بھولے کے کردار سے شہرت کی بلندیوںکو چھونے والے عمران اشرف نے حال ہی میں ایک ٹی وی شو میںشرکت کی ،اس میں ان سے ان کے بیٹے کے حوالے سے سوال ہوا تو انہوں نے کہا کہ میرا بیٹا میری زندگی ہے میری جینے کی وجہ ہے. میں اسکو سب سے زیادہ وقت دیتا ہوں ، میں سمجھتا ہوں کہ نہ صرف میں بلکہ اسکی ماں بھی اسکو بہت وقت دیتی ہے اس لحاظ سے ہمارا بیٹا بہت زیادہ خوش نصیب ہے کہ اس کے والدین علیحدگی کے باوجود اسکو مکمل وقت دیتے ہیں .
ایک سوال کے جواب میں عمران اشرف نے کہا کہ” میںنے اپنی ساری زندگی اپنے بیٹے کے لئے وقف کر دی ہے” ،میں اس کے لئے کام ضرور کرتا ہوں تاکہ اس کے پاس اچھا لائف سٹائل ہو لیکن کبھی میں نے اسکا وقت اپنی مصروفیت کی نذر نہیں کیا. انہوں نے کہا کہ میں اپنے بارے میں اب نہیں سوچتا ، بس اب بیٹے کے بارے میںہی سوچتا ہوں. انہوں نے کہا کہ میرا بیٹا بہت شارپ ہے بہت پیار ی باتیں کرتا ہے اور ایسی باتیں کرتا ہے کہ حیران کر دیتا ہے. یاد رہے کہ عمران اشرف نے کرن اشفاق کے ساتھ شادی کی تھی یہ شادی کچھ عرصہ ہی چل سکی اور دونوں کے درمیان طلاق ہو گئی ان کا ایک بیٹا ہے جو اکثر عمران اشرف کے ساتھ ہی دیکھا جاتا ہے.
