سینئر اداکارہ ماہ نور بلوچ نے اپنے حالیہ انٹرویو میں کہا ہے کہ میں نے ہالی وڈ کی فلموں میں بھی کام کیا ہے وہاں اور یہاں کام کرنے کے انداز میں بہت زیادہ فرق ہے. انہوں نے کہا کہ وہاں اگر اداکار رونے کا سین کرتا ہے تو اسکو ایک گھنٹہ بعد میں آرام کرنے دیا جاتا ہے ، یہاں تو مرنے کا سین شوٹ کروانے کے بعد شادی کا سین ریکارڈ کروایا جا رہا ہوتا ہے. انہوں نے کہا کہ میں نے اپنے دور میں بہت سارے کردار کئے لیکن مجھے ہٹ کر کردار نہیں دئیے گئے.
انہوں نے کہا کہ ”مجھے رونے دھونے والے کردار دئیے ہی نہیں گئے کہا جاتا تھا کہ آپ شکل سے امیر لگتی ہیں”، آپ غریب نہیں لگتیں نہ ہی آپ مظلوم دکھائی دیتی ہیں تو ہم کیا آپ کو روٹین سے ہٹ کر کردار دیں. انہوں نے کہا کہ پاکستان میں آج جیسا کام ہو رہا ہے میں وہ نہیں کر سکتی. ہاں جب میرے پاس روٹین سے ہٹ کر کوئی کردار آئیگا تو میں یقینا اسکو کروں گی. لیکن اگر مجھے لگے گا کہ مجھے آفر کیاجانے والا کردار ویسا ہی ہے جیسا کام ہو رہا ہے تو میں معذرت کر لوں گی.
