پاکستانی اداکار و ماڈل عامر شاہ "رن وے ماڈل یونیورس 2023″منتخب ہوگئے ہیں۔یہ مقابلہ ترکی کے شہر استنبول میں منعقد ہوا جس کے 24 ممالک کے ماڈلز نے حصہ لیا جہاں عامر شاہ کو اس اعزاز کا حقدار ٹھہرایا گیا۔اس بارے میں عامر شاہ کا کہنا ہے کہ میرے لئے یہ بہت بڑے اعزاز کی بات ہے کہ مجھے بہت بڑے انٹرنیشنل فورم پر پاکستان کی نمائندگی کا موقع ملا جو میرے لئے ہمیشہ ناقابل فراموش رہے گا۔
انہوں نے مزید کہا کہ ”میں فیشن / ماڈلنگ کی دنیا میں اپنا ایک نام اور مقام بنانا چاہتا ہوں ”. انہوں نے کہا کہ رن وے ماڈل یونیورس 2023 کا مقابلہ جیتنا میرے کیرئیر کی ایک شاندار شروعات ہے .انہوں نے کہا کہ پاکستان میں ایک سے بڑھ کر ایک فیشن ماڈلز ہیں ، جن کو نہ صرف میں سراہتا ہوں بلکہ ان کو فالو بھی کرتا ہوں میری کوشش ہے کہ میں بھی اپنے کام کو اتنا بہتر بنائوں کہ مجھے بھی فالو کرنے والے ہوں.