کراچی:کراچی پولیس آفس میں دہشت گردوں کیخلاف آپریشن مکمل کرلیا گیا ہے۔ دہشت گردوں کے ناکام حملے میں تین دہشت گردوں کو ہلاک کیا گیا۔ پولیس آفس کو کلیئر قرار دے دیا گیا۔کلیئرنس آپریشن میں شریک اہلکاروں نے دہشت گردوں کو ہلاک کرنے کے بعد اللہ اکبر کے بلند نعرے بھی لگائے۔
واضح رہے کہ آپریشن کے دوران رینجرز کے سب انسپکٹر تیمور اور پولیس اہلکار غلام عباس سمیت چار افراد شہید ہوئے تھے، جب کہ انیس زخمی بھی ہوئے۔ زخمیوں میں رینجرز کے لیفٹیننٹ کرنل جواد، ایس ایس یو کے ڈی ایس پی حاجی عبد الرزاق بھی شامل ہیں۔
ڈی آئی جی سیکیورٹی مقصود میمن کے مطابق تین دہشت گردوں نے حملہ کیا تھا، سندھ پولیس ایسے حملوں سے نمٹنے کیلئے ہر وقت تیار ہے۔
کراچی میں پولیس آفس پر حملے میں شہید ہونے والے رینجرزکے سب انسپکٹر تیمور کی نماز جنازہ ادا کردی گئی ہے۔ رینجرز ہیڈ کوارٹر میں وزیراعلیٰ سندھ، کور کمانڈر کراچی، ڈی جی رینجرز، آئی جی سندھ اور ایڈیشنل آئی جی کراچی سميت دیگر افسران نے شرکت کی۔ شہید کی میت تدفین کیلئے شجاع آباد ملتان روانہ کردی گئی
ڈی آئی جی سیکیورٹی مقصود میمن کے مطابق تین دہشت گردوں نے حملہ کیا تھا، سندھ پولیس ایسے حملوں سے نمٹنے کیلئے ہر وقت تیار ہے۔
کراچی پولیس چیف آفس پر حملے کے بعد آپریشن میں ہلاک ہونے والے دو دہشت گردوں کی شناخت ہوگئی۔ ایک کا تعلق لکی مروت اور دوسرے کا شمالی وزیرستان سے ہے۔دہشت گرد شام سات بجے کے قريب پولیس کی وردیوں میں عقبی راستے سے پولیس آفس ميں داخل ہوئے۔ دہشت گردوں کے پاس نیلے رنگ کے بیگز موجود تھے۔ کھجوریں اور چنے لے کر آئے تھے۔ پاک افواج کے کمانڈوز، رینجرز اور پولیس نے آپریشن میں حصہ لیا۔
کرائم سین یونٹ نے دہشت گردوں کی گاڑی کا معائنہ مکمل کرلیا۔ سفید رنگ کی گاڑی سے دومیگزین بھی ملے ہیں۔ گاڑی سے بی ایس آر چھ سو چھتیس نمبرکی ایک اور نمبرپلیٹ ملی۔ کار نمبر اے ایل ایف زیرو فور تھری جس شہری کے نام پر رجسٹرڈ ہے وہ گاڑی بیچ چکا ہے، جس نے خریدی اس نے بھی آگے بیچ دی۔ مگر نئے مالک نے اپنے نام ٹرانسفر نہیں کروائی۔ گاڑی کے چوری ہونے یا چھینے جانے کا کوئی ریکارڈ نہیں۔
وزیراعلیٰ سندھ نے اس موقع پر مرحوم کے بلند درجات اور اہل خاندان کے صبرکے لیے دعا کی اورکہا کہ سندھ حکومت شہید سب انسپکٹر کے اہل خانہ کا ہر طرح خیال رکھے گی۔سندھ حکومت شہید سب انسپکٹر کی قربانی کو قدر کی نگاہ سے دیکھتی ہے۔ نمازجنازہ کی ادائیگی کے بعد شہید سب انسپکٹر کی میت آبائی علاقے ملتان شجاع آباد روانہ کردی گئی، جہاں آبائی قبرستان میں شہید کو سپرد خاک کردیا جائے گا۔
یاد رہے کہ کل رات کراچی کے علاقے صدر میں شاہراہ فیصل سے متصل کراچی پولیس آفس (کے پی او) پر دہشت گردوں نے حملہ کردیا۔ پولیس کا کہنا ہے کہ فائرنگ کے تبادلے میں 3 دہشت گرد مارے گئے، ایک دہشت گرد نے خود کو دھماکے سے اڑالیا۔ حکام کے مطابق 2 پولیس ایک رینجرز اہلکار سمیت 4 افراد جاں بحق جبکہ 15 زخمی ہوئے۔
کراچی کے علاقے شاہراہ فیصل پر واقع صدر تھانے (کراچی پولیس آفس، ایڈیشنل آئی جی آفس) پر جمعہ کی شام دہشت گردوں نے حملہ کیا۔ایس ایس یو، رینجرز کی کوئیک رسپانس فورس سمیت سیکیورٹی ادارے کے اہلکاروں نے دہشت گردوں کیخلاف آپریشن کیا، ساڑھے 3گھنٹے سے زائد جاری رہنے والے آپریشن کے بعد عمارت کو کلیئر کردیا گیا
