اداکار سرمد سلطان کھوسٹ نے ملک کے نامور افسانہ نگار،ادیب،میزبان اور سیاح مستنصر حسین تارڑ سے ملاقات کی ہے۔اس موقع پر مستنصر حسین تارڑ نے بتایا کہ وہ "زندگی تماشا”دیکھنے کی ٹکٹ کے ایک ہزار سرمد کو دینا چاہتے ہیں لیکن اتفاق سے پرس گھر میں رہ گیا۔مستنصر حسین تارڑ نے سرمد کھوسٹ کو اپنی جیب سے دو سو روپے نکال کر دیئے جس کے ساتھ ساتھ انہوں نے سرمد کھوسٹ کے نام لکھا ہوا خط بھی دیا۔ اس بارے سرمد کھوسٹ کا کہنا ہے کہ یہ میری زندگی کے یادگار لمحات ہیں جو ہمیشہ ناقابل فراموش رہیں گے۔
سرمد کھوسٹ نے ایک سوشل میڈیا پوسٹ کے زریعے لکھا کہ ”آج میں نے بہت کمائی کی”. میں خوش نصیب ہوں کہ اتنی بڑی شخصیت کے ساتھ پل گزارنے کا موقع میسر آیا ہے. سرمد کھوسٹ نے مستنصر حسین تارڑ کے ساتھ اپنی چند تصاویر بھی اپلوڈ کیں جنہیں دیکھ کر ان دونوں کے مداحوں نے خوشی کا اظہار کیا اور ان کو دونوں کے لئے نیک تمنائوں کا اظہار کیا. یاد رہے کہ سرمد کھوسٹ آج کل اپنے یوٹیوب چینل پر ہر ہفتے نادیہ افگن کے ساتھ ایک پروگرام کررہے ہیں جس میں قابل فکر باتیں کرتے اور انگلش سے اردو پنجابی فقروں پر بھی بحث کرتے ہیں، یہ پروگرام کافی پسند کیا جا رہا ہے.