میرپورماتہیلو با غی ٹی وی / نامہ نگار مشتاق علی لغاری -گھوٽکی میں شہری اتحاد کی جانب سے شہر میں بڑھتی ہوئی بدامنی، ڈکیتیوں، موٹرسائیکل چوری، جوا اڈوں، آئس اور منشیات کی کھلے عام فروخت، اوباش عناصر کی غنڈہ گردی، بلیک میلنگ اور پولیس کی نااہلی کے خلاف احتجاجی ریلی نکالی گئی۔ریلی کی قیادت چیئرمین شہری اتحاد رئیس الہوسایو گھوٹو، سرپرست مکھی کیکا رام اور سینئر وائس چیئرمین لالا قیصر زمان خان پٹھان نے کی۔ ریلی پریس کلب گھوٹکی سے شروع ہو کر پاکستان چوک تک پہنچی۔احتجاجی ریلی میں سینکڑوں دکانداروں اور شہریوں نے شرکت کی۔ مظاہرین نے مطالبہ کیا کہ شہر میں دیانتدار اور قابل پولیس افسران مقرر کیے جائیں تاکہ شہریوں کو جان و مال کا تحفظ فراہم کیا جا سکے۔