پارٹی پہاڑ، جو اس سے گرے گا وہ پتھر سے زیادہ نہیں ہو گا، مریم نواز
باغی ٹی وی کی رپورٹ کے مطابق چیف آرگنائزر مسلم لیگ ن مریم نواز لاہور پہنچ گئیں
وفاقی وزیر اطلاعات مریم اورنگزیب بھی مریم نواز کےہمراہ ہیں ، مریم نواز کا پاکستان پہنچنے پر کہنا تھا کہ میں کسی کی سزا پر خوش نہیں ہوں مفتاح اسماعیل سے متعلق گفتگو نہیں کرنا چاہوں گی شاہدخاقان عباسی کی پارٹی اور نوازشریف سے وابستگی پر کوئی سوال نہیں اٹھا سکتا، مریم نواز نے سماجی رابطے کی ویب سائٹ ٹویٹر پر ٹویٹ کی اور کہا کہ پاک سر زمین شاد باد
مریم نواز کا مزید کہنا تھا کہ نوازشریف وطن واپسی کیلئے تیاری کررہے ہیں،پارٹی پہاڑ کی طرح ہے جو اس سے گرے گا وہ پتھر سے زیادہ نہیں ہو گا،عمران خان نے سیاسی مخالفین کیساتھ جو کچھ کیا اس کی سزا قانون فطرت سے ملے گی، نوجوانوں کو ن لیگ میں لانا چاہتی ہوں،مسلم لیگ ن کو مضبوط کرنا چاہتی ہوں،نوازشریف اور شہبازشریف نے اہم ذمہ داریاں دی ہیں ماضی کی طرف دیکھتی ہوں توخوف آتاہے کہ کس انتقام کا نشانہ بنایاگیا، میری تربیت نواز شریف نے کی ہے ،ساڑھے تین ماہ بعد وطن واپس آئی ہوں ،4ماہ والد کے ساتھ سیاسی حکمت عملی مرتب کرنے کا موقع ملا،پیر سے رمضان تک مکمل پلاننگ کےساتھ شیڈول لیکر آئی ہوں ،نوازشریف کی واپسی کی حتمی تاریخ نہیں دے سکتی، عمران خان اور حواریوں کے ساتھ جو ہوگ اوہ مکافات عمل ہوگا،پارٹی کو نئی سمت دیں گے اورنوجوانوں کو آگے لائیں گے،شاہد خاقان نے کہا کہ میں پارٹی نہیں چھوڑ سکتا،جاوں گا تو گھرجاوں گا،پارٹی میں اختلافات چلتے رہتے ہیں،شاہد خاقان عباسی کا نوازشریف اورپارٹی سے 3 دہائیوں کا ساتھ ہے،
مریم نواز کا مزید کہنا تھا کہ پاکستان اورنوازشریف اکٹھے نیچے گئے تھے،نوازشریف بہت جلد وطن واپس آرہے ہیں پارٹی کیلئے قربانیاں بھی دینی پڑتی ہیں جب تک قوم کی تقدیر نہیں بدل دیں گے آرام سے نہیں بیٹھیں گے، نوازشریف کیخلاف سازش کرنے والے کردار سب سامنے آ رہے ہیں ،نوازشریف،شہبازشریف اور مریم نواز نے آپ سے انتقام نہیں لیا،نوازشریف اس بار پہلے سے زیادہ طاقت کے ساتھ واپس آئیں گے مجھے احساس ہے ملک میں مہنگائی ہے،نوازشریف کو احساس ہےکہ ملک میں مہنگائی ہے،نوازشریف کو ملک سے نکالنا ایک بڑا سانحہ تھا،ن لیگ نے ہمیشہ پاکستان کو مشکلات سے نکالا ہے،
ترقی کرتاہوا پاکستان واپس آئےگا،سازش کرنے والے سارے کردار اپنے انجام کو پہنچے یا نہیں،وہ دن دور نہیں جب نوازشریف کی قیادت میں ملک ترقی کرے گا، آج ان کو مہنگائی کا خیال آرہا ہے جو کہتے تھے مہنگائی کی خبر ٹی وی سے پتہ چلی، رونے کی تیاری کر لو اب باقی کی زندگی رونا پڑے گا، خیبرپختونخوا،پنجاب اور گلگت بلتستان میں حکومت کرنے والے ذمہ دارہمیں قرار دے رہے ہیں،عمران خان نے حکومت خود توڑی اوراب رو بھی خود رہا ہے،8 ماہ کا حساب بعد میں ہوگا، پہلے چار سال کا حساب دینا ہوگا، ہم الیکشن سے ڈرنے والے نہیں الیکشن جب بھی ہوں گے ن لیگ اکثریت سے کامیابی حاصل کرے گیمیں آپ سے وعدہ کرتی ہوں پارٹی کیلئے ایک منٹ نہیں بیٹھوں گی، نواز شریف کیخلاف سازش کرنے والے تمام کردار اپنے اپنے انجام کو پہنچے،
مریم نواز شریف کی آمد کے موقع پر جاتی عمرہ انٹری گیٹ کو پھولوں سے سجا دیا گیا ہے، اس موقع پر سیکورٹی کے سخت انتظامات کئے گئے ہیں،
جنید صفدر مریم نواز کو لینے جانی امراء سے ائیرپورٹ کے لیئے روانہ ہوئے، جنید صفدرنے والدہ کا لاہور ائیرپورٹ پر استقبال کیا، مریم نواز کا لاہور ایئر پورٹ پر کارکنان کی جانب سے استقبال کیا گیا،
مریم نواز کے شوہر کیپٹن ر صفدر کا کہنا ہے کہ مریم نواز اپنے والد کا نظریہ آگے چلانے کے لیے آرہی ہیں، الیکشن سے پہلے معیشت کو ٹھیک کرلیا جائے گا ،مسلم لیگ ( ن ) لاہور کے صدر سیف الملوک کھوکھر کا کہنا ہے کہ مریم نواز کے استقبال کے لئے لاکھوں کی تعداد میں کارکن پہنچیں گے لاہور ائرپورٹ کی حدود میں استقبالیہ کیمپ لگ گیا ہے راستوں پر بینرز آویزاں کئے گئے ہیں،نواز شریف، شہباز شریف، حمزہ شہباز سمیت دیگر لیگی رہنمائوں کے پورٹریٹ بھی آویزاں کئے گئے ہیں مریم نواز کے لئے کنٹینر بھی تیار کر لیا گیا مریم نواز کنٹینر سے کارکنوں سے خطاب کریں گی سائونڈ سسٹم اور لائٹنگ کا بھی انتظام کیا گیا ہے استقبالیہ سے باہر واک تھرو گیٹس نصب کئے گئے ہیں، کارکنان واک تھرو گیٹس سے گذر کر ہی استقبالیہ کی طرف جا سکیں گے
وفاقی وزیر اطلاعات مریم اورنگزیب کا کہنا ہے کہ ن لیگی نائب صدر مریم نواز آج شام لاہور پہنچیں گی،پارٹی رہنما، کارکنان اورعوام مریم نواز کا خوشی سے انتظار کر رہے ہیں مریم نواز پارٹی کی تنظیم نو کا آغاز کریں گی ملک بھر میں ورکرز اور عوام سے رابطہ مہم شروع کی جائے گی،
خواجہ سرا کے روٹھنے پر خود کو آگ لگانے والا پریمی ہسپتال منتقل
آڈیو لیکس، عمران خان گھبرا گئے،زمان پارک میں جاسوسی آلات نصب ہونے کا ڈر، خصوصی سرچ آپریشن
عمران خان دی بندہ کی عزت کرسکدا اے….فواد چودھری کی آڈیو لیک
پرویز الہی کی مبینہ آڈیو لیک جس میں وہ تحریک انصاف کے رہنما فواد چودھری کو گندی گالیاں دے رہے ہیں
علی امین گنڈاپور اور امتیاز نامی شخص کے مابین آڈیو لیک
عمران خان کی جاسوسی، آلات برآمد،کس کا کارنامہ؟
لاہور میں خواجہ سرا کو قتل کر دیا گیا
سارہ گِل نے پاکستان کی پہلی خواجہ سرا ڈاکٹر کا اعزاز اپنے نام کرلیا ہ
خواجہ سرا مشکلات کا شکار،ڈی چوک میں احتجاج،پشاورمیں "ریپ” کی ناکام کوشش
قبل ازیں مریم نواز کی پاکستان واپسی ، پرواز میں ایک گھنٹہ تاخیر ہوسکتی ہے ،جہاز عملہ کے مطابق پرواز کے اندر ن لیگ کے کارکن کی طبیعت ناساز ہو گئی ہے،پی آئی اے عملے کی جانب سے ایمبولینس طلب کرلی گئی جہاز کو واپس ہینگر میں لے جایا جا رہا ہے،مریم نواز وطن واپسی کیلئے ابوظہبی ائرپورٹ پہنچیں تو مریم نوازکے ہمراہ وفاقی وزیر اطلاعات مریم اورنگزیب اور ڈاکٹر عدنان بھی موجود تھے
