Baaghi TV

Tag: kpk police

  • بیلجیئم کو شکست دے کر جرمنی عالمی کپ ہاکی ٹورنامنٹ جیت گیا

    بیلجیئم کو شکست دے کر جرمنی عالمی کپ ہاکی ٹورنامنٹ جیت گیا

    بھونیشور: جرمنی نے دفاعی چیمپئن بیلجیئم کو پنالٹی شوٹ آؤٹ میں 4-5 سے شکست دے کر عالمی کپ ہاکی ٹورنامنٹ 2022 جیت لیا۔ اطلاعات کے مطابق بھارت کے شہر بھوبینشور میں کھیلے جانے والے فائنل میں جرمنی نے بہترین کھیل کا مظاہرہ کرتے ہوئے عالمی ٹائٹل اپنے نام کیا۔

    مقررہ وقت کے اختتام پر دونوں ٹیموں کے درمیان مقابلہ 3۔3 گول سے برابر رہا تھا۔

    ویسٹ ایشیا بیس بال کپ کھیلنے کےلیے بھارت کی ٹیم پاکستان پہنچ گئی

    واضح رہے کہ یہ جرمنی کا تیسرا عالمی ٹائیٹل ہے، جرمنی نے پہلی مرتبہ 2002 میں ملائیشیا میں ہونے والے عالمی کپ کے فائنل میں آسٹریلیا کو شکست دے کر کر ٹائٹل اپنے نام کیا تھا جبکہ چار سال 2006 میں اپنی ہی سرزمین پر ایک مرتبہ پھر فائنل میں آسٹریلیا کو ہرا کر اپنے اعزاز کا کامیابی سے دفاع کیا تھا۔

    آئی سی سی نےامپائر آف دی ایئر2022 کا اعلان کردیا

    سب سے زیادہ چار مرتبہ ہاکی ورلڈ کپ ٹائٹل جیتنے کا اعزاز پاکستان کے پاس ہے، پاکستان نے آخری مرتبہ ہاکی ورلڈ کپ 1994 میں جیتا تھا۔

    ادھر دوسری طرف بھارت نے انگلینڈ کو شکست دے کر پہلا ویمن انڈر 19 ٹی ٹوئنٹی ورلڈ کپ جیت لیا۔اتوار کو جنوبی افریقا میں ہونے والے آئی سی سی ویمن انڈر 19 ٹی ٹوئنٹی ورلڈ کپ کے فائنل میں بھارت نے ٹاس جیت کر انگلینڈ کو پہلے بیٹنگ کی دعوت دی۔

    ایشیا کپ کی پاکستان میں میزبانی ،پی سی بی اور بی سی سی آئی آئندہ ماہ آمنے…

    انڈین بولرز نے ٹاس جیت کر پہلے بولنگ کے فیصلے کو درست ثابت کرتے ہوئے انگلینڈ کے ٹاپ آرڈر کو جلد ہی پویلین روانہ کردیا اور پوری انگلش ٹیم 17.1 اوور میں صرف 68 رنز بناکر آؤٹ ہوگئی۔بھارتی ٹیم نے 69 رنز کا ہدف 6 اوورز پہلے عبور کرکے انگلینڈ کو 7 وکٹوں سے شکست دے دی۔ سومیا تیواری اور جی تریشا نے 24، 24 رنز بنائے۔

    بھارت کی ٹیم سیمی فائنل میں نیوزی لینڈ جبکہ انگلینڈ آسٹریلیا کو شکست دیکر فائنل میں پہنچا تھا جبکہ پاکستان کی ویمن انڈر 19 ٹیم سپر سکس راؤنڈ میں پہنچنے کے بعد ٹورنامنٹ سے باہر ہوگئی تھی

  • ایف آئی اے کراچی کی حوالہ ہنڈی کیخلاف کارروائی؛ 4 ملزمان کو گرفتار

    ایف آئی اے کراچی کی حوالہ ہنڈی کیخلاف کارروائی؛ 4 ملزمان کو گرفتار

    کراچی: وفاقی تحقیقاتی ادارے (ایف آئی اے) نے شہر قائد میں مختلف کارروائیوں کے دوران حوالہ ہنڈی میں ملوث 4 ملزمان کو گرفتار کرلیا۔پولیس کے مطابق ڈپٹی ڈائریکٹر فیڈرل انوسٹی گیشن ایجنسی (ایف آئی اے) کمرشل بینکنگ سرکل کراچی رابعہ قریشی کی ہدایت پر ٹیم نے کلفٹن تین تلوار اور صدر میں کارروائیاں کرتے ہوئے 4 افراد کو گرفتار کر لیا۔

    کراچی، ایک ہفتے میں 22 پولیس مقابلے، 36 ڈکیت زخمی حالت میں گرفتار

    ترجمان ایف آئی اے کا کہنا ہے کہ ملزمان بغیر لائسنس کے غیر ملکی کرنسی کی خرید و فروخت میں ملوث تھے، ملزمان کے قبضے سے امریکی ڈالرز، پاکستانی روپے اور ہنڈی حوالہ سے متعلق رسیدیں بر آمد کی گئیں ہیں۔ترجمان کے مطابق گرفتار ملزمان میں ملزم عزیز مرچنٹ، ملزم محمد ہمایوں، سلیم الدین اور عثمان عارف شامل ہیں۔

    150 سے زائد موبائل فونز چھیننے والے دو ملزم گرفتار

    ترجمان نے جاری بیان میں کہا کہ گرفتار ملزمان کے موبائل فونز سے درجنوں ہنڈی حوالہ اور غیر قانونی کرنسی ایکسچینج سے متعلق پیغامات بھی برآمد کر لیے گئے ہیں، جس کے بعد ملزمان کے خلاف مقدمہ درج کرکے تفتیش کا آغاز کردیا گیا۔

    ادھرناظم آباد نمبر 2 پل پر تیز رفتار ڈمپر کی ٹکر لگنے سے موٹر سائیکل پر سوار نوجوان جاں بحق ہوگیا۔پولیس کے مطابق رضویہ تھانے کی حدود میں ناظم آباد نمبر 2 پل پر تیز رفتار ڈمپر نے موٹر سائیکل نوجوان کو کچل ڈالا، ڈمپر کی ٹکر لگنے نوجوان موقع پر ہی دم توڑ گیا، جس کی لاش ضابطے کی کارروائی کے لیے عباسی شہید اسپتال منتقل کی گئی۔

    کوہاٹ، کشتی ڈوب گئی، 30 افراد تھے سوار،10 کی موت

    اسپتال میں متوفی کی شناخت 18 سالہ یوسف ملک ولد ارشد ملک کے نام سے کی گئی، متوفی نوجوان ناظم آباد کا رہائشی تھا۔عینی شاہدین کے مطابق حادثے کے بعد ڈمپر کا ڈرائیور موقع سے فرار ہونے میں کامیاب ہوگیا جب کہ پولیس نے موقع پر پہنچ کر ڈمپر کو تحویل میں لینے کے بعد تھانے منتقل کردیا۔

  • لسبیلہ واقعہ حادثہ نہیں بلکہ قتل ہے:سماجی رہنما فیصل ایدھی

    لسبیلہ واقعہ حادثہ نہیں بلکہ قتل ہے:سماجی رہنما فیصل ایدھی

    سماجی رہنما فیصل ایدھی کا کہنا ہے کہ لسبیلہ واقعہ حادثہ نہیں بلکہ قتل ہے۔ حکومت کو ایسے واقعات کی روک تھام کیلئےعملی اقدامات کرنے ہوں گے۔
    جناح اسپتال کے باہر میڈیا سے گفتگو میں فیصل ایدھی کا کہنا تھا کہ حادثے کا شکار ہونے والی کوئٹہ سے آنے والی بس میں کئی ہزار لیٹرایرانی ڈیزل اسمگل کیاجارہا تھا۔ حکومتی ادارے ایسے حادثات میں براہ راست ملوث ہیں۔

    فیصل ایدھی نے کہا کہ مسافر بسوں کے حادثات سے بچاؤ کیلئے حفاظتی اقدامات نہیں کیے جاتے۔

    خیال رہے کہ آج بلوچستان کے علاقے لسبیلہ میں چینکی اسٹاپ کے قریب مسافر کوچ کھائی گرنے سے 41 مسافر جاں بحق، جب کہ متعدد زخمی ہوگئے۔ریسکیو ذرائع کا کہنا ہے کہ کھائی میں گرنے کے بعد مسافر کوچ میں آگ لگ گئی جس پر قابو پانے میں 2 گھنٹے لگ گئے، بعد ازاں لاشیں نکالنے کا عمل شروع کردیا گیا۔

     

    ہاد رپے کہ چکوال میں کوئلے کی کان بیٹھنے سے دو مزدور جاں بحق اور کئی دب گئے جبکہ تین مزدوروں کو زندہ نکال لیا گیا۔مقامی ذرائع کے مطابق چکوال ماٹن کلاں میں کوئلے کی کان کی چھت گرگئی جس میں مزدور دب گئے۔ اطلاعات کے مطابق دو مزدور حاں بحق ہوچکے ہیں اور متعدد زخمی ہیں۔

    فائر فائٹر نے جہیز کیلئے بیوی کو ہی آگ لگا دی

    امدادی ذرائع کے مطابق مائن کی گہرائی 700 سے 800 فٹ ہے، 3 افراد کو زندہ ریسکیو کرکے اسپتال منتقل کردیا گیا ہے۔

    ننکانہ : سویڈن میں قرآن پاک کی بے حرمتی نے امت مسلمہ کے جذبات کو مجروح کیا ہے- اُم…

    ادھر اس سے پہلےکوہاٹ کے تاندہ ڈیم میں مدرسے کے طلباء کی کشتی الٹنے سے 10 طلباء ڈوب کر جاں بحق ہوگئے۔ریسکیو 1122 کے مطابق کشتی الٹنے سے تمام طلباء ڈوب گئے جن کی تعداد 25 سے 30 بتائی جاتی ہے، مدسرے کے طلباء پکنک کے لیے تاندہ ڈیم آئے تھے۔حکام نے بتایا کہ اب تک 18 طلباء کو نکال لیا گیا ہے جن میں 10 طلباء جاں بحق ہوگئے جبکہ 8 اسپتال میں زیر علاج ہیں۔نگراں وزیر اعلیٰ خیبر پختونخوا محمد اعظم خان نے واقعے پر اظہار افسوس کرتے ہوئے ڈوبنے والے افراد کو بحفاظت نکانے کے لیے نیک خواہشات کا اظہار کیا ہے۔

    لسبیلہ، بس کھائی میں گرنے سے لگی آگ،40 افراد کی موت

    وزیر اعلیٰ نے ضلعی انتظامیہ اور ریسکیو اداروں کو ہنگامی بنیادوں پر ریسکیو آپریشن شروع کرنے کی ہدایت کی ہے اور کہا ہے کہ ڈوبنے والے افراد کی بحفاظت بازیابی کے لیے تمام دستیاب وسائل بروئے کار لائے جائیں۔محمد اعظم خان نے کہا کہ کمشنر اور ڈپٹی کمشنر کوہاٹ ریسکیو کارروائیوں کی خود نگرانی کریں۔

    آج ہی کے دن بلوچستان کے علاقے لسبیلہ کے علاقے بیلہ میں چینکی اسٹاپ کے قریب مسافر کوچ کھائی میں جا گردی، اندوہناک حادثے میں 41 مسافر جاں بحق، جب کہ متعدد زخمی ہوگئے۔ریسکیو ذرائع کا کہنا ہے کہ کھائی میں گرنے کے بعد مسافر کوچ میں آگ لگ گئی جس پر قابو پانے میں 2 گھنٹے لگ گئے، بعد ازاں لاشیں نکالنے کا عمل شروع کردیا گیا۔

    اسسٹنٹ کمشنر بیلہ حمزہ انجم کے مطابق مسافر بس تیز رفتاری کے باعث بیلہ کے قریب موڑ کاٹتے ہوئے پل کے ستون سے ٹکرا کر کھائی میں جاگری جس کے باعث اس میں آگ بھڑک اٹھی۔ بس کوئٹہ سے کراچی جا رہی تھی۔اسسٹنٹ کمشنر نے مزید بتایا کوچ میں 40 سے زائد افراد سوار تھے جن میں سے بچہ اور خاتون سمیت کو زخمی حالت میں نکالا گیا ہے جب کہ لاشیں نکالنے کا عمل مکمل کرلیا گیا ہے۔

    واقعہ کی اطلاع ملتے ہی لیویز اور ایمرجنسی رسپانس ٹیمیں موقع پر پہنچیں۔ ابتدا میں لاشوں اور زخمیوں کو ڈی ایچ کیو اسپتال منتقل کیا گیا، تمام لاشیں ناقابل شناخت ہیں۔ لاشوں کی شناخت کے لئے انہیں کراچی منتقل کیا گیا ہے۔حادثے میں جاں بحق افراد کی لاشوں کو ڈی این اے سے شناخت کیا جائے گا، دو شدید زخمیوں کو بھی فوری طبی امداد کیلئے کراچی منتقل کردیا گیا ہے۔امدادی ٹیموں کے مطابق حادثہ رات گئے پیش آیا، اندھیرے کے باعث امدادی کاموں میں مشکلات کا سامنا رہا۔

  • اسلام آباد:کمپنیاں بھی دیوالیہ ہونےلگیں،تنخواہ نہ دینےپرخاتون نےدفترکےشیشےتوڑدیئے

    اسلام آباد:کمپنیاں بھی دیوالیہ ہونےلگیں،تنخواہ نہ دینےپرخاتون نےدفترکےشیشےتوڑدیئے

    اسلام آباد:اسلام آباد:کمپنیاں بھی دیوالیہ ہونے لگیں،تنخواہ نہ دینےپرخاتون نے دفترکے شیشے توڑدیئے،اطلاعات کے مطابق دنیا بھر کی طرح پاکستان میں بھی کاروباری ادارے دیوالیہ ہونے لگے ہیں اوراب تو صورت حال اس قدر خراب ہوگئی ہے کہ ان کمپنیوں کے پاس تنخواہیں دینے کے لیے پیسےنہیں ہیں

    اسلام آباد سمیت کئی شہروں میں زلزلے کے جھٹکے

    کمپنیوں کی طرف سے تنخواہیں نہ دینے کے معاملے پرملازمین سراپا احتجاج ہیں ،ملازمین کا کہنا ہے کہ وہ دن رات یہاں محنت کرتےہیں لیکن کمپنی ہمیں ہماری تنخواہ نہیں دے رہی ، اس پریشانی میں مبتلا ایک خاتون نے توحد ہی کردی ، کہا جارہا ہے کہ اس خاتون کوتنخواہ نہیں مل رہی اوروہ اپنی بے بسی کی وجہ سے احتجاجا کمپنی کے ہیڈآفس میں جا کر اس کے شیشے توڑ رہی ہے ،

     

    اسلام آباد انٹرنیشنل ائیرپورٹ پر مسافر کے پیٹ سے ہیروئن بھرے 65 کیپسول برآمد

    اس حوالے سے ایک ویڈیو وائرل ہوئی ہے جس سے یہ اندازہ لگایا جاسکتا ہے کہ وہ خاتون کس قدرپریشان ہے اوراپنے اوراپنے بال بچوں کا پیٹ پالنے کےلیے کتنی تگ ودو کررہی ہے، ویڈیو میں دیکھا جاسکتا ہے کہ وہ خاتون بے بسی کی کیفیت میں عمارت کے شیشے توڑ رہی ہے اوراس کےدیگرساتھی باہر چوک میں کھڑے ہوکراس کی پریشانی کا احاطہ کرنے کی کوشش کررہےہیں‌

    اسلام آباد ایئرپورٹ پر شارجہ سے آئے مسافروں سے ڈرون اور 52 مہنگے فونز برآمد

    یاد رہےکہ دنیا بھر کی طرح پاکستان میں بھی معاشی بدحالی عروج پر ہے حکومت کے پاس ملازمین کو تنخواہیں اور پینشنز دینے کےلیے پیسے نہی‌تو نجی کمپنیوں اور ادارےبھی بے بس نظرآتےہیں اور کئی ادارے تو اب دیوالیہ ہوچکے ہیں اور وہ اپنے ملازمین کو تنخواہیں دینے سے قاصر ہیں جسکی وجہ سے ایسے واقعات رونما ہورہے ہیں

  • سال 2022میں 84صحافیوں کو تشدد کا نشانہ بنایا گیا:رپورٹ

    سال 2022میں 84صحافیوں کو تشدد کا نشانہ بنایا گیا:رپورٹ

    اسلام آباد: اوئیرنس فاؤنڈیشن کے شعبہ تحقیق و تجزیہ نے سال2022میں صحافیوں پر ہونے والے تشدد کے حوالے سے رپورٹ جاری کردی، رپورٹ کی تقریب رونمائی مقامی ہوٹل میں کی گئی جس میں نامور صحافی و اینکرز سمیت مختلف شعبہ ہائے زندگی سے تعلق رکھنے والے افراد کی بڑی تعداد موجود تھی۔

    گوجرہ : اسلام دشمن طاقتیں مسلمانوں کے جذبات سے کھیلنے کی مذموم سازشوں میں مصروف…

    رپورٹ میں دیئے گئے اعدادوشمار میں بتایا گیا کہ سال2022میں 84صحافیوں کو تشدد کا نشانہ بنایا گیا،5افراد قتل ہوئے، جبکہ2صحافیوں کو اغواء کیا گیا، میڈیا بدترین سنسرشپ کا شکار رہا، صحافیوں کے ساتھ ساتھ صحافتی اداروں کی بندش کا سلسلہ بھی جاری رہا۔ تحریک انصاف کی حکومت کے دوران 2جبکہ پاکستان ڈیموکریٹک موومنٹ کی اتحادی حکومت کے ہوتے ہوئے متعدد صحافی بدترین خطرات اور تشدد کا شکار ہوئے، پاکستان سے باہر ارشد شریف جبکہ پاکستان میں محمدیونس،افتخار احمد،اشتیاق سودھرواور ضیاء الرحمن فاروقی کو قتل کیا گیا۔ صحافیوں پر بغاوت پر اکسانے کے مقدمات بھی بنائے گئے، جس کی سزا قانو ن میں موت یا عمرقید درج ہے،ارشدشریف،عماد یوسف،خاورگھمن، عمران ریاض خان، عماد یوسف، صابر شاکر کو بھی ان مقدمات کا سامنا کرنا پڑا، عمران ریاض خان، جمیل فاروقی،عماد یوسف، متین داتونی،وسیم محسود،احسن واحد،راجہ عمران،مہدی غوری،ارمغان عکسی کو گرفتار کیا گیا،جس کے پیچھے حکومت اور حکومتی ادارے اور حزب اختلاف کے بااثر افراد بھی شامل رہے۔

    ٹھٹھہ : نامور قانون دان اور سینئر صحافی گل محمد خشک کو پی جے اے نے اپنا قانونی…

    علاقائی صحافت بھی خطرے میں رہی، صحافیوں کو پرتشدد عناصر کے ذریعے سرعام تشدد کا نشانہ بنانے کے کئی واقعات سامنے آئے، ایازامیر، سمیع ابراہیم، عمرحیات، ملک فیاض، احمدشاہین،حسیب ظفرتشدد کا نشانہ بنے۔ سیاسی جماعتوں کے جلسوں میں بھی صحافیوں کو ہراساں کرنے کے واقعات سامنے آئے جس میں غریدہ فاروقی، زمزم سعیداور دیگر صحافی شامل ہیں۔رپورٹ میں بتایا گیا کہ میڈیا پر انتہائی چالاکی سے سنسرشپ کا نظام بنایا گیا، پروگرامز بند کرنے اور صحافیوں کوبار بار آف ائیر کرنے کے واقعات دیکھنے کو ملے۔رونمائی کی تقریب میں خطاب کرتے ہوئے مقررین نے عدلیہ پر زور دیا کہ پاکستان میں صحافیوں کے حوالے سے بڑھتے تشدد کو روکنے کیلئے موثراقدامات کیے جائیں،

    برطانوی صحافی اور سیاسی شخصیات ایرانی اور روسی ہیکرز کے نشانے پر

    مقررین نے ارشد شریف کے قتل کی فوری تحقیقات اور ان کے ملک چھوڑنے کی وجوہات جانچنے کا مطالبہ کیا۔ مقررین نے کہا کہ صحافیوں کو آئین میں دی گئی آزادی کے مطابق اپنا کام کرنے کیلئے تحفظ فراہم کرنا ضروری ہے۔ مشکل ترین حالات میں ذمہ داریاں سرانجام دینے والے صحافیوں کو خراج تحسین پیش کرتے ہوئے مقررین نے اس بات کا اعادہ کیا کہ سچ سامنے لانے کا سفر جاری رہے گا۔تقریب کے اختتام میں اوئیرنس فاؤنڈیشن کے ذمہ داران نے تمام مہمانوں کا شکریہ ادا کیا۔

  • پرویز الہیٰ کے سابق پرنسپل سیکریٹری محمد خان بھٹی پر مقدمہ درج

    پرویز الہیٰ کے سابق پرنسپل سیکریٹری محمد خان بھٹی پر مقدمہ درج

    باغی ٹی وی کی رپورٹ کے مطابق سابق وزیراعلیٰ پنجاب چودھری پرویز الہیٰ کے گرد گھیرا تنگ کیا جا رہا ہے، پرویز الہیٰ کے خلاف مقدمہ کی درخواست تھانہ انار کلی لاہور میں دی گئی ہے تو سابق سیکرٹری محمد خان بھٹی جنہیں پرویز الہیٰ کا دست راست اور فرنٹ مین سمجھا جاتا ہے کے خلاف مقدمہ درج کر لیا گیا ہے

    پرویز الہیٰ کے سابق پرنسپل سیکریٹری محمد خان بھٹی کے خلاف مقدمہ تھانہ اینٹی کرپشن میں رشوت لینے کے الزام میں درج کیا گیا ہے ،اینٹی کرپشن حکام کا کہنا ہے کہ محمد خان بھٹی پر محکمہ ہائی وے کے افسران سے 46 کروڑ روپے سے زائد رشوت لینے کا الزام ہے ایف آئی آر میں ایس ڈی او ہائی وے رانا محمد اقبال بھی نامزد ہیں جنھیں گرفتار کرلیا گیا ہے اینٹی کرپشن نے محمد خان بھٹی کی گرفتاری کے لیے کارروائی شروع کر دی ہے حکام اینٹی کرپشن کا کہنا ہے کہ ایس ڈی او رانا اقبال نے محمد خان بھٹی کو من پسند پوسٹنگ کے لیے کروڑوں روپے دیے، محکمہ مواصلات و تعمیرات کے کئی افسران محمد خان بھٹی کو رشوت دیتے رہے ہیں

    اینٹی کرپشن محکمہ ہائی وے کے ایکسیئن دلشاد احمد،کاشف شکور،فتح محمد اور ارشد ندیم کے کردار کا تعین دوران تفتیش کرے گا ایس ڈی او نعیم بٹ،ایکسیئن محمد فریاد، مالکان نوید کنسٹرکشن اور رضا کنسٹرکشن کے کردار کا تعین بھی دوران تفتیش کیاجائے گا

    ویڈیو آ نہیں رہی، ویڈیو آ چکی ہے،کپتان کا حجرہ، مرشد کی خوشگوار گھڑیاں

    عمران خان کی محبت بھری شاموں کا احوال، سب پھڑے جان گے، گالی بریگیڈ پریشان

    عمران خان پرلاٹھیوں کی برسات، حالت پتلی، لیک ویڈیو، خواجہ سرا کے ساتھ

     پرویز الہیٰ کے بیٹے مونس الہیٰ کی آڈیو لیک

     پرویز الہیٰ عمران خان سمیت تحریک انصاف پر برس پڑے

    ودھری پرویز الہی کیلئے لڑکیوں کی سپلائی، شراب کی بوتلیں، اہم ثبوت مل گئے،ا

  • پاکستان میں آج کے دن حادثے ہی حادثے:چکوال میں بھی2افراد ہلاک

    پاکستان میں آج کے دن حادثے ہی حادثے:چکوال میں بھی2افراد ہلاک

    چکوال: چکوال میں کوئلے کی کان بیٹھنے سے دو مزدور جاں بحق اور کئی دب گئے جبکہ تین مزدوروں کو زندہ نکال لیا گیا۔مقامی ذرائع کے مطابق چکوال ماٹن کلاں میں کوئلے کی کان کی چھت گرگئی جس میں مزدور دب گئے۔ اطلاعات کے مطابق دو مزدور حاں بحق ہوچکے ہیں اور متعدد زخمی ہیں۔

    فائر فائٹر نے جہیز کیلئے بیوی کو ہی آگ لگا دی

    امدادی ذرائع کے مطابق مائن کی گہرائی 700 سے 800 فٹ ہے، 3 افراد کو زندہ ریسکیو کرکے اسپتال منتقل کردیا گیا ہے۔

    ننکانہ : سویڈن میں قرآن پاک کی بے حرمتی نے امت مسلمہ کے جذبات کو مجروح کیا ہے- اُم…

    ادھر اس سے پہلےکوہاٹ کے تاندہ ڈیم میں مدرسے کے طلباء کی کشتی الٹنے سے 10 طلباء ڈوب کر جاں بحق ہوگئے۔ریسکیو 1122 کے مطابق کشتی الٹنے سے تمام طلباء ڈوب گئے جن کی تعداد 25 سے 30 بتائی جاتی ہے، مدسرے کے طلباء پکنک کے لیے تاندہ ڈیم آئے تھے۔حکام نے بتایا کہ اب تک 18 طلباء کو نکال لیا گیا ہے جن میں 10 طلباء جاں بحق ہوگئے جبکہ 8 اسپتال میں زیر علاج ہیں۔نگراں وزیر اعلیٰ خیبر پختونخوا محمد اعظم خان نے واقعے پر اظہار افسوس کرتے ہوئے ڈوبنے والے افراد کو بحفاظت نکانے کے لیے نیک خواہشات کا اظہار کیا ہے۔

    لسبیلہ، بس کھائی میں گرنے سے لگی آگ،40 افراد کی موت

    وزیر اعلیٰ نے ضلعی انتظامیہ اور ریسکیو اداروں کو ہنگامی بنیادوں پر ریسکیو آپریشن شروع کرنے کی ہدایت کی ہے اور کہا ہے کہ ڈوبنے والے افراد کی بحفاظت بازیابی کے لیے تمام دستیاب وسائل بروئے کار لائے جائیں۔محمد اعظم خان نے کہا کہ کمشنر اور ڈپٹی کمشنر کوہاٹ ریسکیو کارروائیوں کی خود نگرانی کریں۔

    آج ہی کے دن بلوچستان کے علاقے لسبیلہ کے علاقے بیلہ میں چینکی اسٹاپ کے قریب مسافر کوچ کھائی میں جا گردی، اندوہناک حادثے میں 41 مسافر جاں بحق، جب کہ متعدد زخمی ہوگئے۔ریسکیو ذرائع کا کہنا ہے کہ کھائی میں گرنے کے بعد مسافر کوچ میں آگ لگ گئی جس پر قابو پانے میں 2 گھنٹے لگ گئے، بعد ازاں لاشیں نکالنے کا عمل شروع کردیا گیا۔

    اسسٹنٹ کمشنر بیلہ حمزہ انجم کے مطابق مسافر بس تیز رفتاری کے باعث بیلہ کے قریب موڑ کاٹتے ہوئے پل کے ستون سے ٹکرا کر کھائی میں جاگری جس کے باعث اس میں آگ بھڑک اٹھی۔ بس کوئٹہ سے کراچی جا رہی تھی۔اسسٹنٹ کمشنر نے مزید بتایا کوچ میں 40 سے زائد افراد سوار تھے جن میں سے بچہ اور خاتون سمیت کو زخمی حالت میں نکالا گیا ہے جب کہ لاشیں نکالنے کا عمل مکمل کرلیا گیا ہے۔

    واقعہ کی اطلاع ملتے ہی لیویز اور ایمرجنسی رسپانس ٹیمیں موقع پر پہنچیں۔ ابتدا میں لاشوں اور زخمیوں کو ڈی ایچ کیو اسپتال منتقل کیا گیا، تمام لاشیں ناقابل شناخت ہیں۔ لاشوں کی شناخت کے لئے انہیں کراچی منتقل کیا گیا ہے۔حادثے میں جاں بحق افراد کی لاشوں کو ڈی این اے سے شناخت کیا جائے گا، دو شدید زخمیوں کو بھی فوری طبی امداد کیلئے کراچی منتقل کردیا گیا ہے۔امدادی ٹیموں کے مطابق حادثہ رات گئے پیش آیا، اندھیرے کے باعث امدادی کاموں میں مشکلات کا سامنا رہا۔

  • کراچی، ایک ہفتے میں 22 پولیس مقابلے، 36 ڈکیت زخمی حالت میں گرفتار

    کراچی، ایک ہفتے میں 22 پولیس مقابلے، 36 ڈکیت زخمی حالت میں گرفتار

    کراچی شہر میں انسداد جرائم کے دوران ڈاکوؤں سے ضلعی پولیس کے ایک ہفتے میں 22 مقابلے ہوئے ،

    فائرنگ کے تبادلے میں 1 ڈاکو کو ہلاک جبکہ 36 زخمی ڈاکوؤں سمیت متعدد ڈاکوؤں کو رنگے ہاتھوں گرفتارکیا گیا۔ گرفتار ملزمان سے مختلف اقسام کا غیر قانونی اسلحہ بشمول 34 پستول ، 1 کلاشنکوف ، 1 گاڑی اور13موٹر سائیکلیں برآمد کی گئیں جبکہ برآمدہ اسلحہ کو فارنزک کیلئے روانہ کر دیا گیا ہے۔پولیس نے گزشتہ ہفتے کے دوران کراچی کے ایسٹ، ویسٹ اور ساوتھ ذونز میں چھاپوں کے دوران مجموعی طور پر612 سے زائد ملزمان کو گرفتار کیا۔پولیس کیجانب سے منشیات کیخلاف جاری مہم کے دوران مختلف علاقوں سے لاکھوں روپے مالیت کی 53کلو 332 گرام چرس، 513 گرام ہیروئین, 321 گرام آئس،کرسٹال اور 182 بوتلیں شراب برآمد کی گئیں ۔

    گرفتار اسٹریٹ کرمنلز سے شہریوں سے لوٹ مار اور دیگر وارداتوں میں استعمال شدہ 145سے زائد مختلف اقسام کا غیر قانونی اسلحہ و ایمونیشن اور 04 دستی بم تحویل میں لے لیے گئے۔ کراچی پولیس نے مختلف علاقوں میں کارروائیاں کرتے ہوئے مجموعی طور پر چھینی و چوری شدہ 47 موٹرسائیکلیں اور7گاڑیاں تحویل میں لی گئیں۔ ترجمان کراچی پولیس کا کہنا ہے کہ کراچی پولیس کیجانب سے جرائم کے خاتمے، امن وامان کی بحالی اور عوام کے تحفظ کیلئے کئے جانے والے اقدامات جاری رہینگے۔

    کرونا میں مرد کو ہمبستری سے روکنا گناہ یا ثواب

    فیس بک، ٹویٹر پاکستان کو جواب کیوں نہیں دیتے؟ ڈائریکٹر سائبر کرائم نے بریفنگ میں کیا انکشاف

    ٹویٹر پر جعلی اکاؤنٹ، قائمہ کمیٹی اجلاس میں اراکین برہم،بھارت نے کتنے سائبر حملے کئے؟

    بیس ہزار کے عوض خاتون نے ایک ماہ کی بیٹی کو فروخت کیا تو اس کے ساتھ کیا ہوا؟

    بھارت ، سال کے ابتدائی چار ماہ میں کی 808 کسانوں نے خودکشی

    سال 2020 کا پہلا چائلڈ پورنوگرافی کیس رجسٹرڈ،ملزم لڑکی کی آواز میں لڑکیوں سے کرتا تھا بات

    سائبر کرائم ونگ کی کاروائی، چائلڈ پورنوگرافی میں ملوث تین ملزمان گرفتار

    لاہورہائیکورٹ نے "بدمعاشوں” کو ریلیف دے دیا

    کراچی کو کوئی دہشتگرد اب بند نہیں کر سکتا،وزیراعلیٰ سندھ

    بشریٰ بی بی، بزدار، حریم شاہ گینگ بے نقاب،مبشر لقمان کو کیسے پھنسایا؟ تہلکہ خیز انکشاف

  • بابراعظم ورلڈ کلاس کھلاڑی؟مصباح کھل کرسامنے آگئے

    بابراعظم ورلڈ کلاس کھلاڑی؟مصباح کھل کرسامنے آگئے

    لاہور: سابق کپتان اور ہیڈ کوچ مصباح الحق نے بابراعظم کو ’’ورلڈ کلاس کھلاڑی‘‘ قرار دے دیا۔لاہور میں میڈیا سے گفتگو کرتے ہوئے سابق ہیڈ کوچ اور کپتان مصباح الحق نے کہا کہ بابراعظم کے مقابلے میں ویرات کوہلی بہت زیادہ کرکٹ کھیل چکا ہے تاہم سمجھتا ہوں کے بابر ورلڈ کلاس کرکٹر ہیں۔

    آئی سی سی نےامپائر آف دی ایئر2022 کا اعلان کردیا

    مصباح الحق کا موقف تھا کہ کوہلی اور بابر کی پرفارمنس کا جائزہ لینے کا یہ وقت نہیں،دونوں کےمیچز کی تعداد بہت مختلف ہے۔ بابر کو کھیلتے ہوئے زیادہ عرصہ نہیں ہوا، اس کے مقابلے ویرات ایک لمبے عرصے سے میدان میں ہے۔انہوں نے کہا کہ مجھے بابر کی صلاحیتوں پر یقین ہے کہ اگر وہ اسی تسلسل سے پرفارم کرتا رہا تو وہ اعزازت بھی اپنے نام کرلے گا جو شاید کوہلی حاصل نہ کرسکے۔

    بابر اعظم آئی سی سی کرکٹر آف دی ائیر بن گئے

    بابراعظم پر ہونے والی تنیقید کے حوالے سے مصباح نے اس ٹرینڈ کو غلط ٹھہراتے ہوئے کہا کہ وہ ایک ورلڈ کلاس بلے باز ہیں اور آئی سی سی کے ایورڈز جیتنا اس کا ثبوت ہے کہ دنیا اس کی صلاحیتوں کا اعتراف کررہی ہے۔سابق کپتان نے کہا کہ آئی سی سی رینکنگ میں سبقت پانا آسان جاب نہیں۔اس کے لیے لگاتار رنز کرنا پڑتے ہیں، بابر کی وجہ سے ٹیم کی کامیابیوں کا گراف بھی اوپر گیا ہے۔مصباح نے کہا کہ خواہ مخواہ کپتان کو پریشر میں ڈال رہے ہیں، اگر کوئی تبدیلی کرنی ہے تو سوچ سمجھ کر کی جائے۔ اس موقع پر سابق کرکٹر نے فاسٹ بولر ویاب ریاض کے پنجاب کا نگران وزیر کھیل بننے پر ان کے لیے نیک خواہشات کا اظہار بھی کیا۔

    پی ایس ایل8: ہمارے ہیروز کےلیے34 شخصیات کا انتخاب کیا جائے گا

  • صوبائی وزیر صحت کو گولیاں مار دیں گئی:گولیاں مارنے والے پولیس اہلکار کون نکلا؟

    صوبائی وزیر صحت کو گولیاں مار دیں گئی:گولیاں مارنے والے پولیس اہلکار کون نکلا؟

    بھوبنیشور:پولیس نے اپنے ہی صوبائی وزیرپرحملہ کرکے شدید زخمی کردیا، یہ پولیس اہلکار کون ہے اس حوالے سے بھارتی ریاست اوڈیشا کے وزیر صحت کو ایک پولیس اہلکار نے نامعلوم وجوہات کی بنا پر براہ راست سینے میں دو گولیاں مار دیں اور فرار ہوگیا۔

    بھارتی میڈیا کے مطابق ریاست اڈیشا کے وزیر صحت نابا کشور داس کو گاندھی چوک کے نزدیک اے ایس آئی نے اُس وقت گولی ماری جب وہ ایک تقریب میں شرکت کے لیے پہنچے تھے۔

    عینی شاہدین کا کہنا ہے کہ وزیر صحت جیسے ہی اپنی کار سے اترے سے سیکیورٹی پر مامور پولیس اہلکار نے سرکاری پستول سے یکے بعد دیگرے دو گولیاں ان کے سینے میں اتار دیں۔وزیر صحت کو انتہائی تشویش ناک حالت میں قریبی اسپتال منتقل کیا گیا جہاں طبیعت نہ سنبھلنے پر طیارے کے ذریعے بھونیشور لے جایا گیا جہاں ماہر ڈاکٹر کی زیر نگرانی پیچیدہ آپریشن کیا جا رہا ہے۔

    پولیس ترجمان کا کہنا ہے کہ وزیر صحت پر فائرنگ کرنے والے اسسٹنٹ سب انسپکٹر کی شناخت گوپال داس کے نام سے ہوئی ہے۔ تاحال واقعے کے محرکات کا تعین نہیں ہوسکا۔ تفتیشی عمل جاری ہے۔

    ادھر گوالیار میں تاریخی ہزیمت کے بعد بھارتی فوج کو ایک جھٹکا لگ گیا، انڈین آرمی کے 31 سپاہیوں کو ناگا لینڈ فریڈم فائٹرز نے حراست میں لے لیا۔بھارتی میڈیا کی رپورٹس کے مطابق گرفتار ہندوستانی سپاہیوں اور اعلیٰ آفسران فریڈم فائٹرز سے انہیں چھوڑنے کی منت سماجت کرتے نظر آئے، جان کی بخشی اور آئندہ ایسا نہ کرنے کی بُنیاد پر فریڈم فائٹرز نے ہندوستانی سپاہیوں کو محفوظ راستہ دینے کی حامی بھر لی۔

    رپورٹس میں کہا گیا ہے کہ ہندوستانی فوج کا مورال دن بہ دن گرتا جا رہا ہے کیونکہ راشن اور دیگر سہولیات نہ ہونے کی وجہ سے ہندوستانی فوجی خود کشیاں کرنے پر بھی مجبور ہیں