Tag: london nahi jaon ga

اداکارہ کبری خان جنہیں ان کی اداکاری کی وجہ سے بے ھد سراہا جاتا ہے ، انہوں نے اپنے ھالیہ انٹرویو میں کہا ہے کہ میں آج کل بہت سارے پراجیکٹس پر کام کررہی ہوں. میرے پاس بہت سارے پراجیکٹس ایسے ہیں جو کہ بہت ہی دلچپسپ ہیں. کبری خان نے کہا کہ آج کل ریٹنگ کے چکر کی وجہ سے بہت سارے مسائل ہیں ، ایک مسئلہ یہ بھی ہے کہ جن پراجیکٹس کی کی ریٹنگ آرہی ہو اس سے یہ سمجھ لیا جاتا ہے کہ اس سے جڑے اداکار بہت زیادہ ہٹ ہیں اور انکی عوام میں بہت زیادہ پذیرائی ہے ، حالانکہ ریٹنگ اور معیار دو الگ الگ چیزیں ہیں اس کے فرق کو

سمجھنے کی ضرورت ہے . کبری خان نے کہا کہ تنقید ہونی چاہیے میں یہ نہیں کہتی کہ نہیں ہونی چاہیے لیکن مثبت تنقید ہو تو انسان کو سیکھنے کا موقع ملتا ہے اور وہ اپنی خامیوں پر قابو پانے کی کوشش کرتا ہے لیکن اگر مثبت کی بجائے منفی انداز میں‌تنقید کی جائے تو یقینا اس سے اگلے انسان کی زہنی صحت پر اثر پڑتا ہے. کبری خان نے کہا کہ میں نے ہمیشہ کوشش کی ہے کہ ایسا کام کروں‌ جسکو عوام قبول کرے اور پسند کرے.

کبری خان جنہوں نے ڈرامہ کے ساتھ ساتھ فلموں میں بھی اپنی اداکاری کے جوہر دکھائے، گزشتہ برس ان کی فلم لندن نہیں‌جائونگا ریلیز ہوئی ان کے کردار کو بہت سراہا گیا. کبری خان آج کل گوہر رشید کے ساتھ دیکھی جاتی ہیں ، ان کی دوستی کے چرچے کافی مہینوں سے چل رہے ہیں، اداکارہ نے اپنے ھالیہ انٹرویو میں کہا ہے کہ اچھا دوست قسمت والوں کو ملتا ہے . اور آج کے دور میں جس کے پاس اچھا دوست ہو وہ بہت ہی قسمت والا ہوتا ہے. اگر کسی

کو اچھا اور مخلص دوست مل جائے تو اسکی قدر کی جانی چاہیے جو کہ اکثر نہیں کی جاتی. انہوں نے کہا کہ ہمارے ہاں اچھی شکل و صورت اور شخصیت کو ہی دیکھا جاتا ہے اسے پسند کیاجاتا ہے اس کے قریب سب رہنا پسند کرتےہیں لیکن اس کے برعکس کسی کی شخصیت اچھی نہیں ، اسکا اخلاق اچھا ہے تو اسکو نظر انداز کر دیا جاتا ہے اسکی باطنی خوبیاں اسکی ظاہرکی شخصیت کی وجہ سے زیرو کر دی جاتی ہے جو کہ بہت ہی غلط ہے ایسا نہیں ہونا چاہیے. انہوں نے کہ انسان مخلص ہونا چاہیے چاہے وہ جیسا مرضی نظر آتا ہو، اس کی قدر کی جانی چاہیے.