اوکاڑہ (نامہ نگار ملک ظفر)دیپالپوراسسٹنٹ کمشنر فیصل شہزاد چیمہ کی زیر صدارت شاہ پور میں نمبرداری جلسہ عام کا انعقاد، جلسہ عام میں ریونیو افسران، نمبرداری کے درخواست گزاروں سمیت اہل دیہہ نے کثیر تعداد میں شرکت کی۔ اجلاس میں نمبرداری نظام کو مزید مؤثر بنانے، سرکاری امور میں بہتری اور عوامی مسائل کے حل کے سلسلہ میں نمبرداران کے انتخاب کے لیے درخواست گزاروں کے کوائف کا جائزہ لیا گیا، اسسٹنٹ کمشنر فیصل شہزاد چیمہ نے کہا کہ نمبرداران حکومت اور عوام کے درمیان اہم کڑی ہیں، لہٰذا وہ اپنی ذمہ داریاں ایمانداری اور فرض شناسی سے ادا کرنا انتہائی اہم ہے۔ انہوں نے کہا کہ نمبرداران کے انتخاب میں میرٹ اور شفافیت کو ملحوظ خاطر رکھا جائے گا جبکہ سرکاری واجبات کے ناد ہندگان کے ساتھ ہرگز کوئی رعایت نہیں برتی جائے گی، اجلاس میں سرکاری واجبات کی عدم ادائیگی پر سخت برہمی کا اظہار کیا گیا اور نادہندگان درخواست گزاروں کے خلاف قانونی کارروائی عمل میں لانے کے احکامات جاری کیے گئے۔ اسسٹنٹ کمشنر نے متعلقہ حکام کو ہدایت کی کہ واجبات کی ادائیگی سے گریز کرنے والے درخواست گزاروں کو فوری طور پر گرفتار کر کے قانون کے مطابق کارروائی کی جائے۔ انہوں نے مزید کہا کہ حکومتی ریونیو کی بروقت وصولی یقینی بنانے کے لیے تمام ممکنہ اقدامات کیے جائیں گے اور اس ضمن میں کسی قسم کی کوتاہی ہرگز برداشت نہیں کی جائے گی۔
Tag: #Merit
-
اوکاڑہ: ایڈیشنل ڈپٹی کمشنر ریونیو کی عدالت میں تیز رفتار فیصلے، متعدد کیسز نمٹا دیے گئے
اوکاڑہ (نامہ نگار ملک ظفر) ایڈیشنل ڈپٹی کمشنر ریونیو محمد شعجین وسطرو نے ریونیو کورٹ میں کیسز کی سماعت کرتے ہوئے میرٹ اور شفافیت کو یقینی بنایا اور متعدد مقدمات کو موقع پر ہی نمٹا دیا۔انہوں نے زیر التواء کیسز کو ترجیحی بنیادوں پر سنا اور ہدایت کی کہ تمام کیسز کی تیاری مکمل اور ریکارڈ درست رکھا جائے تاکہ سائلین کو غیر ضروری تاخیر کا سامنا نہ کرنا پڑے۔ایڈیشنل ڈپٹی کمشنر ریونیو محمد شعجین وسطرو نے کہا کہ ریونیو معاملات میں عوام کو بروقت اور بلا امتیاز انصاف کی فراہمی اولین ترجیح ہے۔ انہوں نے واضح کیا کہ ریونیو سسٹم میں شفافیت اور میرٹ کو ہر صورت برقرار رکھا جائے گا اور کسی بھی قسم کا دباؤ برداشت نہیں کیا جائے گا۔