Tag: javed akhtar

عالیہ بھٹ نے جاوید اختر کا شکریہ کیوں ادا کیا ؟
اداکارہ عالیہ بھٹ جو اس وقت بالی وڈ انڈسٹری پر چھائی ہوئی ہیں، ان کی حال ہی میں فلم راکی اور رانی کی پریم کہانی ریلیز ہوئی ہے ، کرن جوہر کی اس فلم میں عالیہ بھٹ کے ساتھ رنبیر کپور دکھائی دئیے ہیں. فلم کو جہاں بہت ساری تنقید کا سامنا رہا وہیں سراہا بھی گیا، سراہنے والوں میں جاوید اختر کا نام قابل زکر ہے. جاوید اختر نے ایک ٹویٹ کے زریعے فلم کی تعریف کچھ یوں کی. انہوں نے لکھا کہ ” گزشتہ چند سالوں میں دیکھی گئی فلموں میں راکی اور رانی کی پریم کہانی سب سے بہترین اور مزاح سے بھر پور فلم ہے،
اگر آپ کو محبت، مزاح اور جذبات کا امتزاج پسند ہیں تو اس فلم کو لازمی دیکھیں”۔جاوید اختر کی طرف سے اس تعریف کو بہت سراہا گیا اور انہوں نے بے حد خوشی کا اظہار کرتے ہوئے کہا کہ ”مجھے بہت خوشی ہے کہ میری یہ فلم آپ کو بہت پسند آئی ہے.” عالیہ بھٹ نے جاوید اختر کا تعریفی ٹویٹ ری ٹویٹ کیا. جس پر ان کے مداحوں نے بھی جاوید اختر کی ہاں میں ہاں ملائی . یاد رہے کہ راکی اور رانی کی پریم کہانی باکس آفس پر بہت اچھا بزنس نہیں‌کر پائی.
اگست 6, 2023
کنگنا رناوت کو عدالت نے جھٹکا لگا دیا
بالی وڈ اداکارہ کنگنا رناوت ہر وقت کسی نہ کسی کنٹرورسی میں گھری رہتی ہیں انہوں نے آدھے سے زیادہ بالی وڈ کے ساتھ اپنی دوستی دشمنی میں بدل لی ہوئی ہے. انہوں نے اداکار ہرتیک روشن پر محبت میں دھوکہ دینے کا الزام لگایا. اس حوالے سے انہوں نے جاوید اختر کو بھی دھر لیا اور کہا کہ جاوید اختر نے انہیں اور ان کی بہن کو اپنے گھر بلا کر اداکار ہریتک روشن سے تحریری طور پر معافی مانگنے پر مجبور کیا اور بات نہ ماننے کی صورت میں سنگین نتائج کی دھمکی دی۔ دوسری طرف جاوید اختر نے اداکارہ کے خلاف 2020 میں شہرت کو نقصان پہنچانے پر ہتک عزت کا دعوی دائر کیا تھا۔
کنگنا رناوت کو عدالت نے ایک جھٹکا لگا دیا ہے اور”ممبئی کی ایک عدالت نے اداکارہ کنگنا رناوت کی جانب سے رائٹر اور شاعر جاوید اخترپراستحصال کے الزامات مسترد کردئیے ہیں”۔ بھارتی میڈیا کے مطابق ممبئی کی مجسٹریٹ کورٹ نے اداکارہ کنگنا رناوت کی رائٹر جاوید اختر کے خلاف درخواست پر فیصلہ سناتے ہوئے کہا کہ کسی شخص سے تحریری معافی کا کہنے سے کوئی قانونی خلاف ورزی نہیں ہوتی۔ دوسری طرف بالی وڈ کی متنازع اداکارہ کنگنا رناوت نے مشہور رائٹر جاوید اختر پر استحصال کا الزام عائد کرتے ہوئے درخواست میں موقف اختیار کیا تھا کہ مجھے گھر بلا کر ہرتیک روشن کے خلاف کاروائی نہ کرنے کا کہنے اور تحریری طور پر معافی مانگنے پر اصرار کیا ہے.
جولائی 28, 2023
شبانہ اعظمی کی کوکنگ سے کون کون بھاگتا ہے؟‌ اداکارہ نے بتا دیا
بالی وڈ کی سینئر اداکارہ شبانہ اعظمی نے اپنے حالیہ انٹرویو میں کہا ہے کہ میں بہت اچھی کک نہیں ہوں، میرا دل کرتا ہے میں بہت اچھا کھانا بنائوں لیکن ایسا ممکن ہو نہیں‌پوتا. اس سے بھی بڑھ کر یہ ہے کہ جاوید اختر ، فرحان اختر اور زویا اختر سب میرے کھانے سے بھاگتے ہیں. انہوں نے کہا کہ اگر آپ دنیا کی بہترین ڈش بنا رہے ہوں اور مجھے کہیں کہ پلیز اس میں چمچ ہلاتے رہیے گا میں ابھی آئی ، جب تک آپ واپس آئیں گی آپ کی ڈش مجھ سے جل چکی ہو گی. اداکارہ نے کہا کہ میں جب بھی کھانا بنایا ہے کسی کو بھی پسند نہیں آیا بلکہ میرے گھر والے بھاگتے
ہیں میرے کھانے سے. یوں شبانہ اعظمی نے بتا دیا کہ وہ ایک اچھی اداکارہ تو ہیں لیکن اچھی کک نہیں ہیں.واضح رہے کہ شبانہ اعظمی نے اسی کی دہائی میں ایکٹنگ کیرئیر کا آغاز کیا انہوں نے سپر ہٹ فلموں میں کام کیا. آرٹ مویز میں بھی کام کیا اور اپنی صلاحیتوں کا لوہا منوایا. آج ان کا شمار بالی وڈ انڈسٹری کی منجھی ہوئی اداکارائوں میں ہوتا ہے. شبانہ اعظمی نے حال ہی میں جمائما خان کی فلم وٹس لو گاٹ ٹوڈو ود اٹ میں کام کیا ہے.
اپریل 5, 2023
جاوید اختر کا ایک بار پھر پاکستان پر وار ، بولے اردو پاکستانی نہیں‌ ہندوستانی زبان ہے
بالی وڈ کے معروف رائٹر اور ادیب جاوید اختر کے دل میں پاکستان کے خلاف نفرت بھری ہے اس کا اندازہ اس وقت ہوا جب انہوں نے فیض میلے میں شرکت کرکے فضول قسم کی باتیں کیں انہوں نے کہا کہ مجھے سمجھ نہیں آتی کہ اردو کو پاکستان کی زبان کیوں‌کہا جاتا ہے ، ارو تو ہندوستان کی زبان ہے ، پاکستان تو کشمیر کو بھی اپنا حصہ قرار دیتا ہے تو کیا ہم اس بات کو بھی مان لیں . پاکستان تو خود 1947 کو وجود میں آیا ایک الگ ملک بنا اس کی
زبان کہاں اردو بن گئی. انہوں نے کہا کہ زبان کا تعلق مذہب سے نہین بلکہ خطے کے ساتھ ہوتا ہے ، سارے یورپ میں اب انگریزی بولی جاتی ہے تو کیا ان سب کا مذہب ایک ہے؟ نہیں ایسا نہیں ہے. اور اردو پاکستان کی زبان کہنے والوں سے کہوں گا کہ یہ زبان ہماری ہے. ہندوستان کی زبان ہے اسے ہندوستان کی زبان کہا جائے. یاد رہے کہ جاوید اختر جب سے لاہور سے ہو کر گئے ہیں وہ روزانہ کی بنیاد پر گھٹیا قسم کے بیانات دے رہے ہیں جس کی وجہ سے سوشل میڈیا پر انہیں کافی تنقید کا نشانہ بنایا جا رہا ہے.
مارچ 14, 2023
ستیش کوشک کی اچانک موت پرجاوید اختر کا اظہار افسوس
بالی وڈ‌ اداکار ستیش کوشک کی اچانک موت نے ان کے ساتھیوں کو افسردہ کر دیا ہے. جاوید اختر جو کہ ستیش کے بہت ہی قریبی دوست ہیں انہوں نے اپنے دوست کو دل کا دورہ پڑنے کے بعد ان کے انتقال کی خبر پر شدید رنج کا اظہار کیا ہے. جاوید اختر نے اپنے پیارے دوست کی موت کے بعد ٹویٹر پر ستیش کوشک کے ساتھ ہولی کی تقریب کی ایک تصویر شیئر کی اور لکھا، ستیش گرمجوشی سے محبت اور مزاح سے بھرا آدمی تھا ہماری دوستی چالیس سال سے تھی وہ میرے بھائیوں جیسا تھا، وہ مجھ سے بارہ سال چھوٹا تھا۔ ستیش جی، اب آپ کی باری نہیں تھی۔
جاوید اختر نے دو دن پہلے منائی گئی ہولی کو بھی یاد کیا اور اپنے دوست کا یوں اچانک دنیا چھوڑجانے پر شدید دکھ کا اظہار کیا . جاوید اختر کی پوسٹ‌پر ستیش کوشک کے بہت سارے مداحوں نے کمنٹس کئے. یاد رہے کہ ستیش کوشک کو آج دل کادورہ اس وقت پڑا جب وہ کسی سے ملنے کے لئے گھر سے نکلے اور دل کا دورہ جان لیوا ثابت ہوا اسی وقت ستیش کوشک دنیا سے رخصت ہو گئے. ستیش نہ صرف بہترین اداکار تھے بلکہ بہترین ہدایتکار بھی تھے.
مارچ 9, 2023
یاسر حسین جاوید اختر میں بول پڑے
اداکار ، میزبان اور رائٹر یاسر حسین نے جاوید اختر کے حق میں بیان دیتے ہوئے کہا ہے کہ جاوید اختر لاہور میں جو بھی کہہ کر گئے ہیں یہ ان کی مجبوری ہو گی ، بھارت ایک سیکولر ملک ہےوہاں رہنا آسان نہیں ہے. لہذا جاوید اختر کو بھی پتہ تھا کہ انہوں نے ملک واپس جانا ہے اور اگرملک کے حق میں بیان دیا تو وہاں پذیرائی ملے گی اور رہنا آسان ہو جائیگا. یاسر حسین نے کہا کہ جاوید اختر نے جو کچھ بھی کہا ہےکہ اس کے بعد بھی میں ان کے گیت پسند کرتا ہوں ، وہ باشعور آدمی ہیں‌جانتے ہیں کہ ان کو کب کہاں‌کیسے بات کرنی ہے لہذا انہوں نے جو بھی کہا ہے وہ مجبوری میں کہا ہے. بھارت اچھا مہمان نواز نہیں‌ہے ، لاہوریوں نے جیسی مہمان نوازی کی ہے اسکو دیکھ کر
یقینا جاویداختر بھی بہت خوش ہوئے ہوں گے، ہم نے ایک اچھے میزبان ہونے کا ثبوت دیا ہے. جاوید اختر کی بات کو غلط سمجھنے کی بجائے ان کی مجبوری کو سمجھا جانا چاہیے. یوں یاسر حسین نے جاوید اختر کا بیان ان کی مجبوری سمجھتے ہوئے پاکستانیوں‌کو اپنا غصہ ٹھنڈا کرنے کی تجویز دیدی ہے. یاد رہے کہ جاوید اختر اس بار حال ہی میں فیض میلے میں آئے اور وہاں ایک سیشن میں انہوں نے پاکستان کو دہشت گرد ملک ہونے کا طعنہ دیا.
مارچ 6, 2023
حیرت ہے پاکستان میں غربت نظر نہیں آتی جاوید اختر
بھارتی شاعر ادیب جاوید اختر جنہوں نے فیض میلے میں کنٹرورشل بیان دیا وہ جب ممبئی پہنچے تو ان سے سوالات ہوئے ان سے ایک سوال یہ بھی ہوا کہ پاکستان آئی ایم ایف کے قدموں میں بیٹھا ہوا ملک دیوالیہ ہو رہا ہے، بے انتہا غربت ہے وہاں کیا کہیں گے آپ ، اس سوال پر جاوید اختر نے کہا کہ میں تین بار لاہور گیا ہوں اور میں نے وہاں پر کہیں بھی غربت نہیں دیکھی. میزبان نے کہا کہ شایدوہ آپ کو ایسے راستوں سے لیجاتے ہوں گے جہاں غربت نظر نہ آئے تو جاوید اختر نے کہا کہ ایسی بالکل بھی بات نہیں ہے اگر غربت ہو تو نظر آجاتی ہے اور کتنا آپ کسی سے کچھ
چھپا سکتے ہیں کبھی نہ کبھی تو کچھ نظر آ ہی جاتا ہے . مجھے نہیں پتہ کہ پاکستان کی بیرون ملک کیوں‌یہ ہوا ہے کہ یہاں بہت غربت ہے مجھے تو یہاں کوئی غربت نظر نہیں آتی. اگر میں انڈیا کی بات کروں تو یہاں غربت بالکل نظر آتی ہے فقیر بھی نظر آتے ہیں لیکن لاہور میں‌ کہیں‌ میں نے سڑکوں پر بھی فقیر نظر نہیں آتے. جاوید اختر نے کہا کہ پاکستان میں‌لوگوں نے خود کو بہت اچھا رکھا ہوا ہے.
مارچ 3, 2023
ساحر علی بگا جاوید اختر پر برس پڑے
معروف میوزیشن اور گلوکار ساحر علی بگا برس پڑے ہیں بھارتی نغمہ نگار جاوید اختر پر . انہوں نے کہا ہے کہ جاوید اختر کی آخر اوقات ہی کیا ہے ؟ یہ صرف شبانہ اعظمی کا شوہر ہے اسکی کوالفیکیشن صرف یہ ہے؟‌ ہمارے کچھ ایسے بھی جاہل لوگ ہیں جنہیں‌فیض احمد فیض اور جاوید اختر کے درمیان فرق کا نہیں‌پتہ. کچھ جاہل لوگ جاوید اختر کے قدموں میں بیٹھ گئے ، بھئی وہ کون ہے کیا کرتا ہے اور کیوں اس کے قدموں میں بیٹھا جائے. ساحر علی بگا نے یہ بھی کہا کہ شوخے ہیں وہ جو ان کو بلاتے ہیں اور پھر ان کے قدموں میں‌بیٹھتے ہیں ، معمولی نغمہ نگار ہے اس کے علاوہ اس نے کیا ہی کیا ہے.انہوں نے کہا کہ میرے ملک نے مجھے بہت عزت دی ہے میں کیوں انڈیا میں جا
کر پرفارم کروں یا کام کروں. یوں ساحر علی بگا نے سنا دیں جاوید اختر کو کھری کھری. سوشل میڈیا پر ساحر علی بگا کو کافی سراہا جا رہا ہے کہا جا رہا ہے کہ بگا نے جاوید اختر کو اسکی اصل اوقات ٹھیک طرح سے یاد کروا دی ہے. یاد رہے کہ ساحر علی بگا نے حال ہی میں اپنا نیا گیت وشملے ریلیز کیا ہے جسے بہت زیادہ پسند کیا جا رہا ہے.
مارچ 3, 2023
فیصل قریشی کا جاوید اختر کو چیلنج
بھارتی شاعر و ادیب جاوید اختر نے پاکستانیوں کے جذبات جب سے مجروح کئے ہیں تب سے ہر پاکستانی کا دل دکھا ہوا ہے. حال ہی میں فیصل قریشی نے ایک وڈیو پیغام جاری کرتے ہوئے کہا ہےکہ ہم ایک ایسے ملک میں‌رہتےہیں جہاں تمام کمیونٹیز کا خیال رکھا جاتا ہے ، ہم ہر مسئلے پر کھل کر بات کر سکتے ہیں ، لیکن آپ جس ملک میں رہتے ہیں وہاں تو آپ مقبوضہ کشمیر اور گجرات میں جو کچھ ہواہے اس کے بارے میں بات تک نہیں کر سکتے . میں انتظار کررہا ہوں کہ کب آپ اپنے ملک میں‌مقبوضہ کشمیر اور گجرات میں ہونے والے مظالم کے بارے میں بات کریں گے. فیصل قریشی نے کہا کہ آپ اپنے ایم ایس دھونی سے پوچھیں کے جب وہ اپنی ٹیم لیکر پاکستان
آئے تھے ان کو کتنی محبت ملی تھی. انہوں نے مزید یہ بھی کہا کہ اجمل قصاب جو کہ کسی صورت پاکستانی نہیں تھآ اسکو پاکستان کے ساتھ جوڑ دیا اور بلاوجہ ہمارے ملک کو بدنام کرنے کی کوشش کی ، آپ کا ابھی نندن اور کلبھوشن سویڈن سے نہیں آئے تھے بلکہ ہندوستان سےہی آئے تھے. ہمارا تو کبوتر ہندوستان چلا جائے تو کہا جاتا ہے کہ جاسوس آگیا ہے.آپ کے ٹی وی چینلز سارا دن پاکستان کے خلاف پراپگینڈا کرتے رہتے ہیں جبکہ ہمارے ٹی وی چینلز ایسا نہیں کرتے لیکن میں منتظر ہوں کہ آپ بھارت میں گجرات اور مقبوضہ کشمیر میں ہونے والے مظالم پر بات کرکے دلیری دکھائیں.
فروری 27, 2023
میں نے جو بھی کہا پاکستانیوں کے بھرے ہال نے تالیاں بجائیں جاوید اختر
بھارتی ادیب ور شاعر جاوید اختر جنہوں نے حال ہی میں فیض میلے میں شرکت کی اور پاکستان کے حوالے سے ایسی گفتگو کی کہ جس کو سن کر تمام پاکستانیوں کے دل دکھے ہیں. اس گفتگو کے حوالے سے جاوید اختر نے اپنے ملک بھارت جا کر کہا ہے کہ میں نے جو بھی کہا میں نے کہنا ہی تھا ، اور میں صرف پاکستان ہی نہیں‌دنیا کے کسی بھی کونے میں ہوتا یہی کہتا جو میں نے پاکستان میں جا کر کہا ہے. جب وہ ہمیں کہیں گے کہ بھارتی نہیں پاکستان سے ملنا چاہتے تو میں تو کہوں گاکہ تم لوگ غلط کہہ رہے ہو. انہوں نے کہا کہ جب میں نے ایسی باتیں کہیں جو کہ کہی جانی چاہیں
تھیں اس وقت پاکستانیوں سے بھرے ہال نے تالیاں بجائیں اور تالیوں‌کی گونج نے بتایا کہ میں ٹھیک کہہ رہا ہوں. یاد رہے کہ جاوید اختر نے فیض میلے میں کہا تھا کہ ”پاکستان نے اپنے دہشت گرد ہمارے ہندوستان بھیجے، جس کے نتیجے میں 26/11 کا افسوس ناک واقع پیش آیا اور آج بھی ابھی بھی اُس گھناؤنے عمل کو کرنے والے آپ کے ملک میں آزاد گھوم رہے ہیں۔‘‘ . جاوید اختر کے اس بیان کے بعد پاکستانیوں کے جذبات کو بہت زیادہ ٹھیس پہنچی ہے اور مطالبہ کیا جا رہا ہے کہ جاوید اختر کو دوبارہ پاکستان کا ویزہ نہ جاری کیا جائے.
فروری 27, 2023