کپل شرما جو کہ ایک شو ہوسٹ کرتے ہیں ان کے شو میں بالی وڈکی نامور سلیبرٹیز آ چکی ہیں، کپل کے کام کرنے کا انداز دوسروں سے کافی مختلف ہے یہی وجہ ہے کہ ہر کوئی ان کا پروگرام دیکھ کر محظوظ ہوتا ہے. کپل شرما نے اپنے ہی ایک شو میں بتایا ہے کہ ہمارے اس شو کے سیٹ کو ایک بار آگ لگ گئی تھی اس حوالے سے میڈیا پر بہت خبریں آئیں ، ہر کسی نے افسوس کا اظہار کیا ، یہاں تک کہ مجھ سے ہمدردی دکھانے کےلئے بہت ساری سلیبرٹیز کی کالز آئیں. میں پریشانی میںگھر جا رہا تھا ، میں کیا دیکھتا ہوں کہ لینڈ لائن سے میرے موبائل پر ایک کال آئی ہے. اور میں نے سوچا پتہ نہیں کس کا نمبر ہے خیر میں نے اٹھا لیا.
انہوں نے کہا کہ” میں نے جب فون اٹھایا تو آواز آئی کپل میں لتا بول رہی ہوں، میں نے سنا تو میرے تو ہوش اڑ گئے ”میں نے گاڑی کھڑی کر لی ، اور لتا نے کال کی تھی سیٹ کو آگ لگنے پر افسوس کرنے کےلئے ، بولی بہت افسوس ہوا ، میں خوشی میں بھول گیا کہ میرے سیٹ کو آگ لگی ہے ، میں نے لتا سے کہا کہ میرے والد زندہ ہوتے تو بہت خوش ہوتے کہ مجھے لتا منگیشر کی کال آئی ہے تو اس پر لتا نے کہا کہ کپل میں نے افسوس کرنے کے لئے کال کی ہے اس کے بعد مجھے ہوش آئی کہ میرا تو سیٹ جل گیا ہے.
