میرپورخاص میں شہید چیئرمین عظیم احمد طارق کی 33ویں برسی منائی گئی۔
ایم کیو ایم پاکستان میرپورخاص ڈسٹرکٹ کے تحت قرآن خوانی و فاتحہ خوانی کا انعقاد۔خصوصی دعائیں مانگی گئیں۔
سابق رکن رابطہ کمیٹی ڈاکٹر ظفر کمالی،انچارج سندھ تنظیمی کمیٹی سلیم رزاق، رکن ایس ٹی سی شفیق احمد، ڈسٹرکٹ انچارج خالد تبسم،
ڈسٹرکٹ جوائنٹ انچارجزآفاق احمد خان، سلیم میمن و اراکین ڈسٹرکٹ کمیٹی،
یوسیز و شعبہ جات کے ذمہ داران و کارکنان نے کثیر تعداد میں شرکت کی۔
میرپورخاص۔باغی ٹی وی نامہ نگار سید شاہزیب شاہ
شہید چیئرمین عظیم احمد طارق کی 33ویں برسی کے موقع ایم کیو ایم پاکستان میرپورخاص ڈسٹرکٹ کے تحت ڈسٹرکٹ آفس میں قرآن خوانی و فاتحہ خوانی کا انعقاد ہوا جس میں سابق رکن رابطہ کمیٹی ڈاکٹر ظفر کمالی، انچارج سندھ تنظیمی کمیٹی سلیم رزاق، رکن ایس ٹی سی شفیق احمد، ڈسٹرکٹ انچارج خالد تبسم، ڈسٹرکٹ جوائنٹ انچارجز آفاق احمد خان، سلیم میمن و اراکین ڈسٹرکٹ کمیٹی، تمام یوسیز کے ذمہ داران و کارکنان، ایلڈرزونگ، شعبہ خواتین سمیت دیگر تمام شعبہ جات کے ذمہ داران و کارکنان نے کثیر تعداد میں شرکت کی۔بعدازاں شہید عظیم احمد طارق سمیت تحریک کے تمام شہداء کے بلند درجات،لواحقین کے لئے صبر جمیل،حق پرستانہ جدوجہد کی کامیابی و کامرانی،تحریک کے خلاف سازشوں کے خاتمے اور پاکستان کی ترقی و خوشحالی کے لئے خصوصی دعائیں مانگی گئیں۔ قبل اذیں خالد تبسم، آفاق احمد خان اور سلیم میمن نے کارکنان سے گفتگو کے دوران شہید عظیم احمد طارق کو خراج عقیدت پیش کرتے ہوئے کہا کہ غریب و مظلوم عوام کی خدمت شہید عظیم احمد طارق کی سیاست کا محور تھا اور انہوں نے جان کی بازی لگا کر نظریہ حق پرستی کی حفاظت کی جو ہمارے لئے مشعل راہ ہے۔ کٹھن حالات میں قید و بند کی صعوبتیں جھیل کر بھی وہ ثابت قدم رہے اور حق و صداقت کا پرچم بلند رکھا، شہید عظیم احمد طارق کا نام تاریخ سیاست میں ہمیشہ زندہ رہے گا۔
Tag: MQM Pakistan
-
میرپورخاص میں شہید عظیم احمد طارق کی 33ویں برسی، قرآن خوانی و دعاؤں کا اہتمام
-
مردم شماری میں بے ضابطگیاں؛ حافظ نعیم الرحمان نے وزیراعظم کو خط لکھ دیا
کراچی میں مردم شماری میں بے ضابطگیوں پر امیر جماعت اسلامی حافظ نعیم الرحمان نے وزیراعظم کو خط لکھ دیا جس میں انہوں نے کراچی کی گنتی کو پوری اور حلقہ بندیاں صحیح اعداد و شمار کے مطابق کرنے کا مطالبہ کردیا ہے، جبکہ مردم شماری میں بے ضابطگیوں پر امیر جماعت اسلامی نے وزیراعظم کو خط لکھا کہ کراچی کی آبادی کو 2017 کی مردم شماری میں آدھا کردیا گیا تھا، حالیہ مردم شماری میں کراچی میں 63 فیصد اضافہ ظاہر کیا گیا جبکہ لاہور اور اسلام آباد میں 113 اور 90 فیصد آبادی میں اضافہ دکھایا گیا ہے۔
علاوہ ازیں خط میں حافظ نعیم الرحمان نے کہا کہ مردم شماری کے عمل میں حکومت سندھ کا کردار منفی رہا ہے، اور پیپلزپارٹی نہیں چاہتی کہ کراچی کی آبادی میں درست اضافہ ہو سکے، وزیراعظم کو لکھے گئے خط میں یہ بھی مطالبہ کیا گیا ہے کہ کراچی کی گنتی پوری کی جائے، حلقہ بندیاں صحیح اعداد و شمار کے مطابق کی جائیں۔
مزید یہ بھی پڑھیں؛
حکومت کی مدت کے آخری دن، قومی اسمبلی میں مزید قوانین منظور
اعجاز چوہدری کو جیل میں بی کلاس کی فراہمی کی درخواست پر سماعت ملتوی
میڈیا ملازمین کی کم سے کم تنخواہ حکومت کی مقررکردہ ہوگی،مریم اورنگزیب
عمر فاروق ظہور نامی شخص سے کبھی ملا اور نہ ہی فون پر بات کی،شہزاد اکبر
خیال رہے کہ گزشتہ مئی میں ادارہ شماریات کے مطابق 22 مئی کے بعد تصدیق کا عمل شروع ہوگا جو 31 مئی تک جاری رہے گا جبکہ ملک بھر میں جاری ساتویں ڈیجیٹل خانہ و مردم شماری میں 4 روز کے وقفے کے بعد ایک بار پھر توسیع کردی گئی تھی. مردم شماری کا عمل صوبہ بلوچستان کے علاوہ ملک کے مختلف 66 اضلاع میں 22 مئی تک جاری رہنے کا کہا گیا تھا، جبکہ اب تک کے اعداد و شمار کے مطابق سندھ کی آبادی 5 کروڑ 75 لاکھ جبکہ کراچی ڈویژن کی ایک کروڑ 90 لاکھ سے تجاوز کرچکی ہے۔ -
ٹیکنوکریٹ ہو یا سیاستدانوں پر مشتمل سیٹ اپ، الیکشن وقت پر ہونے چاہئیں. وفاقی وزیر
وفاقی وزیر انفارمیشن ٹیکنالوجی و ٹیلی کمیونیکیشن امین الحق نے کہا ہے کہ ایم کیوایم 2023 کی مردم شماری کے تحت حلقہ بندیوں پر الیکشن چاہتی ہے، ایم کیوایم عام انتخابات کا بائیکاٹ نہیں کرے گی نجی ٹی وی سے گفتگو کرتے ہوئے وفاقی وزیر امین الحق نے کہا کہ 2023 میں ڈیجیٹل مردم شماری ہوگی، الیکشن کمیشن کو 3 ماہ میں حلقہ بندیاں کرنی چاہئیں، پاکستان میں بیشتر مردم شماری وقت پر نہیں ہوئیں۔ امین الحق نے کہا کہ پنجاب اور خیبرپختونخوا میں 90 دن میں الیکشن نہیں ہوئے، تمام سیاسی جماعتوں کو مل کرکوئی راستہ نکالنا ہوگا، ایم کیوایم بروقت انتخابات چاہتی ہے، انتخابات 2023 کی مردم شماری اور نئی حلقہ بندیوں پر ہونے چاہئیں، حلقہ بندیاں نگراں حکومت نہیں، الیکشن کمیشن کرتا ہے۔
وفاقی وزیر کا مزید کہنا تھا کہ حکومت فوری مردم شماری کا نوٹیفکیشن جاری کرے، مردم شماری کے نتائج کے اعلان پر حلقہ بندیوں کا فیصلہ ہوگا، مردم شماری میں بظاہر آبادی میں بڑا فرق ہوتا نظر نہیں آرہا۔ انہوں نے کہا کہ ایم کیوایم اپنے سپوٹرز کی سوچ کے ساتھ چلتی ہے، عام انتخابات کے بائیکاٹ کا سوچ بھی نہیں سکتے، انتخابات کی تیاری کی طرف جارہے ہیں، 2023 کی مردم شماری کے تحت حلقہ بندیاں ہونی چاہئیں۔
مزید یہ بھی پڑھیں؛
پشاور ، حیات آباد میں دھماکا، 8 افراد زخمی
لون ایپ سے متاثرہ شہری کی خودکشی کیس،ملزمان کا ریمانڈ منظور
ہمارے ہاں 80% لوگ بے مقصد زندگی گزارتے ہیں زیبا بختیار
اسلام آباد؛ 8 سالہ بچی سے مبینہ زیادتی، مقدمہ درج
امین الحق کا کہنا تھا کہ نگراں حکومت ٹیکنوکریٹس پر مشتمل ہونی چاہیئے، ایم کیو ایم الیکشن سے بھاگنے والی جماعت نہیں، ٹیکنوکریٹ ہو یا سیاستدانوں پر مشتمل سیٹ اپ، الیکشن وقت پر ہونے چاہئیں۔ وفاقی وزیر نے بتایا کہ خالد مقبول صدیقی کی کل وزیراعظم سے ملاقات ہوگی، امید ہے مشاورت سے تمام معاملات طے پاجائیں گے، امید ہے وزیراعظم ہماری بات سنیں گے، قومی سلامتی پرکوئی سمجھوتا نہیں ہوسکتا، تمام سیاسی جماعتوں کو الیکشن لڑنے کا موقع ملنا چاہیئے۔