Tag: kisi ka bhai kisi ki jaan

اداکارہ شہنازگل نے حال ہی میں ایک تقریب میں شرکت کی وہاں انہوں نے کہا کہ انسان خطائوں کا پتلا ہے اور ہر انسان سے غلطی ہوتی ہے ، مجھ سے بھی ہوتی ہیں ، اگر آپ کو لگتا ہے کہ میں غلطیوں سے مبرا ہوں یا مجھ سے غلطیاں نہیں ہوتیں یہ آپ کی غلط فہمی ہے ، میں غلطیاں اگر کرتی ہوں تو میں ان سے سیکھتی بھی ہوں اور انسان کو ان سے سیکھنا چاہیے جو انسان اپنی غلطیوں سے نہ سیکھیں وہ عمر بھر مسائل کا شکار رہتے ہیں، شہناز گل نے مزید کہا کہ انسان کی زندگی چھوٹی سی ہے اس زندگی کو بھی لڑ جھگڑ کر کیوں گزارنا ہم سب کو کوشش کرنی چاہیے کہ

ہم اپنے ہر پل کو بھرپور جئیں کیونکہ کیا پتہ کل ہو نہ ہو. انہوں نے کہا کہ مجھے بہت خوشی ہے کہ بالی وڈ‌میں‌میری اینٹری سلمان خان کی فلم کسی کا بھائی کسی کی جان سے ہوئی ہے. مجھے اچھا لگتا ہے جب لوگ مجھے کہتے ہیں کہ میں ان کو اچھی لگتی ہوں، اب میری کوشش ہے کہ میں اچھا کام کروں اور ایسا کام کروں جو میری پہچان بن جائے. یاد رہے کہ شہنازگل بالی وڈ کی توجہ کا مرکز بگ باس سیزن 13 کے بعد بنی .

بگ باس 13 سے لائم لائٹ میں آنے والی شہناز گل ہمیشہ رہتی ہیں سرخیوں میں ، انہوں نے حال ہی میں کہا ہے کہ پلک تیواری نے جھوٹ بولا ہے سلمان خان نے سیٹ پر کسی قسم کا ڈریس کوڈ نہیں رکھا ہوا تھا ، میں تو اپنی مرضی کے مطابق لباس پہن کر جاتی تھی ، انہوں نے کہا کہ کسی کا بھائی کسی کی جان کے سیٹ پر ہر کسی کو اپنے مرضی کے مطابق ڈریس زیب تن کرنے کی اجازت تھی . یہاں تک کہ فلم کے ٹریلر لانچ کے موقع پر میں نے کافی شوخ قسم کا لباس پہن رکھا تھا. یاد رہے کہ پلک تیواری نے چند رو قبل کہا تھا کہ سلمان خان نے سیٹ پر لڑکیوں کے

لئے سخت قسم کے رولز رکھے ہوئے تھے ، جب میں ایک دن گھر سے ڈھکا ہوا لباس پہن کر نکلی تو میری ماں نے پوچھا کیا ہو گیا تم کو، تو میں نے ان کو بتایا کہ سلمان سر کا سیٹ ہے وہاں لڑکیاں کھلے گلے اور آدھے کپڑے پہن کر نہیں جا سکتیں ، کیونکہ وہ کہتے ہیں کہ لڑکیاں اپنے آپ کو محفوظ رکھیں اسکے لئے ضروری ہے کہ وہ لباس ڈھکا ہوا پہن کر آئیں. واضح رہے کہ پلک تیواری ، شہناز گل سلمان خان کی فلم کسی کا بھائی کسی کی جان سے بالی وڈ‌ میں اینٹری دینے جا رہی ہیں .

بگ باس 13 سے شہرت ھاصل کرنے والی شہناز گل نے اپنے حالیہ انٹرویو میں انکشاف کیا ہے کہ انہوں نے سلمان خان کا نمبر بلاک کیا تھا. نمبر بلاک کرنے کی تفصیلات پر بات کرتے ہوئے اداکارہ نے کہا کہ مجھے بگ باس 13 کے بعد بہت سارے رانگ کالز آتے تھے ، مجھے جیسے ہی پتہ چلتا کہ کوئی رانگ نمبر ہے تو میں فورا بلاک کر دیتی. مجھے جب سلمان خان کی کال آئی تو میرے پاس نمبر سیو نہیں تھا ، میں نے اٹھائے بغیر ان کا نمبربلاک کر دیا مجھے لگا کہ یقینا کوئی رانگ نمبر ہے جو مجھے تنگ کررہا ہے. اس کے بعد سلمان خان کی ٹیم سے ایک بندے کی

مجھے کال آئی اور اس نے کہا کہ سلمان خان آپ کو کال کررہے ہیں ، فون اٹھائیے تو میں نے پھر بلاک لسٹ سے سلمان خان کا نمبر نکالا اور ان کی کال آئی تو ان سے معذرت کی. سلمان خان نے اس روز مجھے کال کسی کا بھائی کسی کی جان میں کاسٹ کرنے کے لئے کی تھی .میں نے فورا ہاں کر دی کیونکہ سلمان خان کے ساتھ کام کرنے سے بڑھ کر اور کیا ہو سکتا تھا میری توخوشی کی انتہا ہی نہیں تھی.

بالی وڈ‌ کے دبنگ سلمان خان نے اپنے حالیہ انٹرویو میں کہا ہے کہ میں اپنی کسی بھی فلم میں بولڈ سین کرنا پسند نہیں کرتا. میرے تیس سالہ کیرئیر میں آپ کو میری کوئی ایسی فلم نہیں ملے گی جس میں کوئی ایسا سین ہو جس کو اپنی فیملی کے ساتھ بیٹھ کر دیکھ نہ سکیں. سلمان خان نے بولڈ سین نہ کرنے کی وجہ بیان کرتے ہوئے کہا کہ میں عورت کو کسی بھی غلط طریقے سے پیش کرنے کے حق میں نہیں ہوں اور نہ ہی میں اپنے مداحوں کو بگاڑنا چاہتا ہوں. سلمان خان نے کہا کہ کہانی اچھی ہونی چاہیے ، بولڈ سینز فلم کی کامیابی کی ضمانت نہیں ہو سکتے. دبنگ خان نے

کہا کہ میری فلم کسی کا بھائی کسی کی جان ایک الگ فلم ہو گی اس میں میرا کردار کافی ہٹ کر ہے. یاد رہے کہ سلمان خان کی فلم کسی کا بھائی کسی کی جان میں سلمان خان اداکارہ شویتا تیواری کی بیٹی اور بگ باس 13 کی کنٹیسٹنٹ شہناز گل کو متعارف کروا رہے ہیں جبکہ خود اپنے سے کئی برس چھوٹی اداکارہ پوجا ہیگڑے کے ساتھ نظر آرہے ہیں. فلم رواں برس ریلیز کی جائیگی ، فلم کا ٹریلر اور دو گانے ریلیز کر دئیے گئے ہیں .