بھی وقت دیگر اضلاع کو سمگل کرنے کی کوشش کر رہا تھا لہذا ملزم کے خلاف مقدمہ درج کر کے اس سے مختلف زاویوں پر تفتیش کا آغاز کر دیا گیا ہے

  • عدالت نے سلمان شہباز کو بے گناہ قرار دے دیا

    عدالت نے سلمان شہباز کو بے گناہ قرار دے دیا

    عدالت نے سلمان شہباز اور طاہر نقوی کو بے گناہ قرار دے دیا

    وفاقی تحقیقاتی ادارے (ایف آئی اے) نے منی لانڈرنگ کیس میں وزیر اعظم کے بیٹے سلیمان شہباز کو بے گناہ قرار دے دیا۔ ایف آئی اے نے منی لانڈرنگ مقدمے کا ضمنی چالان لاہور کی اسپشل سینٹرل کورٹ میں منی لانڈرنگ کیس کا ضمنی چالان جمع کرادیا ہے۔ ضمنی چالان میں ایف آئی اے نے سلیمان شہباز اور طاہر نقوی کو ملزمان کی فہرست سے نکال دیا۔

    ایف آئی اے رپورٹ میں کہا گیا ہے کہ تفتیش کے مطابق ایف آئی نے رقوم جمع کرانے والے افراد کے بیانات ریکارڈ کیے،کسی نے بھی الزام عائد نہیں کیا کہ رقوم کے عوض کوئی کک بیکس یا کمیشن دیا گیا ہو۔ رپورٹ میں کہا گیا ہے سلیمان شہباز کبھی عوامی نمائندہ یا پبلک آفس ہولڈر نہیں رہے، تفتیش کے دوران یہ ثابت نہیں ہوا کہ سیلمان شہباز کسی عوامی نمائندے کے بے نامی دار رہے ہیں۔

    ایف آئی اے کی جانب سے مزید کہا گیا ہے کہ سیلمان شہباز پر پیکا ایکٹ کے سیکشن 5 کی شق 2 کے الزامات ثابت نہیں ہوئے، ان پر منی لانڈرنگ اور اکاؤنٹس میں غیر قانونی ٹرانزیکشن کے الزامات کے کوئی شواہد نہیں ملے۔ اس لئے سلیمان شہباز اور طاہر نقوی کو چالان نہیں کیا جا رہا۔

    مزید یہ بھی پڑھیں؛
    قابل اعتراض مواد جو ہٹا سکتے تھے ہٹا دیا،بیرون ملک مواد کیلئے متعلقہ حکام سے رجوع کیا ہے،پی ٹی اے
    نگراں کابینہ غیرسیاسی اور غیر جانبدارہوگی، شوکت یوسفزئی
    پابندیوں کے باوجود پاکستان روس سے تیل خرید سکتا ہے. امریکہ
    نگراں کابینہ غیرسیاسی اور غیر جانبدارہوگی، شوکت یوسفزئی
    یاد رہے کہ ایف آئی اے نے 2020 میں شہباز شریف اور ان کے بیٹوں حمزہ شہباز اور سلیمان شہباز کے خلاف انسداد بدعنوانی ایکٹ اور اینٹی منی لانڈرنگ ایکٹ کے تحت مقدمہ درج کیا تھا۔ مقدمے میں سلیمان شہباز کو مفرور بھی قرار دیا گیا تھا۔ ایف آئی اے نے اس حوالے سے ایک رپورٹ بھی جمع کرائی تھی جس میں کہا گیا تھا کہ 2008 سے 2018 کے دوران شہباز خاندان کے 28 بے نامی اکاؤنٹس کے ذریعے 16.3 ارب روپے کی منی لانڈرنگ کی گئی۔

  • خیبرپختونخوا کی 15 رکنی نگران کابینہ قائم، نوٹیفکیشن جاری

    خیبرپختونخوا کی 15 رکنی نگران کابینہ قائم، نوٹیفکیشن جاری

    خیبرپختونخوا کی15 رکنی نگران کابینہ قائم ،نوٹیفکیشن جاری

    خیبر پختونخوا میں 15 رکنی نگران کابینہ کی تشکیل پر اتفاق ہو گیا۔ کابینہ کی جانب سے آج گورنر ہاوس میں حلف لیا جائے گا۔ نگران وزیراعلیٰ اعظم خان اور گورنر غلام علی کے درمیان طویل ملاقات کے بعد کابینہ پر اتفاق کیا گیا۔ ذرائع کے مطابق خیبرپختونخوا نگران کابینہ کیلئے12 وزرا اور 3 ایڈوائزر کی تقرری کی جائے گی۔ نگران کابینہ میں سابق بیوروکریٹ، ٹیکنوکریٹس اور ریٹائرڈ جج کے نام بھی شامل کیے گئے ہیں۔


    ذرائع کے مطابق نگران کابینہ میں حاجی غفران ،خوشدل خان، حامد شاہ، ایڈووکیٹ ساول نذیر، فضل الہٰی شامل ہیں۔عدنان جلیل، تاج محمد آفریدی ،محمد علی شاہ، ارشاد قیصر، ڈاکٹر ریاض انور کے نام بھی شامل کیے گئے ہیں۔ ممکنہ نگراں کابینہ میں بطور ایڈوائزر رحمت سلام خٹک ، شاکر اللہ اور حمایت اللہ ،شاہد خٹک شامل ہیں۔ کابینہ میں پیپلز پارٹی کے رہنما نجم الدین کا بیٹا شاکر اللہ بھی شامل ہے۔
    مزید یہ بھی پڑھیں؛
    قابل اعتراض مواد جو ہٹا سکتے تھے ہٹا دیا،بیرون ملک مواد کیلئے متعلقہ حکام سے رجوع کیا ہے،پی ٹی اے
    نگراں کابینہ غیرسیاسی اور غیر جانبدارہوگی، شوکت یوسفزئی
    پابندیوں کے باوجود پاکستان روس سے تیل خرید سکتا ہے. امریکہ
    نگراں کابینہ غیرسیاسی اور غیر جانبدارہوگی، شوکت یوسفزئی
    خیبرپختونخوا نگران کابینہ تشکیل پرگورنر اورنگران وزیر اعلیٰ کے درمیان مشاورت ہوئی لیکن سابق وزیر اعلیٰ خیبرپختونخوا محمود خان سے کابینہ کیلئے مشاورت نہیں کی گئی۔ خیال رہے کہ گزشتہ دنوں گورنر خیبر پختونخوا حاجی غلام علی کے احکامات کے بعد اعظم خان نے نگراں وزیراعلیٰ کے طور پر حلف اٹھایا تھا جبکہ خیبرپختونخوا کے گورنر ہاؤس میں منعقدہ تقریب میں گورنر حاجی غلام علی نے اعظم خان سے نگراں وزیراعلیٰ کا حلف لیا تھا.

  • انٹربینک میں ڈالر ایک بار پھر مزید مہنگا ہوگیا

    انٹربینک میں ڈالر ایک بار پھر مزید مہنگا ہوگیا

    انٹربینک میں ڈالر ایک بار پھر مزید مہنگا ہوگیا

    کاروبارشروع ہوتے ہی ڈالر کی قیمت میں بڑا اضافہ دیکھنے میں آیا ہے۔ انٹربینک میں 9 روپے 11 پیسے مہنگا ہونے کے بعد ڈالر کی قیمت ریکارڈ سطح پر پہنچ گئی ہے جبکہ انٹربینک یں ڈالر پہلی بار دو 240 روپے کا ہوگیا۔ سابق وزیر خزانہ شوکت ترین نے آج نیوز سے گفتگو کرتے ہوئے کہا کہ عوام کے لئے مشکل ترین وقت شروع ہوچکا ہے، 75 سالہ مہنگائی کا ریکارڈ ٹوٹ جائے گا۔

    وزارت خزانہ کے سابق ترجمان مزمل اسلم نے خبردار کرتے ہوئے کہا کہ معیشت کی زبوں حالی اسحاق ڈار کا بروقت اقدام نہ اٹھانا ہے، نئی پٹرول کی قیمت 250 روپے سے اوپرہوں گی، بجلی اور گیس کی قیمتوں کا تعین 250 کی قیمتوں سے ہوگا۔ جبکہ خیال رہے کہ گزشتہ ایکسچینج کمپنیز نے ڈالر کے اوپن مارکیٹ ریٹ خود طے کرنے کا فیصلہ کرلیا تھا.
    مزید یہ بھی پڑھیں؛
    قابل اعتراض مواد جو ہٹا سکتے تھے ہٹا دیا،بیرون ملک مواد کیلئے متعلقہ حکام سے رجوع کیا ہے،پی ٹی اے
    نگراں کابینہ غیرسیاسی اور غیر جانبدارہوگی، شوکت یوسفزئی
    پابندیوں کے باوجود پاکستان روس سے تیل خرید سکتا ہے. امریکہ
    نگراں کابینہ غیرسیاسی اور غیر جانبدارہوگی، شوکت یوسفزئی
    ایکسچینج کمپنیز ایسوسی ایشن (ای کیپ) کے اوپن مارکیٹ ریٹ خود نکالنے کے فیصلے کو ملک بھر کی ایکسچینج کمپنیز نے خوش آئند قرار دے دیا تھا. ای کیپ کے مطابق کل ڈالر کی خرید 254 اور قیمت فروخت 257 روپے کے درمیان ہوگی۔ اس ضمن میں معاشی تجزیہ کار مزمل اسلم نے نجی ٹی وی سے گفتگو کرتے ہوئے کہا تھا کہ مارکیٹ میں سرکاری، انٹر بینک ایکسچینج ریٹ اور بلیک مارکیٹ ریٹ چل رہے تھے۔ مزمل اسلم نے کہا کہ ای کیپ کے فیصلے کے بعد کل سے ڈالر کا ایکسچینج کمپنی اور بلیک مارکیٹ ریٹ برابر ہو جائے گا۔