معروف اداکارہ و ماڈل نادیہ حسین نے اپنے حالیہ انٹرویو میں کہا ہے کہ میں ہر انسان کی عزت کرتی ہوں اور سمجھتی ہوں کہ کسی کو کسی کی بے عزتی کرنے کا حق نہیں ہے۔ انہوں نے کہا کہ لیکن مجھے بہت افسوس ہوتا ہے کچھ لوگوں کو دیکھ کرکہ وہ کیسے دوسروں کو منہ اٹھا کر کچھ بھی کہہ دیتے ہیں۔ اور سوشل میڈیا پر یہ سب کچھ زیادہ ہو رہا ہے۔ انہوں نے کہا میں اپنی سیلف ریسپیکٹ پر کمپرمائز نہیں کرتی اگر کوئی مجھے کچھ کہتا ہے تو پھرمیں اس کو نہیں بخشتی۔ ایک سوال کے جواب میں نادیہ حسین نے کہا کہ ہر ماں کو اپنے بچے بہت عزیز ہوتے ہیں اور ان کی خاطر جیتی ہے۔ میں بھی اپنے بچوں سے بہت محبت کرتی ہوں اور میں ان کی بہترین پرورش کررہی ہوں۔
لیکن” اگر کوئی میرے بچوں کو کچھ کہے ان کو برا بھلا کہے تو میں بالکل معافی نہیں دیتی” ، میں نے تو اپنے بچوں سے کہا کہ اگر کوئی کچھ کہے تو ان کو جواب دو بالکل چپ نہ بیٹھو چپ رہو گے تو مزید یہ لوگ حملہ آور ہوں گے اور آپ کو ڈرائیں گے اور آپ نے ڈرنا نہیں ہے بلکہ ڈٹ کے ان کا منہ توڑنا ہے۔
