Baaghi TV

Tag: Maryam Nawaz

  • سیالکوٹ میں اسسٹنٹ کمشنر کے خلاف منفی ویڈیو پر ردعمل، سدرہ ستار کی کارکردگی کا دفاع

    سیالکوٹ میں اسسٹنٹ کمشنر کے خلاف منفی ویڈیو پر ردعمل، سدرہ ستار کی کارکردگی کا دفاع

    سیالکوٹ -بیورو چیف مدثر رتو سے
    اسسٹنٹ کمشنر پسرور سدرہ ستار کے خلاف سوشل میڈیا پر زیرِ گردش منفی اور گمراہ کن ویڈیو قابلِ مذمت اور تشویشناک ہے ، کسی بھی سرکاری افسر کے خلاف بغیر تصدیق شدہ معلومات پر مبنی مواد کی اشاعت نہ صرف اخلاقی اقدار کے منافی ہے بلکہ یہ عمل قابلِ مواخذہ بھی ہو سکتا ہے۔
    سدرہ ستار نے بطور اسسٹنٹ کمشنر اپنی تعیناتی کے بعد قانون اور ضابطے کے مطابق فرائض سرانجام دیے ہیں اور کسی بھی قسم کے سیاسی یا سماجی دباؤ کو قبول کیے بغیر اپنی ذمہ داریاں احسن انداز میں نبھائی ہیں ، خصوصاً سیلابی صورتحال کے دوران انہوں نے عملی میدان میں رہتے ہوئے ذمہ داری ، جرات اور پیشہ ورانہ صلاحیت کا مظاہرہ کیا۔یہ امر واضح کیا جاتا ہے کہ کسی بھی خاتون افسر کی ذاتی زندگی کو بنیاد بنا کر کردار کشی کرنا نہ صرف غیر اخلاقی ہے بلکہ پاکستان کے مروجہ قوانین ، بشمول ہتکِ عزت اور سائبر کرائم قوانین کے تحت قابلِ سزا جرم ہے۔ ایسے عناصر جو سوشل میڈیا پر جھوٹا اور من گھڑت مواد پھیلا کر کسی کی ساکھ کو نقصان پہنچانے کی کوشش کر رہے ہیں، ان کے خلاف قانونی کارروائی عمل میں لائی جا سکتی ہے۔
    اگر کسی فرد کو اسسٹنٹ کمشنر کے سرکاری امور سے متعلق کوئی شکایت ہے تو وہ متعلقہ فورمز پر قانونی طریقہ کار کے مطابق رجوع کرے۔ بلاجواز الزامات اور ذاتی حملوں سے اجتناب کیا جائے۔وزیر اعلیٰ پنجاب مریم نواز اور ڈپٹی کمشنر سیالکوٹ صبا اصغر کی ہدایات کے مطابق سدرہ ستار اپنی ذمہ داریاں قانون و ضابطے کے تحت بخوبی انجام دے رہی ہیں۔تمام شہریوں سے گزارش ہے کہ ذمہ دارانہ رویہ اختیار کریں اور کسی بھی غیر مصدقہ مواد کو شیئر کرنے سے گریز کریں، بصورت دیگر قانونی نتائج کے خود ذمہ دار ہوں گے۔

  • نواز شریف بہت جلد واپس آرہے، مریم نواز شریف نے عندیہ دے دیا

    نواز شریف بہت جلد واپس آرہے، مریم نواز شریف نے عندیہ دے دیا

    مسلم لیگ ( نواز ) کی چیف آرگنائزر و سینئر نائب صدر مریم نواز شریف نے نواز شریف بہت جلد واپس آنے کا عندیہ دے دیا ہے، پاکستان مسلم لیگ کے مرکزی سیکرٹریٹ ماڈل ٹاون میں تقریب کا انعقاد کیا گیا تھا جس میں پارٹی کے سلوگنز والی اشیا نمائش کے لیے پیش کی گئیں اور اس موقع پر سینئر نائب صدر نے ان اشیاء کا معائنہ کیا اور پارٹی پرچم، نواز شریف کی تصاویر اور پارٹی نعروں والی اشیاء کو پسند کیا گیا۔

    جبکہ اس موقع پر مریم نواز کا کہنا تھا کہ میرے چائے کے کپ پر بہت تبصرے، تجزیے اور پروگرامز کئے گئے، اب میں نیا کافی کپ استعمال کر رہی ہوں جس میں کافی زیادہ مزے کی لگتی ہے، اس کپ پر ایک جانب لکھا ہے ’‘ میاں دے نعرے وجن گے’’ اور دوسری جانب نواز شریف کی تصویر بنی ہوئی ہے۔

    علاوہ ازیں مریم نواز کی جانب سے آئندہ انتخابات کی تیاریوں میں پارٹی سلوگن والی اشیاء استعمال کرنے کی ہدایات جاری کی گئیں جن میں جدید کافی کپ، نوٹ بکس، بیجز اور پوسٹرز شامل ہیں جبکہ تمام اشیا پر مسلم لیگ ن کا جھنڈا، انتخابی نشان شیر اور مختلف نعرے درج ہیں۔ جبکہ انہوں نے یہ بھی کہا کہ مسلم لیگ ن کے تمام رہنما نیا کافی کپ استعمال کریں، میں یقین دلاتی ہوں کہ اس نئے کپ میں کافی زیادہ بہتر مزہ دے گی، فون کور پر ’‘ دیکھو دیکھو کون آیا، شیر آیا شیر آیا ’‘ کے نعرے درج ہیں جو کہ موجودہ حالات کی عکاسی کرتا ہے۔
    نگران حکومت کو ہر صورت مہنگائی کو قابو کرنا ہو گا ، راجہ ریاض
    نو مئی یوم سیاہ کے طورپر، آج رات اسمبلی تحلیل کی سمری بھیجوں گا، وزیراعظم
    ایشیا کپ اورافغانستان سیریز کیلئے 18 رکنی اسکواڈ کا اعلان

    ان کا مزید کہنا تھا کہ شیر بہت جلد لندن سے واپس آنے والا ہے، اگلے انتخابات میں ایک بار پھر شیر دھاڑنے جا رہا ہے۔

  • نواز شریف کی اہم ملاقاتیں،جلد وطن واپسی کا امکان

    نواز شریف کی اہم ملاقاتیں،جلد وطن واپسی کا امکان

    نواز شریف کی اہم ملاقاتیں، بہت جلد واپسی کا امکان

    نواز شریف فیملی کے ہمراہ دبئی میں اپنے داماد علی ڈار کی رہائش گاہ ایمریٹس ہلز میں رہائش پزیر ہیں، نواز شریف آج رائل فیملی اور بزنس کمیونٹی کے ساتھ ملاقاتیں کریں گے، ان ملاقاتوں میں مریم نواز بھی اپنے والد کے ہمراہ ہوں گی۔ جبکہ گزشتہ روز متحدہ عرب امارات پہنچنے والے مسلم لیگ ن کے قائد نواز شریف کو دبئی حکومت کی جانب سے خصوصی پروٹوکول فراہم کیا جا رہا ہے۔

    صحافی سبط عارف کے مطابق دبئی نواز شریف دبئی میں قیام کے بعد ابوظبی اور سعودی عرب جائیں گے، نواز شریف سعودی عرب میں تقریباً ایک ہفتہ قیام کے بعد دوبارہ دبئی آئیں گے۔ واضح رہے کہ وزیراعظم شہباز شریف ابھی تک لندن میں موجود ہیں، ان کی روانگی جلد متوقع ہے، نواز شریف اپنی فیملی کے ہمراہ عید دبئی میں منائیں گے۔

    علاوہ ازیں ذرائع کا بتانا ہے کہ وزیراعظم نواز شریف کی ملاقاتوں کا پہلا سیشن اختتام پزیر ہو گیا ہے، نواز شریف کی پاکستان واپسی کا روڈ میپ طے کیا جا رہا ہے۔ نجی ٹی وی نے ذرائع کے مطابق دعویٰ کیا ہے کہ سابق وزیراعظم نواز شریف کی وطن واپسی کے راستے میں حائل قانونی الجھنوں کے سلجھانے کے لیے ماہرین سے مشورے کیے جا رہے ہیں۔
    مزید یہ بھی پڑھیں؛
    ڈاؤیونیورسٹی ایشیا کی بہترین جامعات کی فہرست میں شامل
    تعلیمی میدان میں گلگت بلتستان کے نوجوان آزاد کشمیر اور اسلام آباد کے نوجوانوں سے آگے
    سلمان خان نے نوازالدین صدیقی کی اہلیہ کو ذاتی زندگی کے بارے میں بات کرنے سے منع کر دیا
    قومی اسمبلی: نااہلی کی سزا 5 سال کرنے کا بل اتفاق رائے سے منظور
    مئیر کراچی انتخابات: پی ٹی آئی کےمزید 6 اراکین پی ٹی آئی سے فارغ

    تاہم ذرائع کا کہنا ہے کہ پاکستانی سیاست کا مرکز ابھی دبئی رہے گا جس کے لیے کئی سیاسی رہنماؤں کی دبئی آمد کا امکان ہے، دبئی میں اگلے چند دنوں میں نواز شریف سے سیاسی رہنماؤں کی بیٹھکیں متوقع ہیں۔

    ادھر وزیر اعظم شہباز شریف نے پاکستان مسلم لیگ ن کے قائد اور سابق وزیر اعظم نواز شریف کی وطن واپسی کے معاملے پر قانونی ٹیم تشکیل دے دی ہے جبکہ ذرائع کے مطابق قانونی ٹیم میاں نواز شریف کے عدالتوں میں جاری کیسز کی پیروی کو تیز کرے گی، سابق وزیر اعظم کی نااہلی اور دیگر کیسز کے خاتمے کیلئے کام میں تیزی لائی جائے گی، قانونی ٹیم نواز شریف کی واپسی میں قانونی رکاوٹوں کے خاتمے کیلئے اپنا بھرپور کردار ادا کرے گی۔ سابق وزیراعظم نواز شریف اور کی صاحبزادی مریم نواز نے دبئی میں ساتھیوں کے اہم ملاقات کی، ملاقاتوں کے دوران لیگی قائد کی واپسی سے متعلق اہم امور پر تبادلہ خیال کیا گیا۔

    ن لیگ کے ذرائع کے مطابق ایک ملاقات معروف تاجروں سے ہوئی جبکہ ایک ملاقات کے دوران نواز شریف کی پاکستان واپسی پر بھی تبادلہ خیال کیا ، لیگی قائد مستقبل قریب میں جلد پاکستان آنا چاہتے ہیں۔ اسی دوران میاں نواز شریف نے سیاسی لائحہ عمل پر دوستوں سے صلاح مشورے کیے ۔

  • مریم نواز مفت پینٹنگ لینا چاہتی تھی رابی پیرزادہ

    مریم نواز مفت پینٹنگ لینا چاہتی تھی رابی پیرزادہ

    سابقہ اداکارہ اور گلوکارہ رابی پیرزادہ نے اپنے حالیہ انٹرویو میں کہا ہے کہ میں نے مریم نواز کا پوٹریٹ بنایا اور سوچا کہ اس کو فروخت کرکے غریبوں کی مدد کروں گی لیکن دو سال گزر جانے کے باوجود کسی نے مجھ سے نہیں خریدی ، جبکہ عمران خان کا پورٹریٹ بنائوں تو وہ فورا بک جاتا ہے. انہوں نے کہا کہ مریم نواز کو ان کی پینٹنگ دینے کی کوشش کی لیکن پیسوں کے عوض، ان کی ٹیم میرے پاس آئی اور کہنے لگی کہ ہم مریم بی بی کے پوٹریٹ کو آپ سے مفت لینا چاہتے ہیں تو میں نے انکار کر دیا میں نے کہا کہ میں مفت میں نہیں‌دے سکتی ایک تو اس پر

    میرا پینٹ لگتا ہے اور دوسرا یہ کہ اس سے میرے ساتھ جڑے غریبوں کا رزق جڑا ہوا ہے . رابی پیرزادہ نے کہا کہ مجھے یہ نہیں‌ پتہ کہ مریم نواز کو یہ پتہ ہے کہ نہیں‌ کہ ان کی ٹیم نے مجھ سے ان کے پورٹریٹ کے پیسے مانگے، رابی نے یہ بھی کہا کہ عمرا ن خان کا اللہ کے ساتھ کیا کنکشن ہے یہ ان کا اور اللہ کا معاملہ ہے میں تو بس ان کے پورٹریٹ بناتی ہوں وہ فورا بک جاتے ہیں لیکن مریم کا پورٹریٹ دو سال تک میرے پاس پڑا رہا کسی نے خریدا نہیں.

  • پنجاب کی جیلوں میں کتنے قیدی ہیں جو کسی بھی وقت اللہ کو پیارے ہو سکتے ہیں ؟ ویڈیو رپورٹ

  • ہمیں دھرنے میں کسی لیگی خاتون کی ضرورت نہیں، اکرم خان درانی نے واضح کردیا

    ہمیں دھرنے میں کسی لیگی خاتون کی ضرورت نہیں، اکرم خان درانی نے واضح کردیا

    اسلام آباد: سابق وزیراعلیٰ اور مولانا فضل الرحمان کے قریبی ساتھی اکرم خان درانی صاحب نے کہا ہے کہ ہمیں دھرنے میں کسی ن لیگی خاتون کی ضرورت نہیں، ہمارے پاس مرد بہت ہیں.

    تفصیلات کے مطابق نجی ٹی وی کے پروگرام میں گفتگو کرتے ہوئے اکرم خان درانی نے کہا کہ ہمارے پاس مرد بہت ہیں، لہذا مسلم لیگ ن کی خواتین سے گزارش ہے کہ وہ گھر بیٹھ کر ہمارے لیے دعا کریں، ہمیں دھرنے میں کسی خاتون کی ضرورت نہیں ہوگی. انہوں نے مزید کہا کہ مسلم لیگ ن اور ہماری سوچ کافی ملتی جلتی ہے، ہمارا دستور بھی ایک جیسا ہی ہے، لیکن میری تمام خواتین سے گزارش ہے کہ آپ گھروں میں بیٹھ کر ہمارے لیے دعا کریں. ہمارے پاس مردوں کی تعداد بہت زیادہ ہے، اسی لیے کسی خاتون کی ضرورت نہیں ہوگی.

    واضح رہے کہ مولانا فضل الرحمان نے اکتوبر میں حکومت کیخلاف مارچ کرنے کا اعلان کر رکھا ہے، جس کیلئے ن لیگ اور دیگر سیاسی جماعتوں سے رابطے جاری ہیں. تاہم اب اکرم خان درانی کے اس بیان نے نیا ہنگامہ کھڑا کردیا ہے.

  • مریم نواز کی گرفتاری: کون سے فائدے ہوئے؟ ملکی سیاست میں‌طوفان برپا ہوگیا

    مریم نواز کی گرفتاری: کون سے فائدے ہوئے؟ ملکی سیاست میں‌طوفان برپا ہوگیا

    اسلام آباد: سینئر صحافی اور تجزیہ نگار طلعت حسین نے کہا ہے کہ مریم نواز کی گرفتاری سے فائدہ یہ ہوا ہے کہ مقبوضہ کشمیر پر بین الاقوامی راۓ عامہ کے مایوس کن رویے سے پیدا ھونے والی شرمناک صورتحال اب کچھ وقت کے لیے عوام کی نظر سے ھٹ جاۓ گی۔

    تفصیلات کے مطابق طلعت حسین نے اپنے ایک ٹویٹر پیغام میں مریم نواز کی گرفتاری کے فوائد بتاتے ہوئے کہا ہے کہ مریم نواز کی گرفتاری کا فائدہ یہ ہوا ہے کہ اب مقبوضہ کشمیر پر ناتواں اور بے نتیجہ پالیسی اور بینالاقوامی راۓ عامہ کے مایوس کن رویے سے پیدا ھونے والی شرمناک صورتحال کچھ وقت کے لیے عوام کی نظر سے ھٹ جاۓ گی۔نہ پارلیمان میں تقریر ھو گی نہ تنقید۔ نہ کوئ سوال ھو گا نہ جواب دینا پڑے گا۔

    واضح رہے کہ مریم نواز کو گزشتہ روز اڈیالہ جیل کے احاطے سے نیب کی ٹیم نے گرفتار کیا گیا تھا.

  • مریم نواز نے اپنا اگلا جلسہ کہاں کرنا تھا؟ ایسی خبر آگئی کہ یقین کرنا مشکل ہوگیا

    مریم نواز نے اپنا اگلا جلسہ کہاں کرنا تھا؟ ایسی خبر آگئی کہ یقین کرنا مشکل ہوگیا

    اسلام آباد: مسلم لیگ ن کی قائد مریم نواز نے اپنا اگلا جلسہ نریندر مودی کیخلاف مظفر آباد میں 15 اگست کو کرنا تھا.

    تفصیلات کے مطابق سابق تاحیات نااہل وزیراعظم نواز شریف کی صاحبزادی مریم نواز نے اپنا اگلا جلسہ 15 اگست کو مظفر آباد میں نریندر مودی کیخلاف کرنا تھا، ساتھ ہی انہوں نے ریلی بھی نکلالنی تھی اور نریندر مودی کو للکارنہ تھا. تاہم اب وہ یہ جلسہ گرفتاری کی وجہ سے نہیں کرسکتیں. یاد رہے کہ مریم نواز کو آج نیب کی ٹیم نے کوٹ لکھپت جیل کے احاطے سے گرفتار کیا جہاں وہ اپنے والد نواز شریف سے ملنے کیلئے آئیں تھیں. نیب ذرائع کا کہنا ہے کہ مریم نواز کو چوہدری شوگر ملز میں منی لانڈرنگ کے الزام میں گرفتار کیا ہے، اس حوالے سے ن لیگی کارکنان کا سخت ردعمل بھی دیکھنے کو مل رہا ہے.

    واضح رہے کہ مریم نواز نے گرفتاری سے قبل اپنا آخری جلسہ پاکپتن میں کیا تھا.

  • ریحام خان نے کپتان کو اچانک اہم پیغام بھجوا دیا، ملکی سیاست میں نیا ہنگامہ کھڑا ہوگیا

    ریحام خان نے کپتان کو اچانک اہم پیغام بھجوا دیا، ملکی سیاست میں نیا ہنگامہ کھڑا ہوگیا

    اسلام آباد: ریحام خان نے عمران خان کی حکومت کو مشورہ دیا ہے کہ مہربانی فرماکر کافی کی ایک بریک لیں اور ہمیں بھی کافی کی بریک لینے دیں.

    تفصیلات کے مطابق وزیراعظم عمران خان کی سابق اہلیہ ریحام خان نے اپنے ایک ٹویٹر پیغام میں کہا ہے کہ میں اس حکومت کی مزید ناکامیوں کو برداشت نہیں کرسکتی، روز ہی کوئی نہ کوئی فضول بریکنگ نیوز آجاتی ہے. ساتھ ہی ریحام خان نے عمران خان کی حکومت کو مشورہ دیا کہ مہربانی فرماکر کافی کی ایک بریک لیں اور ہمیں بھی کافی کی بریک لینے دیں. انہوں نے یہ ٹویٹ مسلم لیگ ن کی قائد مریم نواز کی گرفتاری کے بعد کیا.

    واضح رہے کہ مسلم لیگ ن کی قائد مریم نواز کو نیب نے آج گرفتار کرلیا ہے. مریم نواز کو کوٹ لکھپت جیل کے احاطے سے گرفتار کیا گیا. گرفتاری کیخلاف ن لیگی کارکنان کا سخت ردعمل سامنے آرہا ہے، تاہم اب عمران خان کی سابق اہلیہ ریحام خان نے بھی مریم نواز کے حق میں ٹویٹ کردی ہے.

  • مریم نواز کے استقبال کی وجہ سے لاہور روڈ بلاک

    https://youtu.be/QlbhonmHIX8